Kabataan ng Tabing Ilog

Kabataan ng Tabing Ilog Tabing Ilog Marilao, Bulacan

Hindi lang simpleng regalo ang aming ipinagkakaloob, kundi isang simbolo ng suporta at pagkakaisa.Bilang miyembro ng Kab...
12/05/2026

Hindi lang simpleng regalo ang aming ipinagkakaloob, kundi isang simbolo ng suporta at pagkakaisa.

Bilang miyembro ng Kabataan ng Tabing Ilog for Good Governance at kinatawan sa nalalapit na inter-barangay, nais naming ipabatid na kasama mo kami sa bawat laban at hamon na iyong haharapin.

Maaaring maliit na bagay lamang ito, ngunit kalakip nito ang aming tiwala sa iyong kakayahan, dedikasyon, at pagmamalaki bilang kabataan ng ating barangay.

Patuloy lang sa laban at ibigay ang pinakamahusay para sa ating komunidad!

insert: Andrew Lacuna, Berna Marie Toñacao, Raynan Jao, Aicel Solomon

Isang taos-pusong pagbati at pasasalamat kay PHOEMELA PASION LINTAG sa napakagandang tagumpay na inyong nakamit! 🏆🔥 Hind...
13/04/2026

Isang taos-pusong pagbati at pasasalamat kay PHOEMELA PASION LINTAG sa napakagandang tagumpay na inyong nakamit! 🏆🔥 Hindi matatawaran ang inyong dedikasyon, sipag, at husay na nagdala sa inyong koponan tungo sa pagiging CHAMPION sa Basketball Girls (highschool) ng CLRAA.

Sa likod ng bawat panalo ay ang walang sawang paghahanda, sakripisyo, at paniniwala at isa kayo sa naging inspirasyon kung bakit naabot ng team ang rurok ng tagumpay. Ipinakita ninyo na ang tunay na lakas ay hindi lang nasusukat sa galing sa laro, kundi pati na rin sa tibay ng loob at pagkakaisa bilang isang koponan.

Lubos din ang aming pasasalamat kay JEM PASION, bilang assistant coach, sa inyong mahalagang kontribusyon at suporta. Ang inyong gabay at pagtutulungan ay naging pundasyon ng tagumpay na ito. Malaki ang naging bahagi ninyo sa paghubog ng disiplina, determinasyon, at fighting spirit ng bawat manlalaro.

Mas lalo pa naming ipinagmamalaki na kayo ay nasa Road to Palarong Pambansa! 🇵🇭🔥 Isa na namang malaking hakbang patungo sa mas mataas na antas ng kompetisyon. Dalhin ninyo ang parehong puso, tapang, at dedikasyon dahil buong-buo ang aming suporta sa inyo!

Muli, congratulations sa inyong lahat! Patuloy kayong magsilbing inspirasyon sa kabataan at sa susunod pang henerasyon ng mga atleta. proud ang buong barangay Tabing Ilog sa iyo!💙🏀✨



Isang taos-pusong pagbati sa BULACAN VOLLEYBALL TEAM (elementary) at kay DANNA NICOLE SEVILLA sa iyong natatanging tagum...
13/04/2026

Isang taos-pusong pagbati sa BULACAN VOLLEYBALL TEAM (elementary) at kay DANNA NICOLE SEVILLA sa iyong natatanging tagumpay bilang Champion sa CLRAA! 🏆🇵🇭

Bukod dito, ikaw rin ay kinilalang BEST PLAYER OF THE GAME sa VOLLEYBALL GIRLS! isang patunay ng iyong kahusayan, disiplina, at dedikasyon sa larangan ng isports.

Ang iyong pagsisikap, tiyaga, at sakripisyo ay tunay na nagbunga at nagsilbing inspirasyon hindi lamang sa iyong mga kapwa atleta kundi pati na rin sa buong komunidad. Sa pamamagitan ng iyong tagumpay, dala mo ang karangalan ng inyong paaralan at ng lahat ng sumusuporta sa iyo.

Habang ikaw ay patuloy na humahakbang patungo sa mas malaking laban sa Palarong Pambansa, nawa’y dalhin mo ang parehong determinasyon, lakas ng loob, at puso ng isang tunay na kampeon.

Muli, taos-pusong pagbati sa iyo, DANNA NICOLE SEVILLA at sa buong VOLLEYBALL TEAM. Ipinagmamalaki ka ng buong BULACAN at barangay TABING ILOG!!🌟🏐




12/04/2026

📢 PAALALA SA ATING MGA KABARANGAY

Magandang araw po sa lahat.
Nais po naming ipabatid sa ating mga kabarangay na may nararanasan tayong masamang kalidad ng hangin sa ating barangay pati na din sa ating mga karatig barangay. Ayon sa mga ulat, ito ay dulot ng usok mula sa patuloy na nasusunog na LAND FILL or TAMBAKAN NG BASURA sa navotas.

Ang usok na ito ay maaaring magdulot ng masamang epekto sa ating kalusugan, lalo na sa mga bata, matatanda, at mga may sakit na respiratory conditions, tulad ng hika, pulmonya at iba pa.

Paalala para sa kaligtasan ng lahat:
•Ugaliing magsuot ng face mask kung lalabas ng bahay
• Isara ang mga bintana at pinto kung malakas ang amoy ng usok
• Iwasan muna ang matagal na pananatili sa labas
• Uminom ng sapat na tubig at mag-ingat sa kalusugan

Patuloy po tayong maging mapagmatyag at alagaan ang ating sarili at pamilya. Ang simpleng pag-iingat ay malaking tulong upang maiwasan ang mas seryosong epekto sa kalusugan.

Maraming salamat po at manatiling ligtas ang bawat isa.

Sa bawat proyekto, sa bawat serbisyong naipapatupad, at sa bawat pagbabago sa ating komunidad, ang pinagmumulan ay kayo ...
07/04/2026

Sa bawat proyekto, sa bawat serbisyong naipapatupad, at sa bawat pagbabago sa ating komunidad, ang pinagmumulan ay kayo ang ating mga tax payers.

Hindi biro ang inyong kontribusyon. Ang bawat piso na inilalaan niyo para sa bayan ay nagiging daan para sa mas maayos na kalsada, mas kumpletong paaralan, at serbisyong ramdam ng bawat pamilya. Sa inyong sipag, disiplina, at malasakit, nagiging posible ang bawat proyekto at bawat hakbang tungo sa mas maunlad na komunidad.

Gayundin, taos-puso ang aming pasasalamat sa bawat indibidwal at grupo na nagpapatupad ng mga proyektong ito. Ang kanilang dedikasyon, tiyaga, at malasakit sa tungkulin ay siyang nagpapatibay sa bawat plano at nagdadala ng konkretong pagbabago sa ating komunidad. Sa kanilang walang sawang serbisyo, nagiging realidad ang mga pangarap na serbisyong tunay na nakikinabang ang bawat pamilya.

Ang inyong pagtitiwala at partisipasyon ay nagbibigay ng lakas at pag-asa sa ating pamahalaan. Kayo ang puso ng bawat pagbabago at ang tunay na tagapagdala ng pag-unlad sa ating bayan.

Sa inyo nagmumula ang pagkakataon na mas maayos at mas maliwanag ang kinabukasan ng ating komunidad.

Mula sa simpleng pagbabayad ng buwis hanggang sa pakikibahagi sa komunidad at sa dedikadong pagpapatupad ng mga proyekto, malaking bagay ang inyong ambag.
Maraming salamat sa inyo, mga tax payers at sa lahat ng tagapagpatupad ng pagbabago!




05/04/2026

"Kabataan ng Tabing Ilog para sa Mabuting Pamamahala"

Hindi lang tayo ang kinabukasan ng bayan tayo rin ang boses ng kasalukuyan. Bilang kabataan ng Tabing Ilog, may mahalaga tayong papel sa pagtataguyod ng mabuting pamamahala, at lahat ng kabataan ay may kanya kanyang karapatan upang ipaglaban ang tama.

Ang mabuting pamamahala ay hindi lang tungkol sa lider ito ay tungkol sa transparency, accountability, at pakikilahok ng bawat isa. Karapatan nating malaman kung saan napupunta ang pondo, ano ang mga proyekto, at paano ito makakatulong sa ating komunidad.

Isa din na mahalaga sa mabuting pamamahala ay ang bukas na komunikasyon mula sa pamahalaan at mamamayan, nang sa gayon ay marining ang boses ng kabataan, nakakatanda, at buong sambayanan. Sa ganitong paraan, mag kakaroon tayo ng tiwala, pagkakaisa, at higit sa lahat ay ang tunay na pag unlad para sa lahat.

Bilang kabataan, ano ang magagawa natin?
✔️ Makialam at makilahok sa mga programa ng barangay
✔️ Magpahayag ng opinyon nang may respeto at paninindigan
✔️ Suportahan ang mga lider na may malasakit at integridad
✔️ Maging responsable at huwarang mamamayan
✔️Tignang mabuti at araling mabuti ang pag boto

Isang grupo ng kabataan na naniniwala sa maayos na sistema, tamang proseso, at pagkakaisa.

Hindi perpekto — pero handang matuto, makinig, at kumilos para sa mas ikabubuti ng lahat.

Para sa komunidad. Para sa kinabukasan.

Hindi sapat ang pagiging tahimik ang tunay na pagbabago nagsisimula sa atin. Kung gusto natin ng maayos na pamahalaan, magsimula tayo sa pagiging aktibo, mapanuri, at makabayan.

📣 Kabataan ng Tabing Ilog, tumindig at makiisa!

Para sa mas maayos, mas tapat, at mas makatarungang pamamahala.

Address

Tabing Ilog
Marilao

Website

Alerts

Be the first to know and let us send you an email when Kabataan ng Tabing Ilog posts news and promotions. Your email address will not be used for any other purpose, and you can unsubscribe at any time.

Shortcuts

Share

Category