Bi-atan ko Islam

06/05/2025

https://youtu.be/wU4jwlC2sEY

UMMAH & UBJP ASSEMBLY on May 05, 2025 @ WATO BALINDONG, LDS

29/10/2024

Bayok o mga arab:

ألا ليت الشباب يعود يوما فأخبره بما فعل المشيب.

Obabo so kangoda na ana gawii a makambalingan. Ka mapanothol aknon so pinggolawla o kaloks.

Aya tig o mranao, na dingka psingayo-a i mimbalingan so mona a pamomolo so daug a kababagombar iyan, ka margn mimbalingan.
Aya panamaringka naso mga galbk ka ko masa a kangodangka a khapakay a matanto, ka aya marani a khitoman.

27/08/2024

SO KATALIKODI KO TADNTADM KO ALLAH

So Mama odi na Bae a
- di pzambayang,
- di mbatiya sa Qur'an,
- di phamangniko Allah,
- so dila iyan na malilipat ko tad’ntadm ko Allah,
- maal’d ko kapakatolik,
na amay ka miyakagdam sa awida akal ago masimpit a b’tad, na aya ptharoon iyan na masosogat ako a katao, na kailangan akn so Shiekh a makapotar rakn!

Hay! Dingka kailangan so potar! Aya kailangan ka na so KATHAWBAT! Kna oba langowa awida akal na ba aya sabap iyan na katao odi na songkor. So kapaka tataam ka sa masimpit a b’tad
na aya sabap iyan na so ka-a awat ka ko ALLAH!

Pitharo o Allah a:

( ومن أعرض عن ذكرى فإن له معيشة ضنكا...) سورة طه

Maana: Sadn sa tomalikod ko tad’ntadm rakn na mataan a adn a bagian iyan a kaoyagoyag
a masimpit.

اللهم أعنا على ذكرك وشكرك وحسن عبادتك يارب العالمين.
منقول!
✍️الأستاذ/ أبوفاضل (عباس داتؤ)

26/08/2024

SO RAWATN/ MODEL O MAPIYA A MOSLEM
✍️ Abu Mubarak Bayabao

Aya prawatno moslim ko kipzogoon ko mapiya go kipzaparn ko marata naso Rasulollah s.a.w, aya okit iyan go parangay niyan naso Qur'an.

(( ادع الي سبيل ربك بالحكمة والموعظة الحسنة وجادلهم بالتي هي أحسن)) سورة النحل ١٢٥

Panolonun ka hay Rasul goso phakatondog rka so agama o kadnan ka sa nggolalan sa mapiya a ilmo go mapiya a okit a ndodon so kananao go kaongo.

(( ادفع بالتي هي أحسن فاءذا الذي بينك وبينه عداوة كأنه ولي حميم)) سورة فصلت ٣٤

Alawnuka hay Rasul ko marata so pinaka mapiya (kamaaf go katigur go kapiya a mokmok) ka khabaloy so tao a matatago ko ndolonan iyo so rathum a masipuga ginawae.

(( وعباد الرحمن الذين يمشون علي الأرض هونا واذا خاطبهم الجاهلون قالوا سلاما)) سورة الفرقان ٦٣

So mga oripno masalinggagao, siranoto na phulalakaw cran ko lopa sa kapangalimbabaan knaoba kandbora, igira miyakimbitiyarae kiran so mga mondo i olawla na aya ipuzumbag iran naso mapiya a katharo a daa bawn dosa.

(( ان الرفق لا يكون في شيىء إلا زانه ولا ينزع من شيىء إلا شانه)) رواه مسلم

Mataana so kananao/ kawngo na daa katago-anon a shai inonta na katago-anyan sa arga ko kataed, goda a shai a mada-on so kananao/kawngo inonta na kapaawingan iyan.

*So Quraan goso mga hadith a sahih i manhaj okit o moslim ko giinyan kanggalubuk.

INUNGKA GO KAPAMAKATADEM KO GINAWA.

21/08/2024

SO KAPHIYAPIYAE KO M'BALA A LOKS
By Alim Abdul Jalil Muharam

17/08/2024

SO LAMBA A KABNAR O MBALAA LOKS KO MGA WATA IRAN KO ORIYANO KIYAPATAY RANA DOWA KATAO.

Batiyaangkaini hay watakolay nagongka pamimikirana na nggolalan nuka, anuka maparoli so balas o Allah a mapiya goso kasoso-at iyan.

Miyakathitayan ki abi Osaid Malic ibno Rabi-a As-Saedie pitharo iyan: Miyakaisa alongan na moobay kami ko Rasulollah s.a.w na adna miyakawmaon a mama a pdko bani Salima na pitharo iyan: Hay Rasulollah! Ino baadna malalamba rakn a kabnar rakno mbalaa loks akn a pd sa kaphiyapiyae akn kiran ko oriyano kiyapatay rana dowa?

Rasulollah s.a.w: Oway,
(1) so kiphamangni nuka kirana dowa sii ko Allah, goso kasambayangingka kiran ko kapatay ran,
(2) goso kaphamangningka ko Allah sa rilaan iyan siran,
(3) goso kinggolalanun ka obaadna inithanan iran a dowa, (di makasosopak ko kabaya o Allah),
(4) goso kikakupn ko mga lolot ko father side go mother side,
(5) goso kaphiyapiyae kasakawa ko mga ginawae rana dowa. (Sunano Abi Daud)

✍️ Abu Mubarak Bayabao

14/08/2024

MGA KATHARO O RASULULLAH (ﷺ) KO KAPLOKLOKS:

عن أبي هريرة رضي الله عنه عن النبيﷺ قال: ” رغم أنف، رغم أنف، ثم رغم أنف، من أدرك أبويه عند الكبر، أحدهما أو كليهما، فلم يدخل الجنة “ رواه مسلم

Miyapanothol o abo Hurairah (miyasoaton so Allah) a miyakapoon ko Nabi a pitharo iyan a: “Miyalogi, miyalogi, orianiyan na miyalogi-logi, so taw a riaot iyan so mbala a loks iyan odi naso isa kiran ko kiyaloks iran, na da siran kasabapi sa kiyapakasorga iyan.” Piyanothol o Muslim.

Ini-iza o ibn Mas’oud sii ko Rasulullah (ﷺ): “Antonaa galbk i pkhababayaan o Allah? Pitharo iyan a: So sambayang sii ko wakto niyan. Pitharo akn a: Orianiyan, na antonaa pman? Pitharo iyan a: So kaphiyapiyai ko mbala a loks. Pitharo akn a: Orianiyan, na antonaa pman? Pitharo iyan a: So kanjihad sa lalan ko Allah”. Bukhari ago Muslim.

Miyakatalingoma a sakataw a mama sii ko Rasulullah (ﷺ) na pitharo iyanon a: “Pmobayaan akn ska (maana: Imbgay akn a kapasadan sii rka) so katogalin agoso kanjihad, ka araparap akn ko balas o Allah. Pitharo iyan a: Ba oyagoyag so isa ko mbala-a loks ka? Pitharo iyan a: Oway, siran dn a dowa. Pitharo o Nabi a: Kabaya-aka so balas o Allah? Pitharo iyan a: Oway, pitharo o Nabi a: Mbalingangka ko mbala a loks ka, na phiyapiya-ingka siran a dowa”. Bukhari ago Muslim.

Miyapanothol o Malik ibno Rabi’ah a pitharo iyan a: Gowani a mo-ontod kami sii ko Rasulullah (ﷺ) na miyakaoma a sakataw a mama, a pd ko Bani Salamah, na pitharo iyan a: “Hay sogo o Allah, ba adna lamba a parangay a mapiya a penggolawlaan akn ko mbala a loks akn ko oriyan o kawapat iran? Pitharo iyan a: Oway, so kipamangnin kiran ko Allah sa dowa-a ago rilaan siran o Allah (ISTIGFAR), na goso kitomanen ko amanat iran ko oriyan o kawapat iran, na goso kingginawain ko tonganay a diiran dii ingginawai, na goso kapsakawa ko layok iran”. Imam Ahmad, Abo Daud, Ibno Madjah, agoso al-Hakim.

✍️ Abo Yusof Sarangani

12/08/2024

12/08/2024

PD SA NDA-OWAN O QUR’AN:

Pd sa katharo o Allah sii ko kapiyapiya-i ko mbala a loks.

( وقضى ربك ألا تعبدوا إلا إياه وبالوالدين إحساناً، إما يبلغنّ عندك الكبر أحدهما أو كلاهما فلا تقل لهما أفّ ولا تنهرهما وقل لهما قولا كريماً. واخفض لهما جناح الذلّ من الرحمة وقل ربِّ ارحمهما كما ربياني صغيرا ) الإسراء: 23

“Inisogo o Kadnanka, a oba ana simbaan iyo a makaliyo ron, go inisogo iyan so kaphiyapiyai ko mbala a loks, go amayka maloks so isa kiran odi na siran a dowa, na obangka kiran tharoa so ‘ouf ’, nago obangka siran prarasnga, go aya tharoangka kiran naso katharo a malinanek. Go pangalimbabaanka kiran a dowa sa gagaw na ranon, go tharoangka: Kadnangko na kalimoonka siran a dowa, sa datar o kiyambiata iran rakn ko kaito akn”. Surah al-Isra: 23

Pd a miya-aloy o ibno Kathir a pkasabot sangkai a Ayat na:

1. Initondog o Allah ko kinisogoon iyan ko kasimba-aon so kaphiyapiyai ko mbala a loks.

2. Inisapar o Allah obangka siran pakaporoi sa katharo, pamasonga, apiya so kagiraongka a “OUF” a bontal a daka masoat.

3. So kinisaparn ko marata a katharo a di iran ikhasoat, na lagid dn oto so galbk a khasakitan siranon, kharataon a ginawa iran.

4. Aya kimbitiyarain ko mbala a loks, naso pithamanan a kabara-adatn ago kabilangataw, ago kasesela-a kiran.

5. So dikiran dii kindolona-an, na sii ko pithamanan a kapangalimbaba-an ago gagaw, go ranon sii kiran.

6. Ipepamangningka siran a dowa sii ko Allah, ko masa a oyagoyag siran ago sii ko kawapat iran.

7. Pd sa kaphiyapiyai ko mbala a loks, so kaphagonoti ko panduan iran, goso kaprispiktowi ko mga pamikiran iran, asar a knaoba ma-asiya sii ko Allah, na goso kapananggilai ko ipsapar iran agoso di iran kabaya.

8. Pd sa kaphiyapiyai ko mbala a loks, so kanggastowi kiran agoso kasirbisiyowi kiran ko masa a kiyaloks iran a kailangan iran, agoso dikiran dii kazabari.

9. So Islam na inisogo iyan so kapharangayi sa mapiya ko mbala a loks, apiya pn knaoba mga Muslim, asar ka di aya isogo iran naso di kabaya o Allah. Amaypman, ka ba khasopak so kabaya o Allah na di khapakay a onotan so kabaya o dowa loks.

✍️ Abo Yusof Sarangani

08/08/2024

SO MALAA KASNDIT

قال أحد الصالحين:
Pitharoo isa ko mga Saliheen a:

من أعظم الحسرات يوم القيامة
أنْ ترى طاعتك فى ميزان غيرك.

Maana: Pud ko miyamakala a mga kasndit sa alongan a Qiyama (sa alongan a maori) na so kailayangka ko balas o kiyapangongonotan ka a sii matatago ko balas o timbangan o salakaw rka.

اللهم احفظ ألسنتنا من الغيبة والنميمة.

Ya Allah. Siyapangka so mga dila ami ko kapamaganta go siyapangka ko kazoroyan.

✍️ Abu Fadhil Abbas Datu