𝙰𝙷𝙻𝚄𝚂𝚂𝚄𝙽𝙽𝙰𝙷 𝚆𝙰𝙻-𝙹𝙰𝙼𝙰̄𝙰̀𝙷 𝐀𝐒𝐒𝐀𝐋𝐀̄𝐅𝐈𝐘𝐘𝐀𝐇

07/04/2026

𝙰𝙽𝚃𝙰𝙰 𝙸 𝚃𝙸𝚃𝙷𝙾 𝙰 𝚂𝙰𝙻𝙰𝙵𝙸? 𝙽𝙰𝙶𝙾 𝙰𝙽𝚃𝙾𝙽𝙰𝙰 𝙸𝙼𝙱𝙸𝙳𝙰𝙰𝙽 𝙸𝚈𝙰𝙽 𝙰𝙶𝙾 𝚂𝙾 𝙼𝙰𝚃𝙰𝙶 𝙸𝚈𝙰𝙽 𝙶𝙸𝙸 𝚃𝙷𝙰𝚁𝙾𝙾𝙽 𝙰 𝚂𝙰𝙻𝙰𝙵𝙸 (𝙳𝙰 𝙰 𝙺𝙰𝚃𝙰𝙽𝚃𝙾𝚆𝙰𝙽 𝙸𝚈𝙰𝙽).

So Salafiyyāh na knaba ngaran a giyabo a giiron katharoa.

Aya mataan na skaniyan so kathomangkdi ko Kitab go Sunnah sii ko saboton o mga Salafos-Sālih, sii ko Panarima, Simba, Manhaj go Dadabiatan/Okitokit.

Pitharo o Allah a lubi a maporo:

﴿وَالسَّابِقُونَ الأَوَّلُونَ مِنَ المُهَاجِرِينَ وَالأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللَّهُ عَنْهُمْ وَرَضُوا عَنْهُ﴾ [التوبة: 100]

Na so paganay a miyangaoona ko mga Mohajirin ago mga Ansar go so siran a miyamakatondog kiran ko kaphiyapiya, - na miyasoat kiran so Allah, go miyasoat siran on(mambu): [Surah At-Tawbah:100]

Nago pitharo pn o Allah:

﴿فَإِنْ آمَنُوا بِمِثْلِ مَا آمَنتُمْ بِهِ فَقَدِ اهْتَدَوا﴾ [البقرة: 137]
Na amay ka paratiyayaan iran so piyaratiyaya niyo skaniyan, na sabnar a matoro siran. 📖[Surah Al-Baqarah:137

Nago pitharo o Allah:

﴿وَمَنْ يُشَاقِقِ الرَّسُولَ مِن بَعْدِ مَا تَبَيَّنَ لَهُ الهُدَى وَيَتَّبِعْ غَيْرَ سَبِيلِ المُؤْمِنِينَ نُوَلِّهِ مَا تَوَلَّى﴾ [النساء: 115]
Na sadn sa sorangn iyan so Rasol ko oriyan o kiyapayagon o toroan, go komdg sa salakaw ko okit o miyamaratiyaya na pakaantapn ami skaniyan ko inantapaniyan, [Surah 📖An-Nisah:115]

Sii pman ko Sunnah na pitharo o Rasolollah ﷺ:

«عليكم بسُنَّتي وسُنَّةِ الخلفاءِ الراشدين المهديين من بعدي، تمسَّكوا بها وعضُّوا عليها بالنواجذ» أبو داود (4607) والترمذي(2676)

Paliyogat rkano so kaokiti ko okit akn nago so okit o mga kholafā-ar-Rashedēn (so Abubakr,Omar,Uthman,Ali) ko oriyan akn, pangimli niyo go kkbn iyoron so mga panayaw niyo.
📚Abu Daud:(4607)
📚At-Termidhī:(2676)

«خيرُ الناسِ قرني، ثم الذين يلونهم، ثم الذين يلونهم» البخاري (2652) ومسلم (2533)

Nago pitharo pn o Rasolollah ﷺ:
Aya permiro ko masa o mga tao na so masa akn, oriyan iyan na so miyakasalono kiran, oriyan iyan pman na so miyakatondog kiran.
📚Al-Bokhāri:(2652)
📚Muslem:(2533)

Sii pman ko katharo o mga Salafos-Sālih na pitharo o Ibn Mas-ōd (Radhiallaho ànho):

قال ابن مسعود رضي الله عنه:
«مَن كان مستنًّا فليستنَّ بمن قد مات؛ فإن الحيَّ لا تُؤمَنُ عليه الفتنة» الدارمي (211)

Sadn sa kowa sa pkudgn iyan na aya niyan kduga na (so okit o) miyawafat dn(Siran so miyangaoona ko paratiyaya mga sahaba mga salaf): kagiya mataan a so bibiyag pn na di makalilidas ko fitna.
📚Ad-Darimi:(211)

وقال عمر بن عبد العزيز رحمه الله:
«قف حيثُ وقف القوم، فإنهم عن علمٍ وقفوا»
الشاطبي – الاعتصام (1/56)

Go pitharo o Omar Bin Abdil-Aziz Rahimahollah:
Thamangka ko pithamanan o miyangaoona (siran so mga sahaba so mga salafos-Salih), ka mataan a siran na mapapariksa iran a panginsabot so pithamanan iran (ko kaphagagama).
📚As-Shatibī - Al-E'tisām:(1/56)

وقال الأوزاعي رحمه الله:
«عليك بآثار السلف وإن رفضك الناس»
شرف أصحاب الحديث (ص 7)

Nago pitharo o imam Al-Awzā-è' rahimahollah:
Paliyogat rka so kakduga ko passà' o mga salaf, apiyapn tiyalikodangka o mga tao.
📚Sharafo- As-hābil Hadith (page7)

So mga katharo o mga Ulama makapantag sii:

قال الإمام مالك رحمه الله:
«لن يصلح آخر هذه الأمة إلا بما صلح به أولها» الاعتصام (1/64)

Pitharo o imam Malik rahimahollah:
Dadn a ipthagompiya o mori sangkai a pagtao, inonta so inithagompiya o paganay a pagtao(siran so mga Salaf).
📚Al-E'tisam (1/64)

وقال الإمام أحمد رحمه الله:
«أصول السنة عندنا: التمسك بما كان عليه أصحاب رسول الله ﷺ» أصول السنة

Pitharo o imām Ahmad Rahimahollah:
Aya tomadng o sunnah sii rkami: Na so kaokiti ko nganin a inokitan o mga Sahāba o rasolollah (s.a.w).
📚Osōlos-Sunnah.

وقال شيخ الإسلام ابن تيمية رحمه الله:
«لا عيب على من أظهر مذهب السلف وانتسب إليه» مجموع الفتاوى (4/149)

Pitharo o Shiekhol Islam Ibn Taimiyyah Rahimahollah:
Daa ba marata ko kapphayaga o tao ko Madhab o mga Salafos-Sālih nago ipmbangsa niyanon a ginawa niyan.
📚Majmōl-Fatāwā (4/149)

So mbidaan o titho a Salafī nago so matag gii sasalasalafī

يُقَدِّمُ الدليلَ على الجميع
So titho a Salafī na pakaonaan iyan so Dalil ko kalangowan o salakawron.
يُقَدِّمُ الأشخاصَ والجماعات
So Paltik a Salafī na pakaoonaan iyan so mga tao a paga idoln niyan nago so mga gropo a sasaapon.
يُوَقِّرُ العلماءَ ويحفظُ أقدارَهم
So titho a Salafī na pagaadatan iyan so mga Ulama a titho nago sisiyapn iyan so mga bantogan iran.
يَقَعُ في العلماءِ ويَتَتَبَّعُ زلّاتِهم
So paltik a Salafī na kokowaan iyan a radawan so mga Ulama nago aya niyan gii panimoon na lāngowan a kiyaribatangkiran.
يَلْزَمُ فَهْمَ السلفِ في كلِّ باب
So titho a Salafī na thotomangkdan iyan so panginsabot o mga Salaf sii ko lāngon a bitiyara ko Agama.
يَأخذُ من السلفِ ما يُوافِقُ هواه
So paltik a Salafī na ayabo a pkhowaan iyan ko okit o mga Salaf na sabo sa phakaayonon ko bayaaginawa niyan.
يَدعو بالحكمةِ والرِّفق
So titho a Salafī na gii manolon sa mokit sa Hikmah go Kalinank
يَدعو بالشِّدَّةِ والغِلظة
So paltik a Salafī na gii manolon sa mokit sa kapanugl go kada a sansara.
يَجْمَعُ على الحق
So titho a Salafī na pthimoon iyan so mga tao ko Bnar.
يُفَرِّقُ بالتعصُّب
So paltik a Salafī na psagomparakn iyan so mga tao mokit ko Kanggomakd/kathaassob.
يَحذرُ الشبهاتِ والشهوات
So titho a Salafī na panananggilaan iyan so mga Shubohāt nago so mga kabaya a ginawa a makasisilay.
يَقَعُ فيها باسمِ الغيرة
So paltik a Salafī na misosombo ron, sa ingaran o pagtig go maratabat iyan ko Agama a makasisilay.
ميزانُه: الكتابُ والسُّنَّة
So titho a Salafī na aya timbangan iyan na so Kitab go Sunnah.
ميزانُه: الحماسةُ والشعارات
So paltik a Salafī na aya timbangan iyan na so kasosokha o puso iyan imosyonal, go so mga katharo a tardas ko kanug o mga tao.

قال ابن تيمية رحمه الله:
«شعارُ أهلِ البدعِ الوقيعةُ في أهلِ الأثر»مجموع الفتاوى (4/155)

Pitharo i Ibn Taimiyyah rahimahollah:
Aya palathoboan o mga Ahlul-Bid'àh na so kapphamaawingi iran ko mga tao a kumkdg ko Athār (Sunnah).
📚Majmū‘ al-Fatāwā (4/155)

𝙿𝙰𝙶𝙸𝙼𝙾𝙻𝙽𝙶𝙰𝙽:

So Salafiyyāh na Manhaj knaba gropo.

العِبرةُ بحقيقة الاتِّباع لا بدعوى الانتساب.
Aya pagilayn na so kamamataani ko kasongkad, knaba so matag kibangsaan ko ingaran a salafi.

مَن وافقَ السلفَ فهو سلفيٌّ وإن لم يَدَّعِ الاسم.
Sadn sa makaayon ko mga Salaf na skaniyan ititho a Salafī, apiyapn knaba niyan imbabayok a kasasalafī niyan.

ومَن خالفَ منهجَهم فليس سلفيًّا وإن تسمَّى به.
Na sadn sa somopak ko manhaj iran na dibnar oba Salafī, apiya i gii niyanon kimbayokn sa salafī.
الوقيعةُ في العلماءِ علامةُ انحرافٍ عن سبيل السلف.
So gii kapnanaitoa ko mga Ulama a titho na tanda sa kapakasisilay ko okit o mga salaf.
الغِلظةُ والتفريقُ ليست من منهج السلف في الدعوة.
So kada a sagosara i katharo go kasagomparak na knaba Manhaj o mga Salaf sii ko kapanolon.

السلفيُّ يُزكِّي نفسَه بالعملِ لا بالكلام.
فالسَّلَفِيُّ الحَقُّ يُعْرَفُ باتِّباعِهِ، لا بادِّعائِهِ.

So titho a Salafī na psotiin go pthantoon iyan a ginawa niyan nggolalan sa galbk, knaba kambrak.

So titho a Salafī na pkhatndo nggolaan ko kaoonoti niyan ko Qor'an wassunnah sii ko saboton o mga salafos-Sālih, knaba siibo ko kigagakdn iyanon.

✍️𝑨𝒉𝒍𝒖𝒔 𝑺𝒖𝒏𝒏𝒂𝒉 𝒘𝒂𝒍 𝑱𝒂𝒎𝒂𝒂𝒉 𝒂𝒔-𝑺𝒂𝒍𝒂𝒇𝒊𝒚𝒚𝒂𝒉