07/09/2025
𝗠𝗘𝗡𝗦𝗔𝗛𝗘 𝗡𝗚 𝗠𝗔𝗛𝗔𝗟 𝗡𝗔 𝗧𝗔𝗚𝗔𝗣𝗔𝗠𝗔𝗡𝗜𝗛𝗔𝗟𝗔 𝗗𝗥. 𝗦𝗔𝗛𝗔𝗡𝗘𝗘 𝗠. 𝗦𝗨𝗠𝗔𝗚𝗔𝗬𝗔𝗡, 𝗕𝗔𝗜 𝗔 𝗟𝗔𝗕𝗜 𝗞𝗢 𝗠𝗔𝗟𝗔 𝗔 𝗕𝗔𝗬𝗔𝗕𝗔𝗢 𝗦𝗔 𝗥𝗢𝗟𝗟-𝗢𝗨𝗧 𝗻𝗴 𝗘𝗖𝗔𝗣 (𝗘𝗺𝗽𝗼𝘄𝗲𝗿𝗶𝗻𝗴 𝗖𝗵𝗶𝗹𝗱𝗿𝗲𝗻 𝗔𝘀 𝗣𝗲𝗮𝗰𝗲𝗯𝘂𝗶𝗹𝗱𝗲𝗿)
Assalamu Alaikum Warahmatullahi Wabarakatuh.
Isang mapagpala at MAPAYAPANG araw sa ating lahat-- sa ating mga kagalang-galang na kasamahan mula sa World Vision, sa mga masisipag na opisyal ng ating Dibisyon, Distrito, at mga Paaralan, at sa bawat isa na narito ngayon.
Isang malaking karangalan ang makapgsalita sa makabuluhang pagkakataong ito, habang ating sinisimulan ang isang mahalagang hakbang tungo sa kapayapaan--ang pagsasanay na ito na pinamagatang “Empowering Children as Peacebuilders.”
Ang KAPAYAPAAN ay hindi lamang kawalan ng digmaan o alitan. Ito ay isang pamamaraan ng pamumuhay. Isa itong halaga na nakaugat sa ating pananampalataya, kultura, at tungkulin bilang mga tagapagturo ng kabutihan, kaalaman, at kapayapaan.
Sa Banal na Qur-an, malinaw ang tagubilin ng Allah (SWT) tungkol sa kapayapaan at pagkakasundo:
Surah Al-Hujurat (Kabanata 49), Talata 10:
Bismillahir Rahmanir Rahim.“ 𝘼𝙣𝙜 𝙢𝙜𝙖 𝙢𝙖𝙣𝙖𝙣𝙖𝙢𝙥𝙖𝙡𝙖𝙩𝙖𝙮𝙖 𝙖𝙮 𝙢𝙖𝙜𝙠𝙖𝙠𝙖𝙥𝙖𝙩𝙞𝙙. 𝘼𝙮𝙖’𝙩 𝙥𝙖𝙜-𝙖𝙮𝙪𝙨𝙞𝙣 𝙣𝙞𝙣𝙮𝙤 𝙖𝙣𝙜 𝙞𝙣𝙮𝙤𝙣𝙜 𝙢𝙜𝙖𝙠𝙖𝙠𝙖𝙥𝙖𝙩𝙞𝙙 𝙖𝙩 𝙢𝙖𝙩𝙖𝙠𝙤𝙩 𝙠𝙖𝙮𝙤 𝙨𝙖 𝘼𝙡𝙡𝙖𝙝 𝙪𝙥𝙖𝙣𝙜 𝙠𝙖𝙮𝙤 𝙠𝙖𝙮𝙤 𝙖𝙮 𝙠𝙖𝙝𝙖𝙗𝙖𝙜𝙖𝙣.”
“𝙄𝙣𝙣𝙖𝙢𝙖𝙡 𝙢𝙪’𝙢𝙞𝙣𝙪𝙣𝙖 𝙞𝙠𝙬𝙖𝙩𝙪𝙣 𝙛𝙖-𝙖𝙨𝙡𝙞𝙝𝙪 𝙗𝙖𝙞𝙣𝙖 𝙖𝙠𝙝𝙖𝙬𝙖𝙞𝙠𝙪𝙢, 𝙬𝙖𝙩𝙩𝙖𝙦𝙪𝙡𝙡𝙖𝙖𝙝𝙖 𝙡𝙖’𝙖𝙡𝙡𝙖𝙠𝙪𝙢 𝙩𝙪𝙧𝙝𝙖𝙢𝙤𝙤𝙣”Ang talatang ito ay nagsisilbing gabay hindi lamang sa personal nating pamumuhay, kundi pati na rin sa ating pagkakaisa sa ating kumunidad.
Pananagutan nating ituro ang KAPAYAPAAN sa kabataan bilang mga g**o, tagapamahala, at mga magulang, at mga opisyal ng mga paaralan, hindi lamang kaalaman ang ating itinuturo sa mga bata. Tungkulin nating hubugin ang kanilang pagkatao--upang sila ay lumaking may malasakit, may respeto, at may kakayahang mamuhay ng mapayapa at magkasundo.
Sa ating Meranaw na kultura, alam nating hindi madali ang mga sugat na dulot ng rido o mga alitang pampamilya. Ngunit alam din natin na may malalim tayong tradisyon ng “kandori” o pagkakasundo, pakikipag-usap, at paggalang sa isa’t isa.
Ngayon, panahon na upang ipamana natin sa kabataan ang mga halagang ito. Mula sa murang edad, dapat nating turuan ang ating mga mag-aaral kung paano makipagkasundo sa halip na maipagtalo, making sa halip na maghusga, at magpatawad sa halip na magkimkim ng galit.
Papel ng Paaralan at Pamahalaan sa Pagtataguyod ng Kapayapaan..
Ang pagsasanay na ito ay hindi lamang aktibidad. Isa itong panawagan – sa ating lahat – na maging instrument ng kapayapaan. Sa tulong ng World Vision, binibigyan natin ang ating mga estudyante ng kakayahan upang maging “Ambassadors of Peace”, hindi lamang sa kanilang mga tahanan, kundi sa buong komunidad.
Sa ating mga g**o at punong-g**o – kayo ang nasa unahan ng laban na ito. Hindi madali ang landas, ngunit napakahalag ng inyong papel sa paghubog ng isang henerasyong mas mapayapa at mas maunawain.
At sa World Vision Philippines – maraming Salamat po sa pakikipag-isa sa amin. Nawa’y magpatuloy ang ating pagtutulongan para sa kapakanan ng ating mga kabataan at ng hinaharap ng ating mga pamayanan.
Magtulungan tayong itanim ang binhi ng kapayapaan sa puso ng bawat bata. At sa tulong ng Allah (SWT), ang mga binhing ito ay tutubo at mamumunga – magbibigay ng lilim at pag-asa sa mga susunod na henerasyon.
Buong puso ko kayong pinapatuloy sa programang ito. Mulim maraming Salamat po.
Nawa’y pagpalain tayo ng Allah ng habag, pagkakaisa, at tunay na kapayapaan.
Wassalamu alaikom warahmatullahi wabarakatu.
