18/09/2026
Kanina ay naging matagumpay ang Committee Hearing na ipinatawag ng Sangguniang Bayan ng Manito para sa dalawang ordinansang aking isinulat at ipinasa sa Sangguniang Barangay ng Brgy. It-Ba.
📌 Buy Local First Ordinance of Brgy. It-Ba
Layunin nitong bigyang-prayoridad, alinsunod sa procurement law at Sagip Saka Act, ang pagkuha ng mga kinakailangang produkto, serbisyo, at kagamitan mula sa mga lokal na magsasaka, producers, at negosyo. Nawa’y magsilbi itong daan upang mas mapalakas ang lokal na ekonomiya at masuportahan ang mga sektor ng agrikultura at negosyo sa ating barangay.
📌 Women’s Livelihood Empowerment of Barangay It-Ba Ordinance
Layunin naman nitong mabigyan ng mas maraming oportunidad ang mga kababaihan sa pamamagitan ng livelihood at skills development. Kasama rin dito ang pagsusulong ng mas makabuluhang partisipasyon ng kababaihan sa Barangay Development Council upang magkaroon sila ng boses sa pagbuo at pagsusulong ng mga programang makatutulong sa kanilang sektor.
Taos-puso akong nagpapasalamat sa Sangguniang Bayan ng Manito, lalo na kina Vice Mayor Jun Solinap, Kgwd. Mia Asejo, at Kgwd. Arly Guiriba, sa kanilang mga mungkahi, puna, at suporta upang higit pang mapabuti ang mga panukalang ito.
Ang pakikilahok ng kabataan ay hindi lamang nasusukat sa larangan ng laro at akademiko. Ang tunay na diwa ng youth participation ay ang pagkakaroon ng boses at pakikilahok sa paghubog ng mga polisiyang makatutulong sa ating komunidad.
