KATRIBU PUP, Manila (2026)

02/08/2026

𝗔𝗡𝗚 𝗧𝗨𝗡𝗔𝗬 𝗡𝗔 𝗦𝗢𝗡𝗔 𝗔𝗬 𝗔𝗡𝗚 𝗗𝗔𝗡𝗔𝗦 𝗡𝗚 𝗠𝗔𝗠𝗔𝗠𝗔𝗬𝗔𝗡 𝗦𝗔 𝗟𝗔𝗡𝗦𝗔𝗡𝗚𝗔𝗡! ✊

Nitong Hulyo 27, nakiisa ang 𝗞𝗮𝗯𝗮𝘁𝗮𝗮𝗻 𝗽𝗮𝗿𝗮 𝘀𝗮 𝗧𝗿𝗶𝗯𝘂𝗻𝗴 𝗣𝗶𝗹𝗶𝗽𝗶𝗻𝗼 - 𝗣𝗨𝗣 (𝗞𝗮𝘁𝗿𝗶𝗯𝘂 𝗣𝗨𝗣) sa ginanap na 𝗦𝗢𝗡𝗔 𝗻𝗴 𝗕𝗮𝘆𝗮𝗻. Sa katatapos lang na talumpati sa Batasan, muling pinatunayan ng rehimeng Marcos Jr. na wala itong konkretong plano at tiyak na landas para hanguin ang mamamayan sa matinding krisis sa ekonomiya. Sa kabila ng patuloy na pagtaas ng presyo ng mga pangunahing bilihin at serbisyo, nananatiling barat at hindi makabubuhay ang sahod ng ating mga manggagawa.

Hindi man lang natugunan ang mga batayang hiling at karapatan ng pambansang minorya sa kanilang lupang ninuno at sariling pagpapasya. Sa halip na dinggin ang kanilang tawag, inilako pa ang mga kasunduang tulad ng Pax Silica na lalo lamang nagbubukas sa ating mga lupain at likas na yaman sa pandarambong at pagrerelye ng mga dayuhang korporasyon. Mula sa kawalan ng lupa't trabaho, pagpapatindi ng kahirapan, hanggang sa pagpapailalim ng ating kalayaan sa dayuhang pwersa, lahat ng ito ang tunay na danas ng bawat mamamayan araw-araw.

Kaya sa ginanap na SONA ng Bayan, hindi naging p**i at bingi ang lansangan. Buong-tapang na isinigaw ng mga progresibong grupo ang tunay na kalagayan ng bansa at ang paniningil sa isang rehimeng sunud-sunuran sa dayuhan at bingi sa sarili nitong mamamayan. Tapos man ang mobilisasyon, patuloy na mag-iibayo ang pagkilos at paglaban ng sambayanan para sa tunay na sahod, lupa, soberanya, at pambansang demokrasya!

29/07/2026

𝑰𝑪𝒀𝑴𝑰 | Nitong ika-27 ng Hulyo, kasabay ng SONA ni Marcos Jr., nagsagawa ng State of the National Minority Address (SONMA) ang sektor ng mga pambansang minorya sa ilalim ng panawagang “Likas Yaman para sa Sambayanan, Hindi sa Imperyalistang Gyera!”

Sa SONMA, mariing binatikos ang apat na taong pamamalakad ng Rehimeng US-Marcos Jr. dahil sa patuloy nitong paglabag sa karapatan ng mga pambansang minorya sa kanilang lupang ninuno at sa kanilang karapatan sa sariling pagpapasya. Sa halip na pangalagaan ang kanilang kabuhayan at kultura, lalo nitong pinalalawak ang kontrol ng imperyalismong US sa likas-yaman ng bansa sa pamamagitan ng mga proyektong pagmimina at iba pang mapanirang land-use conversions.

Binigyang-diin sa programa ang pakana ng imperyalistang Estados Unidos na Pax Silica, na itinampok ni Marcos Jr. sa kaniyang ika-5 SONA bilang proyektong magdadala ng “kaunlaran” sa bansa. Gayunman, hindi nito kinilala ang mapaminsalang epekto ng proyekto sa mga Ayta na may lupang ninuno sa pagtatayuan nito, gayundin sa ating kalikasan. Ipinapakita nito kung paano inuuna ng rehimen ang interes ng malalaking korporasyon at dayuhang kapital kaysa sa kapakanan ng mga katutubo.

Tinalakay rin sa programa ang patuloy na pandarambong sa mga lupang ninuno, gaya ng nangyayari sa Sitio Malatabako, kung saan nagpapatuloy ang panghihimasok ng Pieceland Corporation sa tulong ng mga pribadong armadong goons, militar, at maging ng korte na nag-utos sa demolisyon at sapilitang pagpapalayas sa mga Mangyan-Iraya na naninirahan doon. Para sa mga pambansang minorya, malinaw itong patunay ng paggamit ng estado sa kapangyarihan nito upang supilin ang kanilang lehitimong paglaban.

Sa ika-5 SONA ni Marcos Jr., muli na namang hindi nabigyan ng pansin ang mga isyung kinahaharap ng mga pambansang minorya. Kaya sa kabila ng patuloy na panggigipit, naninindigan ang Kabataan para sa Tribung Pilipino PUP (Katribu PUP) na makiisa sa laban ng mga pambansang minorya, lalo na sa kanilang paglaban sa imperyalistang pandarambong na sinusuhayan ng pasismo ng estado!

26/07/2026

𝗔𝗗𝗠𝗜𝗡𝗜𝗦𝗧𝗥𝗔𝗦𝗬𝗢𝗡𝗚 𝗨𝗦-𝗠𝗔𝗥𝗖𝗢𝗦, 𝗬𝗢𝗨 𝗣𝗔𝗫 𝗨𝗣 🗣️

Sa paparating na ika-5 na State of the Nation Address (SONA) ni Marcos Jr., malinaw sa atin na wala siyang ginawa kundi manatiling tuta sa interes ng imperyalismong US kaysa unahin ang kapakanan ng sambayanang Pilipino. Pinakamatinding nararanasan ito ng mga katutubo at Bangsamoro, na patuloy na inaagawan ng kanilang mga lupang ninuno upang bigyang-daan ang malalaking proyektong nagsisilbi sa interes ng dayuhan at malalaking korporasyon, katulad ng Pax Silica.

Sa bawat SONA na nagdaan, walang naging kongkretong tugon si Marcos Jr. sa matagal nang panawagan ng mga pambansang minorya para sa tunay na paggalang sa kanilang mga karapatan. Sa halip, ipinagmamalaki ng kanyang administrasyon ang mga proyektong nagdudulot ng pang-aagaw ng lupa at militarisasyon sa ngalan ng huwad na kaunlaran.

Kaya naman, lalo't higit sa mga kabataan, makiisa sa laban ng mga pambansang minorya at ilantad ang tunay na kalagayan ng mamamayan sa darating na ika-5 na SONA ni Marcos Jr. sa Hulyo 27. Muli nating ipakita ang ating sama-samang pagkilos, tulad ng naipamalas natin sa mga makasaysayang walkout. Panagutin ang papet, pasista, pahirap, at korap na si Marcos Jr., at sama-sama nating labanan ang imperyalistang gera at pandarambong!

𝗜𝗽𝗮𝗿𝗮𝘁𝗶𝗻𝗴 𝗮𝗻𝗴 𝗽𝗮𝗻𝗮𝘄𝗮𝗴𝗮𝗻 𝗻𝗴 𝗺𝗮𝗺𝗮𝗺𝗮𝘆𝗮𝗻, 𝘀𝘂𝗺𝗮𝗺𝗮 𝘀𝗮 𝗦𝗢𝗡𝗔 𝗻𝗴 𝗕𝗮𝘆𝗮𝗻!

🗓️ 𝙎𝙩𝙖𝙩𝙚 𝙤𝙛 𝙩𝙝𝙚 𝙉𝙖𝙩𝙞𝙤𝙣𝙖𝙡 𝙈𝙞𝙣𝙤𝙧𝙞𝙩𝙮 𝘼𝙙𝙙𝙧𝙚𝙨𝙨 📍11:00 AM, Commonwealth Avenue

🗓️ 𝙎𝙊𝙉𝘼 𝙣𝙜 𝘽𝙖𝙮𝙖𝙣 📍12:00 PM–5:00 PM, Commonwealth Avenue

Sa mga nais makiisa, sumali sa ating 𝗦𝗢𝗡𝗔 𝗻𝗴 𝗕𝗮𝘆𝗮𝗻 𝗖𝗼𝗼𝗿𝗱𝗶𝗻𝗮𝘁𝗶𝗻𝗴 𝗚𝗖: https://m.me/j/AbaYGt9ap1RK38PH/?send_source=gc:copy_invite_link_c ✊

     

22/07/2026

revalidated na!

21/07/2026

𝗦𝗢 𝘼𝙉𝙊 𝗡𝗔? 𝗣𝗔𝗚-𝗔𝗥𝗔𝗟𝗔𝗡 𝗡𝗔𝗧𝗜𝗡 𝗔𝗡𝗚 𝗔𝗣𝗔𝗧 𝗡𝗔 𝗧𝗔𝗢𝗡𝗚 𝗣𝗔𝗠𝗨𝗠𝗨𝗡𝗢 𝗡𝗜 𝗠𝗔𝗥𝗖𝗢𝗦 𝗝𝗥. 📚✊

Bago ang nalalapit na SONA ni Marcos Jr. sa Hulyo 27, maglulunsad ang Kabataan Para sa Tribung Pilipino-PUP (KATRIBU PUP) ng tatlong araw na pag-aaral upang suriin at baybayin ang apat na taong pamumuno ng kaniyang administrasyon na malinaw na hindi tunay na nagsisilbi sa pambansang minorya at kalahang mamamayan.

Sa unang araw, bibigyang-diin ang pagiging papet ni Marcos Jr. sa imperyalistang Estados Unidos, kasabay ng sunod-sunod nitong mga patakarang anti-mamamayan na nagsisilbi sa interes ng mga dayuhang korporasyon. Tatalakayin lalo ang pagtutulak nito sa gera at malakihang pagmimina sa ating bayan, na siya ring pangunahing layunin ng kasalukuyang inisyatiba ng Estados Unidos na Pax Silica.

Sa ikalawang araw naman, babaybayin natin ang mga mekanismo ng mga burukrata-kapitalista na nakaupo sa pamahalaan, hindi upang maglingkod sa mamamayan kundi upang patuloy na limasin ang yaman ng taumbayan para sa kanilang sariling bulsa. Kaugnay nito, tatalakayin ang isyu ng mga flood control project sa ilalim ng BBM Parametric Formula at ang usapin ng confidential funds ni Sara Duterte.

Sa huling araw, isasara ang ED Fest sa pamamagitan ng pagtalakay sa mga patakaran at programa ni Marcos Jr. na nagsilbi lamang sa kaniya at sa kaniyang mga kaalyadong negosyante, tulad ni Enrique Razon, sa halip na sa interes ng taumbayan. Bibigyang-pansin din ang patuloy na nararanasang pang-aagaw ng lupang ninuno, pagpasok ng mga mapaminsalang proyekto, at militarisasyon na kinakaharap ng mga pambansang minorya.

Inaanyayahan ang lahat na makibahagi sa isasagawang mga pag-aaral. Ang mga interesadong dumalo ay maaaring sumali sa ating messenger coordinating GC: https://m.me/j/AbaYGt9ap1RK38PH/?send_source=gc:copy_invite_link_c

19/07/2026

𝐋𝐔𝐏𝐀 𝐀𝐘 𝐁𝐔𝐇𝐀𝐘, 𝐇𝐔𝐌𝐀𝐍𝐀𝐘 𝐌𝐀𝐊𝐈𝐏𝐀𝐌𝐔𝐇𝐀𝐘!

‎Nagtipon ngayong araw ang mga miyembro ng Katribu PUP upang mag-aral, magbahaginan ng karanasan, at higit na maunawaan ang kalagayan at pakikibaka ng mga Pambansang Minorya.
‎
‎Ilan sa mga tinalakay sa Educational Discussion (ED) ang kalagayan ng mga katutubo sa Mindoro at ang bantang dulot ng Pax Silica na may tinatayang 1,600 ektarya ng lupa ang target ng mapaminsalamg proyekto. Sa ngalan ng “kaunlaran,” muling isinasantabi ang karapatan ng mga mamamayan para sa interes ng malalaking negosyo laluna ng imperyalistang US.
‎
‎Hindi ito hiwalay na kaso. Bahagi ito ng patuloy na pagbubukas ng ating likas na yaman sa dayuhang interes at malalaking korporasyon, habang ang mga katutubo at mamayang Pilipino ang nagdurusa mula sa pagpapalayas, pagkasira ng kalikasan, at pagkawala ng kabuhayan.
‎
‎Apat na taon na ang administrasyong Marcos Jr., ngunit nasaan ang ipinangakong pag-unlad? Hindi kaunlaran ang pagyaman ng iilan habang winawasak ang kalikasan at kabuhayan ng nakararami. Hindi kaunlaran ang paglabag sa karapatan ng mga Pambansang Minorya.
‎
‎Kaya naman malinaw ang tindig ng Katribu PUP na ang tunay na pakikiisa ay hindi natatapos sa pag-aaral. Kailangan itong ilabas sa sama-samang pagkilos laban sa pang-aagaw sa lupang ninuno, pagkasira ng kalikasan, at patuloy na paglabag sa karapatan ng mga Pambansang Minorya at iba pang aping sektor ng lipunan.
‎
‎𝐌𝐚𝐤𝐢𝐛𝐚𝐡𝐚𝐠𝐢 𝐬𝐚 𝐒𝐎𝐍𝐀 𝐧𝐠 𝐁𝐚𝐲𝐚𝐧 𝐚𝐭 𝐬𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐬𝐢𝐧𝐠𝐢𝐥𝐢𝐧 𝐚𝐧𝐠 𝐫𝐞𝐡𝐢𝐦𝐞𝐧𝐠 𝐔𝐒-𝐌𝐚𝐫𝐜𝐨𝐬!

𝐉𝐮𝐥𝐲 27 (𝐋𝐮𝐧𝐞𝐬)
🗓️ : 𝐒𝐭𝐚𝐭𝐞 𝐨𝐟 𝐭𝐡𝐞 𝐍𝐚𝐭𝐢𝐨𝐧𝐚𝐥 𝐌𝐢𝐧𝐨𝐫𝐢𝐭𝐲 𝐀𝐝𝐝𝐫𝐞𝐬𝐬
11:00 𝐀𝐌, 𝐇𝐨𝐦𝐞 𝐃𝐞𝐩𝐨𝐭 𝐂𝐨𝐦𝐦𝐨𝐧𝐰𝐞𝐚𝐥𝐭𝐡

🗓️ : 𝐒𝐎𝐍𝐀 𝐧𝐠 𝐁𝐚𝐲𝐚𝐧
12:00 𝐏𝐌 - 5:00 𝐏𝐌, 𝐀𝐥𝐨𝐧𝐠 𝐂𝐨𝐦𝐦𝐨𝐧𝐰𝐞𝐚𝐥𝐭𝐡 𝐀𝐯𝐞.

‎
‎
‎
‎

16/07/2026

𝙄𝘾𝙔𝙈𝙄 | 𝗣𝗔𝗚𝗞𝗜𝗟𝗢𝗦 𝗡𝗚 𝗠𝗚𝗔 𝗞𝗢𝗠𝗨𝗡𝗜𝗗𝗔𝗗 𝗡𝗚 𝗞𝗔𝗦𝗜𝗕𝗨 𝗟𝗔𝗕𝗔𝗡 𝗦𝗔 𝗣𝗔𝗚𝗠𝗜𝗠𝗜𝗡𝗔 𝗡𝗚 𝗡𝗟𝗠𝗥𝗖!

Sa gitna ng patuloy na pandarambong ng malalaking korporasyon sa mga lupain ng mga katutubo at magsasaka sa Nueva Vizcaya, patuloy ring nagtatayo ng mga barikada ang mga komunidad upang harangan ang pagpasok ng mga materyales para sa pagmimina at tutulan ang mapaminsalang operasyon ng mga korporasyon.

Nitong Hulyo 13 at 14, dumulog ang mga komunidad ng Kasibu, Nueva Vizcaya sa sentrong bayan upang ipakita na hindi nila uurungan ang pagtatanggol sa kanilang lupang ninuno at kabuhayan laban sa sapilitang pagmimina. Sa pangunguna ng Kasibu Inter-tribal Response towards Ecological Development (KIRED), nagsagawa ng kilos-protesta sa Mines and Geosciences Bureau (MGB) at nagmartsa patungong Department of Environment and Natural Resources (DENR) upang igiit ang kanselasyon ng exploration permit ng North Luzon Mineral Resources Corporation (NLMRC) sa 4,456 ektarya ng kanilang mga lupain.

Pagsapit ng hapon, nagtungo naman ang delegasyon sa Kamara kasama ang Koalisyong Makabayan upang maghain ng isang resolusyon na nananawagan ng imbestigasyon sa naging pagpayag ng DENR sa eksplorasyon ng NLMRC sa kabila ng mariing pagtutol ng mga apektadong komunidad.

Nakiisa sa pagkilos at patuloy na nakikiisa ang Kabataan para sa Tribung Pilipino PUP (Katribu PUP) sa pakikibaka ng mamamayan ng Kasibu laban sa mapaminsalang pagmimina at pangangamkam sa kanilang lupang ninuno. Sa sama-samang pagkilos, tuluyan nating mapapalayas ang North Luzon Mineral Resources Corporation sa kanilang lupain, gayundin ang iba pang mapaminsalang korporasyong nag-ooperasyon sa Nueva Vizcaya.

07/07/2026

𝙎𝘼𝙍𝘼 𝘿𝙐𝙏𝙀𝙍𝙏𝙀, 𝙇𝙄𝙏𝙄𝙎𝙄𝙉, 𝙋𝘼𝙉𝘼𝙂𝙐𝙏𝙄𝙉!
𝘽𝙐𝙍𝙐𝙆𝙍𝘼𝙏𝘼 𝙆𝘼𝙋𝙄𝙏𝘼𝙇𝙄𝙎𝙈𝙊, 𝙄𝘽𝘼𝙂𝙎𝘼𝙆!

𝗧𝗜𝗚𝗡𝗔𝗡 | Kahapon, 𝗶𝗸𝗮-𝟲 𝗻𝗴 𝗛𝘂𝗹𝘆𝗼, nagsagawa ng pagkilos ang iba’t ibang progresibong grupo, kabilang ang 𝗞𝗮𝗯𝗮𝘁𝗮𝗮𝗻 𝗣𝗮𝗿𝗮 𝘀𝗮 𝗧𝗿𝗶𝗯𝘂𝗻𝗴 𝗣𝗶𝗹𝗶𝗽𝗶𝗻𝗼 - 𝗣𝗨𝗣, upang bantayan ang mga usaping may kaugnayan sa impeachment proceedings laban kay Sara Duterte at ipanawagan ang pananagutan ng mga opisyal na nasasangkot sa mga alegasyon ng maling paggamit ng pondo ng bayan.

Kabilang sa mga isyung kinakaharap ni Sara Duterte ay ang hinggil sa ₱𝟭𝟮𝟱 𝗺𝗶𝗹𝘆𝗼𝗻𝗴 𝗰𝗼𝗻𝗳𝗶𝗱𝗲𝗻𝘁𝗶𝗮𝗹 𝗳𝘂𝗻𝗱𝘀 na hanggang ngayon ay hindi maipaliwanag sa publiko kung saan ginamit. Bukod dito, kinukuwestiyon din ang pagtaas ng mga transaksyon nila ng kanyang asawa na umabot sa ₱𝟲.𝟳𝟳 𝗯𝗶𝗹𝘆𝗼𝗻 simula nang umupo siya sa pwesto na hindi rin mabigyan ng kaliwanagan kung saan nanggaling. Ilan lamang ito sa mga manipestasyon ng pag-abuso ng bise-presidente sa kanyang kapangyarihan para sa pansariling interes.

Higit sa lahat, tungkulin natin na patuloy singilin at panagutin ang 𝗿𝗲𝗵𝗶𝗺𝗲𝗻𝗴 𝗠𝗮𝗿𝗰𝗼𝘀 sa bulok nitong pamamahala at sa walang-pakundangang pandarambong sa kaban ng bayan, kaugnay parin sa ghost projects ng mga flood control projects. Hindi tayo titigil sa panawagang pabagsakin ang 𝗯𝘂𝗿𝘂𝗸𝗿𝗮𝘁𝗮-𝗸𝗮𝗽𝗶𝘁𝗮𝗹𝗶𝘀𝗺𝗼, ang salot at sistemikong ugat na patuloy na naglulubog sa mamamayang Pilipino sa matinding hirap at krisis, sa pamamagitan nang paggamit ng mga nakaupo bilang negosyo ang kanilang mga katungkulan.

𝗟𝗔𝗛𝗔𝗧 𝗡𝗚 𝗦𝗔𝗡𝗚𝗞𝗢𝗧, 𝗗𝗔𝗣𝗔𝗧 𝗠𝗔𝗡𝗔𝗚𝗢𝗧!

07/07/2026

CAF ADMIN, REVIEW THE RETENTION POLICY! LET’S STAND WITH CAF STUDENTS!

Nitong mga nakaraang araw, muling lumitaw ang matinding epekto ng matagal nang umiiral na anti-estudyanteng retention policy sa College of Accountancy and Finance (CAF). Nakita ito sa pagpapatupad ng Removal Examinations sa mga 4th year student ng Bachelor of Science in Accountancy (BSA). Kasunod nito, bigla ring naglabas ng memorandum ang CAF administration na nagsasaad na maaari na ring ipataw ang Removal Examinations sa mga 1st at 2nd year student ng Bachelor of Science in Management Accounting (BSMA) kapag bumagsak sila sa mga itinakdang major subjects sa departmental examinations

Malinaw sa mga Manunuos ng Bayan na hindi basta-bastang umusbong na usapin ang pagpapatupad ng Removal Examinations sa CAF. Bahagi ito ng isang retention-oriented system o purge policy na matagal nang ginagamit ng kolehiyo, at ng mismong pamantasan, upang salain ang mga estudyante sa ngalan ng “academic excellence,” habang nananatiling hindi natutugunan ang mga batayang suliranin sa edukasyon tulad ng kakulangan sa mga g**o, pasilidad, learning resources, at suportang akademiko.

Sa gitna ng lumalalang epekto ng mga retention policies sa mga estudyante ng CAF, mahalagang sama-sama nating suriin ang ugat ng problemang ito at buoin ang ating mga kolektibong panawagan. Hindi dapat maging normal ang isang sistemang mas inuuna ang pagsasala kaysa sa pagsuporta sa mga estudyante.

Kaya naman, inaanyayahan ng SAMASA PUP, katuwang ang lokal na balangay ng partido-alyansa sa CAF, ang lahat ng Manunuos ng Bayan sa ating Town Hall Consultation ngayong gabi, July 5, sa ganap na ika-8:30 ng gabi.

Layunin ng konsultasyong ito na talakayin ang kasalukuyang kalagayan ng CAF at ang epekto ng retention anti-estudyanteng retention polocy, pakinggan ang mga karanasan, hinaing, at panukala ng mga estudyante, bumuo ng kolektibong pagsusuri at mga panawagan ng sangkaestudyantehan, at pagkaisahan ang mga susunod na hakbang sa pagsusulong ng ating karapatan sa tunay na libreng edukasyon na hindi kinakailangang salain ang mga estudyante.

Hinihikayat din namin ang lahat ng CAF students na dadalo na sumagot sa ating sensing form upang maging bahagi ng ating kolektibong paninindigan.

SENSING FORM: tinyurl.com/CAFRetPolSensingForm

KATRIBU PUP

02/08/2026

29/07/2026

26/07/2026

22/07/2026

21/07/2026

19/07/2026

16/07/2026

07/07/2026

07/07/2026

Address

Website

Alerts

Contact The Organization

Shortcuts

Share

Category

Listing takedown request