FED UP - Future Educators for Upliftment and Progress

FED UP - Future Educators for Upliftment and Progress Youth Organization under Teachers' Dignity Coalition (TDC)

Patuloy na sumisirit pataas ang presyo ng langis dahil sa lumalalang tensyon sa Middle East dulot ng panggigiyera ng US-...
02/04/2026

Patuloy na sumisirit pataas ang presyo ng langis dahil sa lumalalang tensyon sa Middle East dulot ng panggigiyera ng US-Israel sa Iran. Hindi malabong susunod ang pagtaas ng presyo ng mga batayang bilihin tulad ng tubig, kuryente, pagkain, at iba pa. Kasabay nito ang lalong pagbigat ng gastusin nating mga estudyante at ng ating mga magulang na direktang nakakaapekto sa kakayahan natin mag-aral. Sa gitna ng krisis, lalong kinakailangan ang agarang pagtugon mula sa pamahalaan upang direktang resolbahin ang kagyat na pangangailangan ng masa.

Ngunit tanging band-aid solutions lang ang naging aksyon ng pamahalaan; nagdeklara ng 4-day work week para sa lahat ng ahensya ng gobyerno si Marcos Jr., ang mga pampublikong paaralan ngayon ay nagshishift na sa online classes upang makatipid sa kuryente. At tulad ng nangyari noong pandemiya, hindi nito garantiya ang kalidad sa edukasyon na matatanggap ng mga estudyante. Ang mga pribadong paaralan, bukod sa ginagamit na ang inflation para ikatwiran ang pagtaas ng tuition and other school fees, nagdeklara na rin ng online classes para lalong magtipid.

At nariyan pa rin ang problema sa korapsyon, na hanggang ngayon ay wala pa ring napapanagot at wala pa ring naisasauli mula sa trilyon-trilyong ninakaw ng mga kurakot na pulitiko. Imbis na sana ay ginagamit ang pondo sa pagtataas ng sahod ng mga g**o at pang subsidiyo sa energy costs ng paaralan para tuloy tuloy na makapag face-to-face classes, binubulsa lang ang pondo para pakinabangan ng iilang tao lamang.

Bilang pre-service teachers, mahalagang gampanan natin ang ating papel hindi lamang bilang tagapagturo kundi bilang tagapagmulat ng kamalayan. Dapat natin hikayatin ang bawat isa na maging mapanuri, makialam, sa mga isyung panlipunan, at ipaglaban ang katarungan at pananagutan ng pamahalaan.

Kasabay nito, dapat din natin itaguyod ang mga konkretong solusyon kabilang ang pag-subsidize ng energy costs upang maisulong ang ganap na face-to-face classes, magbigay ng subsidyo at financial assistance upang magarantiya na walang mag-aaral ang maiiwan, at pagtataas ng sahod ng mga g**o at kawani. Higit sa lahat, ibasura ang lahat ng mga regresibong taxes tulad ng VAT at Excise taxes, at buwisan ang mayayamang pinagkakakitaan ang krisis na kinakaharap ng masa’t manggagawa.



Sumapi sa FED UP: tinyurl.com/JoinFEDUP

Nakiisa ang Future Educators for Upliftment and Progress (FED UP) sa malawakang pagkilos kahapon sa komerasyon ng Intern...
09/03/2026

Nakiisa ang Future Educators for Upliftment and Progress (FED UP) sa malawakang pagkilos kahapon sa komerasyon ng International Working Women's Day. Bitbit ang mga panawagang wakasan ang karahasan laban sa kababaihan at ipaglaban ang tunay na espasyong kumikilala sa dignidad at karapatan ng kababaihan.

Hangga’t ang lipunan ay nakadisensyo upang ikahon sa hindi nakabubuhay na sahod at unpaid care work, hangga’t pinoprotektahan ng pamahalaan ang mga kurakot at bastos na mga opisyales, hindi natin makakamit ng tunay na kalayaan at pagkakapantay-pantay. Ang laban ng kababaihan ay hindi natatapos sa simpleng mga palamuting selebrasyon tuwing buwan ng kababaihan. Kinakailangan baguhin ang mismong sistemang nakikinabang sa pananamantala laban sa kababaihan.



Sumapi sa FED UP: tinyurl.com/JoinFEDUP

YOUTH UNITY STATEMENT FOR INTERNATIONAL WORKING WOMEN'S DAY 2026We, the undersigned organizations and individuals, stand...
09/03/2026

YOUTH UNITY STATEMENT FOR INTERNATIONAL WORKING WOMEN'S DAY 2026

We, the undersigned organizations and individuals, stand in collective solidarity with working women everywhere in the continued struggle for a society that is not only equal in principle, but just in practice. International Working Women’s Month was born not from comfort, but from struggle. It emerged from the defiance of women workers who refused starvation wages, brutal working hours, and political exclusion – who organized not for recognition, but for survival and dignity. This history grounds us today.

As we commemorate International Working Women's Month, we stand with workers organizing for fair pay, we stand with students asserting their rights, we stand with mothers, caregivers, informal workers, migrants, and all marginalized women whose labor keeps economies alive yet whose voices are too often silenced.
International Working Women’s Month reminds us that rights were never handed to us — they were won. And they will only be defended and expanded through continued solidarity and collective action!

Signed,

Samahan ng Progresibong Kabataan
Enough is Enough Ph
Practice of Administrative Leadership and Service – NCPAG, UP Diliman
Philippine Institute of Civil Engineers - OLFU QC Student Chapter
Partido Pandayan, ADMU
TUP Dugong Bughaw
PUP College of Arts and Letters Student Council
Junior Nightingales Student Council LPU – St. Cabrini School of Health Sciences, Inc.
Society of Public Administration Student, PUP Quezon City
Future Educators for Upliftment and Progress PNU
The Work, Tarlac State University
GoodGovPH
Pampanga State University - Association of Public Administration
MICROBIA, West Visayas State University
Spaces for Women’s Arts and Narratives (SWAN), ADMU
UPV Tycoons
UTOPIA – The Society of BA Political Science Students, Cavite State University
Mitochondrion Society, Cavite State University

♀️ Abante, babae! Atin ang bukas!

📝 Read the full unity statement here: https://docs.google.com/.../1RfXjRbGKLj3iT5PhqBH6.../edit...

✊ Tuloy ang laban: join.sparkkabataan.org





“Lalaki ‘yan eh, ‘wag na tayo magplastikan, ang mga lalaki nagnanasa ‘yan talaga. We are wired for that…”“You know may d...
07/03/2026

“Lalaki ‘yan eh, ‘wag na tayo magplastikan, ang mga lalaki nagnanasa ‘yan talaga. We are wired for that…”

“You know may desire sa loob ko na nag-init Talaga at na-imagine ko nalang kung anong pwedeng mangyari, pero syempre hanggang imagination nalang yun. Pero ‘di naman sig**o ako pwede kasuhan kung ano naimagine ko.”

“And I think she should take it as a compliment…”

“Bakit ka nagpo-post ng mga bikini pictures mo sa social media? Hindi ba para ikaw ay pagnasahan?...”

Ilang dekada na ang nakalipas mula noong ipinaglaban ng manggagawang kababaihan ang karapatan na makapagtrabaho, makatanggap ng nakabubuhay na sahod, at makalahok sa eleksyon. Itong paglaban ay hindi lang para sa pagkilala ng kasarian kundi para sa buhay na may dignidad. Ngunit, sa kabila nito, hindi pa rin tuluyang nakakalaya ang kababaihan sa pananamantala.

Hanggang ngayon, patuloy na dinaranas ng manggagawang kababaihan ang hindi nakabubuhay na sahod. Pagkatapos ng mahabang araw sa trabaho, inaasahan pa rin siyang mag-alaga ng kaniyang pamilya pag-uwi sa bahay.

Dagdag pa sa dinaranas ng kababaihan ang karahasan at pambabastos. Humahaba ang listahan ng mga bastos na government officials na ang tingin sa kababaihan ay hindi tao kundi mga bagay na pinagnanasaan at dinodomina. Ninonormalisa ang pambabastos, at nagbibigay daan sa pagpapanatili ng r**e culture at karahasan laban sa kababaihan.

Kung tunay na titignan, ito ay hindi lamang usapin ng indibidwal na mga pangyayari, kundi isang suliraning matagal nang naka-ugat sa ating sistema. Kaya mahalagang maunawaan na ang laban ng karapatan ng kababaihan ay hindi mailalayo sa laban ng manggagawa’t masang api.

Kaya naman, bilang mga pre-service teachers, na tagahubog ng susunod na henerasyon, kaisa tayo sa paglaban para sa karapatan ng lahat ng kababaihan at tungo sa lipunang malaya sa pananamantala at pang-aapi. Responsibilidad nating itaguyod ang edukasyon na nakabatay sa pagkakapantay-pantay.

Sumama sa mobilisasyon para sa International Working Women’s Day!

March 8, 2026
Mass up at UST Espana | 8:00 AM
Magsuot ng p**a!

tinyurl.com/JoinFEDUP

Nakiisa ang Future Educators for Upliftment and Progress sa pagkilos kahapon, komemorasyon ng ika-40 taon ng EDSA People...
26/02/2026

Nakiisa ang Future Educators for Upliftment and Progress sa pagkilos kahapon, komemorasyon ng ika-40 taon ng EDSA People Power. Sa kabila ng marahas na pambabarikada ng kapulisan, matagumpay na nakatapak sa EDSA Shrine ang manggagawa’t taumbayan upang ipanawagan ang pagpapanagot sa lahat ng sangkot sa korapsyon.

Batayang karapatan natin ang malayang pagpapahayag at pagprotesta. Hindi kailanman kinakailangan ng permit para gamitin ang ating mga karapatan. Kung kaya’t nararapat na palayain lahat ng inaresto ng kapulisan kahapon sa EDSA@40.

PALAYAIN SI THREE AT PARDS!
IKULONG ANG KAWATAN, HINDI ANG LUMALABAN!

Sumapi sa FED UP: tinyurl.com/JoinFEDUP

Mariing kinukundena ng FED UP ang karahasan ng kapulisan sa mobilisasyon kanina sa EDSA@40. Karahasan ng kapulisan ang i...
25/02/2026

Mariing kinukundena ng FED UP ang karahasan ng kapulisan sa mobilisasyon kanina sa EDSA@40. Karahasan ng kapulisan ang inabot ng masa’t manggagawang lumalaban para panagutin ang lahat ng sangkot sa malawakang pandarambong at korapsyon.

Ang bilis umaksyon ng mga pulis laban sa masang nagproprotesta; dalawa ang inaresto na isang miyembro ng Samahan ng Progresibong Kabataan (SPARK) na si Three Odeña at Edel Parducho ng Philippine Alliance of Human Rights Advocates (PAHRA). Pinadapa, sinabunutan, at ngayon ay nakaambang sampahan ng “direct assault” kahit taliwas naman ito sa totoong nangyari.

Ang pangyayari kanina ay hindi dapat maging dahilan upang tayo ay matakot lumaban para sa ating mga karapatan. Ang galit ng mga nagprotesta kanina sa EDSA@40 ay bunga ng deka-dekadang pananamantala mula sa korap na estado.

Tuloy ang laban!
Palayain lahat ng dinakip sa EDSA@40!



TINGNAN | Nagsagawa ng banner drop ang FED UP kaninang umaga sa PNU Manila Talipapa para himukin ang kabataan na sumama ...
24/02/2026

TINGNAN | Nagsagawa ng banner drop ang FED UP kaninang umaga sa PNU Manila Talipapa para himukin ang kabataan na sumama sa darating na ika-40 na anibersaryo ng People Power sa EDSA Ortigas.

Bilang susunod na henerasyon ng mga g**o na magtuturo ng kasaysayan sa mga kabataan, alalahanin natin ang aral ng EDSA: wala sa kamay ng mga elitista at dinastiya ang sagot sa kahirapan. Tayo mismo ang magpapanagot sa mga kurakot, tungo sa pagtatayo ng gobyernong tunay na magsisilbi sa pangangailangan ng taumbayan sa ilalim ng People’s Transition Council.

Sumama sa People Power @ 40!

Tagpuan: EcoOil Gas Station, 12NN
Programa: EDSA Shrine, 1PM
Magsuot ng itim!

tinyurl.com/JoinFEDUP

G**O NG BAYAN, TURUAN NG LEKSYON ANG KORAP!40 taon na mula nang rumagasa sa lansangan ang masa’t manggagawa para wakasan...
23/02/2026

G**O NG BAYAN, TURUAN NG LEKSYON ANG KORAP!

40 taon na mula nang rumagasa sa lansangan ang masa’t manggagawa para wakasan ang pandarambong at panunupil ng diktadurang Marcos, ngunit wala halos pinagbago sa kalagayan natin ngayon.

Mataas pa rin ang presyo ng bilihin habang pabagsak ang halaga ng sahod. Kapos ang pondo sa pampublikong serbisyo tulad ng edukasyon, kalusugan, pabahay, at iba pa. Bagamat iniyayabang ng administrasyong Marcos Jr. ang makasaysayang pondo ng sektor ng edukasyon dahil umabot ito sa pamantayan ng UNESCO, hindi pa rin nito tuluyang mareresolba ang krisis sa edukasyon.

Halos 24,000 lamang ang planong itayong classroom, malayo sa 165,000 na kakulangan sa silid-aralan. Sa 150,000 kakulangan ng g**o, 65,000 lang ang teaching items na popondohan. Wala rin sa budget ang matagal nang panawagan ng mga g**o para sa Php 15,000 na dagdag sa buwanang sahod. Malaking porsiyento rin ng budget sa edukasyon ang napunta sa voucher programs, na pinakikinabangan ng mga fly-by-night at diploma-mills na ang layunin ay magpalalim ng bulsa imbis na magbigay ng kalidad na edukasyon.

Higit sa lahat, naririyan pa rin ang korapsyon at mga dinastiya na hindi nasugpo ng EDSA. Wala pa ring napapanagot at napapakulong kaya’t walang kasiguruhan ang taumbayan na hindi mauuwi sa korapsyon ang dapat na pondo sa edukasyon at iba pang pampublikong serbisyo.

Ang dahilan kung bakit ganito pa rin ang kalagayan ng taumbayan, ay dahil matapos tanggalin si Marcos Sr. ay umasa tayo sa mga elitista at dinastiya na iaahon tayo sa kahirapan at wawakasan ang korap na sistema.

Patuloy ang bangayan ng kampo nina Marcos at Duterte, habang ang ibang paksyon ng mga elitista ay nagpupusturang oposisyon at naglalayong tumakbo sa 2028 National Elections. Kung mayroong aral tayong dapat mapulot sa karanasan ng EDSA, higit lalo sa ating susunod na henerasyon ng mga g**o na magtuturo ng kasaysayan sa mga kabataan, ay wala sa kamay ng mga elitista at dinastiya ang sagot sa kahirapan.

Ang nais nating pagbabago tungo sa lipunang masagana at may tunay na demokrasya ay magaganap lamang kung ipundar natin ang gobyernong tunay na magsisilbi sa pangangailangan ng taumbayan, ang gobyernong pamumunuan ng manggagawa’t masang api.

BBM at Sara, patalsikin!

Signatories:
Future Educators for Upliftment and Progress (FED UP)
PNU Katalonan
PNU - USC Student Electoral Commission
PNU Students and Educators for ASEAN
KADIPAN PNU-Manila
The PNU Writers Circle
PNU BSEENG II-16
PNU TedPaths I-1
PLM College of Education Student Council
PLM Teacher Education Society

40 taon mula ng maganap ang EDSA People Power, ngunit ang sitwasyon natin mula noon ay hindi nagbago. Nag gigitata pa ri...
18/02/2026

40 taon mula ng maganap ang EDSA People Power, ngunit ang sitwasyon natin mula noon ay hindi nagbago. Nag gigitata pa rin ang masa’t manggagawa sa kahirapan, harap-harapan ang korapsyon, at pare-parehong apelyido at mukha pa rin ang may hawak ng kapangyarihan.

Kung mayroong aral tayong dapat mapulot sa karanasan ng EDSA, higit lalo sa ating susunod na henerasyon ng mga g**o na magtuturo ng kasaysayan sa mga kabataan, ay wala sa kamay ng mga elitista at dinastiya ang sagot sa kahirapan.

Kaya sa darating na anibersaryo ng EDSA, sama-sama nating singilin at panagutin ang lahat ng sangkot sa malawakang pandarambong korapsyon, at isulong ang gobyernong tunay na magsisilbi sa pangangailangan ng taumbayan, ang gobyernong pamumunuan ng manggagawa’t masang api!

PEBRERO 24
11:30 AM | Banner Hanging sa PNU Talipapa

PEBRERO 25
10:30 AM | Tagpuan sa UN Station
12:00 NN | Mass up sa Rochester at EDSA https://maps.app.goo.gl/fyjCc7v8NucdFw8s7
1:00 NN | Programa sa EDSA Shrine Ortigas https://maps.app.goo.gl/thGpAiGBLBmqmiQA9

G**o ng Bayan, Panagutin Lahat ng mga Korap!
BBM at Sara, Patalsikin!
Itayo ang People’s Transition Council!



Sumapi sa FED UP: tinyurl.com/JoinFEDUP

Nasa kamay ng masa’t manggagawa ang kapangyarihang pumili ng direksyon para sa ating lipunan.‎Sa panahon na laganap ang ...
11/02/2026

Nasa kamay ng masa’t manggagawa ang kapangyarihang pumili ng direksyon para sa ating lipunan.
‎
Sa panahon na laganap ang korapsyon at panunupil, hindi dapat tayo manahimik at umasa nalang ng pagbabago sa mga namumuno. Sino mang paksyon ng elitista ang nakaupo sa pamahalaan ay pareho lang din ang gawi: pagnanakaw at pananamantala sa taumbayan.

‎Bilang mga g**o ng bayan, tungkulin nating magmulat, magpaliwanag, at sumuporta sa laban ng manggagawa sa pagbuo ng makabuluhang solusyon sa mga suliranin ng lipunan.
‎
Ngunit paano nga ba maiigpawan ang krisis na kinahaharap ng bansa?

‎Makilahok. Magtanong. Magsalita. Sama-sama nating tuklasin at pag-usapan ang kinabukasan na nararapat sa bawat Pilipino.

Ang Papel ng Kabataan sa Paglikha ng Kasaysayan
Pebrero 13, 2026 | 11:30 AM - 12:30 PM
Venue: PNU Faculty Center (1st Floor) / GMeet

Para sa mga nais lumahok online, maaaring magregister sa: https://forms.gle/UraLzM5VgDjBURAk6

We stepped outside the classroom and into the heart of service.Through Tiny Steps, Giant Leaps, we shared laughter and i...
05/02/2026

We stepped outside the classroom and into the heart of service.

Through Tiny Steps, Giant Leaps, we shared laughter and inspiration with the learners of Barangay 659 Zone 1 Daycare!

Our heartfelt thank you to everyone who served alongside us and made this day meaningful 💖

In partnership with:
PNU SEED - Society of Early childhood EDucators



Join FED UP: tinyurl.com/JoinFEDUP

Tiny Steps is here! 🫣🎉 D-day fun starts now! Our daycare doors open wide to happy times: cozy story circles that spark i...
03/02/2026

Tiny Steps is here! 🫣🎉 D-day fun starts now! Our daycare doors open wide to happy times: cozy story circles that spark imaginations and endless bookish joy shared with new friends. Watch little ones giggle, grow, and glow through hands-on fun, nurturing hearts and minds one tiny step at a time.

In partnership with:
PNU SEED - Society of Early childhood EDucators



Join FED UP: tinyurl.com/JoinFEDUP

Address

Manila

Website

Alerts

Be the first to know and let us send you an email when FED UP - Future Educators for Upliftment and Progress posts news and promotions. Your email address will not be used for any other purpose, and you can unsubscribe at any time.

Shortcuts

Share

Category