SJSP Vocation Festival

25/05/2026

Enroll Now!

22/05/2026

𝐌𝐀𝐘𝐎 𝟐𝟐-𝟐𝟒, 𝟐𝟎𝟐𝟔 | 𝐀𝐍𝐆 𝐏𝐀𝐆𝐃𝐀𝐋𝐀𝐖 𝐍𝐆 𝐒𝐀𝐍𝐓𝐎 𝐍𝐈𝐍𝐎 𝐃𝐄 𝐏𝐀𝐍𝐃𝐀𝐂𝐀𝐍 𝐒𝐀 𝐃𝐀𝐌𝐁𝐀𝐍𝐀 𝐍𝐆 𝐕𝐈𝐑𝐆𝐄𝐍 𝐍𝐆 𝐋𝐎𝐑𝐄𝐓𝐎 𝐒𝐀 𝐒𝐀𝐌𝐏𝐀𝐋𝐎𝐂

Halina't ating samahan ang mapaghimalang pintakasi ng Pandacan, ang 𝑀𝑎ℎ𝑎𝑙 𝑛𝑎 𝑃𝑜𝑜𝑛𝑔 𝑆𝑎𝑛𝑡𝑜 𝑁𝑖𝑛𝑜, sa kanyang muling pagdalaw sa National Shrine and Parish of Our Lady of Loreto mula Mayo 22 hanggang Mayo 24.

Ayon sa kasaysayan, ang imahen ng Santo Niño ay unang dinala sa Simbahan ng Virgen ng Loreto sa Sampaloc matapos itong matagpuan. Sapagkat noong panahong yaon, ang Pandacan ay bahagi pa ng bayang ito.

Nguni't sa hindi maipaliwanag na pangyayari, kataka-takang bumabalik nang makailang ulit ang imahen sa lugar kung saan ito natagpuan. Kaya naman, napagpasyahang tayuan doon ng sariling Visita ang Santo Niño na kalaunay naging hiwalay na parokya noong Nobyembre 23, 1712.

𝐓𝐀𝐋𝐀𝐓𝐀𝐊𝐃𝐀𝐀𝐍 𝐍𝐆 𝐌𝐆𝐀 𝐆𝐀𝐖𝐀𝐈𝐍:
https://tinyurl.com/PagdalawSaLoreto2026

17/05/2026

𝐏𝐚𝐠𝐝𝐚𝐥𝐚𝐰 𝐧𝐠 𝐒𝐚𝐧𝐭𝐨 𝐍𝐢ñ𝐨 𝐝𝐞 𝐏𝐚𝐧𝐝𝐚𝐜𝐚𝐧 𝐬𝐚 𝐋𝐨𝐫𝐞𝐭𝐨
Mayo 22-24, 2026

Halina po at buong galak at giliw nating salubungin ang imahen ng Sto. Niño de Pandacan sa muling pag-uwi at pagdalaw nito sa Tahanan ng Kanyang Ina dito sa Bayan ng Sampaloc.

𝑽𝒊𝒗𝒂, 𝑺𝒂𝒏𝒕𝒐 𝑵𝒊𝒏𝒐 𝒅𝒆 𝑷𝒂𝒏𝒅𝒂𝒄𝒂𝒏
𝑴𝒂𝒈𝒂𝒍𝒂𝒌 𝒔𝒂 𝑳𝒐𝒓𝒆𝒕𝒐! 𝑺𝒂 𝑳𝒐𝒓𝒆𝒕𝒐, 𝒎𝒂𝒈𝒂𝒍𝒂𝒌!

13/05/2026

🌸 𝐆𝐑𝐀𝐍𝐃 𝐒𝐀𝐍𝐓𝐀𝐂𝐑𝐔𝐙𝐀𝐍 𝐒𝐀 𝐏𝐀𝐍𝐃𝐀𝐂𝐀𝐍 𝟐𝟎𝟐𝟔 🌸

Muli nating tunghayan at ipagdiwang bilang isang pamayanan ang makulay na tradisyon ng pananampalataya at debosyon sa ating Mahal na Birheng Maria sa nalalapit na 𝐆𝐫𝐚𝐧𝐝 𝐒𝐚𝐧𝐭𝐚𝐜𝐫𝐮𝐳𝐚𝐧 𝐬𝐚 𝐏𝐚𝐧𝐝𝐚𝐜𝐚𝐧 𝟐𝟎𝟐𝟔 na gaganapin sa darating na Sabado, ika-23 ng Mayo 2026, sa Sto. Niño de Pandacan Parish. 💐👑

Magsisimula ang pagdiriwang sa pamamagitan ng 𝐁𝐚𝐧𝐚𝐥 𝐧𝐚 𝐌𝐢𝐬𝐚 𝐧𝐠 𝐒𝐚𝐧𝐭𝐚𝐜𝐫𝐮𝐳𝐚𝐧 sa ganap na alas-3:00 ng hapon, na agad susundan ng parada ng mga sagala at iba’t ibang kinatawan ng ating komunidad. Makakasama rin sa banal at makulay na pagdiriwang na ito ang imahen ng Our Lady of Loreto bilang bahagi ng ating taimtim na debosyon at pagpupugay sa Mahal na Birheng Maria.

Inaanyayahan ang bawat isa na makiisa at maging bahagi ng pagdiriwang na ito bilang pasasalamat, pananampalataya, at pagkakaisa ng sambayanang Kristiyano ng Pandacan.

𝑺𝒂 𝒃𝒂𝒘𝒂𝒕 𝒃𝒖𝒍𝒂𝒌𝒍𝒂𝒌 𝒂𝒕 𝒑𝒂𝒏𝒂𝒍𝒂𝒏𝒈𝒊𝒏, 𝒏𝒂𝒓𝒐𝒐𝒏 𝒂𝒏𝒈 𝒂𝒕𝒊𝒏𝒈 𝒑𝒂𝒈𝒎𝒂𝒎𝒂𝒉𝒂𝒍 𝒂𝒕 𝒅𝒆𝒃𝒐𝒔𝒚𝒐𝒏 𝒔𝒂 𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏. 𝑽𝒊𝒗𝒂 𝑳𝒂 𝑽𝒊𝒓𝒈𝒆𝒏! 💙

11/05/2026

𝐏𝐔𝐑𝐈𝐇𝐈𝐍 𝐀𝐍𝐆 𝐍𝐆𝐀𝐋𝐀𝐍 𝐍𝐆 𝐏𝐀𝐍𝐆𝐈𝐍𝐎𝐎𝐍,
𝐍𝐆𝐀𝐘𝐎𝐍 𝐀𝐓 𝐌𝐀𝐆𝐏𝐀𝐒𝐀𝐖𝐀𝐋𝐀𝐍𝐆 𝐇𝐀𝐍𝐆𝐆𝐀𝐍!

Malugod na nakikiisa ang Pandacan sa buong pamayanan ng Tondo sa makasaysayang pagdiriwang ngayong araw, Mayo 11, kaugnay ng pormal na deklarasyon ng kanilang bahay-dalanginan bilang 𝐵𝑎𝑠𝑖𝑙𝑖𝑘𝑎 𝑀𝑖𝑛𝑜𝑟𝑒.

Patuloy nating idalangin sa ating mapagpalang patron, ang Mahal na Poong Santo Niño, na pagpalain Niya ang ating mga dakilang misyon para sa pagpapalago at pagpapalalim ng pananampalataya. Bilang isang nagkakaisang bayan, patuloy nating itaguyod ang debosyon sa Kanya sa ating minamahal na Lungsod ng Maynila.

Muli, sa ngalan ng mga kaparian, parokyano, at deboto ng Sto. Niño de Pandacan Parish, isang mainit at taos-pusong pagbati ang aming ipinapaabot sa Minor Basilica and Archdiocesan Shrine Parish of Santo Niño de Tondo.

𝐕𝐈𝐕𝐀 𝐒𝐀𝐍𝐓𝐎 𝐍𝐈𝐍𝐎 𝐃𝐄 𝐓𝐎𝐍𝐃𝐎!
𝐕𝐈𝐕𝐀 𝐒𝐀𝐍𝐓𝐎 𝐍𝐈𝐍𝐎 𝐃𝐄 𝐏𝐀𝐍𝐃𝐀𝐂𝐀𝐍!

10/05/2026

02/05/2026

𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝐒𝐀 𝐊𝐀𝐑𝐀𝐍𝐆𝐀𝐋𝐀𝐍 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀 𝟐𝟎𝟐𝟔

Ang mahalimuyak at banal na buwang ito ay tanda ng ating malalim na debosyon sa Ina ng Diyos, na labis na nagmamahal at patuloy na gumagabay sa atin. Kaugnay nito, ang tradisyunal na pag-aalay ng bulaklak ay gaganapin araw-araw sa buong buwan ng Mayo matapos ang Misa tuwing alas-6:30 ng umaga. Ang Santisimo Rosario ay dinarasal bago magsimula ang Misa.

Bukod sa bulaklak ay malugod ring inaanyayahan ang lahat na mag-alay ng 𝐒𝐜𝐡𝐨𝐨𝐥 𝐒𝐮𝐩𝐩𝐥𝐢𝐞𝐬 bilang tulong sa mga mag-aaral ngayong nalalapit na pasukan. Ang simpleng handog na ito ay tiyak na magpapasaya hindi lamang sa mga batang makatatanggap, kundi lalo na sa ating Mahal na Ina.

Antabayanan sa pahinang ito ang karagdagang anunsyo at detalye tungkol sa mga aktibidad ngayong buwan.

21/04/2026

𝐕𝐈𝐕𝐀 𝐒𝐀𝐍𝐓𝐎 𝐍𝐈𝐍𝐎 𝐃𝐄 𝐏𝐀𝐍𝐃𝐀𝐂𝐀𝐍!

Narito ang makapangyarihang Hari ng Pandacan, ang Mahal na Poong Santo Niño, sa Kanyang maringal na regalia para sa Prusisyon Laban sa Sunog at mga Sakuna ngayong taon, alay ni Ginoong Auburn Antazo mula sa Binangonan, Rizal.

Sa ngalan ng Parokya ng Santo Niño de Pandacan, sa pangunguna ni Padre Andy Ortega Lim, Kura Paroko, at mga kasamang pari, taos-pusong ipinaaabot ang aming pasasalamat sa lahat ng nakiisa, lalung-lalo na sa mga deboto at lingkod na nagmalasakit, nagtiyaga, at naging instrumento upang maging matagumpay ang gawaing ito. Nawa’y patuloy kayong pagpalain ng Santo Niño at gantimpalaan sa inyong kabutihang-loob.

Patuloy nating idalangin sa ating patron ang kaligtasan at proteksyon ng ating bayan mula sa anumang sakuna. Nawa’y pagpalain Niya tayo ng masagana, matiwasay, at mapayapang pamumuhay, sampu ng ating mga pamilya at kaibigan. (Larawang kuha ni Ginoong Angelo Mangahas)