Pedestrians Muna

05/02/2026

Ganyan sila sa Parañaque. Sa halip na maglagay ng street-level na pedestrian crossing, nagwaldas sila ng pera ng taumbayan sa overpass na wala namang gumagamit kasi inconvenient at pahirap sa mga pedestrian.

📷 Eric Martinez - Paranque via Zaph Castillo

27/01/2026

Isa pang balasubas na pickup driver ang pumatay ng pedestrian, ngayon naman sa Pinamalayan, Oriental Mindoro!

Nasa tamang tawiran ang bata. Tumigil na yung Elf truck na nasa outer lane, pero yung pickup driver, harurot pa rin! Di man lang nagmenor sa tawiran! Malamang ipagtatanggol na naman ng mga tontong netizens katulad ng ginawa nila sa pickup driver na nambundol ng pedestrian sa Suyo, Ilocos Sur!

25/01/2026

Kapag nga naman balasubas na motorista ka na walang malasakit at pakundangan sa kapakanan ng kapwa tao mo, ang palagi mong linyahan ay:

❌ ️"Hindi naman siya sa pedestrian lane tumawid eh"
❌ ️"Bigla kasi siyang tumawid eh!"
❌ ️"Kasalanan ng magulang yan, di tinuruan ang anak"
❌ ️"Kapabayaan ng magulang yan!"
❌ ️"Di naman yan oras ng eskwela."
❌ ️"Bakit kasi walang umaalalay sa mga tumatawid?"
❌ ️"Wag kasing tumawid agad."
❌ ️"Bakit kasi tumatawid kapag naka-green light?"
❌ ️"Bakit kasi walang humps?"
❌ ️"Bakit kasi walang sign na school zone?"

Napakalinaw sa ating batas: WALANG KARAPATAN ANG MGA MOTORISTA MANAGASA NG TAO SA LANSANGAN!

Ating balikan ang sinabi noong nakaraan taon ni Automobile Association of the Philippines president Joe Ferreria: The moment na tumapak sa lansangan ang pedestrian, sila palagi ang prayoridad may pedestrian lane, traffic light, school zone, church zone, o hospital zone man o wala.

Tandaan na ang pagmamay-ari at pagmamaneho ng sasakyan ay hindi isang karapatang pantao. Temporary privilege lamang yan mula sa gobyerno na pwedeng bawiin sayo. Habang ang paglalakad sa kalsada ay isang pangunahing karapatang pantao na hindi pwedeng alisin sayo. Pedestrians ang first class citizens sa lansangan, tandaan! Hindi pedestrians ang mag-aadjust sa motorista pagkat motorista ang inutusan ng batas na mag-aral ng tamang pagmamaneho at pag-adjust sa mga pedestrians!

24/01/2026

Maraming netizens ang kumakampi sa driver ng pickup driver na nakabundol at nakapatay ng 7-taong-gulang na pedestrian sa tapat ng Uso Elementary School sa Suyo, Ilocos Sur noong isang linggo. Kesyo inosente daw yung driver dahil biglang tumawid ang bata at pinabayaan ng ina tumawid mag-isa.

Pero ito ang hindi ma-realize ng mga netizen sa nakita nilang CCTV video. Akala nila mabagal ang pickup truck? Akala lang nila yun. Kung susuriin ang video, malaki ang naging stopping distance ng pickup truck mula sa lugar kung saan nito nabundol at napatay ang bata, patunay lamang na overspeeding ito sa isang school zone na may 10-20 kph na speed limit.

Ang stopping distance ng pickup ay nasa habang 100 ft/30 m. Sa physics, the greater the stopping distance, the greater the speed. So kung ico-compute base sa distansyang yan, tumatakbo ang pickup truck sa bilis na 25 to 30 kmh sa isang school zone kung saan palaging prayoridad ang mga pedestrian at estudyante. Makikita rin sa Google Maps ang lugar ng aksidente kung saan may existing pedestrian crosswalk na tila hindi pinansin ng pickup driver.

Samakatuwid, tama lang na kasuhan ang driver ng pickup truck ng reckless imprudence resulting in homicide.

Sa mga motorista dyan, ugaliin nyong magmenor sa mga eskwelahan, umalalay sa preno, at magmasid sa paligid kung may pedestrian ba tuwing dadaan sa mga eskwelahan. Hindi kayo magkakaroon ng situational awareness kung matulin ang patakbo nyo. At ugaliin palagi ang defensive driving. Dapat asahan nyo palagi na maraming estudyante, g**o at magulang na tumatawid dyan. Hindi pedestrians ang dapat mag-adjust sa inyo. Kayo ang may kontrol sa silinyador at preno nyo, hindi ang pedestrian!

23/01/2026

It's about damn time!

FINALLY, FINALLY, FINALLY! 🚶🏻‍♂️🚶🏻‍♀️

A newly installed pedestrian crossing between two shopping malls in Mandaluyong City has been welcomed by commuters who had long endured walking dangerously close to EDSA just to reach their destinations.

Read: https://interaksyon.philstar.com/trends-spotlights/2026/01/22/308069/commuters-welcome-pedestrian-crossing-mandaluyong-malls/

18/12/2025

Sa commuters na naman ipinasa ng isang bilyonaryong korporasyon ang responsibilidad ng tamang pagbabayad sa mga tsuper nila. May surge pricing na nga, may bago na namang gustong pagkakitaan? Bakit di bawasan ng mga TNVS operator na yan ang sahod ng mga CEO, board members, at management officials nila sa halip na ipasa sa commuters?

Mas mabuti pang wag nang tumangkilik ng TNVS. Dumadagdag lang ang mga yan sa traffic. Gumamit na lang ng pampublikong transportasyon, bisikleta o maglakad. Para mawala na ang mga gahamang korporasyon na yan!

DAGDAG NA NAMAN SA PASAHE?

Ayon sa LTFRB, kasama na sa babayaran ang distansya mula sa lokasyon ng driver hanggang sa iyong pick-up point.

Layon umano nito na mabigyan ng sapat na kita ang mga driver sa gitna ng matinding traffic ngayong holiday season.

Ano'ng masasabi mo rito?

Link sa buong ulat sa comment section.

09/12/2025

Kung kelan holiday rush, doon nyo pahihirapan ang mga mananakay. Sino lang ang makikinabang sa ginawa nyo? Mga TNVS gaya nga Grab, Joyride, MoveIt, InDrive, at iba pa. Mga taxi companies, e-bike makers at automakers. Pinapadami nyo lang ang mga personal private vehicles na nagpapalala sa traffic sa mga lansangan sa halip na padamihin ang mass public transportation!

Commuters wait for rides as transport group Manibela begins its three-day transport strike on Tuesday, December 9, 2025, to protest the government’s 'vague promises' in response to the

04/12/2025

Ang logical fallacy ng mga e-bike fanatics eh kapag tutol ka sa e-bike eh pabor ka na sa kotse at motorsiklo. Eh isang dekada na kaming kalaban ng mga nakakotse at motorsiklo!

30/11/2025

Yung pedestrian pa talaga ang gusto nyong sisihin eh may karapatan siyang tumawid sa crosswalk. Yung e-trike na hindi marunong magmenor at pumreno bago magcrosswalk, hindi nyo sinisisi. Kaya dapat lang na ipagbawal sa major roads at irequire na may rehistro at lisensyo ang mga e-trikes, e-mopeds, at e-golf carts na yan!

29/11/2025

Ilang pedestrians pa ba ang kailangang mamatay bago marealize ng mga e-trike at e-golf cart owners/drivers na dapat silang magparehistro, magkaroon ng driver's license, at kailangang magmaneho lamang sa secondary at tertiary roads?

17/11/2025

Pag-alala sa lahat ng mga inosenteng tao na pinatay ng mga kamote sa lansangan.

Higit kalahati ng naitatalang biktima ng road traffic deaths ay pedestrians, bikers, at riders, ayon sa UN. Layon ng araw na itong alalahanin sila at mga naulilang pamilya.