https://www.facebook.com/128634209384137/

KAMMFIL-Kapisanan ng mga Mag-aaral ng MPPM sa Filipino

Home
Philippines
Manila
KAMMFIL-Kapisanan ng mga Mag-aaral ng MPPM sa Filipino

Isang samahan na may layuning isulong at ipagyaman ang wikang Filipino at kultura nito.

08/09/2026

📣 Mabuhay, Mascians!

Sa 📅 𝗦𝗲𝘁𝘆𝗲𝗺𝗯𝗿𝗲 𝟵, 𝗺𝘂𝗹𝗮 𝟵𝗔𝗠, magsasama-sama ang buong Mataas na Paaralang Pang-agham ng Maynila para sa ating Pistang Bayan, 👥 isang pagsasalusalo upang ipagdiwang ang matagumpay nating pagtatapos ng Unang Termino. 📚

Pagkatapos ng lahat ng ating pagsisikap at puyat, oras namang magpahinga at magsalusalo sa napakaraming masasarap na potaheng Pinoy. 🍽️

𝗛𝗮𝗹𝗶𝗻𝗮'𝘁 𝗸𝘂𝗺𝗮𝗶𝗻 𝗮𝘁 𝗺𝗮𝗴𝗱𝗶𝗿𝗶𝘄𝗮𝗻𝗴! ✨

🖼️ Nikka Callueng
✒️ Cedrick Penafiel

01/09/2026

𝗔𝘄𝗮𝗻𝗴𝗴𝗮𝗻

Mula ito sa dalawang salita na "awan" na nangangahulugang wala mula sa Ilokano at "hanggan" na ibig sabihin ay dulo mula sa tagalog. Kapag pinagsama ang dalawang salita ay nabubuo ang kahulugnag walang dulo o walang katapusan, katumbas ng salitang infinity sa ingles.

Sinasabi rin na ito ang pinakamaiksing bersyon ng "walang hanggan" na naging mas impormal sa pagkaiksi ng salita. Maaari itong gamitin bilang pang-uri o pangngalan.

Halimbawa sa Pangungusap:
Pangngalan
"Abot hanggang dulo ng awanggan ang lawak ng kalawakan."

Pang-uri
"Ang pagmamahal ng isang ina sa kaniyang anak ay awanggan."

Hatid nina: Cedrick Penafiel at Thea Rivas

31/08/2026

𝗣𝗮𝘁𝗮𝗽𝗼𝘀 𝗻𝗮 𝗮𝗻𝗴 𝗵𝗮𝗻𝗴𝗶𝗻𝗴 𝗮𝘀𝗶𝗻, 𝗮𝘁 𝗺𝗮𝗴𝘀𝗮𝘀𝗮𝗿𝗮 𝗻𝗮 𝗮𝗻𝗴 𝗸𝗶𝗻𝗮𝗸𝗮𝗹𝗮𝘄𝗮𝗻𝗴 𝗽𝗶𝗻𝘁𝘂𝗮𝗻 𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮.🍃🚪Sa paglipas ng araw, kasabay nitong humuhupa ang mga awitan, paligsahan, pagtatanghal, at mga tinig ng buong buwan nating inialay sa wikang Filipino.

Ngunit bago tuluyang matapos ang buwan ng Agosto, 𝗯𝗮𝗹𝗶𝗸𝗮𝗻 𝗺𝘂𝗻𝗮 𝗻𝗮𝘁𝗶𝗻 𝗸𝘂𝗻𝗴 𝗽𝗮𝗮𝗻𝗼 𝗻𝗮𝗴𝘀𝗶𝗺𝘂𝗹𝗮 𝗮𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗮 𝗻𝗴𝗮𝘆𝗼’𝘆 𝗯𝗮𝗵𝗮𝗴𝗶 𝗻𝗮 𝗻𝗴 𝗮𝘁𝗶𝗻𝗴 𝘁𝗮𝘂𝗻-𝘁𝗮𝗼𝗻𝗴 𝘁𝗿𝗮𝗱𝗶𝘀𝘆𝗼𝗻. 🗓

Alam niyo ba na bago naging isang buong buwan ang selebrasyon, nakilala muna ito bilang 𝗟𝗶𝗻𝗴𝗴𝗼 𝗻𝗴 𝗪𝗶𝗸𝗮. ✨ Noong 1946, itinatag ni Pangulong 𝗦𝗲𝗿𝗴𝗶𝗼 𝗢𝘀𝗺𝗲ñ𝗮 ang taunang pagdiriwang nito. Sa panahong iyon, hindi pa Agosto ginaganap ang selebrasyon, kundi sa mga huling araw ng Marso hanggang unang bahagi ng Abril.

𝗞𝗮𝗹𝗮𝘂𝗻𝗮𝗻, noong 1954, inilipat ni 𝗣𝗮𝗻𝗴𝘂𝗹𝗼𝗻𝗴 𝗥𝗮𝗺𝗼𝗻 𝗠𝗮𝗴𝘀𝗮𝘆𝘀𝗮𝘆 ang pagdiriwang sa 𝗔𝗴𝗼𝘀𝘁𝗼 𝟭𝟯–𝟭𝟵 upang mas makalahok ang mga mag-aaral. Higit pa rito, tumapat ang huling araw ng pagdiriwang sa kaarawan ni 𝗠𝗮𝗻𝘂𝗲𝗹 𝗟. 𝗤𝘂𝗲𝘇𝗼𝗻, na kinikilalang Ama ng Wikang Pambansa.

𝗛𝗮𝗻𝗴𝗴𝗮𝗻𝗴 𝘀𝗮 𝗵𝘂𝗹𝗶, noong 1997, pinalawak ni 𝗣𝗮𝗻𝗴𝘂𝗹𝗼𝗻𝗴 𝗙𝗶𝗱𝗲𝗹 𝗩. 𝗥𝗮𝗺𝗼𝘀 ang pagdiriwang mula isang linggo tungo sa buong buwan ng Agosto sa bisa ng 𝗣𝗿𝗼𝗸𝗹𝗮𝗺𝗮𝘀𝘆𝗼𝗻 𝗕𝗹𝗴. 𝟭𝟬𝟰𝟭.
Mula sa isang linggo, naging isang buwan. Mula sa isang simpleng paggunita, naging mas malawak na pagdiriwang ng ating wika, kultura, at pagkakakilanlan. 🇵🇭

At ngayon, 𝘀𝗮 𝗵𝘂𝗹𝗶𝗻𝗴 𝗮𝗿𝗮𝘄 𝗻𝗴 𝗔𝗴𝗼𝘀𝘁𝗼, muli nating nararating ang dulo ng isang pagdidiriwang. Maaaring magsara na ang pahina, maaring muling tumahimik ang ang mga entablado, at maaring humupa ang ingay ng mga paligsahan.
Ngunit ang wika at hindi kailanman dapat natatapos kasabay ng isang buwan.
𝗦𝗮𝗽𝗮𝗴𝗸𝗮𝘁 𝘀𝗮 𝗯𝗮𝘄𝗮𝘁 𝗽𝗮𝗴𝘀𝗮𝗿𝗮 𝗻𝗴 𝗶𝘀𝗮𝗻𝗴 𝗽𝗶𝗻𝘁𝗼, 𝗺𝗮𝘆 𝗽𝗮𝗻𝗶𝗯𝗮𝗴𝗼𝗻𝗴 𝗽𝗮𝗵𝗶𝗻𝗮𝗻𝗴 𝗺𝗮𝗴𝗯𝘂𝗯𝘂𝗸𝗮𝘀. 📖

Hatid nina: Zeth Concepcion at Maxee Serrano

29/08/2026

Tigib
Pang-uri [ti•gíb]

Ang salitang tigib ay nangangahulugang punô na punô, sagana, o halos umaapaw sa dami. Maaari itong gamitin sa literal na paraan, tulad ng basong tigib ng tubig, ibig sabihin ay punô na ang baso. Maaari rin itong gamitin sa matalinghagang paraan upang ilarawan ang matinding damdamin, tulad ng pagiging tigib ng saya, lungkot, o galit.

Halimbawa:
Tigib ng sakit at panghihinayang ang aking dibdib nang bumagsak ako sa pagsusulit sa General Mathematics.

Hatid ni: Jillian Eleanor Sunga

28/08/2026

Tuwing nanonood ng mga pelikula sa Cinemalaya o Metro Manila Film Festival, naiisip niyo ba kung bakit naging sikat ang mga eksena sa sinehan na sumasalamin sa ating kultura? Kilalanin ang nagsilbing pundasyon, si José Nepomuceno, ang Ama ng Pelikulang Pilipino.

Si José Nepomuceno y Zialcita, o mas kilala sa José Nepomuceno, ay isinilang sa Quiapo, Maynila, noong 15 Mayo 1893. Nagsimula ang kanyang interes sa simpleng paggawa ng dula gamit ang anino ng papel at panonood ng mga sarswela hanggang sa makapagtapos siya ng Fine Arts sa San Beda College at Electrical Engineering sa Ateneo de Manila.

Kasama ng kanyang kapatid na si Jesus, nagbukas sila ng isang estudyo sa potograpiya na tinatawag na Electro-Photo Studio Parhelio noong 1915 bilang simula ng pag-iipon para makabili ng mga kagamitan para sa paggawa ng pelikula.

Siya ay tanyag sa paggawa ng pinakaunang Pilipinong pelikula, Dalagang Bukid (1919) na isang silent film at batay sa sarsuwelang may gayunding pamagat nina Hermogenes Ilagan at Leon Ignacio sa ilalim ng produksyon ng Malayan Movies; at pati na rin ang pelikulang Noli Me Tangere (1930), na tinaguriang isa sa mga obra maestrang pampelikula sa bansa.

Sa tuwing tayo ay nanonood ng mga pelikula, marapat lamang na alalahanin natin ang mga naging ambag ni José Nepomuceno sa pagbibigay-buhay sa sining ng ating kultura. Ang kanyang mga unang hakbang ay ang nagsilbing matatag na pundasyon para sa ating mga pelikula na makapagbigay-buhay at sumasalamin sa ating lipunan sa kasalukuyan.

Hatid nina: Kobe Lim at Macey Mejia

28/08/2026

Alam mo ba kung sino ang lumikha ng awit na halos linggo-linggo nating naririnig habang nakatayo sa ilalim ng araw tuwing flag ceremony? 🎶☀️

Kilalanin si Juan Felipe, isang Pilipinong kompositor na lumikha ng himig ng Lupang Hinirang noong 1898. Ang kaniyang nilikhang musika ang naging pundasyon ng pambansang awit na hanggang ngayon ay bahagi ng mahahalagang seremonya at pagdiriwang sa buong bansa.

Ngunit bago pa man ito naging awit na kabisado natin, ang komposisyon ni Felipe ay una munang isang instrumental na piyesa. Wala pa itong mga salitang sabay-sabay nating kinakanta tuwing Lunes. Ito ay isang himig pa lamang na kalaunan ay nilapatan ng titik.

Ang Lupang Hinirang ay unang tinugtog noong Hunyo 12, 1898, sa pagdiriwang ng pagpapahayag ng kalayaan ng Pilipinas o Independence Day. Mula noon, unti-unti itong naging simbolo ng kalayaan, pagkakaisa, at pagmamahal sa bayan. 🇵🇭

Mahigit isang siglo na ang lumipas, ngunit nananatili pa rin sa ating buhay ang musikang nilikha ni Felipe. Mula sa mga seremonya sa paaralan hanggang sa mga pambansang pagdiriwang, patuloy natin itong inaawit bilang pagpapakita ng ating pagkakaisa at pagmamahal sa bayan.

Kaya sa susunod na marinig mo ang unang nota ng Lupang Hinirang habang nasa flag ceremony, baka maalala mo na rin si Juan Felipe, ang taong lumikha ng himig na naging permanenteng bahagi ng ating mga Lunes. 🎼🇵🇭

Hatid nina: Rheanna Carpio at Thea Rivas

28/08/2026

𝐏𝐚𝐧𝐠𝐚𝐝𝐲𝐢
Pangadyi [pa•nga•dyi]

Ang 𝐩𝐚𝐧𝐠𝐚𝐝𝐲𝐢 ay isang malalim at sinaunang pangngalan sa wikang Tagalog na tumutukoy sa panalangin, dasal, o sa mismong akto ng pagtawag at pakikipag-usap sa Dakilang Lumikha. Ang salitang ito ay nag-ugat sa lumang wikang Austronesian, kung saan may malapit itong kaugnayan sa salitang Malay na kaji na nangangahulugang pag-aaral ng mga sagradong teksto, at sa Javanese na aji na ang ibig sabihin ay banal o enkantasyon.
Bago pa man ang kolonisasyon, ginagamit na ito ng mga katutubong Pilipino sa kanilang mga ritwal, at bagaman mas buhay at madalas itong naririnig ngayon sa pang-araw-araw na pakikipagtalastasan sa Kabisayaan at Bikol, nananatili itong isang lehitimo at makasaysayang salitang Tagalog na ginagamit pa rin sa ilang lalawigan tulad ng Batangas at Quezon upang ipahayag ang taimtim na pagsamo sa Langit.

𝐇𝐚𝐥𝐢𝐦𝐛𝐚𝐰𝐚:
“Kasama ka palagi sa aking mga pangadyi.”

Hatid ni: Isabella Rodriguez

28/08/2026

Alam niyo ba? Kung wala ito, hindi natin malalaman kung bakit ganito ang pagsasaayos ng ating mga salita.

Mula sa salitang Griyego na suntaxis kung saan ang syn ay nangangahulugang "magkasama" at ang taxis ay "pagkakaayos." Ito ang sintaksis o palaugnayan, ang pag-aaral ng mga salita upang makabuo ng mga parirala, sugnay, at pangungusap. Sa kasaysayan ng linggwistika, naging mahalagang bahagi ito sa pag-aaral kung paano nagiging sistematiko ang komunikasyon ng tao sa iba't ibang wika.

Bagama’t nagmula sa tradisyunal na sistemang Latin at Amerikanong istrukturalismo ang pagsusuri sa wika, ang pinakamalaking rebolusyon sa sintaksis ng Pilipinas ay ang paglilimbag ng Makabagong Balarilang Pilipino (1977) nina Alfonso Santiago at Federico Tiangco. Ang aklat na ito ang radikal na nagpabago at nagpabagsak sa lumang paraan ng pagtuturo ng pangungusap sa pamamagitan ng paglalapat ng makabagong lingguwistika na eksaktong umaangkop sa likas na estruktura at pokus ng wikang Filipino.

“Bumili ng kotse ang lalaki.”

Sa tradisyunal na balarila, ang pangungusap ay hinahati lang sa simpleng panaguri at Simuno gaya sa Ingles. Ngunit sa libro nina Santiago at Tiangco, pinatunayan nilang ang Filipino ay hindi nakabase sa Subject-Verb na estruktura; pinalitan nila ang simuno ng Paksa na pinatatakbo ng Pokus ng Pandiwa.

Hatid nina: Cedrick Penafiel at Joshua Cata

27/08/2026

💬 WikaHusayan | Agosto 27, 2026
📜 Mga Idyomatikong Pahayag

✒️ 𝗕𝘂𝘁𝗼'𝘁 𝗯𝗮𝗹𝗮𝘁
➥ 𝑲𝒂𝒉𝒖𝒍𝒖𝒈𝒂𝒏: Nangangahulugang may labis na pagkapayat. Karaniwang ginagamit sa mga tao o hayop na labis ang pagkapayat, lalo na kung nakikita ang bakat ng buto sa balat.
➥ 𝑯𝒂𝒍𝒊𝒎𝒃𝒂𝒘𝒂: Buto't balat na si Manong Lito dahil sa kaniyang sakit.

✒️ 𝗡𝗮𝗴𝗯𝗶𝗯𝗶𝗹𝗮𝗻𝗴 𝗻𝗴 𝗽𝗼𝘀𝘁𝗲
➥ 𝑲𝒂𝒉𝒖𝒍𝒖𝒈𝒂𝒏: Nangangahulugang walang trabaho o walang tiyak na ginagawa. Tumutukoy sa isang taong tambay, walang pinagkakakitaan, o naglalakad-lakad lamang dahil walang trabaho.
➥ 𝑯𝒂𝒍𝒊𝒎𝒃𝒂𝒘𝒂: Kailangan niya nang maghanap ng mapapasukan para hindi na siya kasama sa grupo ng mga nagbibilang ng poste sa kanto.

✒️ 𝗠𝗮𝗴𝗺𝗮𝗺𝗮𝗵𝗮𝗯𝗮𝗻𝗴-𝗱𝘂𝗹𝗮𝗻𝗴
➥ 𝑲𝒂𝒉𝒖𝒍𝒖𝒈𝒂𝒏: Literal na nangangahulugan na papahabain ang hapag para magamit ng maraming bisita ng isang kasal. Ginagamit ito upang sabihing mag-aasawa o ikakasal na ang dalawang romantikong nagmamahalan.
➥ 𝑯𝒂𝒍𝒊𝒎𝒃𝒂𝒘𝒂: Ngayong taon, magmamahabang-dulang na sina Ana at Jose.

Hatid ni: Sabelle Dioso

27/08/2026

💬 WiKaalaman | Agosto 27, 2026
🧩 Pangungusap ng Araw: ______ ( A. Lutuín , B. Lutúan , C. Lutuán ) mo nga ako ng sinigang.

Ano sa tingin NIYO 🫵 ang kasagutan? I-comment sa ibaba!
(Baitang - Seksyon, Sagot: __)

Inihanda ni: Kobe Lim

Address

Taft Avenue Corner Padre Faura Street
Manila
1016

Website

facebook.com

Alerts

Be the first to know and let us send you an email when KAMMFIL-Kapisanan ng mga Mag-aaral ng MPPM sa Filipino posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to KAMMFIL-Kapisanan ng mga Mag-aaral ng MPPM sa Filipino:

Want your organization to be the top-listed non profit organization in Manila?

KAMMFIL-Kapisanan ng mga Mag-aaral ng MPPM sa Filipino

08/09/2026

01/09/2026

31/08/2026

29/08/2026

28/08/2026

28/08/2026

28/08/2026

28/08/2026

27/08/2026

27/08/2026

Address

Website

Alerts

Contact The Organization

Shortcuts

Share

Category

Listing takedown request