SM PSACC NAFLU KMU

14/08/2026

✊ Gawa-gawang Paratang Lamang — Hindi Tayo Matitinag!

Malinaw na "trumped-up charges" — mga kasong sadyang nilikha at inimbento lamang — ang isinampa laban sa Tagapangulo ng KMU.

Wala itong ibang layunin kundi patahimikin, takutin, at pigilan ang paglaban ng mga manggagawa. Habang ipinagkakait sa atin ang nararapat na dagdag-sahod, habang pinapatawan ng TRO ang ating karapatan sa makatarungang pasahod — heto ang ginagawa nila: sinasampahan ng kaso ang ating lider dahil siya ay naninindigan para sa atin.

Hindi ito tungkol sa batas. Ito ay tungkol sa panunupil sa ating karapatang magsalita, mag-organisa, at humingi ng katarungan. Ang tunay na krimen ay hindi ang ginawa ng ating lider — kundi ang patuloy na pagkakait ng dignidad at makatarungang pamumuhay sa bawat manggagawang Pilipino.

Huwag tayong magpalinlang! Ang gawa-gawang kaso ay hindi tatakpan ang katotohanan. Lalong titibay ang ating hanay. Lalong lalakas ang ating tinig.

Kasama natin ang katotohanan! Paninindigan hanggang huli! ✊✊

URING MANGGAGAWA!
HUKBONG MAPAGPALAYA!
SAHOD ITAAS!
PRESYO IBABA!
1,200 NATIONAL MINIMUM WAGE!
SAHOD TRABAHO AT KARAPATAN IPAGLABAN!

08/08/2026

“Hindi kayo kikita ng milyon hanggang bilyong piso kung hindi dahil sa dugo at pawis namin.”

Iba’t ibang grupo ng mga manggagawa nagsagawa ng kilos protesta sa harap ng DOLE upang iparating ang hinaing na bawiin na ang TRO sa ₱85 na umento sa sahod. | via Darylle Sarmiento, ABS-CBN News

07/08/2026

04/08/2026

✊ ₱85 na Dagdag-Sahod — Hinahadlangan ng Dalawang Kumpanya!

Petsa: Agosto 4, 2026

Mga kasamahan at kaibigan sa paggawa!

Alam niyo ba na ang pinakamataas na itinaas ng sahod sa kasaysayan ng Metro Manila — ang ₱85 — ay pansamantalang itinigil ng hukuman? Bakit? Dahil sa dalawang kumpanya — ang Readycon Trading at R‑II Builders — na hindi man lamang dumalo sa pampublikong pagdinig ng Wages Board!

Noong Agosto 3, sa pagdinig sa Pasig, hindi pa rin binawi ang pagbabawal. Ayon sa batas — Artikulo 126 ng Batas Paggawa — walang kapangyarihan ang mga hukuman na pigilan ang kautusan ng Wages Board. Dapat ay sa NWPC lamang idinadala ang mga apela, hindi sa hukuman. Ngunit hanggang ngayon, nananatili ang TRO hanggang Agosto 13.

Habang ganito ang nangyayari, bumabalik sa ₱695 ang pinakamababang sahod — kahit na patuloy na tumataas ang presyo ng langis, bigas, at iba pang pangunahing bilihin. Ang ₱60 na natanggap ninyo simula Hulyo 25 ay hindi na kailangang ibalik — ngunit wala nang karagdagang matatanggap habang ipinagbabawal ito.

Sa Agosto 13, magpapasya ang hukuman kung ipagpapatuloy pa ang pagbabawal o hahayaan nang ipatupad ang itinaas.

Dalawang kumpanya lamang ang humahadlang sa kapakanan ng milyun-milyong manggagawa! Hindi makatarungan na ang interes ng ilang may-ari ng negosyo ay mangingibabaw kaysa sa pangangailangan ng mga pamilyang Pilipino.

Nanawagan kami: Ipaglaban ang dagdag-sahod! Huwag hayaang alisin ang ating inaasam na ginhawa sa gitna ng hirap ng buhay!

30/07/2026

📢 DALAWANG KOMPANYA SA PASIG NA HINDI NAMAN DUMALO SA PAGDINIG SA HEARING NA GINANAP SA DAGDAG SAHOD ANG NGAYON AY NAKAHARANG SA DAGDAG SAHOD

Kalihim Francis Tolentino, walang saysay ang inyong mga salita. Ipinagmalaki ninyo na ang ₱85 na dagdag na ito ang pinakamataas na itinaas na sahod sa kasaysayan ng Metro Manila—ngunit bigla na lamang itong sinuspinde, dahil lang sa ayaw sumunod ng dalawang kumpanyang ito sa lehitimong utos ng Regional Tripartite Wages and Productivity Board.

Patuloy na napakataas ng presyo ng gasolina, at patuloy na tumataas ang halaga ng lahat ng pangunahing pangangailangan dulot ng implasyon na lalo pang pinalala ng giyera sa Gitnang Silangan. Ang ₱85 na ito ay halos hindi sapat pambili ng ilang kilong bigas o pambayad pamasahe sa loob ng isang linggo—tila barya na lamang kung ikukumpara sa taas ng presyo, ngunit itinuturing ninyo itong malaking pabor na ipinagkaloob sa mga manggagawa. Milyon-milyong manggagawa ang umasa na kahit paano ay mababawasan ang kanilang paghihirap, ngunit sa huli ay nabigo—dahil lamang sa apela ng dalawang kumpanyang hindi man lang nag-abalang dumalo sa pagdinig.

Kaya naman, hinihimok namin kayo—DOLE Secretary Francis Tolentino, RTWPB Chairperson Sarah Mirasol, at Pangulong Ferdinand “BBM” Marcos Jr.—kumilos na kayo nang mabilis at may pananagutan! Huwag na kayong maging manhid, walang awa, walang pakialam, at walang malasakit sa daing ng sektor ng paggawa. Huwag na kayong manatiling nakaupo at magpatumpik-tumpik pa sa inyong mga tanggapan. Panindigan ninyo ang kautusang inyong inilabas, at gawin ninyo ang nararapat upang ipawalang-bisa ng hukuman ang petisyon ng mga kumpanyang ito na ayaw ibigay ang nararapat na dagdag sahod sa mga manggagawa!

28/07/2026

| SMPSACC NAFLU-KMU sa SONAng Bayan 2026

Nakibahagi ang SMPSACC NAFLU-KMU sa malawakang pagkilos ng mga manggagawa sa SONAng Bayan 2026 bilang pakikiisa sa iisang panawagan ng uring manggagawa—makatarungang sahod, seguridad sa trabaho, paggalang sa karapatang mag-unyon, at disenteng pamumuhay para sa bawat manggagawa.

Kasabay ng aming pakikiisa sa laban ng buong uring manggagawa, bitbit din namin ang aming sariling laban sa loob ng Philippine Span Asia Carrier Corp. Sa kasalukuyang Collective Bargaining Agreement (CBA) negotiations, na patuloy na ipinapakita ng kompanya ang pambabarat sa mga lehitimong panukala ng unyon, sa kabila ng walang sawang dedikasyon at sakripisyo ng mga manggagawang siyang nagpapatakbo at nagpapalago ng kumpanya.

Ang laban para sa makatarungang CBA ay hindi lamang laban ng mga kasapi ng SMPSACC NAFLU-KMU—ito ay bahagi ng mas malawak na laban para sa dignidad, katarungan, at mas magandang kinabukasan ng lahat ng manggagawang Pilipino.

27/07/2026

PULIS MAGSILBI KA SA MAMAYAN!
HINDI SA GOBYERNONG KURAKOT!

24/07/2026

24/07/2026