PUP Society of Pangasinan Students

12/06/2026

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗞𝗮𝗹𝗮𝘆𝗮𝗮𝗻.

May mga kalayaang ipinaglalaban sa larangan ng digmaan, at may mga kalayaang ipinaglalaban araw-araw sa hapag-kainan, sa palengke, sa bukid, sa kalsada, at sa loob ng bawat tahanan. Ngayon, habang ginugunita natin ang tapang ng mga bayaning nag-alay ng kanilang buhay para sa bayan, hindi natin maiwasang tanungin kung 𝗮𝗻𝗼 𝗻𝗮 𝗻𝗴𝗮 𝗯𝗮 𝗮𝗻𝗴 𝗮𝗻𝘆𝗼 𝗻𝗴 𝗸𝗮𝗹𝗮𝘆𝗮𝗮𝗻 𝘀𝗮 𝗸𝗮𝘀𝗮𝗹𝘂𝗸𝘂𝘆𝗮𝗻.

Sa panahong ang bigas ay mas mahal kaysa sa palay ng magsasakang nagtanim nito, kung saan ang mga pagkaing dati'y karaniwan lamang ay unti-unti nang nagiging luho, at ang simpleng pamumuhay ay tila isang pribilehiyong hindi lahat kayang abutin, nagiging mabigat ang pagmamahal sa bayan. 𝗛𝗶𝗻𝗱𝗶 𝗱𝗮𝗵𝗶𝗹 𝗸𝘂𝗹𝗮𝗻𝗴 𝗮𝗻𝗴 𝗽𝗮𝗴𝗺𝗮𝗺𝗮𝗵𝗮𝗹, 𝗸𝘂𝗻𝗱𝗶 𝗱𝗮𝗵𝗶𝗹 𝗻𝗮𝗽𝗮𝗸𝗮𝗿𝗮𝗺𝗶𝗻𝗴 𝗱𝗮𝗵𝗶𝗹𝗮𝗻 𝘂𝗽𝗮𝗻𝗴 𝗺𝗮𝘀𝗮𝗸𝘁𝗮𝗻.

Masakit mahalin ang isang bayang sagana, ngunit marami ang nagugutom. Masakit mahalin ang isang bayang napakayaman sa likas na yaman, ngunit may mga mamamayang kailangang mamili kung kakain ba sila nang tatlong beses sa isang araw o magtitipid para sa susunod na linggo. Masakit mahalin kapag ang mga taong nagtatanim ng ating pagkain ang siya ring pinakamalapit sa gutom, at kapag ang mga pangarap ng ordinaryong Pilipino ay unti-unting nagiging mas mahal kaysa sa kanilang kinikita.

𝗔𝘁 𝗴𝗮𝘆𝗼𝗻 𝗽𝗮 𝗺𝗮𝗻, 𝗽𝗮𝘁𝘂𝗹𝗼𝘆 𝘁𝗮𝘆𝗼𝗻𝗴 𝗻𝗮𝗴𝗺𝗮𝗺𝗮𝗵𝗮𝗹.

Sapagkat ang pagmamahal sa bayan ay hindi lamang para sa mga panahong madali itong mahalin. Ito ay para rin sa mga panahong pinanghihinaan tayo ng loob, para sa mga panahong nagagalit tayo dahil alam nating mas karapat-dapat ang mga Pilipino, at para sa mga panahong hindi natin maiwasang umasa na balang araw ay magiging mas mabuti rin ang lahat.

Sa Araw ng Kalayaan, nawa’y hindi lamang natin alalahanin ang mga bayaning namatay para sa bayan. Nawa’y parangalan din natin ang mga bayaning nabubuhay ngayon—𝗮𝗻𝗴 𝗺𝗴𝗮 𝗺𝗮𝗻𝗴𝗴𝗮𝗴𝗮𝘄𝗮, 𝗺𝗮𝗴𝘀𝗮𝘀𝗮𝗸𝗮, 𝗺𝗮𝗻𝗴𝗶𝗻𝗴𝗶𝘀𝗱𝗮, 𝗴𝘂𝗿𝗼, 𝗵𝗲𝗮𝗹𝘁𝗵𝗰𝗮𝗿𝗲 𝘄𝗼𝗿𝗸𝗲𝗿𝘀, 𝗮𝘁 𝗹𝗮𝗵𝗮𝘁 𝗻𝗴 𝗽𝗮𝘁𝘂𝗹𝗼𝘆 𝗻𝗮 𝗹𝘂𝗺𝗮𝗹𝗮𝗯𝗮𝗻 𝘀𝗮 𝗸𝗮𝗯𝗶𝗹𝗮 𝗻𝗴 𝗵𝗶𝗿𝗮𝗽. Sapagkat ang kanilang araw-araw na pagpupunyagi ay isa ring anyo ng paglaya.

Para sa mga buhay na naialay noon, at para sa mga patuloy na lumalaban ngayon, nawa’y dumating ang araw na ang kalayaan ay hindi na lamang isang bagay na ating ginugunita, kundi isang bagay na tunay nating nararanasan.

Dahil ang totoo, mahal natin ang bayan. Kaya tayo nasasaktan. At dahil mahal natin ito, hindi tayo titigil sa paghiling ng mas mabuti.

𝗛𝗮𝗽𝗽𝘆 𝗜𝗻𝗱𝗲𝗽𝗲𝗻𝗱𝗲𝗻𝗰𝗲 𝗗𝗮𝘆. 𝗪𝗲 𝗱𝗲𝘀𝗲𝗿𝘃𝗲 𝗯𝗲𝘁𝘁𝗲𝗿. ❤️‍🔥

30/05/2026

Bago pa matapos ang buwan ng Mayo, bigyang-pugay ang mayamang pamana at kulturang humubog sa atin bilang mga Pilipino at bilang mga taga-Pangasinan. Mula sa mga kuwentong ating kinalakihan, mga tradisyong patuloy na ipinapasa, hanggang sa mga simpleng kaugaliang dala-dala natin araw-araw—lahat ng ito ay bahagi ng ating pagkakakilanlan. Nakakatuwang isipin na sa kabila ng nagbabagong panahon, may mga bagay na nananatiling nagbibigay sa atin ng pakiramdam ng tahanan at pagkakaisa dito sa ating lalawigan. Ang ating kultura ay hindi lamang alaala ng nakaraan, kundi isang buhay na bahagi ng ating kasalukuyan.

𝗟𝗲𝘁 𝘂𝘀 𝗰𝗼𝗻𝘁𝗶𝗻𝘂𝗲 𝘁𝗼 𝗰𝗲𝗹𝗲𝗯𝗿𝗮𝘁𝗲, 𝗽𝗿𝗲𝘀𝗲𝗿𝘃𝗲, 𝗮𝗻𝗱 𝘀𝗵𝗮𝗿𝗲 𝗼𝘂𝗿 𝗵𝗲𝗿𝗶𝘁𝗮𝗴𝗲 𝗻𝗼𝘁 𝗼𝗻𝗹𝘆 𝘁𝗵𝗶𝘀 𝗺𝗼𝗻𝘁𝗵, 𝗯𝘂𝘁 𝗲𝘃𝗲𝗿𝘆 𝗱𝗮𝘆. 𝗗𝗮𝗵𝗶𝗹 𝗮𝗻𝗴 𝗮𝘁𝗶𝗻𝗴 𝗽𝗮𝗺𝗮𝗻𝗮 𝗮𝘆 𝗵𝗶𝗴𝗶𝘁 𝗽𝗮 𝘀𝗮 𝗸𝗮𝘀𝗮𝘆𝘀𝗮𝘆𝗮𝗻; 𝗶𝘁𝗼 𝗮𝗻𝗴 𝗸𝘂𝘄𝗲𝗻𝘁𝗼 𝗻𝗮𝘁𝗶𝗻𝗴 𝗹𝗮𝗵𝗮𝘁.

30/05/2026

𝗠𝗔𝗦𝗨𝗦𝗨𝗡𝗢𝗚 𝗡𝗜𝗡𝗬𝗢 𝗔𝗡𝗚 𝗠𝗚𝗔 𝗟𝗜𝗕𝗥𝗢 𝗡𝗚𝗨𝗡𝗜𝗧 𝗛𝗜𝗡𝗗𝗜 𝗠𝗔𝗕𝗨𝗕𝗨𝗥𝗔 𝗔𝗡𝗚 𝗞𝗔𝗦𝗔𝗬𝗦𝗔𝗬𝗔𝗡

Hey, Iskolars. We're cooking up something with PUP Filmbayan.

We’re calling it: SinePamana.

This month of Heritage what could we have in store as the students of social sciences? That is for us to know and for you to find out.

Stay tuned.





Copy by Don Vincent Ampa
Layout by Monica Recomes

30/05/2026

26/05/2026

𝙋𝙖𝙜𝙗𝙖𝙩𝙞 𝙨𝙖 𝙢𝙜𝙖 𝙗𝙖𝙜𝙤𝙣𝙜 𝙄𝙨𝙠𝙤𝙡𝙖𝙧 𝙣𝙜 𝘽𝙖𝙮𝙖𝙣 𝙢𝙪𝙡𝙖 𝙋𝙖𝙣𝙜𝙖𝙨𝙞𝙣𝙖𝙣! ⭐

Isang mainit na pagbati sa lahat ng mga nakapasa sa PUPCET mula sa iba’t ibang bayan at lungsod ng Pangasinan! Dala ninyo ang sipag, talino, pangarap, at pagmamahal ng inyong pamilya at komunidad sa bagong yugto ng inyong paglalakbay bilang mga Iskolar ng Bayan.

Hindi madali ang pinagdaanan ninyo, kaya’t tunay na karapat-dapat ipagdiwang ang tagumpay na ito. Nawa’y magsilbi itong simula ng mas marami pang pagkakataon, pagkatuto, at paglilingkod para sa bayan. Ipagpatuloy ang pangarap, ipagmalaki ang pinagmulan, at dalhin ang pangalan ng Pangasinan nang may dangal at puso.

𝗪𝗲 𝗮𝗿𝗲 𝗮𝗹𝘀𝗼 𝗰𝗿𝗲𝗮𝘁𝗶𝗻𝗴 𝗮 𝗚𝗖 𝗳𝗼𝗿 𝗣𝗮𝗻𝗴𝗮𝘀𝗶𝗻𝗮𝗻 𝗣𝗨𝗣𝗖𝗘𝗧 𝗽𝗮𝘀𝘀𝗲𝗿𝘀 𝘀𝗼 𝘄𝗲 𝗰𝗮𝗻 𝗰𝗼𝗻𝗻𝗲𝗰𝘁, 𝘀𝗵𝗮𝗿𝗲 𝘂𝗽𝗱𝗮𝘁𝗲𝘀, 𝗮𝗻𝗱 𝗵𝗲𝗹𝗽 𝗼𝗻𝗲 𝗮𝗻𝗼𝘁𝗵𝗲𝗿 𝗮𝘀 𝘄𝗲 𝗯𝗲𝗴𝗶𝗻 𝘁𝗵𝗶𝘀 𝗻𝗲𝘄 𝗰𝗵𝗮𝗽𝘁𝗲𝗿.

Interested to join? Comment your city/municipality in Pangasinan + a delicacy or food that proudly represents your hometown.

Example:
Calasiao — P**o Calasiao
Dagupan — Bangus
Mangaldan — Tapa

Muli, maligayang pagbati, mga bagong Iskolar ng Bayan!
Para sa pangarap, para sa pamilya, para sa bayan. ❤️💛

𝙈𝙪𝙡𝙖 𝙋𝙖𝙣𝙜𝙖𝙨𝙞𝙣𝙖𝙣 𝙝𝙖𝙣𝙜𝙜𝙖𝙣𝙜 𝙈𝙖𝙮𝙣𝙞𝙡𝙖, 𝙢𝙖𝙗𝙪𝙝𝙖𝙮 𝙖𝙣𝙜 𝙗𝙖𝙜𝙤𝙣𝙜 𝙄𝙨𝙠𝙤𝙡𝙖𝙧 𝙣𝙜 𝘽𝙖𝙮𝙖𝙣!

18/05/2026

𝐀𝐆𝐄𝐖 𝐘𝐀 𝐈𝐍𝐓𝐄𝐑𝐍𝐀𝐒𝐘𝐎𝐍𝐀𝐋 𝐌𝐔𝐒𝐄𝐎! 🎨🖼️✨

Ngayong araw, ginugunita natin ang mahalagang papel ng mga museo sa ating lipunan, hindi lamang bilang pisikal na espasyo kundi bilang buhay na daluyan ng ating kolektibong alaala at pagkakakilanlan. Sa bawat eksibit at koleksiyon, pinananatiling buhay ng mga museo ang ating identidad, kultura, at kasaysayan, habang patuloy na naghahatid ng mahahalagang aral na gumagabay sa kasalukuyan at hinaharap ng sambayanan.

Ang 𝗣𝗨𝗣 𝗦𝗼𝗰𝗶𝗲𝘁𝘆 𝗼𝗳 𝗣𝗮𝗻𝗴𝗮𝘀𝗶𝗻𝗮𝗻 𝗦𝘁𝘂𝗱𝗲𝗻𝘁𝘀 ay buong-pusong nakikiisa sa pagdiriwang ng 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗠𝘂𝘀𝗲𝘂𝗺 𝗗𝗮𝘆, at ipinapahayag ang patuloy na pagpapahalaga sa mayamang pamanang kultural, sining, at kasaysayan ng Pangasinan.

Inaanyayahan namin ang bawat isa na bumisita sa mga museo, upang higit na maunawaan kung sino tayo bilang mga Pilipino at bilang mga Pangasinense. Sa pamamagitan ng pagdanas sa ating kasaysayan, mas napapalalim natin ang ating kamalayan at ugnayan sa lipunan.

Sa Pangasinan, matatagpuan ang “Banaan Museum,” kung saan ang salitang “Banaan” ay nangangahulugang “meeting place” —isang makapangyarihang paanyaya sa pagkikita, pagkakaisa, at pagbabalik sa ating pinagmulan. Ito ay nagsisilbing tulay na nagdurugtong sa mga henerasyon at nagpapatibay sa ating komunidad sa pamamagitan ng pagbabalik-tanaw sa ating pinagmulan.

Maligayang Araw ng mga Museo!

17/05/2026

𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆, 𝗥𝗮𝘃𝗲𝗻! 🎉 🥳

PUP SOPAS proudly acknowledges a member like you who continues to inspire people through your grace, intelligence, and dedication. May you continue to shine brightly and pursue excellence in everything you do. Keep striving, leading, and making an impact wherever you go.🌟

May this year bring you more success, happiness, and opportunities to grow. 𝗞𝗲𝗲𝗽 𝘀𝗵𝗶𝗻𝗶𝗻𝗴 𝗮𝘀 𝗮𝗹𝘄𝗮𝘆𝘀, 𝗥𝗮𝘃𝗲𝗻! ✨