People's Alliance for Clean Elections - Philippines

29/07/2026

https://www.facebook.com/share/r/198MtT1vZq/?mibextid=WC7FNe

12/07/2026

New Logo & Branding for our 6th year Anniversary!🎊
New website & program coming soon... 🎉

Patuloy po nating ipagdasal at pahalagahan ang pagsulong ng malinis at marangal na halalan sa ating bayan. 🇵🇭♥️

HAPPY ANNIVERSARY, PACE-PH & its members and supporters!👍🇵🇭

17/06/2026

https://www.facebook.com/share/r/1FrDeTTegv/?mibextid=WC7FNe

15/06/2026

https://www.facebook.com/share/p/18KnNyLfzp/?mibextid=WC7FNe

Patay Na, Pero Bumoboto Pa Rin?

Sampung taon nang nasa libingan, pero buhay na buhay pa rin sa listahan ng botante.
Kung pati patay nakakaboto, hindi na halalan ang tawag diyan — lokohan na ng bayan.

Ang tanong: sino ang bumoto? Sino ang nagpagalaw? At sino ang nakinabang?

Hindi multo ang problema.
Ang tunay na nakakatakot ay ang sistemang kayang buhayin ang patay kapag kailangan ng boto.

17/03/2026

https://www.facebook.com/share/p/14WHeU93EaR/?mibextid=WC7FNe

COMELEC CHAIRMAN GEORGE GARCIA, TUMANGGAP UMANO NG APAT NA MALETA — AYON SA EX-MARINE

Umani ng matinding diskusyon sa publiko nang idinetalye ng isa sa mga dating sundalo na kabilang sa tinaguriang “Brave 18”, ang umano’y paglipat ng mga maleta na may lamang pera na kaugnay umano sa 2025 midterm elections.

Sa panayam sa programang “Banateros,” ibinahagi ni TSgt. Benny Bulontate, isa sa mga dating sundalo, na nagkaroon umano ng mga pagkakataon na naglipat ng maleta kasunod ng mga meeting na kinasangkutan umano ni Commission on Elections (Comelec) Chairman George Garcia.

Ayon kay Bulontate, hindi raw nila direktang iniabot ang mga maleta kay Garcia, ngunit nagkaroon umano ng meeting sa Midas Hotel, kung saan nailipat umano ang mga ito sa sasakyan matapos ang pagpupulong.

Ayon sa kanyang pahayag:

“Bale si Chairman ng Comelec Garcia. Ah, hindi man namin dineliver talaga sa kanya. Nakipag-meeting siya kay boss sa Midas Hotel. Ah, tapos yung dala na maleta—dalawang beses kasi siya nag-meeting, sir. Bale yung EA na po yung nag-transfer doon sa sasakyan, parang dinikit niya lang sa parking. Ah, dalawang beses po yung nangyari.”

Ibinahagi rin niya na nangyari umano ito bago at matapos ang halalan, kung saan kabuuang apat na maleta ang umano’y nailipat.

“Bago mag eleksyon atsaka after ng eleksyon, apat na maleta po, tagdadalawa po, dalawa-dalawa, medium size (maleta).”

Nang tanungin kung magkano umano ang laman ng bawat maleta,

“Parang ₱35 to ₱40 million.”

Matatandaang unang humarap sa publiko ang grupo ng 18 dating sundalo noong Pebrero 24 sa isang press conference sa Club Filipino sa Greenhills.

Kinumpirma nila roon ang naunang pahayag ni retired Marine TSgt. Orly Guteza, na nagsiwalat tungkol sa umano’y “maleta scheme.”

Si Guteza rin ang naging testigo na ipinrisinta ni Sen. Rodante Marcoleta sa pagdinig ng Senate Blue Ribbon Committee noong Setyembre 2025, kung saan unang nailahad ang umano’y pagdadala ng male-maletang pera sa iba’t ibang personalidad.

Samantala, mariing itinanggi ni Comelec Chairman George Garcia ang paratang laban sa kanya.

24/02/2026

https://www.facebook.com/share/p/1HFpMuDQbA/?mibextid=WC7FNe

COMELEC CHAIRMAN GEORGE GARCIA TUMANGGAP DIN UMANO NG MALE-MALETANG PERA?

Umani ng matinding atensyon sa social media ang bahagi ng joint affidavit ng 18 dating Marines na tumutukoy sa umano’y mga delivery ng pera kay George Garcia, kasalukuyang Chairman ng Commission on Elections .

Sa dokumento, inilagay sa Item No. 34 ang detalye tungkol sa umano’y mga pulong at pag-abot ng pera kay Garcia, na iniuugnay kay Zaldy Co.

Ayon sa Affidavit:

“Nagkaroon ng dalawang meetings si Zaldy Co at George Garcia sa Midas Hotel, at sa bawat meetings na ito ay binigyan si COMELEC Chairman Atty. George Garcia ng tig-dalawang medium-sized na mga maleta o may kabuuan na apat (4) na mga maleta ng pera.”

Kasunod nito, nakasaad naman sa Item No. 35:

“Pinapalipat lamang ni Mark Ticsay at Paul Estrada ang mga maleta mula sa sasakyan namin papunta sa sasakyan ni Atty. George Garcia sa carpark habang karamihan sa amin ay nakamasid lamang.”

Ang naturang affidavit ay bahagi ng mas malawak na alegasyon ng 18 ex-Marines hinggil sa umano’y sistematikong pagde-deliver ng maletang may lamang pera sa iba’t ibang personalidad—kabilang ang ilang mambabatas, opisyal, at umano’y mga key figure sa pamahalaan.

Layunin umano ng mga nagsalaysay na ilahad ang kanilang karanasan at papel sa mga delivery na naganap sa iba’t ibang lugar, kabilang ang mga hotel, opisina, at pribadong tirahan.

Sa ngayon, wala pang pinal na desisyon mula sa korte ukol sa katotohanan ng mga paratang na ito, at patuloy na sinusuri ng publiko ang mga dokumentong lumalabas.

Ang mga impormasyong ito ay batay sa nilalaman ng affidavit at nananatiling alegasyon hangga’t hindi napapatunayan sa hukuman. May karapatan pa ring sumagot at magpaliwanag ang mga taong nababanggit sa dokumento. Wala pang tugon ang Comelec Chairman kaugnay ng paratang.