RGI Alakdan Subangdaku Chapter

29/05/2025

Gipahasubo natong ibalita sa wala pa masayod sa kalit nga kamatayon sa atong igsoon nga si Francisco Jerez kagahapon, nga miingon sa tanang kasingkasing ang among pag-ampo ug pagdool sa Ginoo alang sa kalinaw sa iyang kalag ug kusog sa iyang pamilya nga naulila.

Sa tibuok pamilya ni Francisco—sa iyang asawa, mga anak, ug igsoon—among ipadayag ang among lawom nga pagpakig-ambit sa inyong kasakit. Nasayud kami nga lisod ang pagkawala sa usa ka minahal sa kinabuhi, apan naglaom kami nga pinaagi sa inyong panaghiusa ug pagtuo, makabaton kamo og kalig-on ug kahupayan sa taliwala sa kasubo.

Dili mabayran ang iyang kontribusyon sa iyang pamilya ug komunidad, ug ang iyang pagbiya magpabiling usa ka dakong kawad-on. Magapadayon kami sa pag-ampo alang sa inyong kalinaw ug kahupayan, ug uban kami sa pagpanumdom sa tanang kaayo ug gugma nga iyang gipakita sa iyang kinabuhi.

04/06/2024

Maayong buntag.

Kami nagapasalamat sa mga miyembro nga nanambong sa binulan nga panagtapok niadtong dominggo, adlaw sa tagurkad, Hunyo dos.

Ang mga sumusunod ang natuki.

1st YEAR ANNIVERSARY SA SUBANGDAKU CHAPTER-isaulog ang unang anibersaryo sa subangdaku chapter sunod bulan, giuyonan sa kadaghanan nga ibalhin kini sa adlawng dominggo, hulyo 21 kung asa makalugar ang tanan sa pagtambong. Aduna kitay mga aktibidad nga pagasalmutan sa tanang miyembro, mabahin kita sa lima ka grupo kung asa kamu nay modesisyon sa inyong tampo.kini pagahisgutan ug balik sunod buwan para ma final na ang kalihukan.

KALUWASAN- nipadayag si sis enggay sa umaabot nga eleksyon sa bag ong opisyales sa kaluwasan, kung aduna man kamoy pangutana, pwede ra kamung modool niya.

TABANG PINANSYAL- bisan paman sa kalisud sa panahon, nakapadangat kitag tabang pinansyal ni bro pebpeb sa kantidad nga 1,020 pesos.iyang bata na operahan sa appendicitis ug nagkinahanglan sila sa atong suporta. Tuod man, bisag ginagmay, daku nasad kaau nig tabang sa pamilya ni bro pebpeb.salamat sa nihatag sa ilang ginagmayng grasya.

DISTRIBUTION OF CERTIFICATES AND IDs-Sa way duha duha, gipanghatag na ang certifications ug Ids sa mga bag ong miyembro sa RGIA SUBANGDAKU CHAPTER.

Nagpasalamat mi sa mga nanambong. MABUHI ANG BAG ONG ALAKDAN!

29/04/2024

Makadayeg.

maayong buntag

Sa umaabot nga kapistahan sa sta. Cruz karung umaabot mga dominggo, mayo 5, magapasalamaton kita sa atong mga bro sa ilang kakugi sa pag pintal sa atong kapilya diri sa back matimco sa pangulo sa atong chapter president, bro srmg foxtrot ug ni founder allan,kung asa ilang gipanindotan sa pagpintal atong kapilya.

Daghang salamat sa tabang nila ni bro tads, bro fs ug bro zhai sa paghatag ug panahon sa pagpaanindot sa atong kapilya.

28/04/2024

maayong buntag!

Usa ka malampusong feeding program ang gipahigayon karung adlawa kung asa kita nanghatag ug lugaw sa mga bata. Nagpasalamat kita sa mga nitabang ug mga niamot nga kini magmalampuson sa pangulo ni founder allan ug sa atong mga kaigsoonan sa atong grupo.

Daghang salamat.

25/04/2024

Ang tibook hanay sa RGI Alakdan Subangdaku Chapter daku kaayong mopasigarbo sa pagsuporta sa UGB PARTYLIST! Mabuhay ang bagong alakdan!

Guided by our Party Principle " Ligtas, Nagtutulungan at Maginhawang Kumunidad"...

11/04/2024

PAHIMANGNO

maayong buntag

Usa ka mabulukong adlaw kanatong tanan mga kaigsoonan. Mao kini ang nahisgutan sa niaging panagtapok niadtong dominggo.

FEEDING PROGRAM-mopahigayon ug feeding program ang atong chapter karong katapusang dominggo sa abril para usab kita makahatag sa atong bahin sa gasa sa mga bata diri sa atong lugar.

UNIPORME-magsugod na kitag pangolekta para sa atong uniporme (di pa naku tino ang saktong kantidad) pero pwede kamo mohatag sa inyung amutan ni founder allan

TABANG PINANSYAL-usa sa atong igsoon nga si BRO TADS ug SIS LYSSA nangayo kanato ug tabang pinansyal para sa ilang anak nga masakiton. Sila nagkinahanglan kanato sa atong suporta kay sila nagkinahanglan ug oxygen ug mga kahimanan para sa ilang nga adunay sakit sa kasing-kasing. Sa kadtong adunay malumong nga kasing-kasing ug medyo nakaluag luag, pwede kamo modool kang founder allan sa pagtunol sa inyung tabang.

MEMBERSHIP FORMS-kami mangayo ug pasaylo, hangtud karun nga wala pa nato masumite ang membership form nga gikahinaman sa 2nd batch members tungod kay medyo kulang pa ang kwarta nga napundo, pero kami nagahinaot nga masumite kini nato sa di pa matapos ning buwana. Ang pamunuan ni founder allan nangita ug paagi nga kini makalusot ug masumite sa di dugay.

BACK MATIMCO FIESTA-gikahinaman ni founder allan ug ni pres ramil ang atong partisipasyon sa atong chapter sa umaabot natong kapistahan sa mayo. Dugang detalye di pa tino pero kung aduna na kitay saktong kasayoran diri ra namu i patik sa atong kahugpongan.

BAG-ONG MIYEMBRO-atong sugaton sa maayong pagtagad atong bag ong miyembro nga si BRO JHON. Ang subangdaku chapter ni abi-abi sa imung pag abot.

Daghang salamat.

05/02/2024

Maaung buntag

Ang mga sumusunod mao ang nahisgutan gahapon sa meeting:

CORE VALUES-gipanguluhan ni pres SRMG FOXTROT sa pagpasidaan unsay CORE VALUES nga angay sundon sa usa ka miyembro sa RGIA. Kung asa gituki ang matag karakter sa usa ka halandon, maaung ihemplo ug usa ka masulondon nga alakdan.

FIRE OLYMPICS-adunay umaabot nga fire olympics karung umaabot (petsa di pa tino) kung asa matagaan kita sa kaalam unsaon pag responde sa sunog. Kini usab pagagiyahan sa taga BUREAU OF FIRE PROTECTION kung asa sila mopahigayon ug seminar. Giawhag ang tanan sa pagsalmot para usab kita magiyahan sa atong angay buhaton sa pagtabang sa sakuna.

LINE UP OF OFFICERS-sa di pa tino, adunay kausaban nga mahitabo sa linya sa atong chapter officers. Kini pagahisgutan sa umaabot nga meeting sa atong chapter officers rong umaabot para usab matuki kung unsay angay buhaton ug para usab sa ka epektibo nga dagan sa atong nataran. Kung aduna nay kasabutan ang nahitabo tali sa mga hingtungdan kini pagahisgutan sa sunod nato nga panagtagbo.

MONTHLY DUES-sa kadtong nagpangutana kung asa na ang ilang nahatag, dili pa mi makahatag ug tubag kay nagpaabot nalang mi sa records gikan sa atong sekretarya. Isip inyung mamahandi, kani gilihok na ug nahatagan na sa pagtagad. Kung nahatag na ang tanang records, kini mo agi pa ug validation ug liquidation para makita nato tanan. Naghinaot mi nga sa sunod buwan, mahatag na nato ang tanan para sa audit.

BAYAD SA REHISTRO-sa nasabutan, adunay bayranan ang matag miyembro nga tag 350 para sa pagproseso sa atong papeles. Kini gilangkuban sa CERTIFICATE, ID ug DEATH CLAIM ASSISTANCE. Nakasabot ang atong founder sa uban natong kaigsoonan nga dili pa makahatag karun tungod sa igong rason nga ilang giaagian karun. Busa nakahukom ang kadaghanan sa batch 2 nga sila lang una ang moabaga sa bayad ug kini ilisan lang kung sila makaluagluag na. Nasabutan nga tag 75 pesos matag usa ilang ihatag para makompleto na ang tibook kantidad ug para malihok na usab ang papeles.

Kami nagapasalamat sa tanang nitambong ug nakisayod para sa kaayuhan sa tanan.

Mabuhay ang RGIA!

SALAMAT

31/12/2023

Maayong buntag

Usa ka mabulukon ug kasadya atong nasinati gahapon adlawa sa gipahigayon natong unang krismas party sa subangdaku chapter. Kita mapasalamaton sa atong mga igsoon nga nitabang nga mapahigayon nato ang party nga malampuson.

Ginatambungan kini sa atong mga igsoon sa abaga ug ang atong mga pinalanggang kasilinganan nga ila usab masaksihan kung unsa ka kasadya magparty ang mga ALAKDAN.

Sunod tuig nasad, taas pa kaayo ang panahon nga kita mag-uban, magtinabangay ug magmalipayon sa tanang higayon.

17/12/2023

Usa ka malampuson orientation ang nahitabo rong adlawa, gisalmutan kini sa pipila natong mga inilang opisyales nga sila sis Susan, bro bals, sis Madonna ug kini gipangulohan si sgf zynx.

Naghinaot mi, nga bisan paman sa inyung gamayng panahon, mahatagan ninyo ug Oras ug higayon sa pagsalmot sa atong mga umaabot nga aktibidad. Tuod man, dili man ta matawag nga kapatiran kung dili ta magtinabangay sa usag usa.

Ayaw mo ug kalimot nga Ang kapatiran ana-a kanunay ug andam motambayayong sa pagsulbad, busa inyong pagsabot ug kooperasyon Ang gikinahanglan.

Mabuhay Ang bag ong ALAKDAN!

10/12/2023

Mga higala, ang amung SOPRANO ug ang mga back up singers sa RGI Alakdan Subangdaku Chapter 😊

10/12/2023

Usa ka malampusong christmas party ang gipahigayon kagahapon, Dec 10, 2023, nga gihapanguluhan sa atong igsoon GMF RHAM isip master of ceremony ug ni SGF ZYNX. Ang atong AMAHAN UGMF ISAAC niuban usab kanato para mahimamat niya ug mapasalamatan niya sa personal ang atong mga igsoon.

Gitambungan usab kini sa atong mga igsoon sa Nagkadaiyang chapter sa BAGONGBANWA, LOOC, CAMPUSONG, CALITUBAN, POLOG, PONDOL, PULPOGAN, LAPU-LAPU CLUSTER, PANGAN-AN, ug ang PARDO nga ila gayod gipangandaman. PERO dili usab magpalupig ang SUBANGDAKU CHAPTER isip usa sa mga daghang mananaog sa mga nagkadaiyang duwa nga gisalmutan sa atong mga igsoon. Atong ipasigarbo nga ang atong igsoon sa abaga nga sila bro rene, nick, dice, dale, wills, bonat ug clark ug ang atong mga sis nga sila jill, lyssa, freddie inday, ug manilyn nga nakadawat ug mga pahalipay sa nagkadaiyang pabunot, games ug presentation.

Kami magapasalamaton sa mga nitambong ug naghinaot nasad sa sunod natong panagtapok sunod tuig.

Maayong buntag.

04/12/2023

PAHIBALO

ang nahitabong panagtapok gahapon gisalmutan sa 13 ka membro ug usa ka tyrus nga nag obserba

Ang mga natuki mao ang sumusunod:

AMUTAN
aduna kitay amutan nga tag 200 pesos kada usa para kini sa atong kaon ug uban pa. Giawhag ang tanan nga makahatag sa naasoy nga amutan sa dili pa mag SABADO, DECEMBER 9 2023 para usab makaandam si FOUNDER ALLAN ug BRO RESNE sa mga palitonon.

DECEMBER 10, 2023
Ang petsa sa atong REGIONAL CHRISTMAS PARTY kung asa ang atong chapter ang gitahasan sa VENUE AND SECURITY.

ORAS
magsugod ang programa alas 8am hangtud 5pm. Busa giawhag ang tanang membro nga moadto sa venue sa wala pa ang oras sa pagsugod. Kini kay kita man ang mogiya sa ubang chapter nga nakadistino sa SOUNDS AND PREPARATION, GAMES UG UBAN PA. Striktong ipatuman sa atoa ang KOMPLETO NGA UNIPORME kay kini ang adlaw nga pagatambungan sa atong AMAHAN UGMF ISAAC isip respeto sa iyang presensya.

PRESENTATION
matag miyembro giawhag sa pagsalmot sa mga nagkalaing laing duwa, ang makadaog adunay ganti nga madawat. Mao kini ang mga DUWA nga gisabutan sa GAMES COMMITTEE ug mao kini ang mga sumusunod:

*ALAKDAN walk..
10members every group (1group ra ang winner)
Need ug 40 ballons(katu lang gagmay na ballon..

*Message relay..
10members every group
(1group winner..)

*Message relay with a twist..
10members every group..
(1group winner)

SUBANGDAKU CHAPTER ORIENTATION
Naka schedule na ang ikaduhang orientation sa atong chapter, DECEMBER 17, 2023. Gipahimangnuan usab ang tanan sa pagtambong aron sa pagsugat sa mga bag o natong miyembro. Kini personal nga gilihok ni founder para mamahimung malampuson.

SUBANGDAKU CHAPTER CHRISTMAS PARTY
Sa DECEMBER 30, 2023 ang atong scheduled chapter party. Dugang kasayuran di pa tino kay di paman ni pinal. Naghinaot ang atong founder nga sa mga naasoy nga petsa kitang tanan makatambong uban sa atong mga bag ong miyembro..

NAGHINAOT MI NGA MATAPOS NATO ANG TUIG NGA MAKABULAHANON BISAN PAMAN SA ATONG KALISUD, KITA PAGAGIYAHAN SA ATONG KAHITAS AN UG KALOY AN SA ATONG INADLAW NGA PANGINABUHI NGA KITA TANAN MAGMALAMPUSON.

maayong adlaw sa tanan.