11/06/2026
๐ข๐๐๐๐๐๐๐ ๐ฆ๐ง๐๐ง๐๐ ๐๐ก๐ง ๐จ๐ฅ๐๐๐ก๐ ๐ง๐๐ ๐๐ข๐๐๐ ๐ฆ๐ง๐จ๐๐๐ก๐ง ๐๐ข๐จ๐ก๐๐๐ ๐ง๐ข ๐๐๐ก๐จ๐๐ก๐๐๐ฌ ๐๐๐ง ๐๐ฆ ๐ง๐๐ ๐ฅ๐๐ฃ๐ฅ๐๐ฆ๐๐ก๐ง๐๐ง๐๐ข๐ก ๐ข๐ ๐ง๐๐ ๐ฆ๐ง๐จ๐๐๐ก๐ง ๐๐ข๐๐ฌ
Bilang isang organisasyong nagsusulong ng ethical leadership, good governance, transparency, at meaningful student participation, naninindigan ang Kaya Natin! Youth โ BulSU sa kahalagahan ng wastong proseso at tunay na representasyon sa lahat ng usaping may kinalaman sa kapakanan ng mga estudyante.
Naniniwala kami na ang mga student council, maging sa antas ng departamento, kolehiyo, o unibersidad, ay hindi lamang may kapangyarihang magpasya para sa kanilang mga nasasakupan kundi may tungkulin ding konsultahin at pakinggan ang kanilang boses. Ang kanilang mandato ay nagmumula sa mga estudyanteng kanilang kinakatawan.
Sa mga usaping may malaking epekto sa student representation, gaya ng pagpili o pag-endorso ng kandidato para sa Student Regent, mahalagang masiguro na ang proseso ay bukas, konsultatibo, at sumasalamin sa kagustuhan ng mga estudyante. Ang kawalan ng sapat na konsultasyon ay maaaring magdulot ng mga katanungan hinggil sa transparency, legitimacy, at procedural regularity ng naging desisyon.
Nais din naming bigyang-diin na ang Student Regent ay kinatawan ng buong student body. Dahil dito, ang pagpili ng kandidatong susuportahan ay hindi dapat maging desisyon lamang ng iilang opisyal, board members, governors, o vice governors. Bagama't mahalaga ang kanilang papel sa proseso, hindi nito napapalitan ang mas malawak na partisipasyon at konsultasyon ng mga estudyanteng kanilang kinakatawan.
Ang tunay na diwa ng student representation ay nakasalalay sa pakikinig sa boses ng mga estudyante at hindi lamang sa pagpapasya para sa kanila. Ang konsultasyon ay hindi simpleng teknikalidad lamang; ito ay isang mahalagang sangkap ng demokratiko at responsableng pamamahala.
Kaugnay nito, hinihikayat ng Kaya Natin! Youth โ BulSU ang lahat ng student councils at student leaders na patuloy na itaguyod ang transparency, accountability, at participatory governance sa lahat ng proseso na may kinalaman sa student representation.
Sa huli, ang mabuting pamamahala ay hindi lamang nasusukat sa resulta kundi pati na rin sa integridad ng prosesong ginamit upang makamit ito.
Para sa etikal na pamumuno, mabuting pamamahala, at makabuluhang representasyon ng mga estudyante.
