Kabataang Pangarap ni Rizal - La Juventud Chapter

26/05/2026

Pagbati, KaPaRiz!

Nananatiling makabuluhan ang diwa ng edukasyon sa Kabataang Pangarap ni Rizal (KaPaRiz). Mula sa alaala ng taas-noong pag-apak-papasok sa pamantasan, hanggang sa paglingon sa pinagmulan, dala-dala ng mga natatanging mag-aaral ang imahen ng karunungan. Sa panahong ang lipunan ay unti-unting nababalot ng kawalang-kamalayan, sukbit ng mga nagsipagtapos at naparangalan ang pag-asang kanilang magamit ang mga aral upang makapanilbihan nang higit sa kapuwa.

Sa likod ng bawat pagkilala, mga medalya at sertipiko, ay ang mga paghihirap na kanilang dinanas. Bago makamtan ang kaginhawaan, naranasan muna ng bawat isa ang hagupit ng buhay. Bawat parangal ay katumbas ng di-maikokomparang oras sa pag-aaral—sakripisyong alay sa kung anuman o kung kanino man.

Malugod na pagbati sa mga KaPaRiz na nagpakita ng angking kahusayan sa kani-kanilang espesyalisadong larang! Nawa ay maging gabay ninyo ang mga pangaral ni G*t. José Rizal tungo sa ikabubuti ng lipunan.

24/05/2026

Mainit na pagbati sa KaPaRiz-La Juventud Chapter sa matagumpay nitong pakikilahok sa Bulacan Heritage-Bulacan Forum na ginanap noong Mayo 19-21, 2026 sa Mariano Ponce Hall, Hiyas ng Bulacan! 🇵🇭✨

Buong dangal na kinatawan ni KaPaRiz member na si Clyte Clarence S. Lagarte ang aming samahan sa makasaysayang pagtitipon na pinangunahan ng Bulacan Provincial History, Arts, Culture and Tourism Office. Higit pa rito, kaniyang natanggap ang pagkilala bilang isa sa mga “Best Dressed Participants” sa pagbubukas ng forum—patunay ng kaniyang kahusayan, propesyonalismo, at pagpapahalaga sa kulturang Pilipino. 👏🎖️

Patuloy na magsisilbing inspirasyon ang KaPaRiz-La Juventud sa pagsusulong ng kasaysayan, kultura, at nasyonalismong Rizalian para sa kabataang Bulakenyo. Sama-sama nating buhayin ang diwa ng pagiging makabayan at pagmamahal sa ating pamana! 📚🔥

🇵🇭✨

19/05/2026

Every step leaves a mark. The question is what kind will YOUth leave behind? 😉🥾

The ground is calling. The journey begins soon…

18/05/2026

26/04/2026

09/04/2026

𝑺𝒂 𝑨𝒍𝒂𝒂𝒍𝒂 𝒏𝒈 𝑴𝒂𝒈𝒊𝒕𝒊𝒏𝒈 𝒏𝒂 𝑷𝒂𝒈𝒔𝒖𝒌𝒐

Ngayong araw, ika-9 ng Abril, ay ginugunita ang Araw ng Kagitingan—isang alaala ng kabayanihang nakahabi sa kasaysayan.

Humigit-kumulang 75,000 sundalong Pilipino at Amerikano ang nakiisa kontra sa pananakop. Nagkaisa ang dalawang puwersa noong panahon ng okupasyon ng mga Hapones, ngunit sumuko rin kinalaunan ang pinuno ng puwersang Pilipino-Amerikanong si Edward P. King Jr., dala ng epekto ng pakikidigma laban sa mga Hapones noong Abril 9, 1942. Hudyat nito ang kilalang “𝑩𝒂𝒕𝒂𝒂𝒏 𝑫𝒆𝒂𝒕𝒉 𝑴𝒂𝒓𝒄𝒉,” kung saan ang puwersang Pilipino-Amerikano ay pinagmartsa mula Mariveles, Bataan, hanggang Capas, Tarlac—105 kilometro ang layo.

Sa ilalim ng Batas Republika Blg. 3022, na nilagdaan ng dating Pangulong Carlos P. Garcia, idineklara bilang araw ng pag-alala sa magigiting na sundalo sa Bataan ang ika-9 ng Abril. Sa bisa naman ng Kautusang Tagapagpaganap Blg. 203, kinilala ang araw na ito bilang “𝑨𝒓𝒂𝒘 𝒏𝒈 𝑲𝒂𝒈𝒊𝒕𝒊𝒏𝒈𝒂𝒏.”

Sa alaala ng mga sundalo at sibilyang nakipagsapalaran sa gitna ng digmaan, ang Araw ng Kagitingan ay araw ng kabayanihan—araw ng magiting na pagsuko.

𝘜𝘕𝘜𝘚 𝘐𝘕𝘚𝘛𝘈𝘙 𝘖𝘔𝘕𝘐𝘜𝘔!

𝗞𝗔𝗣𝗔𝗥𝗜𝗭 – 𝗟𝗔 𝗝𝗨𝗩𝗘𝗡𝗧𝗨𝗗 𝗖𝗛𝗔𝗣𝗧𝗘𝗥

✍️ Franc Lawrence Lintao

06/04/2026

02/04/2026

𝑩𝒂𝒍𝒂𝒈𝒕𝒂𝒔: 𝑨𝒏𝒈 𝑫𝒂𝒌𝒊𝒍𝒂𝒏𝒈 𝑴𝒂𝒏𝒈𝒂𝒏𝒈𝒂𝒕𝒉𝒂

Sa panulat nagsisimula ang lahat—istrumentong tagapagmulat sa realidad.

Ginugunita ngayong araw, ika-2 ng Marso, ang 238 anibersaryo ng kapanganakan ng “𝑨𝒎𝒂 𝒏𝒈 𝑷𝒂𝒏𝒖𝒍𝒂𝒂𝒏𝒈 𝑻𝒂𝒈𝒂𝒍𝒐𝒈.” Tanyag na makata at manunulat—bayaning nagmula sa Bulacan—si Francisco “𝑩𝒂𝒍𝒂𝒈𝒕𝒂𝒔” Baltazar ay isa sa mga Pilipinong humubog sa pambansang kamalayan.

Bantog sa sagisag-panulat na “Balagtas,” siya ang isa sa mahahalagang pangalan sa pag-aaral ng asignaturang Filipino. Ihinango sa kaniya ang “balagtasan”—isang uri ng debate sa anyong patula. Ngunit higit na tumatak ang kaniyang pangalan, dala ng pagiging mangangatha ng “𝑭𝒍𝒐𝒓𝒂𝒏𝒕𝒆 𝒂𝒕 𝑳𝒂𝒖𝒓𝒂,” na isang tulang pasalaysay. Matalinghaga at kapupulutan ng mahahalagang aral, ang akdang ito ang tumutugis sa isip—tagos hanggang sa puso ng mga Pilipinong nakakabasa. Dala-dala ni Rizal ang aklat na ito patungong Europa bilang tanda ng pagkilala sa angking husay ni Balagtas.

Sa alaala ng makukulay na akda ni Balagtas, ang kaniyang kapanganakan ay isa sa mga nagsisilbing palatandaan sa buhay na panitikan ng bansa.

𝘜𝘕𝘜𝘚 𝘐𝘕𝘚𝘛𝘈𝘙 𝘖𝘔𝘕𝘐𝘜𝘔!

𝗞𝗔𝗣𝗔𝗥𝗜𝗭 – 𝗟𝗔 𝗝𝗨𝗩𝗘𝗡𝗧𝗨𝗗 𝗖𝗛𝗔𝗣𝗧𝗘𝗥

✍️ Franc Lawrence Lintao