Samahan ng mga Mag-aaral na Humuhubog sa Kabataan at Naglilingkod sa Bayan

Directions Contact the organization

Samahan ng mga Mag-aaral na Humuhubog sa Kabataan at Naglilingkod sa Bayan Contact information, map and directions, contact form, opening hours, services, ratings, photos, videos and announcements from Samahan ng mga Mag-aaral na Humuhubog sa Kabataan at Naglilingkod sa Bayan, Youth Organization, Roxas Hall, College of Education, Bulacan State University, Malolos.

The Official page of SAMAHAN — a college-based organization of the College of Professional Teacher Education (CPTED) at Bulacan State University - Main Campus

ISANG BUHAY NA NAG-IWAN NG TINIG PARA SA BAYAN. 🇵🇭Ngayong Ninoy Aquino Day, ginugunita natin ang buhay at paninindigan n...
21/08/2026

ISANG BUHAY NA NAG-IWAN NG TINIG PARA SA BAYAN. 🇵🇭

Ngayong Ninoy Aquino Day, ginugunita natin ang buhay at paninindigan ni Benigno “Ninoy” Aquino Jr. — isang Pilipinong piniling magsalita, tumindig, at manindigan para sa kalayaan at demokrasya sa kabila ng panganib.

Ang kanyang paglalakbay ay nagpapaalala na ang tunay na paglilingkod ay hindi nasusukat sa posisyon, kundi sa tapang na ipaglaban ang tama at sa paninindigang unahin ang kapakanan ng bayan.

Bilang mga G**o ng Bayan, nawa'y patuloy nating isabuhay ang tapang na magsalita para sa katotohanan, ang tapang na manindigan para sa kapwa, at ang tapang na maglingkod para sa bayan.

Ang alaala ay ating pagnilayan. Ang paninindigan ay ating ipagpatuloy. Ang bayan ay ating paglingkuran. 🇵🇭💚💙



TUNGHAY 2026: ISANG SIMULA, ISANG DIWA, ISANG SAMAHAN! 💚💙Mula sa pagkilala hanggang sa pakikiisa, naging makabuluhang si...
17/08/2026

TUNGHAY 2026: ISANG SIMULA, ISANG DIWA, ISANG SAMAHAN! 💚💙

Mula sa pagkilala hanggang sa pakikiisa, naging makabuluhang simula ang SAMAHAN Pre-General Assembly sa ilalalim ng temang TUNGHAY: Pagtanaw sa Diwa ng Organisasyon at Sama-samang Pagyakap sa Paglilingkod.

Sa pamamagitan ng pagtitipong ito, mas nakilala natin ang SAMAHAN — ang mga taong bumubuo rito, ang mga adhikaing nagbibigay-buhay dito, at ang mga layuning patuloy na gumagabay sa ating pagkilos. Ito ay napuno ng mahahalagang sandali, makabuluhang talakayan, at masasayang kaganapan na naging bahagi ng matagumpay na pagtitipon.

Higit pa sa isang programa, ang TUNGHAY ay naging unang hakbang tungo sa mas malalim na pagkakakilanlan, mas matibay na pagkakaisa, at mas makabuluhang paglilingkod.

Tunghayan ang mga alaala. Isabuhay ang diwa. At sama-sama nating ipagpatuloy ang paghubog at paglilingkod. 💚💙




DIWA’Y BUHAY, DANGAL AY TAGLAY! Sa pagdiriwang ng Bulacan Day ngayong Agosto 15, 2026, sama-sama nating alalahanin at ip...
15/08/2026

DIWA’Y BUHAY, DANGAL AY TAGLAY!

Sa pagdiriwang ng Bulacan Day ngayong Agosto 15, 2026, sama-sama nating alalahanin at ipagmalaki ang mayamang kasaysayan, kultura, at tradisyon ng ating lalawigan.

Sa bawat kuwento ng katapangan, kulturang ipinapasa, at tagumpay ng mga Bulakenyo, patuloy na sumisiklab ang Diwa ng Bulacan — isang diwang nagbubuklod sa atin at nagpapaalala sa ating pinagmulan.

Sapagkat ang diwa ng pagiging Bulakenyo ay hindi lamang bahagi ng nakaraan; ito ay pamana, pagkakakilanlan, at gabay tungo sa hinaharap.

Ipagmalaki ang pinagmulan. Pangalagaan ang pamana. Isabuhay ang Diwa ng Bulacan! 💚💙✨



HAPPENING NOW | TUNGHAY: SAMAHAN Pre-General Assembly and Organizational Orientation Kasalukuyang nagaganap ang SAMAHAN ...
15/08/2026

HAPPENING NOW | TUNGHAY: SAMAHAN Pre-General Assembly and Organizational Orientation

Kasalukuyang nagaganap ang SAMAHAN Pre-General Assembly, isang makabuluhang pagtitipon na naglalayong higit na ipakilala ang organisasyon, ang mga opisyal nito, at ang mga layunin at adhikaing patuloy na gumagabay sa SAMAHAN.

Sa temang “TUNGHAY: Pagtanaw sa Diwa ng Organisasyon at Sama-samang Pagyakap sa Paglilingkod,” sama-samang binubuksan ang isang panibagong tanaw tungo sa mas malalim na pagkilala, pag-unawa, at pakikiisa sa organisasyong patuloy na humuhubog sa kabataan at naglilingkod sa bayan.




14/08/2026

Nagkakaisang Tinig ng mga BulSUans Laban sa PAX SILICA, Pormal nang Isinumite sa Tanggapan ni Senator Risa Hontiveros

Sa pangunguna ng BulSU SG Chairperson Senator Paul Bajado, pormal nang ipinaabot sa Tanggapan ni Senator Risa Hontiveros ang kolektibong posisyon ng BulSU Student Government Committee , BulSU Student Government – Environmental Committee, mga Local Student Councils, Student Organizations, at mga mag-aaral ng BulSU bilang panawagan para sa pagbabasura ng PAX SILICA Project.

Kasunod ito ng paghahain ni Senator Risa Hontiveros ng resolusyon sa Senado upang imbestigahan ang PAX SILICA at ang mga posibleng epekto nito sa kalikasan, mamamayan, at bansa. Kaugnay nito, naimbitahan din ang BulSU SG Environmental Committee sa pagdinig ng Senado upang direktang marinig at bitbitin ang paninindigan ng mga BulSUan hinggil sa usapin.

Mula sa Pamantasan hanggang sa Senado, bitbit ang isang nagkakaisang paninindigan: hindi dapat isantabi ang kalikasan at kapakanan ng mamamayan sa ngalan ng diumano’y pag-unlad.

Patuloy nating palalakasin ang tinig ng mga BulSUan at mag-aaral sa mga usaping may direktang epekto sa ating kinabukasan.



TUNGHAY 2026: DALOY NG PROGRAMA Narito na ang Daloy ng Programa para sa ating SAMAHAN Pre-General Assembly!Tunghayan ang...
14/08/2026

TUNGHAY 2026: DALOY NG PROGRAMA

Narito na ang Daloy ng Programa para sa ating SAMAHAN Pre-General Assembly!

Tunghayan ang bawat bahagi ng ating pagtitipon habang sama-sama nating kinikilala ang organisasyon, mga lider, adhikain, at mga layuning magsisilbing gabay sa panibagong yugto ng SAMAHAN.

Kilalanin ang diwa. Yakapin ang pagkakaisa. Makiisa sa paglilingkod.

Isang programa, isang adhikain, isang SAMAHAN. Kita-kits, mga G**o ng Bayan! 💚💙




13/08/2026

MAHALAGANG ANUNSYO! 📣

Yohoo! Dito ang Tingin, SAMAHAN Memberz!

Huwag nang palampasin ang pagkakataong mas kilalanin ang ating SAMAHAN. TUNGHAY na sa August 15 sa pagagamitan ng Google meet mula 8:00 AM hanggang 12:00 PM.

TARA NA, SAMA NA! 💚💙




TARA, TUNGHAYAN NATIN!Bilang pakikisa sa darating na SAMAHAN Pre-General Assembly sa Agosto 15, inaanyayahan namin kayon...
11/08/2026

TARA, TUNGHAYAN NATIN!

Bilang pakikisa sa darating na SAMAHAN Pre-General Assembly sa Agosto 15, inaanyayahan namin kayong makiisa sa isang DP Blast.

Kapsyon na gagamitin:

_________________________________________

TUNGHAY SA DIWA NG SAMAHAN! 💚💙

Bawat organisasyon ay may kuwento, bawat adhikain ay may pinagmulan, at bawat pagkilos ay may layuning higit sa sarili.

Ako si [NAME] mula sa [PROGRAM/YEAR/SECTION], handang makiisa sa sama-samang pagtanaw sa diwa ng SAMAHAN. Sa darating na SAMAHAN Pre-General Assembly sa Agosto 15, 2026, sama-sama nating kilalanin ang organisasyong patuloy na humuhubog at naglilingkod para sa Kabataan at Bayan. ✊

Sa temang “TUNGHAY: Pagtanaw sa Diwa ng Organisasyon at Sama-samang Pagyakap sa Paglilingkod,” tunghayan natin ang mga layunin, pagpapahalaga, at adhikaing nagsisilbing pundasyon ng ating SAMAHAN. Higit sa pagkilala, ito ay paanyayang makiisa at yakapin ang pananagutang kaakibat ng pagiging bahagi ng isang komunidad. 🫂

Tunghayan ang simula. Kilalanin ang diwa. Maging bahagi ng SAMAHAN. 💚💙

🔗 Link ng frame:
https://twb.nz/tunghay
https://twb.nz/tunghay
https://twb.nz/tunghay

🎨: Cio Cruz at Ayessa Neri Tobias
✍️: John Arvy Dela Cruz




TUNGHAY SA DIWA NG SAMAHAN! 💚💙Bawat makabuluhang paglalakbay ay nagsisimula sa isang pagtanaw.Bago maging bahagi ng isan...
10/08/2026

TUNGHAY SA DIWA NG SAMAHAN! 💚💙

Bawat makabuluhang paglalakbay ay nagsisimula sa isang pagtanaw.

Bago maging bahagi ng isang komunidad, mahalagang makilala ang mga layunin, pagpapahalaga, at mga taong nagsisilbing lakas sa likod nito. Sama-sama nating simulan ang mas malalim na pag-unawa sa diwa ng paglilingkod at pamumuno sa gaganaping Pre-General Assembly ng SAMAHAN.

Sa temang “TUNGHAY: Pagtanaw sa Diwa ng Organisasyon at Sama-samang Pagyakap sa Paglilingkod,” ating bibigyang-daan ang pagkilala sa organisasyon, sa mga opisyal na nagsisilbi rito, at sa misyon, bisyon, at mga layuning patuloy na humuhubog sa isang pamayanang may malasakit, pagkakaisa, at paninindigan.

Higit pa sa isang pagpapakilala, ito ay isang paanyaya upang maging kabahagi ng adhikaing sama-samang naglilingkod para sa kapakanan ng bawat mag-aaral.

Tunghayan ang simula. Kilalanin ang diwa. Maging bahagi ng SAMAHAN. 💚💙

📅 Agosto 15, 2026
🕒 8:00 N.U. - 12:00 N.T.
📍 sa pamamagitan ng Google Meet




NO PETS LEFT BEHIND ❗️🐕Sa gitna ng mga masamang panahon, dapat nating alalahanin na may mga alagang hayop din na umaasa ...
08/08/2026

NO PETS LEFT BEHIND ❗️🐕

Sa gitna ng mga masamang panahon, dapat nating alalahanin na may mga alagang hayop din na umaasa sa atin.

Habang naghahanda tayo para sa malakas na ulan, hangin, o anumang banta ng panahon, siguraduhin natin na ligtas din ang ating mga a*o, pusa, at iba pang mga alagang hayop. Huwag nating iwan ang mga ito sa labas, sa kulungan na maaaring bahain, o sa lugar na hindi ligtas.

Ang mga alagang hayop ay natatakot, nalilito, at nangangailangan ng proteksyon. Hindi nila kayang iligtas ang sarili nila nang mag-isa, kaya tayo ang dapat na maging sandalan nila sa mga ganitong sitwasyon.

Sa oras ng sakuna, hindi lang tao ang dapat nating iligtas.

Walang alagang hayop ang dapat maiwan. Walang alagang hayop ang dapat kalimutan.



Address

Roxas Hall, College Of Education, Bulacan State University
Malolos
3000

Website

Alerts

Be the first to know and let us send you an email when Samahan ng mga Mag-aaral na Humuhubog sa Kabataan at Naglilingkod sa Bayan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Samahan ng mga Mag-aaral na Humuhubog sa Kabataan at Naglilingkod sa Bayan:

Shortcuts

Share

Category