Panday Sining Bulacan State University

03/08/2025

SONA-saan ang katotohanan?

Magi-isang linggo na mula nang ibulalas ni BBM ang mga kasinungalingan at panibagong mga pangakong bibiguin.

Akala niya'y madadaan niya ang Pilipino dahil lang Filipino ang ginamit mong lenggwahe? Akala niya rin yata'y malilinlang niya ang mamamayan, kahit pa lantad na lantad na ang kabulukan ng kanyang rehimen na all-out papet, pasista at pahirap!

Dahil ayaw natin sa mga palsong pangako at kasinungalingan, mag-fact at reality check tayo!

31/07/2025

Habang tayo ay pinakakapit sa kaisipang "New Normal" na ang krisis na inaabot natin, nakabaon pa rin ang mga ipinamanang pangil ng mga berdugo, trapo, at mga dambuhala na tumarak sa ating buhay, at kalayaan.

Inihahandog ng Panday Sining BulSU and ikatlong serye ng zine na may pamagat na, "Pamana ng Pangil" para ilahad ang kabulukan ng pulitikang sa ating bansa.

Huwag nang hayaan ang patuloy na pagdanak ng dugo ng mamamayan bago pa putulin ang pangil ng kasuklam-suklam na halimaw na ilandaang taon nang nansasalakay sa ating buhay.

Iskolar ng Bayan, lumaban para sa pambansang demokrasya!
Isulong ang ganap nating paglaya mula sa imperyalismo, pyudalismo at burukrata kapitalismo!

Ngayon, higit kailanman, makatwiran na lumaban. Itangan ang sining bilang iyong armas! Sumali sa Panday Sining BulSU!

𝗟𝘂𝗺𝗮𝗵𝗼𝗸. 𝗟𝘂𝗺𝗶𝗸𝗵𝗮. 𝗟𝘂𝗺𝗮𝗯𝗮𝗻.
𝗔𝗿𝘁𝗶𝘀𝘁𝗮, 𝗽𝗮𝗴𝗹𝗶𝗻𝗴𝗸𝘂𝗿𝗮𝗻 𝗮𝗻𝗴 𝘀𝗮𝗺𝗯𝗮𝘆𝗮𝗻𝗮𝗻!

https://tinyurl.com/JoinPandaySiningBulSU
https://tinyurl.com/JoinPandaySiningBulSU
https://tinyurl.com/JoinPandaySiningBulSU

27/07/2025

Sa nagdaang mga araw, habang kabi-kabila ang pagkamatay ng mamamayan dulot ng perwisyo sa pagbaha, mga politikong ginagawang katatawanan ang pagkalubog ng taumbayan, hinihingi pa ni Marcos Jr. sa taumbayan na masanay na dahil ito na ang new normal.

Normal nang pairalin ng isang papet at pasistang rehimen ang pagmumudmod sa tao na masanay sa epekto ng mga "proyektong pangkaunlaran" na ipinapataw niya kasabwat ang imperyalista. Normal nang paasahin ang tao na may epekto ang kabi-kabilang flood-control projects—na karamihan ay di naman talaga roon napupunta o hindi matapos-tapos—kahit kabi-kabila rin ang palayasan sa mga komunidad at pangisdaan para makapagpatayo ng mga proyekto at ibayo pang sirain ang kalikasan para pagsilbihan ang mga korporasyon at dayuhan. Normal nang kalingain ang interes ng US, makipagkita sa gitna ng pagkalunod ng tao sa sakuna, tanggapin ang sunod-sunod na taripa sa imported na mga produkto, at ipakete bilang pagkakaibigan lamang.

Subalit hindi ito ang kanormalang dapat na nararanasan ng taumbayan. Walang new normal sa patuloy na paglobo ng presyo ng bilihin kahit hindi kailanman tumaas ang pasahod at laganap pa rin ang kontraktuwalisasyon. Walang new normal sa paglala ng pagbaha sa lahat ng bayan sa bansa at kabi-kabilang aksidenteng inaabot ng mamamayan. Walang new normal sa hindi bumubuting kalagayan.

Habang hinahagupit at pinapatay pa ang mamamayan ng kalamidad, walang pakundangan pang babahain ng kabulukan ng sistema.

Unconstitutional na pala ang panagutin si Sara sa paglustay ng kaban ng taumbayan; milyon-milyong inilaan na lang sana sa badyet sa edukasyon, pagpapaayos at pagdadagdag ng pasibilidad para sa kabataan, at dagdag-pasahod sa kaguruan. Inihuhulma na nga para maging produkto ng mura at maamong lakas-paggawa, ipinagkakait pa ang lahat ng ito sa kabataan. Ito ang isa sa malinaw na mukha ng pagtataksil sa atin dahil kung sino man ang kumokontra sa pagpapatalsik sa gastadora ay kumokontra sa tunay na kapayapaan at karapatan na dapat natatamasa ng taumbayan.

Sa harap ng lahat ng ito, maghahasik pa ng lagim ang isa pang anak ng berdugo. Habang bugbog-sarado ang taumbayan sa hagupit ng bagyo, gagamitin pa ito nina Baste at Torre para lang ipangalandakan ang pagsaling sa mga walang-kabuluhang pakikipagbuno. Bagaman binibihisan bilang pang-aliw at paraan para man lamang matulungan ang mga nasalanta, malinaw na hindi ito tunay na pakikialam at pakikibahagi sa danas ng mamamayan kundi pagturing bilang katatawanan sa kahirapan at karanasan nila; hayagang paglalantad ng mga hayop sa tunay nilang anyo at itsura.

Sa loob ng tatlong taong pag-upo sa trono, sa gitna na ng kaguluhan sa politika at lipunang Pilipino, at pagkalunod ng mamamayan, nag-aapoy na yata ang tumbong ng presidente sa matagalan niyang pagdikit dito at kawalan ng aksyon sa gitna ng bumababang kalidad ng pamumuhay.

Walang normal—mas lalong new normal—sa lahat ng ito.

May ugat at may kailangang singilin sa hindi pagiging normal ng pinapasan na krisis ng taumbayan.

Inilalantad lamang lalo ng estado ang sarili nito sa mamamayan. Higit kailanman, ngayon ang pinakamakatwirang panahon para kumilos at lumaban dahil hanggang nananatili ang nabubulok na sistema, walang maipapanalo at makapangyayaring tunay na pagbabagong-panlipunan. Kailangang singilin, pagbayarin, at pabagsakin ang may pinakamalaking utang sa taumbayan.

Sumama sa SONA ng Bayan! Singilin si Marcos at panagutin si Duterte!

July 28, 2025
9:00 AM sa DAR
1:00 PM sa Tandang Sora, Commonwealth

18/07/2025

Sanay na sanay ang BulSU admin na itinataya ang kapakanan ng mga estudyante kahit palpak naman ang pamamalakad!

Sa kabila ng kabulukan ng sistema sa paggamit at pagpapalit daw ng portal, rami ng kaso ng nag-midyear at hindi pa naibibigay na mga grado, at kakulangan sa kahandaan sa parating na academic year, ano't ang solusyon ng admin ay ang agarang pagbubukas ng taong-pampanuruan?

Bagaman usad-pagong ang announcement para sa enrolment at school calendar noong nakaraang linggo at makailang ulit na nagbago ng mga petsang naibaba, sasalubungin pa rin ng palpak na pamamalakad ni San Andres ang unang araw ng mga estudyante sa 28.

Sira pa rin ang portal!

Sa panibagong schedule, hindi makasasapat ang isang araw na enrolment sa sabay-sabay na mga kolehiyong kailangang mag-enrol. Ang pangako na bagong portal ay nagbunsod pa ng delay sa petsa ng enrolment. Animo'y di alam ng administrasyon kung paano pagtatakpan ang dati nang problema tuwing enrolment.

Ano naman ang aasahan ng mga may midyear classes?

Sa nakalipas na semestre, pinasan ng kabataang estudyante ang epekto ng mamamatay-taong patakaran ng neoliberal na edukasyon sa mukha ng Zero-Based Grading System, pagpapatuloy ng output-based education at online leaening. Kinailangang mag-midyear ng maraming estudyante para lang hindi mahuli kahit pa ang ibig sabihin ay kailangang bayaran ang mga special classes na iyon na naglalantad ng hindi pagiging libre ng edukasyon.

Sa suson-susong pasanin, iindahin pa ang kawalan ng pakialam sa kanila. Tinatanggal lang ng maagang pagbubukas ng klase, sirang portal, at hindi pa naibibigay na mga grado ang maskarang suot ng admin.

Pagkatapos pumatay ng ilang kabataan sa taas ng pamantayang itinatakda, kakaladkarin pa ang ibang kabataan sa mga patakarang pangmadalian.

Ang panawagan sa BulSU Admin:
IPAGPALIBAN NANG ISANG LINGGO ANG PAGBUBUKAS NG TAONG-PAMPANURUAN!

Hindi ito ang tipo ng edukasyong dapat na natatamasa ng kabataan. Lagi't laging hamon ang pagpapabaya ng administrasyon at estado sa iilan upang palakasin ang ating hanay at patuloy na mamulat, magmulat, mag-organisa, at kumilos. Hindi tunay na pambansa, siyentipiko, at makamasang edukasyon ang natatamasa hanggang may isang kabataang binibigo ng kasalukuyang sistema.

SUMALI SA PANDAY SINING BULSU!

Sanay na sanay ang BulSU admin na itinataya ang kapakanan ng mga estudyante kahit palpak naman ang pamamalakad!

Sa kabila ng kabulukan ng sistema sa paggamit at pagpapalit daw ng portal, rami ng kaso ng nag-midyear at hindi pa naibibigay na mga grado, at kakulangan sa kahandaan sa parating na academic year, ano't ang solusyon ng admin ay ang agarang pagbubukas ng taong-pampanuruan?

Bagaman usad-pagong ang announcement para sa enrolment at school calendar noong nakaraang linggo at makailang ulit na nagbago ng mga petsang naibaba, sasalubungin pa rin ng palpak na pamamalakad ni San Andres ang unang araw ng mga estudyante sa 28.

Sira pa rin ang portal!

Sa panibagong schedule, hindi makasasapat ang isang araw na enrolment sa sabay-sabay na mga kolehiyong kailangang mag-enrol. Ang pangako na bagong portal ay nagbunsod pa ng delay sa petsa ng enrolment. Animo'y di alam ng administrasyon kung paano pagtatakpan ang dati nang problema tuwing enrolment.

Ano naman ang aasahan ng mga may midyear classes?

Sa nakalipas na semestre, pinasan ng kabataang estudyante ang epekto ng mamamatay-taong patakaran ng neoliberal na edukasyon sa mukha ng Zero-Based Grading System, pagpapatuloy ng output-based education at online leaening. Kinailangang mag-midyear ng maraming estudyante para lang hindi mahuli kahit pa ang ibig sabihin ay kailangang bayaran ang mga special classes na iyon na naglalantad ng hindi pagiging libre ng edukasyon.

Sa suson-susong pasanin, iindahin pa ang kawalan ng pakialam sa kanila. Tinatanggal lang ng maagang pagbubukas ng klase, sirang portal, at hindi pa naibibigay na mga grado ang maskarang suot ng admin.

Pagkatapos pumatay ng ilang kabataan sa taas ng pamantayang itinatakda, kakaladkarin pa ang ibang kabataan sa mga patakarang pangmadalian.

Ang panawagan sa BulSU Admin:
IPAGPALIBAN NANG ISANG LINGGO ANG PAGBUBUKAS NG TAONG-PAMPANURUAN!

Hindi ito ang tipo ng edukasyong dapat na natatamasa ng kabataan. Lagi't laging hamon ang pagpapabaya ng administrasyon at estado sa iilan upang palakasin ang ating hanay at patuloy na mamulat, magmulat, mag-organisa, at kumilos. Hindi tunay na pambansa, siyentipiko, at makamasang edukasyon ang natatamasa hanggang may isang kabataang binibigo ng kasalukuyang sistema.

SUMALI SA MGA PAMBANSA DEMOKRATIKONG PANGMASANG ORGANISASYON!
Maging tunay, palaban at makabayan!

28/06/2025

Sa lumalalim na krisis ng imperyalismo—giyera, kagutuman, at kontrol sa kapital, teritoryo, pulitika at ekonomya ang pumapatay sa mamamayang Pilipino, Palestino, at lahat ng umiiral sa ibabaw na mundo—para sa pagpapanatili ng kanyang hegemonya na pabor sa kanyang interes.

"Hindi Tahimik Ang Apoy," ang pangatlong isyu ng zine ng Panday Sining Bulacan State University. Nagbibigay ito ng suri sa kasalukuyang giyerang agresyong ginagawa sa Middle East ng Zionistang Israel at kasabwat nitong Imperyalistang US.

Sa bawat nasusunog na gusali, pinapasabog na paaralan at tirahan, at winawasak na kabuhayan ay ang liyab ng pakikibaka ng mamamayang sinasamantala—ang alab ng paglaban sa salot na imperyalismo.

Hindi tahimik ang apoy—ito'y may nagniningas na sama-samang pagkilos ng masang api para sa hustisya, soberanya at ganap na paglaya.

Imperyalismo, ibagsak!
US Imperialist, no. 1 terrorist!
Palestino, Pilipino, labanan ang imperyalismo!

Sa mga nangyayaring digma, itangan ang sining bilang iyong armas! Sumali sa Panday Sining BulSU!

Luhamok. Lumikha. Lumaban.

https://tinyurl.com/JoinPandaySiningBulSU
https://tinyurl.com/JoinPandaySiningBulSU
https://tinyurl.com/JoinPandaySiningBulSU

10/06/2025

SARA DUTERTE, LITISIN AT PANAGUTIN!

Sagad ang kapal ng mukha ni Sara Duterte sa kabila ng hindi maipaliwanag na paglustay sa milyun-milyong pisong confidential funds mula sa Office of the Vice President at Department of Education, nananatili pa rin siyang malayang nakaupo sa puwesto. Habang ang mga g**o at estudyante ay patuloy na naghihirap sa kakulangan ng klasrum at kagamitan, siya naman ay ginamit nang walang habas ang pondo sa paraang hindi malinaw, walang detalye, at walang pananagutan.

Lalong nakagagalit na tila sinabotahe mismo ng Senado ang impeachment laban sa kanya gamit ang palusot na "kakulangan ng oras", habang ang mga kakuntsaba nitong mga senador ay lantaran nang naglabas ng resolusyon na ibasura ito. Samantala, sa boto ng mayorya sa Senado, ibinalik sa Kongreso ang Article of Impeachment. Malinaw na nakasaad sa batas na ang impeachment ay hindi opsyunal na kailangan pagdesisyunan ng Senado kung gagawin o hindi at dapat lang itong iproseso.

Sa gitna nito, malinaw ang papel ni Marcos Jr. na pangunahing sagabal sa pag-usad ng impeachment. Siya mismo ang nagbunsod nang pagpigil sa Kamara at nagpahayag ng pagtutol dito matapos ang eleksyon, dahil ginamit niya ang posisyon bilang presidente para maipamukha sa mamamayan na habol lamang niya ay pampulitikang kapangyarihan at pananatili ng kaniyang pamilya sa malacañang. Gayunding tikom at walang malinaw na tindig ang duwag na si Marcos sa gitna ng nagugutom na sikmura ng mamamayan na nilapastangan ng korapsyon at katiwalian.

Ang kasalukuyang pananabotahe ng Senado, kalapastanganan ng mga Duterte at Marcos ay nananalamin sa pagtatanggol para ang sa kanilang interes. Ang pananatili ng Marcos-Duterte at kanilang mga kroni sa posisyon ay pananatili ng sistemang nagpapakatuta sa imperyalistang US at China para patuloy na huthutan ang Pilipinas ng mga likas nitong yaman, paggamit sa ating bansa para sa kinakailangan nilang tapunan ng kanilang sobrang produkto, at pagkakaroon ng mura at maamong paggawa. Lahat para sa pagsisig**ong ang ating bayan ay tumungo hindi sa asenso kundi sa higit pang paglugmok at pagbagsak.

Kaya nananawagan ang hanay ng kabataang estudyante: Panagutin si Sara Duterte! Singilin si Marcos! Buong lakas nating ibagsak ang sistemang nagpapahirap sa bayan!

11/05/2025

ISULONG ANG MAKABAYANG LABAN! ANG SENADO, KONGRESO AT LOKAL NA GOBYERNO AY PARA SA MASANG PILIPINO! ✊🏻
Buong pagpupugay na ineendorso ng STAND BulSU ang mga senador sa ilalim ng Makabayang Koalisyon at ang Bokal na kaisa ng taumbayan ng Unang Distrito ng Bulacan.
Sa harap ng bulok at mapang-aping sistemang pinaiiral ng mga naghahari-hariang trapong pulitiko at pasistang rehimeng nagpapahirap sa sambayanan, narito ang MAKABAYAN BLOC, ang tunay na boses ng TAUMBAYAN!
#2 ADONIS, JEROME
#4 ANDAMO, ALYN
#6 ARAMBULO, RONNEL
#13 BROSAS, ARLENE
#16 CASIÑO, TEDDY
#17 CASTRO, FRANCE
#23 DORINGO, MIMI
#26 FLORANDA, MODY
#37 LIDASAN, AMIRAH
#44 LIZA MAZA
#54 RAMOS, DANILO
Para sa Makabayang Kongreso:
#4 KABATAAN PARTYLIST
#21 ACT TEACHERS PARTYLIST
#46 GABRIELA PARTYLIST
#59 BAYAN MUNA PARTYLIST
#101 HEALTH WORKERS PARTYLIST
Para sa Bokal ng Unang Distrito:
#5 LADERAS, B**G
Ang bawat kandidatong ito ay hindi lamang pangalan sa balota. Sila ay lingkod ng masa—manggagawa, magsasaka, katutubo, healthcare worker, g**o, kababaihan, LGBTQ+, at maralita na dekada nang nakikibaka para sa pambansang demokrasya, sosyal na hustisya, at tunay na pagbabago.
Ang pagboto sa MAKABAYAN BLOC ay hindi simpleng pagpili kundi pagsulong ng pakikibaka para sa:
✔️ SAPAT AT NAKABUBUHAY NA SAHOD
✔️ PAGPAPATATAG NG SERBISYONG PANGKALUSUGAN
✔ PAMBANSANG
INDUSTRIYALISASYON
✔️ KARAPATAN NG KABABAIHAN AT LGBTQIA+
✔️ PROTEKSYON SA MGA KATUTUBO AT MGA MORO
✔ TUNAY NA REPORMA SA LUPA
✔️ PAMPUBLIKONG EDUKASYON AT TRANSPORTASYON
✔ PAGWAKAS SA IMPERYALISTANG DOMINASYON
KAYA NGAYONG 2025, IBOTO ANG KOALISYONG HINDI TAKOT MANINDIGAN SA MASA!
Bagaman itinuturing na dito nagsisimula ang lahat, hindi natatapos sa eleksyon ang pagsugpo sa mga suliranin ng bayan. Mananatiling lugmok sa kahirapan ang sambayanang Pilipino hanggang hindi nabubuwag ang mga nakaugat na sistemang tunay na nagpapahirap sa kanila.
Lagi't laging hamon na dapat tugunan ng kabataan ang kumilos, mag-organisa, at magmulat ng masa para sa tunay na malayang bukas!
Tingnan ang bawat larawan para sa paliwanag ng kanilang plataporma.

29/04/2025

HANDA NA BA ANG KABATAAN NA LUMAHOK SA PANDAIGDIGANG ARAW NG PAGGAWA?

Mula pamantasan hanggang lansangan, lumahok sa pakikibaka ng manggagawa at mamamayan upang pabagsakin ang mapang-api at naghahating sistema!

Mga kabataang artisa, sumama na kumawala sa tanikala ng pagsasamantala! Gamitin ang sining upang magprotesta!

Nananawagan ang Panday Sining BulSU sa mga nais sumama sa kolektibong paglikha ng mga sining biswal para sa panrehiyong pagkilos sa Mayo Uno! Sa mga interesado, mag-pm lamang po sa aming page!

Armas ang iyong sining, panday sining!

18/04/2025

At kung ang langit ay p**a
📖 Hango sa mensahe ni Bishop Pablo Virgilio David tungkol sa red-tagging at ang pagkakapako ni Hesus sa krus.
🔗 Basahin: https://inq.news/jesus-red-tagged

Ngayong Semana Santa, habang inaalala natin ang pagpapakasakit ni Hesus sa krus, muling binibigyang-boses ang masa—ang kanilang araw-araw na kalbaryo—ang krus ng kahirapan, kawalan ng tirahan, mababang sahod, at patuloy na karahasan sa hanay ng mahihirap.
Habang maraming Pilipino ang nagkukrus sa dibdib ngayong Mahal na Araw, may mga maralita, manggagawa, kabataan, at pamilya ng EJK victims na literal na tinatahak ang krusada ng hustisya.

Ayon sa IBON Foundation: Tumataas ang bilang ng walang trabaho sa bansa, mula 1.8 million noong 2024, ngayon ay 1.9 million na.
Sabi ng NEDA: Sa 49.2 million employed Filipinos, 20.3 million ay informal workers, walang kasiguruhan sa trabaho, walang benepisyo

💬 “Habang nagpapakasasa ang mga makapangyarihan sa pondo ng bayan at walang habas na sinisikil ang ating karapatan, lalong ipinapasa sa maralita ang bigat ng krisis, mataas na presyo ng pagkain, kuryente, at tubig; sahod na hindi sapat; kawalan ng trabaho; at kawalan ng akses sa batayang serbisyo,” ayon sa KADAMAY.
🗣️ “Sa kabila ng pananakot at harassment, hindi kami titigil manawagan at lumaban para sa aming mga karapatan, sahod, trabaho, murang bilihin, pabahay, at hustisya sa mga pinaslang. At sa pagdami ng masa na lumalaban, ang krus ng kahirapan na aming pinapasan ay gumagaan.” –

Paalala:
Ang pagdurusa ni Kristo ay salamin ng paghihirap ng sambayanan.
Ang red-tagging sa mga nagsusulong ng karapatan ay hindi nalalayo sa paratang na ibinato kay Hesus: “subersibo.”
Ang pag-aalsa para sa kabuhayan, hustisya, at karapatan ay hindi kasalanan. Isa itong panata ng pagbabago.

Mulat, nasa masa ang Mesiyas.