Wiki Malolos

16/10/2025

Maligayang pagdating sa 𝗦𝗶𝗻𝗲𝗹𝗶𝗸𝘀𝗶𝗸 𝗕𝘂𝗹𝗮𝗰𝗮𝗻 𝗥𝗲𝘀𝗲𝗮𝗿𝗰𝗵 𝗛𝘂𝗯 - Marcelo H. Del Pilar National High School

Matagumpay na naisagawa ang site validation bilang bahagi ng Search for Top-Performing SINEliksik Bulacan Research Hub sa kauna-unahang Sineliksik Hub sa buong Sangay ng mga Paaralang Panglunsod ng Malolos --- ang Sineliksik Marcelo.

Pasasalamat sa BULACAN History and Heritage at PHACTO Maam May Arlene Torres sa pagbibigay ng pagkakataong maibahagi ang aming hub at ang pamayanan ng mga mag-aaral na nagtataguyod nito. Karangalan ng paaralan na madalaw ng mga kilalang tagapagtaguyod ng kasaysayan sa lalawigan sa pangunguna ni Dr. Jaime Veneracion at mga kasama. Pasasalamat din sa hindi nagmamaliw na suporta nina Sir Eyron Lozano, EPS I sa Araling Panlipunan at Dr. Vivo Mavic, Punongguro IV.

Patuloy na tatalima ang Sineliksik Bulacan Research Hub - MHPNHS sa misyon ng pag-aaral at pananaliksik sa kasaysayan ng Bulacan, upang mapanatili ang buhay at dakilang pagkakakilanlang nagpapakilala sa ating lalawigan at sa mga Bulakenyong umiibig dito!

Pagbati, Wiki Malolos Aklatang GAB, Ex Libris Library Volunteers, at KOLAB Social Science Education Collective sa pinagsamasamang dedikasyong itaguyod at isulong ang ating Hub! ❤️

16/10/2025

Maraming salamat po, BULACAN History and Heritage sa pagbisita sa Sineliksik Bulacan Research Hub - Marcelo H. Del Pilar National High School !

Eyron Lozano

Mabuhay!

Narito ang mga finalists sa SEARCH FOR TOP PERFORMING RESEARCH HUBS na sasailalim sa site validation ayon sa panuntunan ng kompetisyon (aytem 4: Magkakaroon ng paper screening at ang mga finalists ay sasailalim sa site validation.)

Walang partikular na pagkakasunod-sunod:

ELEMENTARY NON-CENTRAL SCHOOLS CATEGORY
Anyatam Elementary School
Santor Elementary School
Bambang Elementary School

ELEMENTARY CENTRAL SCHOOLS CATEGORY
Sta. Maria Central School.
Norzagaray Central School
Cong. Erasmo R. Cruz Memorial Central School

HIGH SCHOOL CATEGORY
Parada National Highschool
Marcelo H. Del Pilar National Highschool
A.F.G. Bernardino Memorial Trade School

Pagbati sa mga finalists. Abangan ang magwawagi bilang Top-Performing SINEliksik Bulacan Reseach Hubs sa Buwan ng Nobyembre!

15/10/2025

Sineliksik Bulacan Research Hub ng Marcelo H. Del Pilar National High School

10/10/2025

Ginugunita ngayong araw, 10 Oktubre 2025 ang ika-94 na Anibersaryo ng Pagpapasinaya ng Kapitolyo ng Pamahalaang Panlalawigan ng Bulacan, kasabay ang pagpapasinaya sa noo'y isinaayos na Bulacan Trade School (kasalukuyang Bulacan State University), at mga gusali ng Bulacan Provincial Hospital (kasalukuyang Bulacan Medical Center).

Nasimulan ang panimulang paghahanda sa pagtatayo ng bagong gusali ng Kapitolyo sa panahon ni Punong Lalawigan Restituto J. Castro (1925-1928) dahil sa pangangailangan ng lalawigan ng mas makabago at mas malawak na pasilidad mula sa noo'y one-story capitol building na yari sa oregon pine, guijo, at yakal. Sinimulang itayo ang kasalukuyang Kapitolyo noong 6 Marso 1930, sa pamamahala ng Bureau of Public Works (ngayo'y Department of Public Works and Highways o DPWH). Pinamahalaan ni Arkitekto Juan Marcos G. Arellano ng Bureau of Public Works ang disenyo ng Kapitolyo na naimpluwensiyahan ng estilong Art Deco, ang popular na disenyo sa mga taon ng 1930s. Taong 1931 nang pasinayaan ang Kapitolyo sa pamamahala ni Punong Lalawigan Jose G. Padilla, Sr. Ang pagpapasinaya ng tatlong mahahalagang gusali ay nagkaroon ng engrandeng palatuntunan mula 8:00 ng umaga hanggang 8:00 ng gabi. Dumalo sa nasabing programa ang Direktor ng Public Works G. A. D. Williams na siyang pormal na naghandog ng gusali ng Kapitolyo sa Provincial Board; at Kalihim ng Interyor Honorio T. Ventura.

Ang bagong gusali ng Kapitolyo ng Bulacan ay isang tatlong palapag na concrete structure na may wings at passageway/ hallways na patungo sa Bulacan Trade School Building, na noo'y na-remodel at ginawang court house. Ang Kapitolyo ay itinayo ng Gotauco & Co. sa halagang Php 180,887.00 habang ang Trade School ay isinaayos ng Mariquina Valley Construction Co. sa halagang Php 100,000.00. Ang Bulacan Provincial Hospital naman ay naitayo sa halagang Php 105,644.00.

Sa paglipas ng panahon, dumaan man sa panahon ng digmaan, at tatlong ulit na naisaayos at napalawak noong 1950, 1991, at 2018, ang gusali ng Kapitolyo ng Bulacan ay nananatiling nakatindig at bukas upang maging sentro ng paglilingkod nang buong sipag at tapat sa mga Bulakenyo.

Mga larawan ng Kapitolyo at palatuntunan ng pagpapasinaya mula kay G. Perfecto T. Martin

28/09/2025

, September 29, 1898 - the Malolos Congress officially ratified the Declaration of Independence proclaimed in Kawit, Cavite on June 12, 1898.

Held at the historic Barasoain Church, this moment marked a bold affirmation of the Filipino people's desire for self-rule, even though no foreign nation recognized it at the time. Only one foreigner, American Colonel L.M. Johnson, witnessed the original declaration.

This ratification laid the foundation for the Malolos Constitution, approved in January 1899 - the first republican constitution in Asia drafted by Filipinos for Filipinos.

Let's honor the courage and vision of our forebears who dared to dream of freedom. 🇵🇭💫

Read more here: https://tinyurl.com/29upmjee

26/09/2025

𝗦𝗜𝗡𝗘𝗟𝗜𝗞𝗦𝗜𝗞 𝟭𝟬𝟭: 𝗠𝗮𝗸𝗶𝗻𝗶𝗹𝘆𝗮 𝗪𝗼𝗿𝗸𝘀𝗵𝗼𝗽

Tagumpay na nakabalik sa nakaraan ang Wiki Malolos at ilang mag-aaral sa isinagawang Makinilya Workshop noong ika-25 ng Setyembre.

Itinuro sa mga mag-aaral ang katangi-tanging paraan ng paggamit ang isang makinilya—mula sa tamang paglagay ng papel hanggang sa pagbabalik sa simula ng linya. Nabigyan din ang lahat ng pagkakataong maranasan ang makasaysayang pagsusulat ng mga tula gamit ang makinilya. Isang makahulugang karanasan na tiyak na hindi malilimutan at muling nagpapaalala sa kahalagahan ng tradisyunal na pamamahayag at malikhaing pagsulat.

21/09/2025

Kaakibat sa pagpapahalaga ng pamana at kasaysayan, naninindigan at pinaglalaban din ng Wiki Malolos ang kalayaan at karapatan ng sambayanang Pilipino. Ang ating nakaraan ay paalala na ang tunay na kapangyarihan ng bansa ay hindi nasa pulitiko o kaninuman, kundi nasa integridad at sama-samang pakikibaka ng mamamayan. Sa pag-alala sa araw na ito, ating binibuhay muli ang diwa ng mga nag-alay ng kanilang boses at buhay upang ipaglaban ang katotohanan at ang karapatang nararapat sa bawat isa. Ang kanilang sakripisyo ay nagpapaalala sa atin na ang kalayaan ay hindi dapat binabalewala, at ang mga aral ng kasaysayan ay dapat magsilbing gabay upang hindi na muling maulit ang parehong pagkakamali.

Ang tunay na kapangyarihan ay nasa kamay ng sambayanang Pilipino—ang katiwalian ay hindi mawawakasan sa katahimikan. Huwag natin hayaang nakawin muli ang boses ng katarungan, ang sigaw ng hustisya, at paninindigan. Nawa’y tayo ay patuloy na tumindig at manatiling mulat. Tapos na ang panahon ng pananahimik, ito na ang pagsiklab ng bayan na galit sa lahat ng panlolokong laganap sa simula!

21/09/2025

Ngayong araw, at sa mga susunod pang araw, nasaan man tayo sa Pilipinas at daigdig, kumilos tayo para sa bayan.

Nasa likod natin ang diwa ng ating mga bayani at ang mga aral ng kasaysayan!

Pakikiisa sa mga magpapahayag ng pagtutol sa katiwalian at pagmamahal sa bayan ngayong araw.