Sitio Ilog Neighborhood Association Inc.

12/09/2026

🏥 MEDICAL ASSISTANCE PROGRAM – UPDATE

Patuloy po ang ating Medical Assistance Program.
Mula sa tatlong (3) regular members na unang nakinabang sa programa, may isa na naman pong nadagdag, kaya apat (4) na regular members na po ang kasalukuyang nakikinabang sa ating programa.
Maraming salamat po sa patuloy na suporta at pagtitiwala sa S.I.N.A. ❤️🤝

S.I.N.A. — Para sa Miyembro, Para sa Komunidad.

11/09/2026

🏥 MEDICAL ASSISTANCE PROGRAM UPDATE

Patuloy po ang S.I.N.A. sa pagtulong sa ating mga miyembro. Sa kasalukuyan, tatlong (3) regular members na po ang nakikinabang sa ating Medical Assistance Program.

Layunin po ng programang ito na makatulong sa ating mga miyembro sa panahon ng kanilang pangangailangang medikal.

Maraming salamat sa patuloy na suporta at pakikiisa ng ating mga miyembro. ❤️🤝

S.I.N.A. — Para sa Miyembro, Para sa Komunidad.

10/09/2026

💙 Isang malaking pasasalamat kay BM Vici Ventanilla! 🙏

Maraming salamat po sa mga upuang ipinagkaloob ninyo para sa ating komunidad. Malaking tulong po ito sa mga gawain at aktibidad ng S.I.N.A.

Lubos po naming pinahahalagahan ang inyong malasakit at suporta. 💙

Maraming salamat po, BM Vici Ventanilla ! 🙏

09/09/2026

📢 PAALALA PARA SA MGA MIYEMBRO NG S.I.N.A.

Ang Sitio Ilog Neighborhood Association, Inc. ay nakatanggap ng opisyal na imbitasyon mula sa Department of Human Settlements and Urban Development (DHSUD) para sa HOACD Forum 2026 – Public Consultation on the Revision of the Implementing Rules and Regulations of RA 9904.

📅 September 15, 2026 (Tuesday)
🕐 1:00 PM–6:00 PM
💻 Via Zoom

Layunin ng forum na makinig sa mga issues, concerns, at recommendations ng mga Homeowners Association bilang bahagi ng konsultasyon para sa pagrerepaso at posibleng pagbabago ng IRR ng RA 9904.

Ang ating HOA ay inimbitahang magpadala ng dalawang (2) representatives upang makilahok sa nasabing konsultasyon.

Mahalaga ang pagkakataong ito upang maiparating ang mga concerns at suhestiyon ng ating mga homeowners.

Para sa seguridad, hindi isinama sa post ang Zoom Meeting ID, passcode at direct contact details na nasa liham.

03/09/2026

🤝 PASASALAMAT SA SUPORTA PARA SA SITIO ILOG

Taos-puso pong nagpapasalamat ang Sitio Ilog Neighborhood Association, Inc. (S.I.N.A.) kay Hon. Daria Dolores M. “Dang” Mamaril, Vice Mayor ng Malasiqui, Pangasinan, sa pagkakaloob ng 15 pirasong monoblock chairs para sa aming samahan.

Ang mga upuang ito ay malaking tulong sa aming mga pagpupulong, community activities, at iba pang programang isinasagawa para sa ating komunidad.

Maraming salamat po, Vice Mayor Dang, sa inyong suporta at pagtugon sa aming pangangailangan. Malaking bagay po ito para sa S.I.N.A. at sa mga residente ng Sitio Ilog. 🙏❤️

Maraming salamat po VM DANG MACARAEG MAMARIL (Serbisyong Totoo, May Malasakit Sa Tao) sa inyong malasakit at suporta sa aming komunidad.

10/06/2026

📢 UPDATE | RELOCATION OF FIBER CABLES

Lubos po kaming nagpapasalamat sa Converge ICT Solutions Inc. sa kanilang maagap na pagtugon sa kahilingan ng mga residente ng Sitio Ilog at sa agarang pagpunta sa lugar upang maisagawa ang paglilipat ng mga fiber cables sa bagong poste.

Nagpapasalamat din po kami sa CENPELCO para sa naunang pagsasagawa ng relocation ng poste at mga linya ng kuryente, gayundin sa Pamahalaang Barangay ng Canan Sur at sa lahat ng residenteng sumuporta sa ating kahilingan.

Ang mga positibong pagbabagong ito ay bunga ng pagkakaisa, pagtutulungan, at maayos na pakikipag-ugnayan ng ating komunidad sa mga kinauukulang ahensya at kumpanya.

Sa kasalukuyan, mayroon pang isang poste na hinihintay nating masuri at maaksyunan ng PLDT upang tuluyang matiyak ang kaligtasan at kaayusan sa ating lugar.

Maraming salamat po sa lahat ng naging bahagi ng proyektong ito.

29/05/2026

📢 UPDATE | RELOCATION OF ELECTRIC POST AND WIRE

Lubos po kaming nagpapasalamat sa CENPELCO sa kanilang agarang pag-aksyon sa kahilingan ng mga residente ng Sitio Ilog kaugnay ng paglilipat ng poste at linya ng kuryente na maaaring maging sagabal sa itinatayong multi-purpose pavement ng barangay.

Nagpapasalamat din po kami sa Pamahalaang Barangay ng Canan Sur sa kanilang suporta at pakikiisa sa pagsasakatuparan ng gawaing ito para sa kapakanan ng ating mga mamamayan.

Taos-puso rin po ang aming pasasalamat sa lahat ng residenteng nagpahayag ng kanilang suporta at lumagda sa ating kahilingan. Ang matagumpay na pag-aksyon sa proyektong ito ay patunay na sa pamamagitan ng pagkakaisa, pagtutulungan, at maayos na koordinasyon ng mga residente, barangay, at mga katuwang na ahensya ay mas napapabuti natin ang ating lugar.

Maraming salamat po sa lahat ng naging bahagi ng tagumpay na ito.

28/05/2026

28/05/2026

https://sites.google.com/view/sitioilogofficial