https://www.facebook.com/111807978301711/

KASANGGA, Industrial Avenue, Malabon (2026)

26/10/2025

𝗧𝗜𝗡𝗚𝗡𝗔𝗡 | 𝑲𝑨𝑺𝑨𝑵𝑮𝑮𝑨 𝑫𝑶𝑵𝑨𝑻𝑰𝑶𝑵 𝑫𝑹𝑰𝑽𝑬

KASANGGA, Nandito Kami Para sa Inyo!

Nakakalungkot ang nangyaring sunog sa Barangay Catmon, Sitio 6, ngunit sama-sama tayong aahon mula sa unos na ito!

Bilang bahagi ng ating donation drive, nagbigay ang KASANGGA ng tag-lilimang kilo ng bigas kada pamilya sa mga nasunugan. Kasama rin sa ating mga naipamahagi ang mga damit, toothpaste, at toothbrush.

Lubos kaming nagpapasalamat sa ating mga donor at partner na nakipag-tulungan sa atin sa proyektong ito. Ang inyong kabutihan at malasakit ay tunay na nagbigay ngiti sa mga pamilyang naapektuhan.

Tuloy-tuloy ang ating pag-angat, at patuloy tayong magtutulungan!

“Make a difference and it will become your greatness.”

23/10/2025

TINGNAN | 𝗖𝗔𝗟𝗟 𝗙𝗢𝗥 𝗗𝗢𝗡𝗔𝗧𝗜𝗢𝗡
For the families affected by the recent fire at Sitio Sais, Brgy. Catmon, Malabon City.

Sumiklab ang sunog sa Sitio Sais, Brgy. Catmon nitong Huwebes - Oktubre 22, 2025 ng hapon at humantong ito sa Task Force Alpha level (Philippine Star). Apektado ang nasa 540 na pamilya at 1,500+ na indibidwal, kabilang ang maraming bata at estudyante, na ngayon ay nawalan ng tahanan at pangunahing pangangailangan. Ang inyong tulong na maibibigay ay labis naming pasasalamatan!

Narito ang mga pangunahing pangangailangan ng ating mga Malabueños:
• Clothes
• Bottled Water
• Food (Instant noodles, canned goods, biscuits, ready-to-go foods)
• Hygiene Kits (Shampoo, soap, toothbrushes, toothpaste, sanitary napkins, and diapers)
• Blankets/Towels
• Dog/Cat food for pets

Maaari rin ninyo ipahatid ang inyong donasyon kay:
• Rikka Mae Nazol – 09270252843

O mag-iwan lamang ng mensahe sa aming page.

Ang paglikom ng donasyon ay magsisimula ngayon – Oktubre 23, 2025 upang matugunan nang agaran ang mga pangangailangan ng mga biktima.

MARAMING SALAMAT PO 🧡💙🖤

05/10/2025

𝗧𝗜𝗡𝗚𝗡𝗔𝗡 | 𝑭𝑬𝑨𝑺𝑻 𝑫𝑨𝒀 𝑶𝑭 𝑺𝑻. 𝑮𝑨𝑩𝑹𝑰𝑬𝑳 𝑻𝑯𝑬 𝑨𝑹𝑪𝑯𝑨𝑵𝑮𝑬𝑳

Hindi man agad naipagdiwang, hindi magpapahuli ang aming organisasyon sa paggunita sa Kapistahan ni San Gabriel Arkanghel, ang aming patron. Sa kabila ng pagkaantala, itinaguyod pa rin namin ang diwa ng kapistahan sa pamamagitan ng mga masiglang aktibidad tulad ng Palarong Pambata at 1-Day League na nilahukan ng mga kabataan sa aming komunidad.

Ang pagdiriwang na ito ay hindi lamang selebrasyon ng kasiyahan, kundi pagpapatibay ng pagkakaisa, paglilingkod, at pananampalataya—mga katangiang pinangungunahan ni San Gabriel, tagapaghatid ng pag-asa at mabuting balita. Sa bawat hiyawan, laro, at pagtawa, muling nabuhay ang espiritu ng bayanihan at pagkakaibigan.

Lubos ang aming pasasalamat sa Sangguniang Kabataan ng Potrero sa patuloy na suporta at pagtitiwala upang maisakatuparan ang makabuluhang pagdiriwang na ito.

“Make a difference and it will become your greatness.”

21/09/2025

𝗧𝗜𝗡𝗚𝗡𝗔𝗡 | 𝑩𝑨𝑯𝑨 𝑺𝑨 𝑳𝑼𝑵𝑬𝑻𝑨

Aktibong nakiisa ang aming organisasyon sa isinagawang kilos-protesta ngayong Setyembre 21, 2025 sa Luneta, Maynila, bilang pagkakaisa sa panawagan ng kabataan at mamamayan laban sa patuloy na kapabayaan at katiwalian ng pamahalaan.

Kabilang sa mga panawagan ang pagtutol sa komersyalisadong edukasyon, mga proyektong nagdudulot ng pinsala imbes na solusyon, at ang pangangailangan ng tunay na serbisyo para sa mamamayan. Sa pamamagitan ng sama-samang pagkilos, ipinakita ng mga kabataan ng Potrero ang kanilang malasakit sa bayan at kahandaang lumaban para sa makatarungan at makabuluhang pagbabago.

Pinagpupugayan ang lahat ng nakibahagi na patuloy na lumalaban at nagtataguyod ng boses ng sambayanan.

“Make a difference and it will become your greatness.”

25/08/2025

𝗧𝗜𝗡𝗚𝗡𝗔𝗡 | 𝑨𝑵𝑻𝑰-𝑫𝑹𝑼𝑮𝑺 𝑺𝑬𝑴𝑰𝑵𝑨𝑹 𝑨𝑵𝑫 𝑺𝑲𝑰𝑳𝑳 𝑪𝑨𝑴𝑷 𝟐𝟎𝟐𝟓

Aktibong nakiisa ang aming organisasyon sa isinagawang Skill Camp 2025 ng Potrero United Youth Organization katuwang sina Punong Barangay Sheryl C. Nolasco at ang Sangguniang Kabataan ng Potrero Council bilang bahagi ng pagdiriwang ng Linggo ng Kabataan na may temang “Kabataang KAMPyon: Paglikha, Paglago, at Pagsibol ng Galing.”

Dinaluhan namin ang iba’t ibang seminar tulad ng Anti-Drugs Awareness and Prevention Seminar at Ligtas Buhay: Free Basic Life Saving Training, na nagbigay sa amin ng mahahalagang kaalaman at kasanayan.

Dumalo rin si Malabon City Mayor Jeannie Sandoval na nagbigay ng makabuluhang mensahe at buong-suportang pagtanaw sa kabataang Potrero. Kasabay nito, namahagi rin siya ng mga emergency go bags na magiging malaking tulong sa oras ng sakuna at pangangailangan.

Lubos ang aming pasasalamat sa Potrero United Youth Organization at Sangguniang Kabataan ng Potrero sapagkat ang mga natutunan at natanggap namin mula sa inyong mga aktibidad para sa Lingo Ng Kabataan ay mag-sisilbing gabay upang maging handa at makapag bahagi ng tulong sa komunidad, lalo na sa panahon ng pangangailangan.

“Make a difference and it will become your greatness.”

27/07/2025

HAPPY BIRTHDAY, PRES. RODERICK BALLESTEROS! 🥳

Maligayang kaarawan sa minamahal na Pangulo ng KASANGGA. Nawa'y walang sawa kang mag-lingkod at tumulong sa iyong Komunidad at Organisasyon. Hiling namin ay patuloy kang magsilbing inspirasyon para sa mga Kabataan at mapuno ng saya, biyaya, at tagumpay ang iyong espesyal na araw!

25/07/2025

𝐑𝐃𝐀𝐍𝐀 𝐌𝐚𝐩𝐩𝐢𝐧𝐠, 𝐒𝐢𝐦𝐮𝐥𝐚 𝐍𝐚!

Sisimulan na ng Potrero BDRRMC - RDANA (Rapid Damage Assessment and Needs Analysis) Team ang mapping o pag-assess sa mga apektadong lugar bilang bahagi ng disaster response at recovery efforts ng barangay.

Ang mga magha-house-to-house ay binubuo nina Barangay Kagawad Khate Nolasco, Kagawad Mhel Macapagal, Brgy. Admin Maylene Baja at mga kawani ng barangay, mga volunteers mula sa KASANGGA, SNAS, at GOYO, katuwang ang ating mga neighborhood leaders.

Unang tututukan ang mga sumusunod na lugar:
▪️ Sunflower Street
▪️ Whitelily Street
▪️ East Riverside Street
▪️ Yellow Bell

Hinihiling po namin ang inyong pakikipag-cooperate sa mga magsasagawa ng assessment. Iwasan po natin ang init ng ulo at siguruhing maayos ang komunikasyon upang maging mabilis at maayos ang pagkalap ng datos na mahalaga sa mga susunod na hakbang ng pagtulong.

Ang pagkakaisa at pang-unawa ninyo ay susi sa mas epektibong pagbangon ng ating barangay.

22/07/2025

𝗧𝗜𝗚𝗡𝗔𝗡 | 𝑲𝑨𝑺𝑨𝑵𝑮𝑮𝑨 𝑭𝑬𝑬𝑫𝑰𝑵𝑮 𝑷𝑹𝑶𝑮𝑹𝑨𝑴

Naghatid ng init at ginhawa ang KASANGGA Youth Organization sa pamamagitan ng isang feeding program para sa mga pamilyang kabarangay na pansamantalang nananatili sa Potrero Elementary School matapos masalanta ng Bagyong Crising at dulot ng habagat.

Namahagi ng mainit na sopas ang mga miyembro ng organisasyon upang kahit papaano ay maibsan ang hirap na dulot ng kalamidad.

Lubos ang aming kagalakan na makatulong sa oras ng pangangailangan. Muli naming pinaninindigan ang diwa ng pagkakaisa at malasakit sa kapwa.

“Make a difference and it will become your greatness.”

22/07/2025

Ang KASANGGA ay gumawa ng isang Inisyatibong Hakbang upang makapag abot ng tulong para sa mga kabarangay na nasalanta ng bagyo at dulot na rin ng habagat.

KASANGGA

26/10/2025

23/10/2025

05/10/2025

21/09/2025

25/08/2025

27/07/2025

25/07/2025

22/07/2025

22/07/2025

Address

Website

Alerts

Shortcuts

Share

Category