Lanzones Youth Club - LYC

01/08/2026

Magandang araw, mga Ka-Lanzones! 🥰
Inaanyayahan namin ang bawat Batang Lanzones sa Feeding Program at Movie Night na gaganapin sa Lanzones! 🍛🎬

Bago po magsimula ang Movie Night, magsisimba muna ang lahat ng batang sasama ng ika-4:00 ng hapon sa Sts. Peter and John Parish. 🙏⛪

Pagkatapos ng misa, sama-sama na tayong kumain ng ika-6:00 ng gabi at manood ng movie ng ika-6:30 ng gabi! 🎥🍿

Libre po ang pagkain at ang panonood para sa lahat ng batang Lanzones, kaya tara na, tayo na’t mag-enjoy at matuto. 💚

📅 Petsa: August 2, 2026 (Linggo)
⏰ Misa: 4:00 PM
🍛 Feeding Program: 6:00 PM
🎬 Movie Night: 6:30 PM
📍Sts. Peter and John Parish & Lanzones Court

Sama-sama sa pananampalataya at pagmamahalan ng komunidad. Kitakits, mga kabataang Lanzones! 🥰🙏✨

18/07/2026

🏀🔥 PLAYER OF THE GAME 🔥🏀

Isang mainit na pagbati kay Jonathan Batac sa pagkakamit ng Player of the Game sa SK Inter-Youth Organization Sportsfest Season 2! 💙💪

Sa kanyang ipinakitang husay, dedikasyon, at determinasyon sa loob ng court, nagtala siya ng 18 points upang pangunahan ang laban kontra GYBN at makatulong sa tagumpay ng koponan.

Patunay na ang sipag, disiplina, at pagtutulungan ay nagbubunga ng tagumpay. Patuloy kang maging inspirasyon sa kabataang atleta at ipagpatuloy ang pagbibigay ng buong puso sa bawat laro.

17/07/2026

3-0🏀

ANOTHER VICTORY FOR LYC!🤟

Isang matinding laban ang muling ipinamalas ng Lanzones Youth Club (LYC),at sa huli ay matagumpay na naitala ang panalo laban sa GYBN sa iskor na 94-73.

Maraming salamat sa lahat ng manlalaro na nagbigay ng kanilang buong lakas, disiplina, at determinasyon sa loob ng court. Taos-pusong pasasalamat din sa ating mga coaches, supporters, at sa buong komunidad na walang sawang sumusuporta sa ating koponan.

Hindi lamang ito panalo sa scoreboard, kundi patunay rin ng pagkakaisa, tiyaga, at puso ng bawat miyembro ng LYC.

Final Score:
🏀 LYC – 94
🏀 GYBN – 73

Muli, Congratulations ulit, LYC!💙

13/07/2026

📢 MISSING CAT — BINGO ‼️

Mga ka-Lanzones, tulungan po natin mahanap ang nawawalang SIAMESE CAT ng ating kapitbahay na si BINGO.

🐾 Markings: Brown with Missing one paw

📍 Location: 56 Lanzones St. (Looban)

Kung makita niyo po si BINGO, agad pong ipagbigay-alam sa may-ari na naka paskil sa larawan ang contact number nito.

Malaking tulong po ang inyong pag-share at pagpapakalat para agad na mahanap si BINGO. Sana po ay makauwi agad si BINGO! 🙏💛

13/07/2026

Ang Lanzones Youth Club ay lubos na bumabati kay Former LYC Officer, Ms. Sheila Mae Delis, sa mahalagang araw ng kaniyang pagtatapos! 👏🎓

Bilang miyembro ng ating organisasyon, kami ay lubos na ipinagmamalaki at humahanga sa kaniyang kasipagan at pagpapadayon sa apat na taon sa kolehiyo upang makamit ang isa sa mga pinakamahalagang araw ng isang kabataan—ang pagtatapos. The organization believes that this moment serves as a testament to your exceptional abilities, the realization of your cherished dreams, and a reflection of the unwavering spirit that resides within each of you. 🤩

Embrace life's chances, conquer its hurdles, and trust the magic of staying authentic. Congratulations, and may your path forward be as inspiring as the education behind you! 💛

Nawa'y maabot mo pa ang iyong mga mithiin sa iyong buhay at magsilbi itong ilaw at gabay sa iyong matagumpay na buhay. 💐

🎉 WARMEST CONGRATULATIONS! 🎉

12/07/2026

LINIS, KILOS, PAGBABAGO: Lanzones Clean-Up Drive Project 2026. ♻️

Kasama ang Kabataang Lanzones, mga miyembro ng Lanzones Homeowners Association, Barangay Potrero Firefighter Squad, at masisipag na volunteers, matagumpay nating naisagawa ang unang proyekto ng bagong opisyal ng LYC 2026–-2027. Hindi alintana ang malakas na pag-ulan para sa pagpapatuloy ng gawaing ito, tuloy-tuloy ang paglilinis at pag-aayos sa ating komunidad bilang paghahanda sa mga paparating na bagyo sa ating bansa. 🫶

Taos-pusong pasasalamat sa Lopez Family sa pagbibigay ng libreng pagkain at inumin, sa Gueta Family sa pagpapaunlak ng kanilang tahanan at tanggapan, kay Kuya Sonny Cantong sa walang sawang pagboluntaryo at paggabay sa mga kabataan, at sa Lanzones Homeowners' Association sa pamumuno ni LHA President Atty. Weng Gesulga-Olivar para sa paggabay at malasakit na ibinigay nila, at sa mga kabataan na naglaan ng oras at mga mamamayan ng Lanzones na handang tumulong kahit sa anong halaga, pagkilos gaya na lamang ng pagbubuhat, pagbubukas ng mga kanal, at paglilinis ng mga kalat sa daanan sa looban. 🌟🤩

Hindi rin natin makakalimutan ang tulong ng Barangay Potrero Firefighters Squad sa pangunguna ng suporta ng tanggapan ng ating kagalang-galang na Barangay Captain na si PB Sheryl C. Nolasco ng Barangay Potrero Malabon, na nagbigay suporta sa Lanzones na magsagawa ng “flushing” sa kahabaan ng looban upang malinis ang mga kanal at maging maayos ang daloy ng tubig sa mga ito. Gayundin para sa isang maayos na daanan para sa lahat. 🧹

Sa bawat isa na naglaan ng oras, lakas, at pagod para maisakatuparan ang proyektong ito ngayong araw, ika-12 ng Hulyo 2026. Ang organisasyon ay lubos na nagpapasalamat. Kayo po ang dahilan kung bakit naging posible ang lahat ng ito.💛

Lagi't lagi para sa kaayusan, proteksyon, pagbabago at kalinisan ng ating komunidad at para sa Kabataang Lanzones. 🍃

12/07/2026

WALIS, KILOS, PAGBABAGO: LANZONES CLEAN-UP DRIVE 2026 ♻️

Magandang umaga, mga kabataan at mamamayan ng Lanzones! ☀️

Ngayon na ang araw na hinihintay natin! Sabay-sabay tayong maglinis at maghanda para sa darating na bagyo. 🌀

Pangungunahan ng Lanzones Youth Club at Lanzones Homeowners Association ang clean-up drive natin ngayong araw.

📅 July 12, 2026 (Linggo)
🕐 9:00 AM
📍 Lanzones Street Court

Linis kanal, walis kalye, at pag-aayos ng mga posibleng sagabal, bawat maliit na tulong malaking bagay para sa kaligtasan at kaayusan ng komunidad.
Kahit walis, dustpan, pala, o sako lang dala mo, okay na. Basta handa kang tumulong, kasama ka na!

Magkita-kita tayo sa Lanzones Street Court, 9:00 AM. Tara na’t, isang walis para sa simula ng pagbabago! 🙌

06/07/2026

06/07/2026

Pagbati sa mga bagong halal na opisyales ng Lanzones Youth Club para taong 2026-2027! 👏

President : John Carlo Balite

Vice President: Alvin Barios

Secretary: Gieann Ellares

Treasurer: Yenchin Jacinto

Auditor: Johfrey Caducio

PIO Internal: Daniel Bathan

PIO External: Emiemart Sandig

BOD: Franz Aaron Gesulga

BOD: Miguel Andrei Samson

BOD: Louise Agudo

Nawa’y ang tagumpay na ito ay siya ring tagumpay ng mga kabataang Lanzones. Ang inyong boses at boto ay hindi masasayang.

Bilang mga bagong halal na opisyal ay aming gagampanan ang mga nakatalagang responsibilidad para sa kabataan.

Kami ang bagong sibol na mga kabataan na handang mag boluntaryo para sa ikauunlad ng ating komunidad, mga proyektong direktang may kapakinabangan sa kabataan ng ating lugar.

Naniniwala ang bagong mga opisyales na sa pagtutulungan ng mga kabataan, makabubuo tayo ng isang magandang lipunang may pagkakaisa at kamalayan sa takbo ng ating komunidad, lungsod, at ng bansa.

Muli, isang makasaysayang pagbati sa mga kabataang handang magserbisyo para sa kapakanan ng kabataan! 🤍💐

01/07/2026

📢 LOST CAT ALERT 📢

Humihingi po kami ng tulong upang mahanap ang nawawalang alagang pusa ni Ms. Kishie Mae Uy

🐱 Name: Snoopy
🎨 Color: Gray na may light orange na mga paa at may stripes sa likod
🐾 Breed: Persian
📅 Date Lost: Huling nakita noong Hunyo 29, 2026 bandang 10:00 PM

Kung sakaling makita o may impormasyon po kayo tungkol kay Snoopy, mangyaring makipag-ugnayan agad sa:

📞 0918-294-5593

Malaking tulong po ang inyong pagbabahagi ng post na ito upang mas mapabilis ang paghahanap kay Snoopy. Maraming salamat po sa inyong pakikiisa at suporta.