Organisasyong Pandayan

05/09/2026

‎𝐌𝐀𝐋𝐈𝐆𝐀𝐘𝐀𝐍𝐆 𝐁𝐔𝐖𝐀𝐍 𝐍𝐆 𝐌𝐆𝐀 𝐆𝐔𝐑𝐎! 👨‍🏫👩🏻‍🏫
‎
‎Madalas, ang g**o ay isang taong nagtuturo, nagsusulat sa pisara, nagpapaliwanag ng aralin, nagbibigay ng gawain, at naghahanda ng mga pagsusulit.
‎
‎Ngunit habang tayo’y lumalaki, unti-unti nating nauunawaan na ang pagiging g**o ay hindi lamang nasusukat sa dami ng araling naituro.
‎
‎Dahil ang g**o ay hindi lamang nagtuturo kung paano lutasin ang isang problema sa Sipnayan, unawain ang mga akdang pampanitikan, o alalahanin ang mga petsa sa Kasaysayan. Itinuturo rin nila kung paano bumangon kapag nagkamali, kung paano maniwala sa sariling kakayahan, at kung paano maging mabuting tao sa mundong hindi laging madali.
‎
‎Ngayong Buwan ng mga G**o, ating kilalanin at pasalamatan ang mga g**ong hindi lamang humuhubog ng kaalaman, kundi humuhubog ng pagkatao, nagbibigay ng inspirasyon, at nagbubukas ng mga pinto tungo sa mas magandang kinabukasan.
‎
‎Dahil ang isang mabuting g**o ay maaaring makalimutan ang isang leksyong itinuro niya, ngunit ang kabutihan, tiwala, at inspirasyong iniwan niya ay maaaring manatili sa puso ng isang mag-aaral habang-buhay.
‎
‎Maraming salamat sa inyong walang sawang pagtuturo, pag-unawa, at paniniwala sa bawat mag-aaral. Kayo ang ilan sa mga taong tahimik na humuhubog sa mga pangarap na balang araw ay magiging reyalidad.
‎
‎𝐌𝐮𝐥𝐢, 𝐌𝐚𝐥𝐢𝐠𝐚𝐲𝐚𝐧𝐠 𝐁𝐮𝐰𝐚𝐧 𝐧𝐠 𝐦𝐠𝐚 𝐆𝐮𝐫𝐨!

🖼️ | Kriza Jane Quiambao
‎
‎
‎ **o
‎

04/09/2026

‎𝐏𝐀𝐆𝐁𝐀𝐓𝐈 𝐌𝐔𝐋𝐀 𝐒𝐀 𝐎𝐑𝐆𝐀𝐍𝐈𝐒𝐀𝐒𝐘𝐎𝐍𝐆 𝐏𝐀𝐍𝐃𝐀𝐘𝐀𝐍!
‎
‎Matagumpay na naipasa ng mga mananaliksik na sina Jengky G. Balaba, Argel B. Rivera, Mary Grace D. Tolentino, at Jhomerson Dan O. Verzosa, mga mag-aaral ng Batsilyer ng Sekondaryang Edukasyon Medyor sa Filipino 4A ng Mabalacat City College, ang kanilang papel-pananaliksik na pinamagatang “Anek Itech: Etimolohikal na Pag-aaral sa Mga Salitang Gay Lingo ng Generation Z Bilang Batayan sa Pagbuo ng Beksyonaryo.”
‎
‎Ang nasabing pag-aaral ay napili para sa presentasyon sa Online Pambansang Kumperensiya sa Wika, Kultura, Panitikan, at Pelikula na isasagawa ng Pampelikulang Samahan ng mga Dalubg**o (PASADO), na may temang “Binhi, Bituin, at Bukas: Inobasyon at Interdisiplinaryong Pag-uugat sa Wikang Filipino at Panitikang Katutubo Tungo sa Sostenable at Multidisiplinaryong Sining ng Pelikula," na gaganapin sa darating na Oktubre 2–3, 2026 sa pamamagitan ng Zoom.
‎
‎Nilalayon ng pag-aaral na siyasatin ang pinagmulan, pagbuo, at kahulugan ng mga salitang gay lingo na ginagamit ng Generation Z, gayundin ang mga proseso ng pagbuo ng salita na nakapaloob sa mga ito. Mula sa mga natuklasan ng pag-aaral, binuo ang isang Beksyonaryong nagsisilbing talaan at lunsaran ng pag-unawa sa patuloy na umuunlad na barayti ng wika.
‎
‎Para sa patuloy na pagyabong at pag-unlad ng mga barayti at baryasyon ng wika bilang makulay, buhay, at makapangyarihang anyo ng pagpapahayag—maalab na pagbati, FilMajs!

04/09/2026

‎𝟑𝐑𝐃 𝐌𝐀𝐁𝐀𝐋𝐀𝐂𝐀𝐓 𝐂𝐈𝐓𝐘 𝐒𝐓𝐀𝐓𝐄 𝐎𝐅 𝐓𝐇𝐄 𝐘𝐎𝐔𝐓𝐇 𝐀𝐃𝐃𝐑𝐄𝐒𝐒 ‎
‎
‎𝐒𝐞𝐭𝐲𝐞𝐦𝐛𝐫𝐞 𝟑, 𝟐𝟎𝟐𝟔, 𝐦𝐮𝐥𝐚 𝟒:𝟎𝟎 𝐧𝐠 𝐡𝐚𝐩𝐨𝐧 𝐡𝐚𝐧𝐠𝐠𝐚𝐧𝐠 𝟖:𝟑𝟎 𝐧𝐠 𝐠𝐚𝐛𝐢, 𝐠𝐢𝐧𝐚𝐧𝐚𝐩 𝐬𝐚 𝐒𝐌𝐗 𝐂𝐨𝐧𝐯𝐞𝐧𝐭𝐢𝐨𝐧 𝐂𝐞𝐧𝐭𝐞𝐫 𝐂𝐥𝐚𝐫𝐤 𝐚𝐧𝐠 𝟑𝐫𝐝 𝐌𝐚𝐛𝐚𝐥𝐚𝐜𝐚𝐭 𝐂𝐢𝐭𝐲 𝐒𝐭𝐚𝐭𝐞 𝐨𝐟 𝐭𝐡𝐞 𝐘𝐨𝐮𝐭𝐡 𝐀𝐝𝐝𝐫𝐞𝐬𝐬 (𝐒𝐎𝐘𝐀) 𝐢𝐬𝐚𝐧𝐠 𝐦𝐚𝐤𝐚𝐛𝐮𝐥𝐮𝐡𝐚𝐧𝐠 𝐩𝐚𝐠𝐭𝐢𝐭𝐢𝐩𝐨𝐧 𝐧𝐚 𝐧𝐚𝐠𝐛𝐢𝐠𝐚𝐲-𝐝𝐚𝐚𝐧 𝐮𝐩𝐚𝐧𝐠 𝐦𝐚𝐩𝐚𝐤𝐢𝐧𝐠𝐠𝐚𝐧, 𝐦𝐚𝐩𝐚𝐡𝐚𝐥𝐚𝐠𝐚𝐡𝐚𝐧, 𝐚𝐭 𝐦𝐚𝐩𝐚𝐥𝐚𝐤𝐚𝐬 𝐚𝐧𝐠 𝐭𝐢𝐧𝐢𝐠 𝐧𝐠 𝐤𝐚𝐛𝐚𝐭𝐚𝐚𝐧𝐠 𝐌𝐚𝐛𝐚𝐥𝐚𝐪𝐮𝐞ñ𝐨.
‎
‎Dumalo sa mahalagang pagtitipon ang mga butihing panauhin at lider ng Mabalacat City, kabilang ang ating City Mayor, mga Konsehal, mga kinatawan mula sa iba’t ibang Youth Organizations, at mga Sangguniang Kabataan (SK) Chairperson mula sa 27 Barangay. Ang kanilang presensya ay patunay na ang kabataan ay hindi lamang tagatanggap ng mga programa at serbisyo, kundi mahalagang katuwang sa pagbuo ng mas maunlad at mas makabuluhang kinabukasan ng lungsod.
‎
‎Kabilang din sa mga dumalo ang Pangulo ng Organisasyong Pandayan, kasama ang iba pang mga opisyales sa Instituto ng Edukasyong Pampagtuturo. Bilang mga kabataang lider, naging pagkakataon ang pagdalo sa nasabing programa upang masaksihan at maunawaan ang tunay na kahulugan ng pamumuno isang responsibilidad na nangangailangan hindi lamang ng kakayahang manguna, kundi ng pakikinig, pakikipagtulungan, malasakit, at kahandaang kumilos para sa kapakanan ng iba.
‎
‎Sa buong programa, naging bukas ang talakayan tungkol sa mga naging programa, proyekto, gawain, at inisyatiba na isinagawa sa buong taon ng iba’t ibang organisasyon, Sangguniang Kabataan, at iba pang sektor ng kabataan. Sa pamamagitan nito, mas nakita kung paano nagiging makabuluhan ang mga ideya kapag ito ay isinasabuhay at naisasalin sa mga konkretong hakbang para sa komunidad.
‎
‎Higit pa sa isang programa, ang SOYA ay nagsilbing espasyo para sa pagkatuto, pakikipag-ugnayan, at pagbabahaginan ng karanasan. Ipinakita nito na ang pagiging lider ay hindi lamang nasusukat sa posisyon o titulong hawak. Mas mahalaga kung paano ginagamit ang posisyon upang makinig sa pangangailangan ng iba, magbigay ng oportunidad, magmungkahi ng solusyon, at maging bahagi ng positibong pagbabago.
‎
‎Isa sa mga mensaheng binigyang-pansin ay ang:
‎
‎“𝐃𝐢𝐟𝐟𝐞𝐫𝐞𝐧𝐭 𝐂𝐨𝐧𝐭𝐞𝐱𝐭, 𝐂𝐨𝐦𝐦𝐨𝐧 𝐀𝐬𝐩𝐢𝐫𝐚𝐭𝐢𝐨𝐧 .”
‎ Magkakaiba man ang kalagayan, iisa lang ang mithiin.
‎
‎Ipinapahiwatig nito na bagama’t magkakaiba ang pinagmulan, karanasan, sitwasyon, at mga hamong kinakaharap ng bawat kabataan at bawat organisasyon, maaari pa rin tayong magkaisa dahil mayroon tayong iisang hangarin, ang magkaroon ng mas magandang kinabukasan, mas maunlad na pamayanan, mas makabuluhang oportunidad para sa kabataan, at higit sa lahat ang PANGARAP. Ang pagkakaiba ay hindi kailangang maging hadlang; maaari itong maging daan upang matuto tayo sa isa’t isa at mas mapalakas ang ating pagkakaisa.
‎
‎Sa pagtatapos ng programa, dala namin hindi lamang ang mga kaalamang aming natutuhan, kundi pati ang mas malalim na pag-unawa sa responsibilidad ng pagiging kabataang lider. Ang karanasang ito ay paalala na ang tunay na pamumuno ay nagsisimula sa pakikinig at nagiging makabuluhan kapag ito ay may kasamang pagkilos.
‎
‎
‎
‎
‎

31/08/2026

𝐇𝐢𝐧𝐝𝐢 𝐦𝐚𝐧 𝐦𝐚𝐫𝐢𝐧𝐢𝐠 𝐚𝐧𝐠 𝐤𝐚𝐧𝐢𝐥𝐚𝐧𝐠 𝐩𝐚𝐧𝐠𝐚𝐥𝐚𝐧 𝐬𝐚 𝐛𝐚𝐰𝐚𝐭 𝐩𝐚𝐠𝐝𝐢𝐫𝐢𝐰𝐚𝐧𝐠, 𝐚𝐧𝐠 𝐤𝐚𝐧𝐢𝐥𝐚𝐧𝐠 𝐤𝐚𝐛𝐮𝐭𝐢𝐡𝐚𝐧 𝐚𝐧𝐠 𝐝𝐚𝐡𝐢𝐥𝐚𝐧 𝐤𝐮𝐧𝐠 𝐛𝐚𝐤𝐢𝐭 𝐩𝐚𝐭𝐮𝐥𝐨𝐲 𝐚𝐧𝐠 𝐩𝐚𝐠𝐛𝐚𝐧𝐠𝐨𝐧 𝐧𝐠 𝐛𝐚𝐲𝐚𝐧. 🫂🌟

Ngayong Araw ng mga Bayani, nagbibigay-pugay tayo sa bawat Pilipinong araw-araw na nagsisikap at nagsasakripisyo, sa mga magulang na inuuna ang pamilya, sa mga manggagawang hindi sumusuko, sa mga g**o na humuhubog ng kinabukasan, sa mga doktor at kawani na nagliligtas ng buhay, sa mga magsasakang nagpapakain sa bayan, at sa lahat ng tahimik na lumalaban sa bawat hamon ng buhay.

Ang inyong pawis ang nagiging pag-asa, at ang inyong tiyaga ang nagbibigay-lakas sa sambayanan. Sa bawat hakbang na may dangal at bawat sakripisyong may layunin, ipinapaalala ninyong ang tunay na kabayanihan ay hindi lamang ginugunita bagkus ito ay isinasabuhay.

𝐀𝐧𝐠 𝐛𝐚𝐲𝐚𝐧𝐢 𝐚𝐲 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐩𝐚𝐧𝐠𝐚𝐥𝐚𝐧 𝐬𝐚 𝐤𝐚𝐬𝐚𝐲𝐬𝐚𝐲𝐚𝐧; 𝐬𝐢𝐲𝐚 𝐫𝐢𝐧 𝐚𝐧𝐠 𝐩𝐮𝐬𝐨𝐧𝐠 𝐚𝐫𝐚𝐰-𝐚𝐫𝐚𝐰 𝐧𝐚 𝐩𝐮𝐦𝐢𝐩𝐢𝐥𝐢𝐧𝐠 𝐦𝐚𝐠𝐬𝐢𝐥𝐛𝐢 𝐬𝐚 𝐛𝐚𝐲𝐚𝐧, 𝐬𝐚 𝐭𝐚𝐡𝐚𝐧𝐚𝐧, 𝐬𝐚 𝐩𝐚𝐚𝐫𝐚𝐥𝐚𝐧, 𝐬𝐚 𝐛𝐮𝐤𝐢𝐫𝐢𝐧, 𝐚𝐭 𝐬𝐚 𝐩𝐚𝐠𝐚𝐰𝐚𝐚𝐧. 🇵🇭

🖼️ | Kriza Jane Quiambao
✍️ | Sherwin Perez

31/08/2026

𝐀𝐑𝐀𝐖 𝐍𝐆 𝐌𝐆𝐀 𝐁𝐀𝐘𝐀𝐍𝐈 𝟐𝟎𝟐𝟔🇵🇭

Ngayong 𝐀𝐠𝐨𝐬𝐭𝐨 𝟑𝟏, 𝟐𝟎𝟐𝟔, ating ginugunita ang 𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢 isang mahalagang pagdiriwang na nagbibigay-pugay sa mga Pilipinong nag-alay ng kanilang buhay, lakas, at panahon para sa kalayaan at kinabukasan ng ating bayan.

Sa araw na ito, muli nating binabalikan ang mga alaala ng kabayanihang tumatak sa ating kasaysayan. Ang mga pangalang nakaukit sa ating mga aklat ay hindi lamang mga bayani ng nakaraan, kundi mga huwarang nagsilbing inspirasyon upang makamit ang kalayaang tinatamasa natin sa kasalukuyan. Kasama rin sa ating paggunita ang mga 𝐛𝐨𝐬𝐞𝐬 𝐧𝐚 𝐩𝐢𝐥𝐢𝐭 𝐢𝐩𝐢𝐧𝐚𝐠𝐬𝐢𝐠𝐚𝐰𝐚𝐧, ang mga 𝐩𝐚𝐰𝐢𝐬 𝐧𝐚 𝐛𝐮𝐨𝐧𝐠 𝐩𝐮𝐬𝐨𝐧𝐠 𝐩𝐢𝐧𝐚𝐠𝐩𝐚𝐠𝐮𝐫𝐚𝐧, at ang mga 𝐝𝐮𝐠𝐨𝐧𝐠 𝐢𝐧𝐢𝐚𝐥𝐚𝐲 𝐚𝐥𝐚𝐧𝐠-𝐚𝐥𝐚𝐧𝐠 𝐬𝐚 𝐤𝐚𝐥𝐚𝐲𝐚𝐚𝐧, 𝐤𝐚𝐭𝐚𝐫𝐮𝐧𝐠𝐚𝐧, 𝐚𝐭 𝐤𝐚𝐩𝐚𝐲𝐚𝐩𝐚𝐚𝐧.

Ang bawat sigaw ng paglaban, bawat patak ng pawis, at bawat buhay na isinakripisyo ay naging pundasyon ng bansang ating tinatamasa ngayon. Sa pamamagitan ng kanilang katapangan, sakripisyo, at wagas na pagmamahal sa ating bayan. Naipamana nila sa atin ang diwa ng pagkakaisa, malasakit, at tapat na paglilingkod.

Nawa’y magsilbing paalala ang araw na ito na ang tunay na kabayanihan ay hindi lamang ginugunita bagkus ito ay isinasabuhay sa ating araw-araw na pagkilos, pagmamalasakit, at pagmamahal sa ating bansang sinilangan.

𝐌𝐚𝐛𝐮𝐡𝐚𝐲 𝐚𝐧𝐠 𝐦𝐠𝐚 𝐁𝐚𝐲𝐚𝐧𝐢𝐧𝐠 𝐏𝐢𝐥𝐢𝐩𝐢𝐧𝐨! 𝐌𝐚𝐛𝐮𝐡𝐚𝐲 𝐚𝐧𝐠 𝐏𝐢𝐥𝐢𝐩𝐢𝐧𝐚𝐬! 🇵🇭

🖼️ | Kriza Jane Quiambao
✍️ | Sherwin Perez

30/08/2026

𝐒𝐢𝐲𝐚 𝐚𝐲 𝐌𝐚𝐬𝐚𝐲𝐚𝐡𝐢𝐧 𝐧𝐚 𝐭𝐚𝐨 🙇, 𝐦𝐀𝐚𝐬𝐚𝐡𝐚𝐧 𝐬𝐚 𝐥𝐚𝐡𝐚𝐭 𝐧𝐠 𝐛𝐚𝐠𝐚𝐲 🫵, 𝐑𝐞𝐬𝐩𝐨𝐧𝐬𝐚𝐛𝐥𝐞 𝐬𝐚 𝐦𝐠𝐚 𝐠𝐚𝐰𝐚𝐢𝐧 📝, 𝐚𝐭 𝐧𝐚𝐠𝐬𝐢𝐬𝐢𝐥𝐛𝐢𝐧𝐠 𝐈𝐧𝐬𝐩𝐢𝐫𝐚𝐬𝐲𝐨𝐧 𝐝𝐚𝐡𝐢𝐥 𝐬𝐢𝐲𝐚 𝐚𝐲 𝐄𝐬𝐩𝐞𝐬𝐲𝐚𝐥 𝐩𝐚𝐫𝐚 𝐬𝐚 𝐥𝐚𝐡𝐚𝐭 🫂. 𝐍𝐚𝐡𝐮𝐥𝐚𝐚𝐧 𝐧𝐢𝐲𝐨 𝐧𝐚 𝐛𝐚 𝐤𝐮𝐧𝐠 𝐬𝐢𝐧𝐨 🫣? 𝐓𝐚𝐦𝐚! 𝐬𝐢𝐲𝐚 𝐬𝐢 𝐌𝐀𝐑𝐈𝐄. 👋𝐀𝐧𝐠 𝐌𝐀𝐑𝐈𝐄-𝐦𝐚𝐳𝐢𝐧𝐠 𝐩𝐞𝐫𝐬𝐨𝐧 🦋 𝐧𝐚 𝐦𝐚𝐠𝐡𝐚𝐡𝐚𝐭𝐢𝐝 𝐧𝐠 𝐌𝐀𝐑𝐈𝐄-𝐟𝐢𝐜𝐞𝐧𝐭 𝐝𝐚𝐲 𝐧𝐠𝐚𝐲𝐨𝐧. 🌈

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐊𝐚𝐥𝐢𝐡𝐢𝐦 𝐧𝐠 𝐎𝐫𝐠𝐚𝐧𝐢𝐬𝐚𝐬𝐲𝐨𝐧𝐠 𝐏𝐚𝐧𝐝𝐚𝐲𝐚𝐧!

Sa bawat paglalakbay ng buhay, hindi lahat ng pagkakataon ay umaayon sa ating mga plano. May mga araw na tila mabigat ang bawat hakbang at may mga sandaling parang hindi sapat ang lahat ng ating pagsisikap. Ngunit sa likod ng bawat pagsubok ay may mga aral na unti-unting humuhubog sa atin upang maging mas matatag, mas mahusay, at higit sa lahat, mas makatao. Ang bawat pagkadapa ay hindi sukatan ng kabiguan, kundi paalala na may lakas tayong bumangon at magpatuloy.

Hindi man laging puno ng saya ang buhay, normal lamang ang mapagod, malungkot, o madismaya. Gayunpaman, patuloy kang nagiging liwanag na nagbibigay ng pag-asa at inspirasyon sa mga taong nakapaligid sa iyo. Isa kang paalala na kahit sa gitna ng pinakamalakas na unos, may bagong umagang naghihintay.

Sa iyong kaarawan, nawa’y patuloy mong yakapin ang bawat karanasang dumarating—magaan man o mabigat—sapagkat ang lahat ng ito ang humuhubog sa isang pusong marunong magmahal, magpatawad, at magpasalamat.

𝐌𝐮𝐥𝐢, 𝐦𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧, 𝐁𝐛. 𝐋𝐢𝐳𝐞𝐥𝐚 𝐌𝐚𝐫𝐢𝐞! 𝐍𝐚𝐰𝐚’𝐲 𝐩𝐚𝐠𝐩𝐚𝐥𝐚𝐢𝐧 𝐤𝐚 𝐧𝐠 𝐦𝐚𝐛𝐮𝐭𝐢𝐧𝐠 𝐤𝐚𝐥𝐮𝐬𝐮𝐠𝐚𝐧, 𝐤𝐚𝐩𝐚𝐧𝐚𝐭𝐚𝐠𝐚𝐧 𝐧𝐠 𝐤𝐚𝐥𝐨𝐨𝐛𝐚𝐧, 𝐚𝐭 𝐭𝐚𝐠𝐮𝐦𝐩𝐚𝐲 𝐬𝐚 𝐥𝐚𝐡𝐚𝐭 𝐧𝐠 𝐢𝐲𝐨𝐧𝐠 𝐦𝐠𝐚 𝐩𝐚𝐧𝐠𝐚𝐫𝐚𝐩. 𝐇𝐚𝐧𝐠𝐚𝐝 𝐧𝐠 𝐎𝐫𝐠𝐚𝐧𝐢𝐬𝐚𝐬𝐲𝐨𝐧𝐠 𝐏𝐚𝐧𝐝𝐚𝐲𝐚𝐧 𝐚𝐧𝐠 𝐩𝐚𝐭𝐮𝐥𝐨𝐲 𝐦𝐨𝐧𝐠 𝐩𝐚𝐠𝐥𝐢𝐲𝐚𝐛 𝐬𝐚 𝐩𝐚𝐠𝐭𝐮𝐩𝐚𝐝 𝐧𝐠 𝐢𝐲𝐨𝐧𝐠 𝐦𝐠𝐚 𝐩𝐚𝐧𝐠𝐚𝐫𝐚𝐩 𝐚𝐭 𝐥𝐚𝐲𝐮𝐧𝐢𝐧 𝐬𝐚 𝐛𝐮𝐡𝐚𝐲.

29/08/2026

29/08/2026

𝐌𝐀𝐍𝐀𝐓𝐈𝐋𝐈𝐍𝐆 𝐋𝐈𝐆𝐓𝐀𝐒, 𝐏𝐀𝐌𝐏𝐀𝐍𝐆𝐀! 🌧️

Dahil sa patuloy na pagbuhos ng malakas na ulan, ilang lugar sa Pampanga ang nakararanas na ng pagbaha at pagtaas ng tubig. Hinihikayat ang lahat na maging mapagmatyag, iwasang tumawid sa baha, at sundin ang mga abiso ng inyong lokal na pamahalaan at MDRRMO.

Unahin ang kaligtasan ng inyong sarili at ng inyong pamilya. Kung kinakailangan ang agarang tulong, makipag-ugnayan sa inyong 𝐌𝐮𝐧𝐢𝐜𝐢𝐩𝐚𝐥/𝐂𝐢𝐭𝐲 𝐃𝐢𝐬𝐚𝐬𝐭𝐞𝐫 𝐑𝐢𝐬𝐤 𝐑𝐞𝐝𝐮𝐜𝐭𝐢𝐨𝐧 𝐚𝐧𝐝 𝐌𝐚𝐧𝐚𝐠𝐞𝐦𝐞𝐧𝐭 𝐎𝐟𝐟𝐢𝐜𝐞.

𝐏𝐀𝐌𝐏𝐀𝐍𝐆𝐀 𝐄𝐌𝐄𝐑𝐆𝐄𝐍𝐂𝐘 𝐇𝐎𝐓𝐋𝐈𝐍𝐄𝐒 📞

• 𝐀𝐩𝐚𝐥𝐢𝐭– 0998 180 907
• 𝐀𝐫𝐚𝐲𝐚𝐭– 0922 906 2071
• 𝐁𝐚𝐜𝐨𝐥𝐨𝐫 – 0966 136 5586
• 𝐂𝐚𝐧𝐝𝐚𝐛𝐚 – 0915 110 6306
• 𝐒𝐚𝐧 𝐅𝐞𝐫𝐧𝐚𝐧𝐝𝐨 – 0939 936 2423
• 𝐅𝐥𝐨𝐫𝐢𝐝𝐚𝐛𝐥𝐚𝐧𝐜𝐚 – 0962 126 6282
• 𝐆𝐮𝐚𝐠𝐮𝐚 – 0999 805 0357
• 𝐋𝐮𝐛𝐚𝐨 – 0917 812 5607
• 𝐌𝐚𝐛𝐚𝐥𝐚𝐜𝐚𝐭 – 0939 924 3166
• 𝐌𝐚𝐜𝐚𝐛𝐞𝐛𝐞 – 0917 608 6038
• 𝐌𝐚𝐠𝐚𝐥𝐚𝐧𝐠 – 0917 146 9432
• 𝐌𝐚𝐬𝐚𝐧𝐭𝐨𝐥 – 0906 189 3021
• 𝐌𝐞𝐱𝐢𝐜𝐨 – 0970 824 8622
• 𝐌𝐢𝐧𝐚𝐥𝐢𝐧 – 0926 500 2119
• 𝐏𝐨𝐫𝐚𝐜 – 0929 441 6188
• 𝐒𝐚𝐧 𝐋𝐮𝐢𝐬 – 0948 993 8163
• 𝐒𝐚𝐧 𝐒𝐢𝐦𝐨𝐧 – 0994 245 5764
• 𝐒𝐚𝐧𝐭𝐚 𝐀𝐧𝐚 – 0915 640 1656
• 𝐒𝐚𝐧𝐭𝐚 𝐑𝐢𝐭𝐚 – 0960 341 2399
• 𝐒𝐚𝐧𝐭𝐨 𝐓𝐨𝐦𝐚𝐬 – 0917 505 9197
• 𝐒𝐚𝐬𝐦𝐮𝐚𝐧 – 0961 645 6149

𝐌𝐚𝐠-𝐢𝐧𝐠𝐚𝐭 𝐚𝐧𝐠 𝐥𝐚𝐡𝐚𝐭 𝐚𝐭 𝐩𝐚𝐭𝐮𝐥𝐨𝐲 𝐧𝐚 𝐦𝐚𝐧𝐚𝐥𝐚𝐧𝐠𝐢𝐧 𝐩𝐚𝐫𝐚 𝐬𝐚 𝐤𝐚𝐥𝐢𝐠𝐭𝐚𝐬𝐚𝐧 𝐧𝐠 𝐛𝐚𝐰𝐚𝐭 𝐢𝐬𝐚.

28/08/2026

𝐓𝐨 𝐝𝐚𝐲 𝐢𝐬 𝐭𝐡𝐞 𝐝𝐚𝐲! 🔏 𝐃𝐚𝐡𝐢𝐥 𝐛𝐢𝐫𝐭𝐡𝐝𝐚𝐲 𝐧𝐚 𝐧𝐠 𝐧𝐚𝐠-𝐢𝐢𝐬𝐚𝐧𝐠 𝐏𝐑𝐄𝐒 👔 𝐧𝐚 𝐬𝐮𝐩𝐞𝐫 𝐝𝐚-𝐛𝐞𝐬𝐭 💯 𝐚𝐭 𝐬𝐢𝐲𝐚 𝐚𝐲 𝐰𝐚𝐥𝐚𝐧𝐠 𝐢𝐛𝐚 𝐤𝐮𝐧𝐝𝐢 𝐬𝐢 𝐏𝐑𝐈𝐍𝐂𝐄𝐒𝐒. 👑 𝐊𝐚𝐲𝐚 𝐭𝐨𝐝𝐚𝐲 𝐬𝐢𝐲𝐚 𝐚𝐧𝐠 𝐛𝐢𝐝𝐚 𝐝𝐚𝐡𝐢𝐥 𝐬𝐚 𝐥𝐨𝐯𝐞 𝐚𝐧𝐝 𝐉𝐎𝐘 🌈 𝐧𝐚 𝐤𝐚𝐧𝐢𝐲𝐚𝐧𝐠 𝐝𝐚𝐥𝐚 𝐧𝐚 𝐭𝐚𝐥𝐚𝐠𝐚 𝐧𝐚𝐦𝐚𝐧𝐠 𝐧𝐚𝐤𝐚𝐤𝐚𝐡𝐚𝐰𝐚. 🦋

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐬𝐚 𝐏𝐚𝐧𝐠𝐮𝐥𝐨 𝐧𝐠 𝐎𝐫𝐠𝐚𝐧𝐢𝐬𝐚𝐬𝐲𝐨𝐧𝐠 𝐏𝐚𝐧𝐝𝐚𝐲𝐚𝐧!

Sa bawat araw na kasama ka namin, ramdam namin ang iyong kabutihan, malasakit, at dedikasyon. Hindi mo man ito laging ipinapakita sa salita, kitang-kita ito sa paraan ng iyong pag-aalaga at paggabay sa amin. Isa kang lider na marunong makinig, umunawa, at laging handang tumulong sa oras ng pangangailangan.

Marami mang hamon ang ating hinarap, hindi ka namin nakitang sumuko. Sa halip, pinili mong manatiling matatag at maging sandigan ng bawat isa. Dahil sa iyong tiyaga at pagmamalasakit, mas naging magaan ang aming paglalakbay at mas naging makabuluhan ang aming paglilingkod.

Nawa’y ipagpatuloy mo ang paghahatid ng saya at ligaya sa iyong mga kasama at sana’y makamtam mo ang iyong mithiin para sa iyong sarili at pamilya.

𝐌𝐮𝐥𝐢, 𝐦𝐚𝐥𝐢𝐠𝐚𝐲𝐚𝐧𝐠 𝐤𝐚𝐚𝐫𝐚𝐰𝐚𝐧, 𝐁𝐛. 𝐏𝐫𝐢𝐧𝐜𝐞𝐬𝐬 𝐉𝐨𝐲! 𝐍𝐚𝐰𝐚’𝐲 𝐩𝐚𝐠𝐩𝐚𝐥𝐚𝐢𝐧 𝐤𝐚 𝐧𝐠 𝐦𝐚𝐛𝐮𝐭𝐢𝐧𝐠 𝐤𝐚𝐥𝐮𝐬𝐮𝐠𝐚𝐧, 𝐤𝐚𝐩𝐚𝐧𝐚𝐭𝐚𝐠𝐚𝐧 𝐧𝐠 𝐤𝐚𝐥𝐨𝐨𝐛𝐚𝐧, 𝐚𝐭 𝐭𝐚𝐠𝐮𝐦𝐩𝐚𝐲 𝐬𝐚 𝐥𝐚𝐡𝐚𝐭 𝐧𝐠 𝐢𝐲𝐨𝐧𝐠 𝐦𝐠𝐚 𝐩𝐚𝐧𝐠𝐚𝐫𝐚𝐩. 𝐇𝐚𝐧𝐠𝐚𝐝 𝐧𝐠 𝐎𝐫𝐠𝐚𝐧𝐢𝐬𝐚𝐬𝐲𝐨𝐧𝐠 𝐏𝐚𝐧𝐝𝐚𝐲𝐚𝐧 𝐚𝐧𝐠 𝐩𝐚𝐭𝐮𝐥𝐨𝐲 𝐦𝐨𝐧𝐠 𝐩𝐚𝐠𝐥𝐢𝐲𝐚𝐛 𝐬𝐚 𝐩𝐚𝐠𝐭𝐮𝐩𝐚𝐝 𝐧𝐠 𝐢𝐲𝐨𝐧𝐠 𝐦𝐠𝐚 𝐩𝐚𝐧𝐠𝐚𝐫𝐚𝐩 𝐚𝐭 𝐥𝐚𝐲𝐮𝐧𝐢𝐧 𝐬𝐚 𝐛𝐮𝐡𝐚𝐲.

26/08/2026

𝐀𝐧𝐠 𝐬𝐮𝐬𝐢 𝐬𝐚 𝐩𝐚𝐠-𝐚𝐛𝐨𝐭 𝐧𝐠 𝐩𝐚𝐧𝐠𝐚𝐫𝐚𝐩 𝐚𝐲 𝐡𝐢𝐧𝐝𝐢 𝐠𝐢𝐧𝐭𝐨 𝐨 𝐩𝐢𝐥𝐚𝐤 𝐧𝐚 𝐤𝐮𝐦𝐢𝐤𝐢𝐬𝐥𝐚𝐩, 𝐤𝐮𝐧𝐝𝐢 𝐬𝐢𝐩𝐚𝐠, 𝐭𝐢𝐲𝐚𝐠𝐚, 𝐚𝐭 𝐩𝐮𝐬𝐨𝐧𝐠 𝐡𝐢𝐧𝐝𝐢 𝐬𝐮𝐦𝐮𝐬𝐮𝐤𝐨𝐧𝐠 𝐦𝐚𝐧𝐠𝐚𝐫𝐚𝐩.🔑

Sa 𝐛𝐚𝐰𝐚𝐭 𝐩𝐢𝐧𝐭𝐨𝐧𝐠 𝐛𝐢𝐧𝐮𝐛𝐮𝐤𝐬𝐚𝐧, hawak ninyo ang 𝐬𝐮𝐬𝐢 𝐧𝐠 𝐢𝐧𝐲𝐨𝐧𝐠 𝐬𝐚𝐫𝐢𝐥𝐢𝐧𝐠 𝐤𝐚𝐩𝐚𝐥𝐚𝐫𝐚𝐧. Ang bawat pinto ay may kaakibat na pagsubok na kailangan ninyong malampasan. Bilang mga estudyanteng marami nang pintong nabuksan, marami na rin kayong hamong nalagpasan. Sa bawat susing inyong hinahawakan, nakatago ang mga pangarap na patuloy ninyong pinanghahawakan.

Ngayong kayo ay 𝐧𝐚𝐬𝐚 𝐝𝐮𝐥𝐨 𝐧𝐚 𝐧𝐠 𝐡𝐚𝐠𝐝𝐚𝐧, iisang pinto na lamang ang kailangan ninyong buksan. Ito ang pintong may dalang 𝐦𝐠𝐚 𝐩𝐚𝐠𝐬𝐮𝐛𝐨𝐤, 𝐩𝐚𝐠-𝐚𝐬𝐚, 𝐚𝐭 𝐬𝐚𝐲𝐚 habang tinatahak ninyo ang bagong yugto ng inyong buhay. Ngunit kakaiba ito sa lahat ng pintong dati na ninyong dinaanan, Sapagkat dito magsisimula ang 𝐭𝐮𝐧𝐚𝐲 𝐧𝐚 𝐡𝐚𝐦𝐨𝐧 𝐧𝐠 𝐩𝐫𝐨𝐩𝐞𝐬𝐲𝐨𝐧𝐠 𝐢𝐧𝐲𝐨𝐧𝐠 𝐩𝐢𝐧𝐚𝐩𝐚𝐧𝐠𝐚𝐫𝐚𝐩 𝐧𝐚 𝐭𝐚𝐡𝐚𝐧𝐚𝐧. Ang hamon ng pagiging ganap na 𝐩𝐫𝐞-𝐬𝐞𝐫𝐯𝐢𝐜𝐞 𝐭𝐞𝐚𝐜𝐡𝐞𝐫𝐬 𝐧𝐠 𝐁𝐚𝐭𝐬𝐢𝐥𝐲𝐞𝐫 𝐧𝐠 𝐒𝐞𝐤𝐨𝐧𝐝𝐚𝐫𝐲𝐚𝐧𝐠 𝐄𝐝𝐮𝐤𝐚𝐬𝐲𝐨𝐧 𝐌𝐞𝐝𝐲𝐨𝐫 𝐬𝐚 𝐏𝐢𝐥𝐢𝐩𝐢𝐧𝐨. 👨‍🏫👩‍🏫

Nawa’y dalhin ninyo ang lahat ng aral na inyong natutuhan noong kayo ay mga estudyanteng punong-puno ng pangarap. At ngayon, bilang mga ganap na pre-service teachers, nawa’y patuloy kayong maging tagapagbahagi ng bagong kaalaman sa mga kabataan at magsilbing inspirasyon upang sila naman ang humawak ng sarili nilang susi at mangarap nang mas mataas habang sila’y mga estudyante pa lamang.

𝐊𝐚𝐲𝐚’𝐭 𝐭𝐚𝐧𝐝𝐚𝐚𝐧 𝐧𝐢𝐧𝐲𝐨, 𝐚𝐧𝐠 𝐬𝐮𝐬𝐢 𝐚𝐲 𝐦𝐚𝐭𝐚𝐠𝐚𝐥 𝐧𝐚𝐧𝐠 𝐧𝐚𝐬𝐚 𝐢𝐧𝐲𝐨𝐧𝐠 𝐦𝐠𝐚 𝐤𝐚𝐦𝐚𝐲. 𝐀𝐧𝐠 𝐭𝐚𝐧𝐠𝐢𝐧𝐠 𝐧𝐚𝐭𝐢𝐭𝐢𝐫𝐚 𝐧𝐚 𝐥𝐚𝐦𝐚𝐧𝐠 𝐚𝐲 𝐚𝐧𝐠 𝐥𝐚𝐤𝐚𝐬 𝐧𝐠 𝐥𝐨𝐨𝐛 𝐧𝐚 𝐛𝐮𝐤𝐬𝐚𝐧 𝐚𝐧𝐠 𝐩𝐢𝐧𝐭𝐨𝐧𝐠 𝐦𝐚𝐠𝐝𝐚𝐝𝐚𝐥𝐚 𝐬𝐚 𝐢𝐧𝐲𝐨 𝐬𝐚 𝐩𝐚𝐧𝐠𝐚𝐫𝐚𝐩 𝐧𝐚 𝐦𝐚𝐭𝐚𝐠𝐚𝐥 𝐧𝐚 𝐧𝐢𝐧𝐲𝐨𝐧𝐠 𝐢𝐧𝐚𝐚𝐬𝐚𝐦. 🌟

✍️ | Sherwin Perez