30/06/2026
Maayong adlaw sa tanan!!
Sa umaabot nga Hulyo 4, 2026, aduna kitay gamay nga selebrasyon agig pagpasidungog kang San Pedro, nga pagahimoon sa La Mesa Beach, Macrohon.
Uban niini, malipayon kamong gidapit sa pag-apil ug pakig-uban sa maong kalihokan aron atong dungan nga saulogon kini uban sa pagtuo, panaghiusa, ug panaghigalaay.
Aron matabangan ang atong mga gastuhanan sa pagkaon ug accommodation, aduna tay kontribusyon nga ₱100 matag usa. Ang malikom nga kantidad gamiton alang sa atong pagkaon ug uban pang kinahanglanon sa selebrasyon.
Kung adunay mga gustong mag-pledge o magdala og pagkaon, malipay kaayo kami sa inyong suporta. Ang inyong mahatag nga pagkaon mahimong dugang sa atong salo-salo didto sa dagat aron mas daghan ang makaambit ug malingaw sa atong panaghiusa.
Aron mas bibo ug makalingaw ang atong panagtigom, adunay usab kitay gamay nga mga dula ug lingaw-lingaw alang sa tanan nga motambong.
Nanghinaut kami sa inyong kooperasyon, suporta, ug presensya aron mahimong malampuson ug malipayon ang atong selebrasyon. Ang inyong pag-apil usa ka dakong tabang sa pagpalig-on sa atong panaghiusa isip usa ka komunidad.
