Ministry Of Ecology - Diocese Of Lucena

07/10/2026

Lakbay Panaghoy Day 4: PILGRIMS OF HOPE are now entering the City of San Pablo 🌿

05/10/2026

DAY 2 OF 8: Lakbay Panaghoy 2026

Mula sa St. Catherine of Alexandria Parish Church Pagbilao, Quezon, susulong ang ating mga kalakbay patungong Sacred Heart College kung saan magkakaroon ng panayam sa mga mag-aaral at kabataan, at Lokal na Pamahalaan ng Lalawigan ng Quezon upang magkaroon ng diyalogo tungkol sa mga isyu.

Magtatapos ang paglalakbay sa Sariaya, Quezon bandang hapon.

05/10/2026

Patuloy po ninyong ipagdasal ang ating mga kasama sa paglalakbay! 🌹🌿

05/10/2026

St. Catherine of Alexandria Parish Church welcomes LAKBAY-PANAGHOY on October 5, 2026, Monday at 4:00 PM, on its way to Manila.

Ang Lakbay-Panaghoy ay isang 6 na araw na pilgrimage walk na magsisimula sa Atimonan, Quezon hanggang sa Metro Manila. Ito ay pagpapatuloy ng pagdadalamhati para sa kalikasan at sa mga komunidad na apektado ng pagkasira nito.

Mga konkretong panawagan ng Lakbay-Panaghoy 2026:

* Tuluyang pagpapatigil sa 1,200MW Atimonan Coal Plant ng Meralco.
* Pagpapatigil sa mapanirang quarrying sa Quezon.
* Pagkakaloob ng lupa sa mga magsasaka ng Sariaya, Quezon na matagal nang naghihintay.
* Tuluyang pagpapatigil sa 1,400MW Ahunan Hydro Power Plant sa Pakil, Laguna.
* Pagtutol sa Waste-to-Energy (WTE) projects na peke umanong solusyon sa basura sa Laguna.
* Panawagan ng moral na paninindigan para sa Laguna Lake — dahil nanganganib ito sa liquefaction, mapanirang energy projects, at pagkasira ng biodiversity.



Parish Youth Ministry - St. Catherine of Alexandria
St.Therésè of the Child Jesus Parish Church - Talipan, Pagbilao Quezon
Casa Del Niño Jesus De Pagbilao Inc.
Season of Creation

04/10/2026

NAGSIMULA NA ang paglalakbay para sa Kalikasan, Kapayapaan at Katarungan! 🌿✊

Sa pangunguna ng South Luzon Integral Ecology Ministry at tagapag-ugnay na si Rev. Fr. Warren Puno, kasama niya ang higit limampu na mananampalataya, senior citizens, mga mula sa sektor ng mangingisda, relihiyoso, tagapagsulong ng karapatang-pangkalikasan, at kabataan ang nagpasimula ng walong araw na Lakbay Panaghoy Para sa Kalikasan, Kapayapaan at Katarungan.

Sa unang araw, mas pinaigting ang panawagang tuluyang ipatigil ang 1,200 MW Atimonan coal plant na higit isang dekada nang tinututulan ng mga apektadong sektor dahil sa outdated na pag-aaral pangkalikasang isinagawa noon pang 2014.

Bitbit din sa unang araw ang usapin ng mga quarrying at unjust energy projects sa Quezon kagaya ng solar farms sa Pagbilao, at iba pang bahagi ng lalawigan.

Titigil ang hanay bandang tanghali sa Dambana ni Sta. Ana ng Malicboy, at magtatapos naman ng hapon sa St. Catherine of Alexandria Parish Church Pagbilao, Quezon matapos ang inaasahang diyalogo sa Lokal na pamahalaan ng Pagbilao.

30/09/2026

30/09/2026

📍ANG RUTA NG LAKBAY PANAGHOY 2026
October 5–12, 2026

Mula Atimonan, Quezon patungong Metro Manila, bawat kilometro ay may dalang kuwento, panalangin at panawagan.
Hindi lamang natin tatahakin ang mga kalsada. Daraanan natin ang mga pamayanang may sariling panaghoy-mga magsasaka, mangingisda, manggagawa, kabataan at mga pamilyang direktang nakararanas ng epekto ng pagkasira ng kalikasan at kawalan ng katarungan.

Sa bawat bayan at lungsod na ating daraanan, nais nating makinig, makipag-usap, manalangin at makiisa. Ang mga hinaing na ating maririnig sa daan ay dadalhin natin hanggang Metro Manila upang iparating sa mga kinauukulang institusyon ng pamahalaan.
Mula October 5–12, 2026, ang bawat hakbang ay magiging panalangin. Ang bawat hintuan ay magiging pagkakataon upang makinig. At ang bawat kilometrong ating tatahakin ay magiging panawagan para sa Kalikasan, Kapayapaan at Katarungan.
Hindi kailangang lakarin ang buong ruta upang maging bahagi nito. Kung daraan kami sa inyong bayan, samahan ninyo kami kahit ilang kilometro. Ipanalangin ninyo kami. At higit sa lahat, makiisa sa panawagan.

Atimonan → Metro Manila

Makilakbay. Makipanaghoy. Makiisa.
Dahil sa paglalakbay na ito, bawat hakbang ay may dahilan, at bawat hakbang ay may ipinaglalaban.

26/09/2026

Ang ay ang proseso ng paghuhukay o pagkuha ng bato, buhangin, graba, at iba pang mineral mula sa kalupaan o kabundukan na may malalaking epekto sa kalikasan at lipunan tulad ng:

- Pagkasira ng Likas na Yaman: Nawawala ang mga puno, halaman, at tirahan ng hayop dahil sa malawakang hukay. Nagdudulot ng pagkawala ng biodiversity.

- Pagguho ng Lupa at Pagbaha: Kapag nawala ang mga punong sumisipsip ng tubig-ulan, mas madaling magkaroon ng landslide at flash flood. Nasisira ang natural na daloy ng tubig sa lupa.

- Polusyon sa Hangin at Ingay: Alikabok mula sa pagsabog at pagdurog ng bato ay sanhi ng sakit sa baga (respiratory problems).

- Polusyon sa Tubig: Ang putik mula sa quarry ay maaaring umagos sa ilog at sapa, na pumapatay sa isda at sumisira sa irigasyon ng mga bukid.

- Pagbabago ng Tanawin: Naiiwan ang malalaking hukay na parang sugat sa lupa.

12/09/2026

Happening Now: Daloy Kabataan 2026
PAG-ALAM.PAGTUBOG.PAGKILOS

08/04/2026

Laudato Si' Week 2026 runs from May 17–24, 2026, themed "From Hope to Action," focusing on turning the encyclical’s spiritual principles into concrete ecological steps.

Core Theme: "From Hope to Action" highlights that ecological conversion is achieved through daily choices, restored relationships, and practical steps to protect creation.

Key Dates: May 17–24, 2026, unites the global Church to celebrate the anniversary of Pope Francis' encyclical.