28/05/2026
Patuloy na paigtingin ang Gandingan para sa Kalikasan!
Sa darating na Sabado, gaganapin sa Pakil, Laguna ang isang makabuluhang lakad panalangin para sa kinabukasan ng bayan at kaligtasan ng kalikasan. Ang Lusong Bago Ahon ay isang mapayapang pagkilos kung saan ang mga mamamayang nagmamahal sa Pakil ay sama-samang lulusong at aahon sa Bundok ng Ping-as, bitbit ang pag-asa at paninindigan na ipagtanggol ang kalikasan.
Patuloy na iniinda ng Pakil at ng mga karatig-bayan ng Laguna ang pagkawasak at pagkasira ng kalikasan dahil sa sunod-sunod na proyektong agresyon, tulad ng pagtatayo ng Ahunan Dam. Higit pa sa paglalakbay, ang tradisyong ito ay taimtim na pananampalataya upang ilapit sa Diyos ang mga pagsubok, makiisa sa mga naapektuhan, pakinggan ang tinig ng mga nahihirapan, at ipaglaban ang kanilang karapatan.
Magkita-kita tayo sa ganap na ika-5:00 ng umaga sa ika-30 ng Mayo 2026. Mula sa Plaza Adonay hanggang sa lansangan ng Pakil, at maging sa tuktok ng Bundok ng Ping-as, sama-sama tayong tumindig at manindigan para sa bayan. Palakasin natin ang pwersa ng mga mamamayang nagmamahal sa kalikasan.
