04/08/2026
𝐂𝐄𝐌-𝐏𝐑𝐄 𝐋𝐔𝐌𝐀𝐋𝐀𝐁𝐀𝐍! ✊🔥
Nakikiisa ang UP Alliance of Economics and Management Students (UP AEMS) sa 𝐅𝐢𝐫𝐬𝐭 𝐒𝐞𝐦𝐞𝐬𝐭𝐞𝐫 𝐑𝐚𝐠𝐞 na gaganapin ngayong 𝐢𝐤𝐚-𝟒 𝐧𝐠 𝐀𝐠𝐨𝐬𝐭𝐨, 𝟐:𝟑𝟎 𝐏𝐌, sa 𝐇𝐮𝐦𝐚𝐧𝐢𝐭𝐢𝐞𝐬 𝐒𝐭𝐞𝐩𝐬.
Sa gitna ng patuloy na lumalalang krisis sa ating bansa, muling ipinamalas ng rehimeng Marcos Jr. sa kanyang nagdaang SONA ang kawalan ng tunay na solusyon at pag-alipusta sa batayang sektor ng lipunan.
Ang patuloy na pagmamayabang sa "Benteng Bigas" at Kadiwa centers ay hindi makapagbubura sa katotohanang lugmok pa rin ang ating mga magsasaka at mamimili. Sa halip na palakasin at suportahan ang lokal na produksyon, umaasa ang gobyerno sa importasyon at panandaliang relief subsidy.
Nananatiling ring mataas ang presyo ng kuryente at langis dahil sa labis na pagdepende sa dayuhang merkado at pribadong monopolyo sa sektor ng enerhiya.
Sa kabila naman ng mga kontrobersya at pagsisiwalat ng korapsyon sa mga flood control projects at infrastructure funds, nananatiling walang tunay na pananagutan ang mga nasa itaas habang milyun-milyong Pilipino ang naghihirap sa mababang pasahod at kawalan ng tiyak na trabaho.
Ang mga proyektong imprastraktura tulad ng Pax Silica at reklamasyon ay patuloy na magdudulot ng pagkasira sa ating biodiversity at nagpapalala sa epekto ng climate change sa ating bansa.
Bukod pa rito, hindi hiwalay ang krisis sa lipunan sa krisis na ating kinakaharap sa loob ng UP campus. Tinututulan namin ang mga ipinapanukalang pagbabago sa General Education curriculum, lumalalang budget cuts, at kawalan ng student spaces sa ating unibersidad.
Bilang mga iskolar ng bayan–mga mag-aaral ng ekonomiya at pangangasiwa, tungkulin nating gamitin ang ating kaalaman upang ilantad ang mga hindi makatarungang patakaran at lumaban para sa ating kapakanan.
Sa pagpasok ng panibagong semestre, inaanyayahan namin kayong sumama sa First Sem Rage. Kasama ang UP AEMS, tanganin natin ang responsibilidad na damhin, dalhin, at tumindig para sa hinaing ng sangkaestudyantehan at ng masang pilipino.
𝘔𝘢𝘬𝘪𝘪𝘴𝘢. 𝘋𝘶𝘮𝘢𝘭𝘰. 𝘔𝘢𝘨𝘴𝘶𝘳𝘪.
📌 𝗛𝘂𝗺𝗮𝗻𝗶𝘁𝗶𝗲𝘀 𝗦𝘁𝗲𝗽𝘀, 𝟮:𝟯𝟬 𝗣𝗠
