01/04/2026
Matagumpay na naisagawa ang dalawang araw na training na may temang “Strengthening Local Response to Violence Against Women and Children” nitong Marso 30–31, 2026 sa Amazing View, Mabitac, Laguna.
Dinaluhan ito ng mga miyembro ng LCAT-VAWC, Local Council for the Protection of Children (LCPC) at BCPC Focal Person ng bawat barangay ng Pamahalaang Bayan ng Los Baños sa pamumuno ni Hon. Mayor Neil Andrew Nocon, bilang bahagi ng patuloy na pagpapalakas ng mga programa at mekanismo laban sa karahasan sa kababaihan at kabataan.
Tinalakay sa nasabing pagsasanay ang mahahalagang paksa tulad ng pag-unawa sa gender, power, at violence; gender-fair language at SOGIESC; legal framework on VAWC; survivor-centered at rights-based case handling; barangay VAW desk protocols at documentation; at mga best practices sa pagtugon sa mga kaso sa komunidad.
Lubos ang pasasalamat ng pamahalaang bayan sa mga nagbahagi ng kanilang kaalaman at karanasan sa aktibidad na sina Dir. Roselle Collado, Head ng UPLB Gender Center; Ms. Sairah Mae Saipudin, University Research Associate ng UPLB Gender Center; Mr. Renato Dumagco ng UPLB Office of Anti-Sexual Harassment; at Ms. Genesis Giselle Baseleres ng UPLB. Naging katuwang din ang mga kinatawan ng UPLB Gender Center na sina Ms. Maria Christina Padua, Mr. Jimboy Altoveros, Mr. Ken Mandap, at Ms. Collien Saludo.
Ang pagsasanay na ito ay pinangunahan ng MSWDO sa pamumuno ni Ms. Hanna Erika Laviña, katuwang ang Gender and Development (GAD) Office sa pamumuno ni Ms. Karen Mercado. Dumalo rin si Hon. Councilor Leren Mae Bautista, Chairperson ng Committee on Women and Family at ng buong miyembro ng LCAT-VAWC Council, bilang suporta sa adhikaing ito.
Sa pamamagitan ng ganitong mga inisyatibo, patuloy na pinagtitibay ng Pamahalaang Bayan ng Los Baños ang kanilang pangako na protektahan ang karapatan, dignidad, at kapakanan ng bawat kababaihan at kabataan. 💜🌿
