24/09/2026
๐๐ง๐๐ก ๐๐ก๐ ๐จ๐ฃ๐๐! ๐ ๐๐๐๐๐๐ฆ๐ ๐ฃ๐๐ฅ๐ ๐ฆ๐ ๐ ๐๐๐-๐๐ฆ๐ง๐จ๐๐ฌ๐๐ก๐ง๐๐ก๐ ๐ง๐ฆ๐๐ก๐ฆ๐๐๐ข๐ฅ!
๐๐๐๐๐๐ผ๐ ๐๐ผ ๐๐ผ๐๐ผ๐๐ผ๐ ๐๐ ๐๐ ๐
๐๐๐๐๐ ๐๐๐๐พ๐๐๐๐๐ ๐๐๐พ๐๐๐๐ ๐๐ผ ๐๐๐๐ฝ ๐พ๐๐ผ๐๐พ๐๐๐๐๐ ๐๐๐๐๐พ๐๐๐๐
โ ๐๐ค๐ฉ๐ฐ๐ญ๐ข๐ด๐ต๐ช๐ค ๐๐ฆ๐ด๐ฐ๐ถ๐ณ๐ค๐ฆ ๐๐ฆ๐ฑ๐ข๐ณ๐ต๐ฎ๐ฆ๐ฏ๐ต
Sa pagpili ng University of the Philippines Los Baรฑos sa susunod nitong Tsanselor, hitik pa rin ang ibaโt ibang isyung hinaharap ng ating komunidad, mula sa estudyante, g**o, REPS, kawani, at sa mga komunidad na nakapalibot sa pamantasan, kailangan natin ng isang tagapamuno na hindi lamang taga-apruba ng mga programa at polisiya, ngunit isang tsanselor na tunay na magsusulong na interes ng buong komunidad ng UPLB.
Bilang organisasyon mula sa Kolehiyo ng Ekonomika at Pangangasiwa, batid ng ๐จ๐ฃ ๐๐๐ป๐ถ๐ผ๐ฟ ๐๐
๐ฒ๐ฐ๐๐๐ถ๐๐ฒ ๐ฆ๐ผ๐ฐ๐ถ๐ฒ๐๐ ang kahalagahan ng isang tsanselor na pro-student at pro-community, na nakasandig ang panunungkulan sa interes ng kalakhan, at siyang naka-angkla sa pakikinig, pagkonsulta, at pananagutan sa bawat desisyong nabubuo at aksyong naisasakatuparan.
Kung kayaโt ang aming panawagan, hindi lamang sa susunod na UPLB Chancellor, kundi pati na rin sa UP Board of Regents, na pakinggan ang hinaing at pangangailan ng aming komunidad, at magluklok ng Chancellor na tunay na magsusulong ng mga ito.
๐ญ. ๐ฆ๐ฎ ๐๐ฎ๐ฝ๐ฎ๐ ๐ป๐ฎ ๐ฝ๐ผ๐ป๐ฑ๐ผ ๐๐ฎ ๐ฒ๐ฑ๐๐ธ๐ฎ๐๐๐ผ๐ป
Mariing tinututulan ng UPJES ang nakaambang Php 2.95B budget cut sa buong UP System sa susunod na taon. Ramdam ng bawat miyembro ng organisasyon ang manipestasyon ng patuloy na kakulangan sa badyet sa edukasyon. Pahirapan pa rin na makakuha ng sapat na units sa bawat semestre, dahil sa kulang na kapasidad ng kolehiyo. Sa kasalukuyan, dalawampuโt apat (24) na silid-aralan lamang ang pinaghahatian ng higit sa 1,500 na estudyante ng Kolehiyo ng Ekonomika at Pangangasiwa, na siya pang mas pinalalala ng kakulangan sa kaguruan kung kayaโt napipilitan ang iba na tumanggap ng teaching load na mas mabigat sa normal, at tumugon sa prerogative enrollment sa mga klasrum na halos siksikan at punuan na upang masigurado lang na walang estudyante ang underload.
Bilang isang organisasyon, malaking kabigatan rin sa pagsusulong ng aming mga proyekto ang kakulangan ng student spaces. Bukod sa REDREC Auditorium na pumapalo sa libo-libo ang renta at kasalukuyang nagsisilbi bilang klasrum dahil sa pagsasaayos ng CEM Function Hall, at sa ICOPED Auditorium na madalas ring pinagdarausan ng mga aktibidad sa kolehiyo, walang ibang hantungan ang organisasyon kundi magsulong ng mga aktibidad sa ibang mga kolehiyo, o sa labas ng pamantasan, na siyang parehong nagdudulot ng kahirapan sa aming pampinansyang kalagayan.
Ang aming tambayan ay madalas ring hindi mapwestuhan, dahil kung hindi sobrang init dahil sa araw ay siya namang basa dahil sa pag-ulan, at kasalukuyang nasa ibang pwesto lamang sa kolehiyo ang organisasyon upang mag-kondukta ng mga pagpupulong. Problema rin dito ang kalayuan sa liwanag, kung kayaโt hindi rin swak na makapagdaos ng mga pulong o tumambay dito tuwing gabi. Nananatiling nakapakong pangako ang hindi pa tapos na bagong building sa kolehiyo, na sanaโy maaaring maging dagdag silid-aralan at espasyo para sa mga organisasyon at mga mag-aaral ng CEM. Bunsod ng tahasang kakulangan sa pondo, napipilitan ang administrasyon na makibahagi sa mga Public-Private Partnerships (PPPs) upang mapondohan ang mga pasilidad na sanaโy badyet ng pamantasan ang bumubuhay. Bilang mga ekonomista at tagapangasiwa ng bayan, buo ang paninindigan ng UPJES laban sa mga PPPs, sapagkat sa mahabang kasaysayan ng UPLB ay nagiging plataporma ang mga ito upang isulong hindi ang interes ng komunidad ng pamantasan ngunit ng mga pribadong korporasyon upang gawing mura o libreng lakas paggawa ang mga estudyante, g**o, o kawani, at upang isalang ang talento at talino ng unibersidad sa mga pananaliksik na hindi naman tunay na naglilingkod sa interes ng UPLB at ng sambayanang Pilipino.
Mahigpit na pinanghahawakan ng UPJES, kasama ng malawak na hanay ng UPLB community, ang kampanya para sa sapat at maayos na alokasyon ng badyet sa pamantasan, upang matapos ang mga nakatenggang infrastructure projects, makapagbukas ng sapat na mga klase, makapag-hire ng dagdag na faculty at staff, at masigurado ang kalidad ng edukasyon nang hindi naiiwan ang kapakanan ng mga estudyante at kaguruan.
๐ฎ. ๐ฆ๐ฎ ๐ฝ๐ฎ๐ด๐ฏ๐ฎ๐ฏ๐ฎ๐๐๐ฟ๐ฎ ๐ป๐ด ๐บ๐ด๐ฎ ๐ฎ๐ฐ๐ฎ๐ฑ๐ฒ๐บ๐ถ๐ฐ ๐ฟ๐ฒ๐๐ฒ๐ป๐๐ถ๐ผ๐ป ๐ฝ๐ผ๐น๐ถ๐ฐ๐ถ๐ฒ๐
Bilang mga mag-aaral ng Kolehiyo ng Ekonomika at Pangangasiwa at isang pang-akademikong organisasyon, naniniwala kami na hindi lamang nakabatay sa grado ang demokratikong karapatan ng isang mag-aaral na ipagpatuloy ang kaniyang pangarap na makapagtapos sa kursong kaniyang tinahak. Ngunit para sa ilang miyembro ng aming organisasyon na mga dating mag-aaral ng AA Entrepreneurship, na kasalukuyang humaharap sa mga represibong polisiya gaya ng โNo-Singko Policyโ at โNo Shifting Policyโ, mababatid na kailangang tutulan ang mga polisiyang angkla umano sa mataas na kalidad ng pagkatuto, ngunit siyang humahadlang sa mag-aaral para matamasa ang tunay at pantay na oportunidad sa edukasyon.
Kinikilala ng UPJES na ang grado ay hindi permanenteng sukatan ng kakayahan at potensyal ng isang estudyante. Ang pagkamit ng singko sa isang kurso ay pagkakataon dapat niya upang makabawi at matuto sa kanyang pagkakamali. Ang bagsak na grado sa isang kurso ay hindi dapat ituring na patunay ng kawalan o kakulangan ng kakayahan, bagkus ay pagsasaalang-alang sa mga salik na maaaring nakaapekto sa kanya, ito man ay pisikal, mental, pampinansyal, atbp. Dahil sa likod ng bawat gawaing naipasa at pagsusulit na nasagutan ay may ibaโt ibang karanasan at hamon na kinakaharap ang bawat mag-aaral na siyang may bigat at pagpapahalaga.
Sa kabilang banda, sa programa ng BS Accountancy ay mayroon ring manipestasyon ng represibong polisiya sa pamamaraan ng grade retention requirements, partikular sa kanilang maintaining General Weighted Average (GWA) na 2.5 o mas mataas at grado sa mga BA at MGT na kurso na mas mataas sa 2.75, kung saan mahalagang masuri kung paapano nakakaapekto sa kalagayang pisikal at mental ng estudyante ang sistema na mas mahalaga ang maabot ang mga pamantayan sa grado kaysa sa matuto nang may husay at magamit ito upang paglingkuran ang sambayanan.
Bilang mga manunuos ng bayan at tagapagtaguyod ng pananagutan at hustisya, kinikilala ng UPJES na labas pa sa mga formula at equations na tinatandaan ay dapat batid ng susunod na tsanselor na tumindig laban sa mga represibong polisiya, at pakinggan ang panawagan ng mga Ekonomista ng Bayan sa isang pamumunong may pagpapahalaga hindi lamang sa husay at dangal kundi sa kalagayan at interes ng bawat miyembro ng pamantasan.
Sa pagluluklok ng susunod na tsanselor ng UPLB, mahalagang suriin at makialam sa pangalan at mga plataporma ng bawat nominado, at ilapat ang mga platapormang ito sa reyalidad na nararanasan ng komunidad ng UPLB. Mula sa kasalukuyang lagay ng mga estudyante, g**o, REPS, kawani, at mga manggagawang kontrakwal, hanggang sa espasyo sa pamantasan, kaligtasan mula sa pananakot at red-tagging, at sa pamumuno sa buong komunidad at pamamahala ng bawat yaman na mayroon ang unibersidad, kritikal na alamin ang pagtindig ng susunod na tsanselor, at siguraduhin ang masusing konsultasyon at pananagutan sa mga pagkukulang nito.
Kaisa ang ๐จ๐ฃ ๐๐๐ป๐ถ๐ผ๐ฟ ๐๐
๐ฒ๐ฐ๐๐๐ถ๐๐ฒ ๐ฆ๐ผ๐ฐ๐ถ๐ฒ๐๐ sa laban ng komunidad ng UPLB para sa pamamahalang tunay na naglilingkod at may pananagutan. Bilang mga mag-aaral ng ekonomika at pangangasiwa, pinanghahawakan ng organisasyon na ang pagpili ng susunod na tsanselor ay isang demokratikong pagkakataon upang ilahad ang pangangailangan ng bawat sektor sa pamantasan, at siguraduhing ito ang pangunahing agenda ng ating tagapamuno sa susunod na tatlong taon.
๐๐ง๐๐ก ๐๐ก๐ ๐จ๐ฃ๐๐! Ipagtagumpay ang tunay na malaya at mapagpalayang edukasyon na may makabansa, siyentipiko, at makamasang tipo. Ipaglaban ang demokratikong kalayaan at isulong ang pamamahalang sandig sa interes ng malawak na hanay ng lipunan.
๐๐๐๐ผ๐, ๐๐ผ๐๐ผ๐ฝ๐ผ๐, ๐๐ผ๐๐ผ๐ฝ๐ผ๐๐ผ๐, ๐๐๐๐ฝ!
Layout: Angelica Palabrica, Marketing and Documentation Department Manager
