https://www.facebook.com/763468096853565/

Tulungan sa Kahirapan tungo sa Kaunlaran

Home
Philippines
Lipa City
Tulungan sa Kahirapan tungo sa Kaunlaran

Kami ang Pangkat Isa na naninindigan sa paniniwala na ang " Sama-Samang Pagtutulungan ay daan Tungo sa Pag-asa at Kaunlaran ".

Naniniwala kami na ang bawat maliit na Aksyon, kapag pinagsama-sama, ay nagiging malaking hakbang Laban sa Kahirapan.

15/11/2025

Sa likod ng kasaganahan ng iilan, milyun-milyong Pilipino ang patuloy na sinasakal ng 𝙆𝙖𝙝𝙞𝙧𝙖𝙥𝙖𝙣. 🐊💸
Ang 𝙗𝙪𝙬𝙖𝙮𝙖 ay sagisag ng 𝙠𝙖𝙩𝙞𝙬𝙖𝙡𝙞𝙖𝙣 isang ugat ng patuloy na paglala ng kahirapan sa bansa.
Habang ninanakaw ng mga tiwali ang pera ng bayan, milyon naman ang walang sapat na pagkain, trabaho, serbisyong pangkalusugan, at edukasyon. 💔
Hindi kahinaan ng mamamayan ang sanhi ng kahirapan—kundi ang sistemang pinapahina ng pagnanakaw at pang-aabuso ng mga nasa kapangyarihan.
Panahon na para 𝙥𝙪𝙩𝙪𝙡𝙞𝙣 𝙖𝙣𝙜 𝙨𝙞𝙠𝙡𝙤 kapag may katiwalian, may kahirapan. Kapag may pananagutan, may pag-unlad.
Ang pondo ng bayan ay dapat napupunta sa mga programang mag-aangat ng buhay ng mahihirap—hindi sa bulsa ng iilan. 🇵🇭✊
Tungkulin nating bantayan, ipaglaban, at siguruhing ang kaban ng bayan ay tunay na naglilingkod sa sambayanan.

𝘼𝙧𝙩𝙬𝙤𝙧𝙠 𝙗𝙮: 𝙀𝙖𝙧𝙡 𝙅𝙪𝙨𝙩𝙞𝙣𝙚 𝙏𝙪𝙡𝙖𝙣𝙜✍🏻

19/10/2025

Ang lindol ay nagdulot ng matinding kahirapan sa mga mamamayang Pilipino dahil sa biglaang pagkawala ng kanilang ari-arian, kabuhayan, at tirahan. Sa isang iglap, gumuho ang mga bahay, nawasak ang mga establisyemento, at naputol ang pinagkukunan ng ikinabubuhay. Ang mga pamilya ay napilitang mamuhay sa pansamantalang tirahan na kulang sa pagkain at tubig.

Higit pa sa pisikal na pinsala, mas matindi ang kirot ng pagkawala ng mga mahal sa buhay. Maraming Pilipino ang hindi lamang naghihirap sa kakulangan ng materyal na bagay, kundi nagdurusa rin sa matinding kalungkutan at trauma na dulot ng trahedya. Ang bawat araw ay naging pakikibaka laban sa gutom, pagod, at alaala ng pagkawala.

Dahil dito, naging malinaw na ang lindol ay hindi lamang likas na sakuna, kundi isang sanhi ng matinding kahirapan na bumago sa takbo ng buhay ng maraming Pilipino. Ang dati nilang katahimikan ay napalitan ng pangamba, at ang dating sigla ng pamayanan ay unti-unting napawi sa gitna ng pagbangon mula sa pinsalang iniwan ng kalamidad.

Ngunit sa gitna ng pagwasak ng tahanan at kabuhayan, muling umusbong ang diwa ng bayanihan. Maraming vlogger at mabubuting mamamayan ang nag-abot ng tulong sa mga napinsala ng lindol — patunay na sa panahon ng sakuna, ang malasakit at pagtutulungan ng Pilipino ang tunay na yaman.

11/10/2025

Ang kahirapan ay isang hamong dinaranas ng marami – may mga panahong tila walang kasiguraduhan at tila hindi na kakayanin. Ngunit sa bawat pagsubok, may pagkakataong bumangon at magkaisa para sa pagbabago.

Sa aming LIBRENG SEMINAR, mas malalim nating ipaliliwanag ang kahirapan at tatalakayin ang mga epektibong paraan ng adbokasiya📢

Nawa'y magsilbi itong pagkakataon upang magbigay INSPIRASYON , MAGPLANO, at KUMILOS para sa isang mas makatarungan at maunlad na kinabukasan.🌱
"Sama-sama, may pag-asa!"🌟

08/10/2025

Lahat tayo ay dumadaan sa mga pagsubok ng kahirapan — may mga panahong tila walang kasiguraduhan at tila hindi na kakayanin. Pero sa kabila ng lahat, may mga taong patuloy na bumabangon at lumalaban.

Sa video na ito, mapapakinggan natin ang ilang kwento ng ating kapwa kamag-aral tungkol sa mga karanasang nagpatatag sa kanila, at kung paano nila nalampasan ang mga ito.

Nawa’y magsilbi itong inspirasyon sa ating lahat na sa bawat unos, may liwanag na naghihintay sa dulo. 🌟

08/10/2025

"Edukasyon ang pinakamagandang regalo."

Bilang bahagi ng aming adhikaing makatulong sa kapwa kamag-aral, nagsagawa kami ng pamimigay ng onting school supplies upang maitaguyod ang edukasyon at labanan ang kahirapan.

Naniniwala kami na sa bawat estudyanteng may kakayahang mag-aral nang maayos, ay may pamilyang mas lalong magtatagumpay.

Maliit mang tulong, malaki ang maiaambag sa kinabukasan. 💪

25/09/2025

ANG KAHIRAPAN AY ISANG DIGMAANG HINDI DAPAT PINAPALAMPAS!

Habang milyon ang naghihikahos sa kawalan ng 🥣 pagkain, 💼 trabaho, at ⚖️ karapatan, hindi natin ito dapat tawaging "kapalaran."
Ito ay malinaw na pagkasira ng hustisya sa ating lipunan.

Kaya nagbigay ang aming grupo ng mga quotes na makakatulong upang iparinig ang hinaing ng ating mga kababayan na nawawalan na ng pag-asa dahil sa kahirapan.

📢 Ang bawat quote ay hindi lang simpleng salita—kundi sigaw ng mga taong naghihirap sa ilalim ng bulok na sistema.

Tulad ng sinabi ni Mahatma Gandhi:
"Ang kahirapan ang pinakamasamang anyo ng karahasan."

13/09/2025

"Ang kahirapan ay hindi hadlang sa pag-aaral!"

Kaya’t itinayo namin ang Classroom Pantry—isang munting hakbang na nagbibigay ng gamit at suporta sa mga mag-aaral na nangangailangan.
Hindi lang ito tungkol sa pagbibigay, kundi sa pagpapakita na kayang labanan ang kahirapan sa pamamagitan ng edukasyon. 🌍💪🏻

“Education is the most powerful weapon which you can use to change the world.” – Nelson Mandela

💞 Lubos ang pasasalamat namin sa lahat ng nagbigay suporta at donasyon. Ang bawat tulong ay pag-asa para sa mga batang patuloy na nangangarap. 🌱✨
👥Sama-sama nating patunayan na ang bayanihan ang susi sa pag-unlad!🤎

06/09/2025

"Sa kahirapan, hindi tayo papayag,
Sa Grade 11-08 - Pangkat Isa, ang lakas ay sasagip.
Bawat kamay na nag-aabot ng pag-asa,
Ay sandata laban sa sistemang mapang-aba." 💪✨

" HINDI TAYO MANANAHIMIK HANGGANG MAY NAGUGUTOM O NAHIHIRAPAN "
Sa bawat sulok ng ating lipunan, may mga kwento ng PAGHIHIRAP na hindi nabibigkas—mga pamilyang nagtitiis sa kawalan ng trabaho, mga bata’ng nag-aaral nang walang laman ang tiyan, at mga matatanda’ng napag-iiwanan ng ayuda. Ngunit sa gitna ng krisis, patuloy na sumisibol ang PAG-ASA.🌈

Sa pagaaral, sa komunidad, sa social media—gamitin natin ang ating mga tinig at kamay para itaguyod ang tunay na pagbabago.💡Ang laban para sa kahirapan ay laban ng lahat. Hindi sapat ang donasyon—kailangan ng sama-samang pagkilos!

HINDI TAYO TITIGIL. HINDI TAYO PAPAYAG. 🚫

Address

Lumina Homes, Tanguay
Lipa City
4127

Website

facebook.com

Alerts

Be the first to know and let us send you an email when Tulungan sa Kahirapan tungo sa Kaunlaran posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Non Profit Organization in Lipa City?

Tulungan sa Kahirapan tungo sa Kaunlaran

15/11/2025

19/10/2025

11/10/2025

08/10/2025

08/10/2025

25/09/2025

13/09/2025

06/09/2025

Address

Website

Alerts

Shortcuts

Share

Category

Listing takedown request