11/08/2020
Magandang gabi po!
Kami po, dito sa LIFE, ay lubos na nanghinayang sapagkat ang aming programang LIFE (Livelihood Initiatives For Economic sustainability) na nakadisenyong maghandog ng programang pangkabuhayan dito sa Barangay Ambulong ay hindi na mabibigyang katuparan. Sa kabila po nito, ninanais pa rin po ng bawat isa sa amin na makatulong kahit sa maliit na paraan na aming makakaya.
Alinsunod po dito, ang aming pondong nakalap sa pamamagitan ng iba't ibang fundraising activities ay aming ginamit sa pagbili ng ilang kagamitan tulad ng face masks, alcohol, bond papers, at face shields bilang donasyon sa Barangay Ambulong at sa Deped Tayo Ambulong ES - Tanauan City.
Labis din po ang aming pasasalamat kay Kapitana Liza Panganiban at sa buong Brgy Ambulong, sa pakikibahagi sa amin sa pagbuo ng programang ito.
Sa gitna ng pandemyang ating nararanasan, kami po ay patuloy na nakikiisa sa kaginhawaan at kaunlaran ng komunidad.
Ito po ang LIFE. Hanggang sa muli.
Maraming salamat po!💚
