https://www.facebook.com/300568814080617/

Kapisanan ng mga Mag-aaral sa Filipino, Alvear Street, Lingayen (2026)

12/05/2026

𝟐𝟔/𝟐𝟔| 𝐏𝐀𝐆𝐁𝐀𝐓𝐈 𝐒𝐀 𝐌𝐆𝐀 𝐁𝐀𝐆𝐎𝐍𝐆 𝐋𝐈𝐒𝐄𝐍𝐒𝐘𝐀𝐃𝐎𝐍𝐆 𝐆𝐔𝐑𝐎 𝐌𝐔𝐋𝐀 𝐒𝐀 𝐏𝐀𝐌𝐈𝐋𝐘𝐀𝐍𝐆 𝐏𝐈𝐋𝐈𝐏𝐈𝐍𝐎!

"𝘈𝘯𝘨 𝘱𝘢𝘨𝘵𝘪𝘵𝘪𝘺𝘢𝘨𝘢 𝘢𝘺 𝘩𝘪𝘯𝘥𝘪 𝘪𝘴𝘢𝘯𝘨 𝘮𝘢𝘩𝘢𝘣𝘢𝘯𝘨 𝘭𝘢𝘣𝘢𝘯 𝘬𝘶𝘯𝘥𝘪 𝘴𝘶𝘯𝘰𝘥-𝘴𝘶𝘯𝘰𝘥 𝘯𝘢 𝘮𝘢𝘭𝘪𝘭𝘪𝘪𝘵 𝘯𝘢 𝘩𝘢𝘬𝘣𝘢𝘯𝘨.” — 𝘞𝘢𝘭𝘵𝘦𝘳 𝘌𝘭𝘭𝘪𝘰𝘵

Buong pagmamalaki at taos-pusong pagbati mula sa 𝐊𝐚𝐩𝐢𝐬𝐚𝐧𝐚𝐧 𝐧𝐠 𝐦𝐠𝐚 𝐌𝐚𝐠-𝐚𝐚𝐫𝐚𝐥 𝐬𝐚 𝐅𝐢𝐥𝐢𝐩𝐢𝐧𝐨 para sa ating mga nagsipagtagumpay sa Licensure Examination for Professional Teachers (LPT)

Ang tagumpay na ito ay bunga ng inyong walang sawang pagsisikap, pagpupursigi, at matatag na pananampalataya. Hindi naging madali ang landas na inyong tinahak—maraming puyat, pagod, at pagsubok—ngunit pinatunayan ninyo na ang tiyaga at determinasyon ay susi tungo sa tagumpay. Tunay ngang karapat-dapat kayong parangalan at hangaan!

Sa pag-abot ninyo sa mahalagang yugtong ito, dala ninyo hindi lamang ang titulo ng pagiging g**o, kundi pati ang responsibilidad na maging ilaw ng karunungan, gabay ng kabataan, at instrumento ng pagbabago sa lipunan. Ang inyong dedikasyon at pagmamahal sa edukasyon ay magsisilbing inspirasyon sa marami pang kabataang nangangarap ding makapagturo at makapaglingkod sa bayan.

Kasama ninyo ang 𝐊𝐚𝐩𝐢𝐬𝐚𝐧𝐚𝐧 𝐧𝐠 𝐦𝐠𝐚 𝐌𝐚𝐠-𝐚𝐚𝐫𝐚𝐥 𝐬𝐚 𝐅𝐢𝐥𝐢𝐩𝐢𝐧𝐨 at patuloy kaming magiging katuwang ninyo sa bawat hakbang ng inyong propesyon at sa bawat pangarap na nais pa ninyong maabot.

𝐌𝐔𝐋𝐈, 𝐌𝐔𝐋𝐀 𝐒𝐀 𝐊𝐀𝐏𝐈𝐒𝐀𝐍𝐀𝐍 𝐍𝐆 𝐌𝐆𝐀 𝐌𝐀𝐆-𝐀𝐀𝐑𝐀𝐋 𝐒𝐀 𝐅𝐈𝐋𝐈𝐏𝐈𝐍𝐎 𝐈𝐒𝐀𝐍𝐆 𝐌𝐀𝐈𝐍𝐈𝐓 𝐍𝐀 𝐏𝐀𝐆𝐁𝐀𝐓𝐈 𝐀𝐓 𝐈𝐏𝐈𝐍𝐀𝐆𝐌𝐀𝐌𝐀𝐋𝐀𝐊𝐈 𝐍𝐀𝐌𝐈𝐍 𝐊𝐀𝐘𝐎!

📝Kimberly Garcia| Pangulo
🖼️ Mj Mamaril| Panuportang Opisyales III

07/05/2026

𝗖𝗘𝗗’𝘀 𝗛𝗼𝘂𝗿 𝟮𝟬𝟮𝟲

Nagkaisa ang iba’t ibang organisasyon at kinatawan ng mga mag-aaral sa isinagawang 𝗣𝗦𝗨–𝗟𝗶𝗻𝗴𝗮𝘆𝗲𝗻 𝗖𝗮𝗺𝗽𝘂𝘀-𝗪𝗶𝗱𝗲 𝗖𝗼𝗻𝘀𝘂𝗹𝘁𝗮𝘁𝗶𝗼𝗻 𝗙𝗼𝗿𝘂𝗺 na ginanap sa Don Telesforo N. Bouquiren Convention Hall upang magbahagi ng mga pananaw, mungkahi, at mahahalagang usaping kinahaharap ng komunidad ng mga estudyante.

Naging daan ang nasabing forum upang higit na mapalakas ang ugnayan ng administrasyon at ng sektor ng mga mag-aaral sa pamamagitan ng bukas na talakayan at aktibong pakikilahok ng bawat organisasyon. Dito ay malayang naipahayag ang mga hinaing at suhestiyon tungo sa mas makabuluhan, inklusibo, at responsibong pamamahala sa loob ng pamantasan.

Bilang pakikiisa sa layuning maitaguyod ang kapakanan at tinig ng mga mag-aaral, aktibong nakibahagi ang 𝗞𝗮𝗽𝗶𝘀𝗮𝗻𝗮𝗻 𝗻𝗴 𝗺𝗴𝗮 𝗠𝗮𝗴-𝗮𝗮𝗿𝗮𝗹 𝘀𝗮 𝗙𝗶𝗹𝗶𝗽𝗶𝗻𝗼 sa makabuluhang konsultasyong ito.

07/05/2026

𝐁𝐀𝐆𝐎𝐍𝐆 𝐘𝐔𝐆𝐓𝐎 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐊𝐀𝐁𝐀𝐆𝐎𝐍𝐆 𝐆𝐔𝐑𝐎 𝐒𝐀 𝐇𝐈𝐍𝐀𝐇𝐀𝐑𝐀𝐏

Noong 𝐢𝐤𝐚-𝟔 𝐧𝐠 𝐌𝐚𝐲𝐨 𝟐𝟎𝟐𝟔, matagumpay na isinagawa sa Grand Legacy ang panayam para sa mga incoming first year ng BSEd Filipino bilang bahagi ng paghahanda sa panibagong akademikong taon. Dinaluhan ito ng mga mag-aaral na may hangaring maging g**o at tagapagtaguyod ng wikang Filipino sa hinaharap. Sa pamamagitan ng isinagawang panayam, nabigyang pagkakataon ang bawat aplikante na maipakita ang kanilang kakayahan, determinasyon, at tunay na pagmamahal sa edukasyon at sariling wika.

Pinangunahan ang nasabing gawain ng mga kagalang-galang na g**o sa wika na sina 𝐁𝐛. 𝐀𝐥𝐞𝐱𝐢𝐞𝐬 𝐂𝐥𝐚𝐢𝐫𝐞 𝐑𝐚𝐨𝐞𝐭 at 𝐆. 𝐅𝐡𝐲𝐫𝐢𝐜𝐤 𝐅𝐞𝐫𝐫𝐞𝐫 na nagsilbing gabay at tagapanayam sa buong proseso. Sa kanilang masusing pagsusuri at pagbibigay ng mahahalagang katanungan, nabigyang-diin ang kahalagahan ng dedikasyon, kahandaan, at puso sa pagpili ng kursong BSEd Filipino.

Hindi lamang ito isang simpleng panayam, kundi isa ring makabuluhang hakbang tungo sa paghubog ng mga susunod na g**o na magiging instrumento sa pagpapaunlad at pagpapayabong ng wikang Filipino. Makikita sa bawat aplikante ang sigla, pag-asa, at pangarap na balang araw ay makapaglingkod sa larangan ng edukasyon.

Sa pagtatapos ng gawain, dala ng bawat kalahok ang inspirasyon at motibasyon upang ipagpatuloy ang kanilang nasimulang pangarap. Tunay ngang ang bawat hakbang ngayon ay paghahanda para sa mas maliwanag na kinabukasan bilang mga g**o ng bayan.

15/04/2026

𝙈𝘼𝙇𝙄𝙂𝘼𝙔𝘼𝙉𝙂 𝙆𝘼𝘼𝙍𝘼𝙒𝘼𝙉, 𝐃𝐫. 𝐁𝐑𝐄𝐍𝐃𝐀 𝐇. 𝐁𝐀𝐋𝐀𝐃𝐀𝐃! 🎉🎂

Isang malugod na pagbati sa inyong kaarawan! Kayo po ang nagsisilbing inspirasyon at pangalawang magulang sa aming lahat. Salamat sa inyong walang sawang pagbabahagi ng dunong at sa paggabay sa amin upang maging handa sa hamon ng buhay.

Hindi matatawaran ang inyong pasensya, malasakit, at husay sa pagtuturo. Ang inyong dedikasyon sa propesyon ay nagsisilbing motibasyon sa bawat mag-aaral na magsikap at mangarap nang mataas. Mapalad po kaming naging bahagi ng inyong mga klase at gabay.

Dalangin namin ang inyong patuloy na kalakasan, kalusugan, at saganang biyaya mula sa Itaas. Nawa’y maging puno ng saya at pagmamahal ang araw na ito kasama ang inyong pamilya at mga mahal sa buhay.

𝗠𝘂𝗹𝗶, 𝗺𝗮𝗹𝗶𝗴𝗮𝘆𝗮𝗻𝗴 𝗸𝗮𝗮𝗿𝗮𝘄𝗮𝗻, 𝗗𝗿. 𝗕𝗿𝗲𝗻𝗱𝗮 𝗛. 𝗕𝗮𝗹𝗮𝗱𝗮𝗱! ✨❤️

14/04/2026

‎𝐏𝐚𝐠𝐛𝐚𝐭𝐢 𝐊𝐚-𝐖𝐢𝐤𝐚!
‎
‎Isang kahanga-hangang tagumpay ang ipinamalas ni 𝐊𝐚𝐭𝐞 𝐀𝐢𝐫𝐚 𝐕. 𝐅𝐞𝐫𝐧𝐚𝐧𝐝𝐞𝐳, isang mag-aaral sa ika-apat na taon, matapos niyang masungkit ang 𝐈𝐤𝐚𝐭𝐥𝐨𝐧𝐠 𝐆𝐚𝐧𝐭𝐢𝐦𝐩𝐚𝐥𝐚 sa ginanap na 𝐂𝐁𝐑𝐂 𝐂𝐚𝐦𝐩𝐮𝐬-𝐋𝐞𝐯𝐞𝐥 𝐓𝐞𝐚𝐜𝐡𝐞𝐫 𝐄𝐝𝐮𝐜𝐚𝐭𝐢𝐨𝐧 𝐐𝐮𝐢𝐳 𝐁𝐞𝐞 noong 𝐀𝐛𝐫𝐢𝐥 𝟏𝟒 sa 𝐏𝐚𝐧𝐠𝐚𝐬𝐢𝐧𝐚𝐧 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲 – 𝐋𝐢𝐧𝐠𝐚𝐲𝐞𝐧 𝐂𝐚𝐦𝐩𝐮𝐬. Sa gitna ng matinding kompetisyon na nilahukan ng mga piling kinatawan mula sa iba’t ibang departamento, napatunayan niya na ang kanyang kahandaan, talas ng isipan, at matibay na pundasyon sa larangan ng edukasyon ang susi sa katagumpayan.
‎
‎Ang kanyang pagkapanalo ay hindi lamang sumasalamin sa kanyang personal na pagsisikap at dedikasyon, kundi pati na rin sa patuloy na paggabay at suporta ng kanyang mga g**o, kamag-aral, at ng institusyong kanyang kinabibilangan. Higit pa rito, ito ay patunay ng kalidad ng edukasyong ipinagkakaloob sa kanya—isang edukasyong humuhubog hindi lamang ng talino kundi pati ng karakter at propesyonalismo ng isang g**o.
‎
‎Muli, isang mainit na pagbati mula sa Kapisanan ng mga Mag-aaral sa Filipino.
‎

09/04/2026

‎𝐊𝐚𝐛𝐚𝐲𝐚𝐧𝐢𝐡𝐚𝐧 𝐍𝐢𝐲𝐨’𝐲 𝐀𝐥𝐚𝐚𝐥𝐚 𝐍𝐚𝐦𝐢𝐧 🇵🇭
‎
‎Ang kagitingan ay hindi lamang nasusukat sa sakripisyo, kundi makikita sa araw-araw na tapang ng bawat Pilipinong humaharap sa mga hamon ng buhay.
‎
‎Sa sipag sa trabaho, dedikasyon sa pamilya, malasakit sa kapwa, at pagpupunyagi para sa kinabukasan, isinasabuhay natin ang tunay na diwa ng bayanihan at kabayanihan.
‎
‎Sa paggunita ng ika-84 na Araw ng Kagitingan, alalahanin natin ang sakripisyo ng ating mga bayani at patuloy na itaguyod ang kanilang pamana sa pamamagitan ng pagkakaisa, sipag, at malasakit sa komunidad.
‎
‎Ang kanilang katapangan ay paalala na sa bawat hamon, may pagkakataon tayong maging bayani sa sarili nating paraan. Sa makabagong panahon, ang kabayanihan ay makikita sa paglilingkod sa kapwa, sa pag-angat ng komunidad, at sa sama-samang pagsisikap para sa mas maayos na bukas.
‎
‎Ang kabayanihan ng ating mga bayani ay buhay—at patuloy nating isinasabuhay, araw-araw.

31/03/2026

Sa pagtatapos ng 𝐁𝐮𝐰𝐚𝐧 𝐧𝐠 𝐦𝐠𝐚 𝐊𝐚𝐛𝐚𝐛𝐚𝐢𝐡𝐚𝐧, hindi lamang dito nagtatapos ang ating pagkilala sa kanilang lakas, tapang, at kahalagahan sa ating lipunan. Ang buwan na ito ay paalala lamang kung gaano kalaki ang papel na ginagampanan ng bawat kababaihan—sa tahanan, sa komunidad, at sa buong mundo.

Sa likod ng bawat tagumpay ay ang kanilang sipag at determinasyon. Sa bawat hamon na kanilang hinaharap, nariyan ang kanilang tibay ng loob at paninindigan. Sila ay ilaw na nagbibigay inspirasyon, lakas na nagbibigay pag-asa, at tinig na patuloy na lumalaban para sa tama at makatarungan.

Nawa’y hindi lamang sa buwang ito natin sila pahalagahan, kundi sa bawat araw ng ating buhay. Ipagpatuloy natin ang pagbibigay respeto, suporta, at pagkilala sa kanilang kakayahan at kontribusyon. Sapagkat ang tunay na pag-unlad ng lipunan ay nagsisimula sa pagkilala sa halaga ng bawat isa—lalo na ng kababaihan.

Mabuhay ang lahat ng kababaihan! Patuloy kayong maging inspirasyon sa bawat isa sa atin.

01/03/2026

Malaki at taos-pusong pagbati kay 𝐀𝐥𝐞𝐬𝐬𝐚𝐧𝐝𝐫𝐚 𝐆𝐮𝐭𝐢𝐞𝐫𝐫𝐞𝐳 sa pagkakamit ng 𝐁𝐫𝐨𝐧𝐳𝐞 𝐌𝐞𝐝𝐚𝐥 sa 𝐓𝐚𝐞𝐤𝐰𝐨𝐧𝐝𝐨 𝐏𝐨𝐨𝐦𝐬𝐚𝐞 sa nagdaang 2026 SCUAA-1 Regional Games na ginanap sa University of Northern Philippines, Vigan.

Ang karangalang ito ay patunay ng kanyang kahusayan, disiplina, at matibay na determinasyon sa larangan ng isports. Ang kanyang tagumpay ay hindi lamang personal na tagumpay kundi karangalang hatid sa pamantasan at sa buong komunidad ng mga mag-aaral.

Nawa’y magsilbing inspirasyon ang kanyang tagumpay sa iba pang mag-aaral upang patuloy na magsikap at pagyamanin ang kani-kanilang kakayahan. Patuloy na sinusuportahan ng KAMFIL ang mga adhikaing nagtataguyod ng kahusayan at karangalan.

Muli, taos-pusong pagbati at pagpupugay mula sa Kapisanan ng mga Mag-aaral sa Filipino (KAMFIL).

📝 Brylle Castrence | Kinatawan II
🖼️ Ivan Vladimir Carillo at Jan Lord Castillo | Tagapagbalita

25/02/2026

"𝐄𝐃𝐒𝐀: 𝐈𝐬𝐚𝐧𝐠 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐓𝐚𝐩𝐚𝐧𝐠 𝐚𝐭 𝐏𝐚𝐠𝐤𝐚𝐤𝐚𝐢𝐬𝐚"

40 taon na ang nakalipas, ngunit ang alaala ng nakalipas ay patuloy na nagsisilbing gabay sa ating laban para sa tunay na demokrasya at kalayaan. Sa bawat hakbang, napatunayan ng bawat Pilipino ang lakas ng pagkakaisa at tapang. Ngayong ika-25 ng Pebrero ay ipinagdiriwang natin ang EDSA People Power Revolution, isang buhay na alaala ng bayaning pagkilos at pagmamahal sa bayan.

Sa paggunita ng 𝐢𝐤𝐚-𝟒𝟎 𝐚𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐄𝐃𝐒𝐀, nawa'y magsilbing paalala sa atin ang mga sakripisyo at tagumpay ng nakaraan. Magkaisa tayo sa patuloy na pagsusulong ng mga prinsipyong nagbigay daan sa ating kalayaan at demokrasya.

📝 𝐑𝐨𝐦𝐚𝐧 𝐃𝐞 𝐆𝐮𝐳𝐦𝐚𝐧 | Pangalawang Pangulo
🖼️ 𝐈𝐯𝐚𝐧 𝐕𝐥𝐚𝐝𝐢𝐦𝐢𝐫 𝐂𝐚𝐫𝐢𝐥𝐥𝐨 | Tagapagbalita

14/02/2026

‎𝐌𝐚𝐭𝐚𝐠𝐚𝐥 𝐧𝐚𝐧𝐠 𝐧𝐚𝐤𝐚𝐭𝐚𝐠𝐨 𝐬𝐚 𝐝𝐫𝐚𝐟𝐭𝐬, 𝐧𝐨𝐭𝐞𝐬, 𝐚𝐭 𝐬𝐚 𝐭𝐚𝐡𝐢𝐦𝐢𝐤 𝐧𝐚 𝐦𝐠𝐚 𝐭𝐢𝐧𝐠𝐢𝐧𝐚𝐧… 𝐩𝐞𝐫𝐨 𝐧𝐠𝐚𝐲𝐨𝐧, 𝐢𝐥𝐚𝐥𝐚𝐛𝐚𝐬 𝐧𝐚!
‎
‎Narito na ang mga KAMFEELINGS na ipinadala ninyo — mga salitang puno ng tapang, kilig, at kaunting kaba.
‎
‎Bawat confession ay may kwento, may paghihintay, at may pusong umaasang mapansin.
‎
‎Basahin nang mabuti — baka makita mo ang pangalan mo o maramdaman mong para sa’yo ang mensahe. Malay mo, ang simpleng pagbasa mo ngayon ang maging simula ng bagong kilig bukas.
‎
‎Lubos ang pasasalamat ng KAMFIL sa inyong pakikiisa sa pagpapahayag ng mga nakatagong damdamin.
‎
‎Hanggang sa susunod na pagbabahagi ng inyong nararamdaman sa “𝐈-𝐂𝐎𝐍𝐅𝐄𝐒𝐒 𝐌𝐎, 𝐊𝐀𝐌𝐅𝐄𝐄𝐋𝐈𝐍𝐆𝐒 𝐌𝐎!”
‎
‎Kaya naman… handa na ba kayong kabahan, ngumiti, at kiligin? 💌

Ps. Ito ay parte lamang ng pakikiisa ng KAMFIL sa pagdiriwang ng Araw ng mga Puso.
‎
‎

14/02/2026

‎𝐈-𝐂𝐎𝐍𝐅𝐄𝐒𝐒 𝐌𝐎, 𝐊𝐀𝐌𝐅𝐄𝐄𝐋𝐈𝐍𝐆𝐒 𝐌𝐎! 💌
‎
‎Kung kaya mong magpuyat para sa requirements, kaya mo rin sig**ong magpakatapang para sa feelings mo.
‎
‎Ngayong Araw ng mga Puso, ito na ang perfect timing para i-submit ang pinaka-importanteng requirement — ang confession mo!
‎
‎’Wag puro “seen.”
‎’Wag puro react sa My Day at posts.
‎’Wag puro parinig sa notes.
‎
‎Huwag nang gawing secret mission ang pag-amin. Isang simpleng “Hi, Crush!” lang, baka doon na magsimula ang love story ninyo. Malay mo, pareho lang pala kayong naghihintayan.
‎
‎Kaya ano pang inaantay ninyo, PSUnians?
‎
‎Confess your KAMFEELINGS na!

Ps. Ito ay parte lamang ng pakikiisa ng KAMFIL sa pagdiriwang ng Araw ng mga Puso.

Kapisanan ng mga Mag-aaral sa Filipino

12/05/2026

07/05/2026

07/05/2026

15/04/2026

14/04/2026

09/04/2026

31/03/2026

01/03/2026

25/02/2026

14/02/2026

14/02/2026

Address

Website

Alerts

Shortcuts

Share

Category