29/09/2025
𝐌𝐮𝐥𝐚 𝐬𝐚 𝐩𝐚𝐠𝐩𝐢𝐥𝐢 𝐧𝐠 𝐅𝐞𝐝𝐞𝐫𝐚𝐭𝐢𝐨𝐧 𝐎𝐟𝐟𝐢𝐜𝐞𝐫𝐬, 𝐥𝐞𝐚𝐝𝐞𝐫𝐬𝐡𝐢𝐩 𝐨𝐫𝐢𝐞𝐧𝐭𝐚𝐭𝐢𝐨𝐧, 𝐡𝐚𝐧𝐠𝐠𝐚𝐧𝐠 𝐬𝐚 𝐩𝐚𝐦𝐚𝐦𝐚𝐡𝐚𝐠𝐢 𝐧𝐠 𝐦𝐠𝐚 𝐬𝐞𝐫𝐭𝐢𝐩𝐢𝐤𝐨 𝐚𝐭 𝐭𝐚𝐨𝐬-𝐩𝐮𝐬𝐨𝐧𝐠 𝐦𝐠𝐚 𝐦𝐞𝐧𝐬𝐚𝐡𝐞 𝐚𝐲 𝐦𝐚𝐭𝐚𝐠𝐮𝐦𝐩𝐚𝐲 𝐧𝐚 𝐧𝐚𝐢𝐝𝐚𝐫𝐚𝐨𝐬 𝐤𝐚𝐡𝐚𝐩𝐨𝐧, 𝐒𝐞𝐩𝐭𝐲𝐞𝐦𝐛𝐫𝐞 𝟐𝟖, 𝟐𝟎𝟐𝟓, 𝐚𝐧𝐠 𝐤𝐚𝐮𝐧𝐚-𝐮𝐧𝐚𝐡𝐚𝐧𝐠 𝐅𝐞𝐝𝐞𝐫𝐚𝐭𝐢𝐨𝐧 𝐀𝐬𝐬𝐞𝐦𝐛𝐥𝐲 𝐬𝐚 𝐋𝐢𝐛𝐦𝐚𝐧𝐚𝐧 𝐂𝐮𝐥𝐭𝐮𝐫𝐚𝐥 𝐂𝐞𝐧𝐭𝐞𝐫 𝐧𝐚 𝐝𝐢𝐧𝐚𝐥𝐮𝐡𝐚𝐧 𝐧𝐠 𝐦𝐠𝐚 𝐤𝐚𝐛𝐚𝐭𝐚𝐚𝐧𝐠 𝐧𝐚𝐠𝐦𝐮𝐥𝐚 𝐬𝐚 𝐢𝐛𝐚'𝐭-𝐢𝐛𝐚𝐧𝐠 𝐦𝐠𝐚 𝐛𝐚𝐫𝐚𝐧𝐠𝐠𝐚𝐲 𝐬𝐚 𝐋𝐢𝐛𝐦𝐚𝐧𝐚𝐧.
Dumalo sa pagtitipon sina 𝐇𝐨𝐧. 𝐌𝐚𝐲𝐨𝐫 𝐄𝐝𝐞𝐥𝐬𝐨𝐧 𝐌𝐚𝐫𝐟𝐢𝐥, 𝐚𝐭 𝐇𝐨𝐧.𝐕𝐢𝐜𝐞 𝐌𝐚𝐲𝐨𝐫 𝐀𝐫𝐢𝐞𝐥 𝐎𝐫𝐢𝐧̃𝐨 na nagpaabot ng kanilang mga mensahe ng pag-asa at paggabay. Sa kanilang mga salita ay muli ng mga itong ipinabatid ang kahalagahan ng kabataan bilang tunay na lakas at haligi ng patuloy na pag-unlad ng bayan— na ang mga kabataan ay hindi lamang tagasunod, kundi mga lider na may tinig, karunungan, at kakayahang magdala ng makabuluhang pagbabago.
Nagbigay din si 𝐀𝐭𝐭𝐲. 𝐅𝐞𝐥𝐢𝐱 𝐁𝐫𝐚𝐳𝐢𝐥, ang 𝐀𝐝𝐯𝐢𝐬𝐞𝐫 ng Pederasyon, ng kaniyang inspirasyunal na talumpati na hindi lamang nagturo ng mga prinsipyo ng pamumuno, kundi nagbigay rin ng motibasyon sa kabataan tungkol sa kahalagahan ng karununungan, pangarap, at higit sa lahat determinasyon upang tuparin itong lahat ng may tapang at pananagutan. Hinikayat niya ang bawat isa na yakapin ang responsibilidad at dangal ng paglilingkod, magkaroon ng malasakit sa kapwa, at maging ilaw ng pagbabago na magsusulong ng mas maunlad, makabuluhan, at matibay na kinabukasan para sa lahat.
Samantala, sina 𝐆. 𝐄𝐫𝐧𝐞𝐬𝐭𝐨 𝐌𝐚𝐫𝐟𝐢𝐥, 𝐂𝐃𝐎 𝐇𝐞𝐚𝐝, at 𝐆. 𝐆𝐞𝐧𝐚𝐫𝐨 𝐁. 𝐆𝐨𝐳𝐚𝐫𝐢𝐧 III, 𝐅𝐨𝐮𝐧𝐝𝐞𝐫, ay buong puso namang nagpahayag ng kanilang walang sawang suporta at matapat na paggabay. Ang kanilang presensya ay patunay na ang pamahalaan at komunidad ay kaagapay ng kabataan sa bawat hakbang tungo sa kaunlaran.
Sa pagtatapos ng programa ay matagumpay na nabuo ang bagong hanay ng mga opisyales ng Pederasyon na pinangungunahan ng nahalal na 𝐏𝐫𝐞𝐬𝐢𝐝𝐞𝐧𝐭𝐞 na si 𝐁𝐧𝐛. 𝐀𝐥𝐢𝐳𝐚 𝐑𝐨𝐲𝐚𝐥𝐞𝐬 𝐀𝐫𝐠𝐮𝐞𝐥𝐥𝐞𝐬 at ng 𝐁𝐨𝐚𝐫𝐝 𝐂𝐡𝐚𝐢𝐫𝐦𝐚𝐧 na si 𝐆. 𝐉𝐡𝐨𝐧 𝐌𝐞𝐝𝐞𝐥 𝐂𝐚𝐬𝐭𝐫𝐨, ang mga lider na magiging gabay ng kabataan tungo sa maayos at makabuluhang kinabukasan.
Simula pa lamang ito ng samahan ng kabataang pinagbuklod ng tapang at malasakit, na handang magsilbi at maging modelo gabay tungo sa mas makabuluhang Bagong Libnaman. Sa bawat hakbang ay kanilang isasabuhay ang dedikasyon, integridad, at malasakit sa kapwa at sa buong komunidad. Ang pagtitipong ito ay paalala na ang kabataan ang pag-asa ng bayan—mga lider na may puso, handang maglingkod, at mag-iwan ng pamana ng pagbabago para sa isang mas matibay, mas progresibo, at mas pinahusay na Libmanan.
-LIB'NAMAN
