BUGA Local Waterworks Association

BUGA Local Waterworks Association Buga Local Waterworks Association is a water provider and a non-profit organization at Brgy. Buga Leon, Iloilo.

19/05/2026

PUBLIC ADVISORY!

Ginapahibalo ang tanan nga miyembro/konsumidor sang BLWA nga magkinot sa paggamit sang aton tubig tungod mahina pa gid ang tubod sang aton mga awang nga ginakuhaan sang BLWA SOURCE. Ini isa ka tikang agud mapasiguro naton nga ang tanan nga konsumidor makagamit man sang nagakaigo suno sa ila kinahanglanon.

Amo ini ang pila ka mga Bulohaton agod makakini sa paggamit sang tubig:
1. Siguraduhon nga nasirado ang mga gripo pagkatapos ini gamiton.
2. Maggamit sang labador sa tagsa nga magpanghugas sang pinggan.
3. Likawan ang adlaw2 nga pagpamunyag sang inyo mga tanom.
4. Siguraduhon nga wala sang tagas ang inyo mga gripo kag pvc hose.
5. Magsalod sang tubig ulan agod magamit sa pagpamunyag kag iban pa.

Sa mga naapektuhan sang pagkini sang tubig, nagapangayo kami sang pag-intindi bangud ini tuga sang tiempo sang tagtingadlaw nga nagapahubas sang aton water source. Amon gid ginalauman ang inyo paghangop.

Madamo gid nga salamat.

24/04/2026

"PAHIBALO!"

Ang BUGA Local Waterworks Association magahiwat sang Annual General Assembly Meeting sa palaabuton nga Mayo 9, 2026, Sabado nga Adlaw, Ala Una (1PM) ang takna sa hapon, nga pagahiwaton sa Brgy. Buga Gymnasium.

Aton Paga-storyahan ang mga hagna nga dapat buhaton sa palaabuton nga proyekto kag pamatian ang mga reports nga igapaalinton sang aton General Manager kag Financial Report nga igapaathag sang aton Cashier.

Ginalauman gid ang inyo pag-ugyon kag pag-upod sa sini nga bulohaton. May igahatag nga mga kaayuhan sa mga miembro nga maga attend sa sini nga hilikuton.

Pahanumdom:

Ang Miembro nga wala sang attendance sa sining tuigan nga Gen. Assembly makabaton sang nagakaigo nga penalidad.

Madamo gid nga salamat sa inyo tanan.

"UTOD-LINYA"Agud mapasiguro ang padayon nga serbisyo sa tanan nga miyembro sang aton association nga nagapadayon sa pagb...
12/04/2026

"UTOD-LINYA"

Agud mapasiguro ang padayon nga serbisyo sa tanan nga miyembro sang aton association nga nagapadayon sa pagbayad ginpakamaayo ang pagpang-utod sang linya sang mga katapo nga wala makabayad sa gintalana nga petsa.

Ini isa ka tikang agod nga mangin patas ang paghatag sang tubig sa mga naga obligar nga magbayad.

Sa mga na-utdan sang linya, mahimo kamo makapakig-angot sa aton Gen. Manager Bryan Camarista ukon sa aton mga staff agod mabalik ang inyo linya ukon magmessage direkta sa aton page.

Padayun man nga ginapahanumduman ang tanan nga katapo nga mangin responsable sa paggamit sang tubig bangod sang nagahingabot nga tig-ilinit sa masunod nga mga binulan kag agod nga makakini kita sang tubig.

Madamo gid nga salamat sa inyo pagkooperar.

16/02/2026

Pahibalo!

Ang BLWA nagabaton na sang bayad sa aton Opisina diri sa Plaza sa Barangay. Sa tagsa ka Deadline, diri na batunon ang inyo mga bayad.

Madamo gid nga salamat.

Address

Leon
5026

Website

Alerts

Be the first to know and let us send you an email when BUGA Local Waterworks Association posts news and promotions. Your email address will not be used for any other purpose, and you can unsubscribe at any time.

Shortcuts

Share

Category