05/06/2026
π₯ππππ’π‘ ππ¨π§π§ππ‘π, ππππ¦π¦ππ‘π, ππ‘π π§π¨π₯π‘π’π©ππ₯ πππ₯ππ π’π‘π¬
Isang makabuluhang araw para sa Our Lady of Peace Hospital ang pormal na pagbubukas ng aming Hemodialysis Unit at sa Turnover Ceremony ng bagong Fixed X-Ray Machine na ipinagkaloob ng AY Foundation.
Higit pa sa mga bagong pasilidad at kagamitan, ang mga ito ay simbolo ng pag-asa para sa mga pasyenteng nangangailangan ng agarang at komprehensibong serbisyong pangkalusugan. Sa pamamagitan nito, mas marami tayong kababayang mabibigyan ng mas mabilis na diagnosis at paggamot nang hindi na kinakailangang bumiyahe o ma-refer sa mga ospital na malayo o hindi nila kayang tustusan.
Lubos ang aking pasasalamat sa AY Foundation para sa kanilang donasyon ng brand-new Fixed X-Ray Machine, sa CARD Inc. para sa kanilang malaking tulong sa pagpaparenovate ng Hemodialysis Unit, at sa lahat ng donors, sponsors, partners, at volunteers na naging instrumento upang maisakatuparan ang proyektong ito. Ang inyong kabutihang-loob ay direktang makatutulong sa pagliligtas ng buhay at pagpapabuti ng kalusugan ng ating mga kababayan.
Ako rin ay taos-pusong nagpapasalamat sa pagkilalang ibinigay sa akin bilang Medical Director ng ospital. Ang parangal na ito ay hindi lamang para sa akin kundi para sa buong OLPH family na araw-araw na nagsasakripisyo upang maihatid ang pinakamahusay na pangangalaga sa aming mga pasyente.
Ang tagumpay na ito ay nagpapatunay na kapag nagsama-sama ang mga taong may malasakit, ang mga dating pangarap ay nagiging realidad.
Maraming salamat sa lahat ng naging bahagi ng makasaysayang araw na ito. Patuloy tayong maglilingkod, magmamalasakit, at magbibigay ng pag-asa. π©΅