31/07/2026
https://web.facebook.com/share/p/1ErXhYzSdv/
2 KA EMPLEYADO SANG JANIUAY LGU, NGA NAG-INOM-INOM MISMO SA SULOD SANG MOTORPOOL SANG JANIUAY ILOILO, SANG NAGKALAHUBOG NAGPATA-AS TA-AS SUGID KUNG SINO TAYOG IHI, NAGTIROHAY, ISA UNTAY ANG TUHOD KAG SIKO NGA GINA DEXTROSE SUBONG SA HOSPITAL, ISA PRESO
Untay ang siko kag tuhod samtang ginadextrose nga padayon nga nagapaayo sa hospital ang isa ka 48-anyos nga lalaki nga empleyado sang Janiuay LGU, matapos tirohon sang iya kaupod sa trabaho sa munisipyo mga pasado las 7:30 sang gab-i, July 28, 2026 sa Brgy. Jibolo, Janiuay, Iloilo.
Ang biktima ang ginkilala kay Alyas Jonel, 48-anyos kag residente man sa Brgy. Jibolo, Janiuay, Iloilo.
Ang suspect ang ginkilala kay Alyas Pedring", 42-anyos, residente sang Brgy. Danao, Janiuay Iloilo.
Sa interview sang Zarraga News LIVE Station kay PCAPT. Randy Lambungan, Hepe sang Janiuay Municipal Police Station, iya ginpahayag nga magkaupod man lang nga nag-inom-inom sang makahulobog nga ilimnon ang biktima kag ang suspek upod kay Alyas Arke, sa sulod mismo sang Motorpool sang Janiuay LGU, sang nagkalahubog na, ginapahayag nagpataas-taas sugid ang mga ine, rason nga ila indi pag-intindihay kag nagsabtanay sang malain nga mga tinaga
Sang masingki na ang pagbinaylohanay sang mga tinaga sa isa kag isa, didto kag sang ulihi, ginapahayag magabot kontani sang iya armas luthang ang biktima nga si Alyas Jonel, apang naunahan sang gabot sang iya armas luthang sang suspek nga si Alyas Pedring kag tiniro ang biktima
Pilas igo sa iya tiyan si Jonel nga sa karon nagapabilin pa nga nagaburokol sa iya likod ang mga balinis sang bala nga gintiro sa iya, bangud wala nakalapos ang mga bala sang dedose nga armas luthang nga gintiro sa biktima
Preso na sa karon sa Janiuay PNP si Pedring kag ginahulat ang disposisyon kag desisyon sang biktima kung bala mapasaka ine sang kaso
