04/02/2026
Alhamdulillah.
Matagumpay na naisagawa ang World Hijab Day Awareness Activity na naglalayong palaganapin ang paggalang, dignidad, at pag-unawa sa kahalagahan ng hijab at sa pagkakaiba-iba ng kultura at paniniwala sa ating komunidad.
Lubos po ang aming pasasalamat sa mga resource speakers na nagbahagi ng kanilang kaalaman, karanasan, at pananaw—malaki ang naitulong ninyo sa pagpapalalim ng diskurso at kamalayan ng ating mga kabataan.
Taos-puso rin po naming pinasasalamatan ang Basilan National High School (BNHS) sa pangunguna ni Doc. Arnel Hajan, MSA sa pangunguna ni sir Arjan Ajibon, Resource Speakers: Ma’am Aradelria Belleng, Ma’am Jasmin Teodoro, Ma’am Mendry Ann Lim, Ustaza Haipa Abdulnunsi, Atty. Careema Abdulajid, mga g**o, at lalo’t higit ang mga estudyante sa kanilang aktibong pakikilahok. Sa kabila ng maikling abiso, nagawan pa rin po ng paraan na maisakatuparan ang aktibidad na ito—isang patunay ng malasakit at suporta sa adhikain ng World Hijab Day.
Bagama’t karamihan sa populasyon ng Basilan ay Muslim, aminado po tayo na hindi pa rin lubusang nawawala ang diskriminasyon, lalo na sa mga kabataan. Kaya mahalaga ang ganitong mga forum at dayalogo upang mas mapalawak ang kaalaman, mapalalim ang pag-unawa, at mapagtibay ang mapayapang pakikipamuhay sa kabila ng ating pagkakaiba.
Sama-sama nating ipagpatuloy ang pagsusulong ng pagkakaisa, respeto, at dignidad para sa lahat.
Photo courtesy of: City Information Office, Isabela City
