What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/700965396440718/

PTF Asia Foundation Inc. - Iriga, Sampaguita St., San Antonio Subd., San Roque, Iriga City, Iriga City (2026)

06/05/2026

Barangay Development Workshop Idinaos sa Sto. Niño, Iriga City

Sa loob ng tatlong araw, nagsama-sama ang iba’t ibang sektor ng Sto. Niño, Iriga City para sa Barangay Development Plan Workshop, ito ay isang makabuluhang hakbang tungo sa mas organisado at inklusibong pag-unlad.

Katuwang ang ating mga Barangay Officials at SK Chairperson, aktibong nakilahok ang mga kinatawan mula sa PWD, Senior Citizens, Farmers Association, SNTODA, CDW, Lupon, BHW, Kabataan, Solo Parent, Kababaihan, 4P’s at iba pang sektor upang maipahayag ang kanilang boses at ambag sa pagpaplano.

Sa gabay ng Byaheng Masarig Framework, mas pinagtibay ang diwa ng pagkakaisa at malasakit, tunay nga na kapag sama-sama, mas nagiging matibay ang pundasyon ng isang barangay.

Ang actibidad na ito ay naisakatuparan sa loob ng tatlong (3) araw na kumprehensibong pagsasanay mula ika-21 ng Abril hanggang ika-23 ng Abril, sa pagtutulungan ng PTF Asia Foundation, Inc. sa ilalim ng Bayanihan Governance Project, BLGU–Sto. Niño at ng mga representante ng mga Barangay Based Organization sa Sto. Niño.

Isang layunin, Isang direksyon, Bayanihan ang susi sa MASARIG at maunlad na kinabukasan!

16/04/2026

𝐂𝐁𝐒𝐔𝐀 𝐚𝐭 𝐏𝐓𝐅 𝐀𝐬𝐢𝐚 𝐅𝐨𝐮𝐧𝐝𝐚𝐭𝐢𝐨𝐧 𝐍𝐚𝐠𝐤𝐚𝐤𝐚𝐢𝐬𝐚 𝐬𝐚 𝐦𝐠𝐚 𝐏𝐫𝐨𝐠𝐫𝐚𝐦𝐚 𝐩𝐚𝐫𝐚 𝐬𝐚 𝐊𝐚𝐭𝐮𝐭𝐮𝐛𝐨𝐧𝐠 𝐊𝐨𝐦𝐮𝐧𝐢𝐝𝐚𝐝

Isang makabuluhang araw ang nasaksihan sa pagitan ng PTF Asia Foundation, Inc., sa pangunguna ng Pangulo nitong si Hector P. Crisostomo V, at ng CBSUA-RCIP sa pamumuno ng Pangulo ng CBSUA, Dr. Alberto N. Naperi, kasama ang kinatawan ng RCIP na si Dr. Jesusa Bibe-Taumotorgo, sa pamamagitan ng paglagda ng Memorandum of Agreement (MOA) noong Marso 23, 2026.

Layunin ng kasunduang ito ang pagsasanib-puwersa ng dalawang institusyon upang higit na mapaunlad ang komunidad, partikular na ang mga katutubong pamayanan (Indigenous Peoples). Sa pamamagitan ng MOA, inaasahang mas mapapalakas ang mga programa at inisyatiba na nakatuon sa edukasyon, kabuhayan, at pangkalahatang kaunlaran ng mga sektor na madalas na naiiwan sa lipunan.

Ang pagtutulungan ng PTFA at CBSUA-RCIP ay magsisilbing huwaran ng pakikipag-ugnayan sa pagitan ng akademya at mga organisasyong panlipunan. Ito ay patunay na sa pamamagitan ng kolektibong pagkilos, mas nagiging posible ang pagbuo ng mga proyektong may pangmatagalang epekto sa komunidad.

Bukod sa pagbibigay ng suporta sa mga katutubo, layunin din ng kasunduan na palakasin ang pananaliksik, pagsasanay, at pagbabahagi ng kaalaman upang makalikha ng mga makabagong solusyon sa mga hamon ng lipunan. Ang umuusbong na pakikipagtulungang ito ay nakikita bilang paraan upang higit pang palakasin ang mga inisyatiba ng partisipasyon sa komunidad sa pamamagitan ng pagpapatibay ng inklusibong mga gawain at paglikha ng makabuluhang mga programa na mag-aangat sa kabuhayan ng mga Katutubo.

16/04/2026

𝐅𝐫𝐨𝐦 𝐅𝐢𝐞𝐥𝐝𝐬 𝐭𝐨 𝐋𝐞𝐝𝐠𝐞𝐫𝐬: 𝐏𝐫𝐨𝐟𝐞𝐬𝐬𝐢𝐨𝐧𝐚𝐥𝐢𝐳𝐢𝐧𝐠 𝐋𝐨𝐜𝐚𝐥 𝐀𝐬𝐬𝐨𝐜𝐢𝐚𝐭𝐢𝐨𝐧𝐬 𝐢𝐧 𝐈𝐫𝐢𝐠𝐚

Transparency and accountability are built one entry at a time. On April 9, 10, and 13, 2026, leaders from the Saint Ralph Rice Farmers’ Association, Inc. (SRRFAI) and Aqua Farmers' Association (AFASNI) gathered at Biggs Diner for BILANG, a three-day intensive workshop focused on institutional financial management.

Under the Bayanihan Governance Project, the sessions followed a "Learning-by-Doing" approach. Instead of theoretical exercises, participants brought their actual organizational records to migrate into a formalized system.

The primary driver of this transition was the creation of a Chart of Accounts (COA). By establishing a standardized financial architecture, these associations are now moving away from informal record-keeping toward a professionalized ledger system. This technical foundation is critical not only for their daily operations but as a prerequisite for the release of their seed grants.

Throughout the program, participants mastered the mechanics of journaling, bank reconciliation, and internal oversight. These aren't just administrative tasks; they are the tools that ensure community resources are managed with integrity and precision.

As we conclude this capacity-building phase, these associations stand ready—equipped with the technical skills to sustain their growth and prove that sa tamang bilang, lahat ay may pakinabang.

16/04/2026

𝐃𝐚𝐠𝐝𝐚𝐠 𝐊𝐚𝐚𝐥𝐚𝐦𝐚𝐧, 𝐃𝐚𝐠𝐝𝐚𝐠 𝐊𝐚𝐛𝐮𝐡𝐚𝐲𝐚𝐧!

Ang puno ay mahalagang bahagi ng buhay ng tao—nagbibigay ito ng lilim, sariwang hangin, tirahan, at pagkain na sumusuporta sa pang-araw-araw na pamumuhay ng sangkatauhan. Kaugnay nito, isinagawa ang Plant Propagation Training sa Barangay Sto. Niño, Iriga City sa pangunguna ng PTF Asia Foundation, Inc. at sa pakikipagtulungan ng Sto. Niño Council. Pinangunahan ang aktibidad ng nag-iisang resource speaker na si Mr. Augusto Saldo, isang plant propagator mula sa Department of Agriculture.

Tampok sa programa ang makabuluhang talakayan at aktwal na pagsasanay sa iba’t ibang teknik ng pagpaparami ng halaman. Nagbigay ito sa mga kalahok ng dagdag na kaalaman at kasanayan na maaari nilang magamit hindi lamang sa pangkabuhayan, kundi pati na rin sa pangangalaga ng kalikasan.

16/04/2026

𝐔𝐫𝐛𝐚𝐧 𝐆𝐚𝐫𝐝𝐞𝐧𝐢𝐧𝐠 𝐁𝐢𝐥𝐚𝐧𝐠 𝐇𝐚𝐤𝐛𝐚𝐧𝐠 𝐬𝐚 𝐒𝐮𝐬𝐭𝐞𝐧𝐚𝐛𝐥𝐞𝐧𝐠 𝐀𝐠𝐫𝐢𝐤𝐮𝐥𝐭𝐮𝐫𝐚

Bilang tugon sa pangangailangang pang-agrikultura ng mga residente ng Perpetual Help, Iriga City, isinagawa ang Urban Gardening Training noong Abril 9, 2026. Ang programa ay isinakatuparan sa pakikipagtulungan ng Central Bicol State University of Agriculture sa pangunguna ni Engr. Abegail, kasama ang BLGU Perpetual Help, Parina Multi-Sector Association, RIC-Perpetual, at Mamuco Farmers.

Nagsimula ang pagsasanay sa maikling talakayan hinggil sa tamang paggamit ng espasyo sa pagtatanim, wastong pagpili ng lupang pagtataniman, at mga uri ng pananim na angkop sa kasalukuyang panahon. Sa hapon, nagkaroon ng praktikal na gawain kung saan aktibong nakibahagi ang mga kalahok sa paghahanda ng lupa, pagpili ng pananim, at aktwal na pagtatanim.

Sa harap ng kasalukuyang tagtuyot at kakulangan sa suplay ng tubig na dulot ng matinding init, itinuring ang training na ito bilang isang epektibong hakbang upang makapagtatag ng sustenableng gulayan kahit sa limitadong espasyo. Nagbigay ito ng kaalaman at kasanayan na makatutulong sa komunidad upang matiyak ang patuloy na pagkakaroon ng masustansyang pagkain at mapalakas ang seguridad sa pagkain.

16/04/2026

𝐁𝐋𝐆𝐔 𝐃𝐞𝐥 𝐑𝐨𝐬𝐚𝐫𝐢𝐨 𝐁𝐚𝐧𝐚𝐨, 𝐑𝐈𝐂-𝐁𝐚𝐧𝐚𝐨, 𝐚𝐭 𝐃𝐞𝐥 𝐑𝐨𝐬𝐚𝐫𝐢𝐨 𝐁𝐚𝐧𝐚𝐨 𝐅𝐚𝐫𝐦𝐞𝐫𝐬 𝐀𝐬𝐬𝐨𝐜𝐢𝐚𝐭𝐢𝐨𝐧, 𝐈𝐧𝐜. 𝐍𝐚𝐤𝐢𝐢𝐬𝐚 𝐬𝐚 𝐌𝐚𝐫𝐤𝐞𝐭𝐢𝐧𝐠 𝐒𝐭𝐫𝐚𝐭𝐞𝐠𝐢𝐞𝐬 𝐚𝐧𝐝 𝐏𝐫𝐨𝐝𝐮𝐜𝐭 𝐋𝐚𝐛𝐞𝐥𝐢𝐧𝐠 𝐓𝐫𝐚𝐢𝐧𝐢𝐧𝐠

Matagumpay na naisagawa ang training na may temang “Enhancing Local Enterprise Competitiveness through Marketing Strategy and Product Labeling Training” sa Barangay Del Rosario Banao, Iriga City noong Abril 7, 2026. Ang aktibidad ay isinakatuparan sa pakikipagtulungan ng Department of Trade and Industry (DTI) at sa kooperasyon ng BLGU Del Rosario Banao, Rural Improvement Club (RIC-Banao), at Del Rosario Banao Farmers Association, Inc.

Layunin ng pagsasanay na palakasin ang kakayahan ng mga lokal na negosyante at samahan sa larangan ng epektibong marketing at tamang product labeling. Sa pamamagitan nito, mas nagiging handa at kompetitibo ang kanilang mga produkto sa merkado, na nagbibigay ng mas malaking pagkakataon para sa paglago ng lokal na negosyo at kabuhayan.

Ang pagtutulungan ng iba’t ibang sektor—mula sa pamahalaang barangay, mga asosasyon, hanggang sa pambansang ahensya—ay malinaw na nagpapakita ng sama-samang adhikain tungo sa pag-unlad. Ang ganitong uri ng pagsasanay ay hindi lamang nakatuon sa pagpapalakas ng negosyo, kundi pati na rin sa pagbibigay ng kaalaman at kasanayan na makatutulong sa pangmatagalang kaunlaran ng komunidad.

16/04/2026

𝐉𝐨𝐢𝐧𝐭 𝐌𝐨𝐧𝐢𝐭𝐨𝐫𝐢𝐧𝐠 𝐚𝐧𝐝 𝐀𝐬𝐬𝐞𝐬𝐬𝐦𝐞𝐧𝐭 𝐌𝐞𝐜𝐡𝐚𝐧𝐢𝐬𝐦 𝐈𝐧𝐢𝐥𝐮𝐧𝐬𝐚𝐝
Sa unang pagkakataon ay nagsagawa ng Joint Monitoring and Assessment ang PTF Asia Foundation, Inc. sa tatlong pilot barangays—Del Rosario Banao, Perpetual Help, at San Isidro. Ang aktibidad na ito ay naglalayong masusing suriin ang naging epekto ng proyektong Bayanihan Governance sa pagpapalakas ng transparency, partisipasyon ng mamamayan, at maayos na pamamahala sa komunidad.

Pinangunahan ng Barangay Local Government Unit (BLGU) ng bawat barangay ang programa, na nagbigay-diin sa kanilang papel bilang pangunahing tagapagpatupad ng mabuting pamamahala. Dumalo rin ang iba’t ibang barangay-based organizations, mga business group, at civil society organizations (CSOs), na nagsilbing patunay ng aktibong pakikilahok ng iba’t ibang sektor ng lipunan.

Sa pamamagitan ng pagtitipon na ito, naging pagkakataon ang mga barangay upang magbahagi ng kanilang karanasan, hamon, at tagumpay sa pagpapatupad ng proyekto. Naging mahalaga rin ang talakayan upang tukuyin ang mga susunod na hakbang para lalo pang mapalakas ang ugnayan ng pamahalaan at mamamayan.

Ipinakita ng Joint Monitoring and Assessment na ang pagtutulungan ng lokal na pamahalaan at komunidad ay susi sa pagbuo ng mas maunlad, inklusibo, at transparent na barangay governance. Ang patuloy na pakikilahok ng iba’t ibang sektor ay nagbibigay ng pag-asa na mas magiging matatag ang pamamahala at mas magiging makabuluhan ang partisipasyon ng mamamayan sa mga desisyon para sa kanilang barangay.

02/03/2026

𝗣𝗮𝗴𝗽𝗮𝗽𝗮𝘁𝗶𝗯𝗮𝘆 𝗻𝗴 𝗣𝗮𝗺𝗮𝗺𝗮𝗵𝗮𝗹𝗮 𝘀𝗮 𝗣𝗮𝗻𝗮𝗻𝗮𝗹𝗮𝗽𝗶 𝗻𝗴 𝗺𝗴𝗮 𝗨𝗽𝗹𝗮𝗻𝗱 𝗔𝘀𝘀𝗼𝗰𝗶𝗮𝘁𝗶𝗼𝗻 𝘀𝗮 𝗟𝘂𝗻𝗴𝘀𝗼𝗱 𝗻𝗴 𝗜𝗿𝗶𝗴𝗮

Matagumpay na idinaos ang Inter-Association Financial Literacy and Management Training Workshop na may temang "KWENTA: Kasanayan sa Wastong Ebalwasyon sa Negosyo para sa Tapat na Asosasyon" noong ika-28 ng Pebrero, 2026, sa San Rafael Barangay Hall, Iriga City. Ang inisyatibong ito, sa ilalim ng Bayanihan Governance Project ng PTF Asia Foundation, Inc., ay naglalayong maliwanagan at lalong mapabuti ang sistema ng pananalapi ng apat na organisasyon: ang Saint Ralph Rice Farmers’ Association (SRRFA), Cristo Rey Rice Farmers’ Cooperative (CRRFC), Tadyong Tribal Farmers’ Association, and Ilawod Association of San Rafael.

Sa tulong ni Gng. Marian Beatrize Olaguer-Tabalos mula sa CSPC bilang Resource Speaker, ang pitumput isang (71) kalahok ay sumailalim sa mga hands-on "Laboratories" tungkol sa wastong bookkeeping at budgeting. Sa pamamagitan ng masusing pagsasanay, layon ng proyekto na masiguro ang sustenableng kinabukasan at matatag na ekonomiya para sa mga upland farmers ng lungsod ng Iriga.

Ang nasabing aktibidad ay pinangunahan ni Community Facilitator Dio Emmanuel Sadang sa pakikipagtulungan ng SRRFA. Naroon din upang magbigay ng suporta ang Project Manager Hector Crisostomo V at Assistant Project Manager Gladys Belmin Abad ng PTF Asia Foundation, Inc., Bayanihan Governance Project.

PTF Asia Foundation Inc. - Iriga

06/05/2026

16/04/2026

16/04/2026

16/04/2026

16/04/2026

16/04/2026

16/04/2026

02/03/2026

Address

Opening Hours

Website

Alerts

Shortcuts

Share

Category

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm