27/08/2026
Isip kabahin sa padayon nga paningkamot sa pagpugong sa dengue diri sa Initao, ang LGU Initao pinaagi sa RHU Initao personnel, uban sa mga barangay officials ug functionaries, naghiusa sa pagpahigayon ug simultaneous o pagdungan-dungan nga Search and Destroy Activity sa tanang 16 ka barangay.
Gisuroy ang matag purok aron pangitaon, mailhan, ug tangtangon ang mga posibleng breeding sites sa lamok sama sa mga sudlanan nga adunay natigom nga tubig, basura, ug uban pang lugar nga pwede managhan ang lamok.
Gipadayon usab ang fogging ug misting sa mga naapektuhan nga mga lugar isip kabahin sa atong mga lakang aron mapugngan ang dengue.
Kini nga kalihukan nagpakita nga ang dengue prevention dili lamang trabaho sa health workers. Kinahanglan ang kooperasyon sa matag barangay, matag pamilya, ug matag miyembro sa komunidad. Pinaagi sa regular nga pagpanglimpyo ug pagwagtang sa stagnant water, makatabang kita sa pagpaminos sa mga lugar nga mahimong breeding area sa lamok.
- Padayun sa pagpanglimpyo sa inyong dapit.
- Limpyohan kanunay ang inyong palibot.
- Ayaw pasagdi ang tubig nga magtigom.
- Siguraduon nga hapsay ang mga basura ug tangtanga ang mga butang nga mahimong sudlanan sa tubig.
- Susiha kanunay ang sulod ug gawas sa inyong panimalay.
Sa 16 ka barangay diri sa Initao nga nagkahiusa, mas lig-on ang atong depensa batok sa dengue. Padayon ta sa pagtinabangay, pagpanglimpyo, ug pag-amuma sa atong komunidad.
