19/12/2023
Story behind
Si Manong Wilson ay kasama sa mga butihing trabahador na bumuo ng paaralang GEANHS(Annex) sa Brgy. Pasong Buaya 2, Imus City, Cavite. Noong matapos gawin ang school last 2007, ang Engineer daw po ng school construction ay nakiusap kay Sir Samson (dati at unang OIC ng GEANHS-Annex) upang kupkupin si Manong Wilson. Doon na po nagumpisa na siya ay tumira sa loob ng paaralan. Sa pagstay niya po sa school, siya ay naging guard, utility, caretaker, kuya, manong, tatay at kung ano ano pa.
Ngayon na siya ay 65 years old na, ayun sa batas (Article 302 (287) of the Labor Code) considered as compulsory retirement na po ang edad na ito. Nabigyan po siya ng hanggang end of this year para makaalis na sa school. Subalit walang mapupuntahan si Manong Wilson dahil sa almost 17years niya na pagtira sa paaralan, wala siyang naging komunikasyon sa mga kamag anak niya.
Kahapon, December 18, ay naibahagi po sa Facebook ang balita na ito kung saan mabilis pong umabot sa mga dating estudyante ng GEANHS-Annex/GLTNHS. Dahil sa libo libong share ng post na iyon, nahanap po ang mga kamag anak ni Manong at nagcontact agad sa school. Kanina pong umaga ay personal pong nagpunta ang isa sa kapatid ni Manong at dalawa pa nilang kamag anak. Confirmed naman po na sila ay tunay na kamag anak dahil na rin sa pagbibigay nila ng kumpletong impormasyon. Bukod pa doon ay nakilala at naalala sila ni Manong. Napagpasyahan po na sasamahan nilang iuwi si Manong sa probinsiya.
Ngayong araw rin po sa tulong ng ating TEC President/SPTA Secretary at GPTA President ay naumpisahan na asikasuhin ang pagkuha ng Brgy ID niya na kakailanganin para sa pagbook at flight niya going home to Negros Occidental. Sila po ay lumapit na rin sa ating Barangay upang makahingi ng tulong na Balik Probinsya ng pamahalaan subalit hindi sasapat ang natitirang araw ng taon para eto ay maasikaso lalo pa at holiday season. But good news is, our beloved teachers will make sure na maibook ang ticket ni Manong for December 29. Sila po ay may direct contact na rin sa relatives ni manong.
Bilang pasasalamat ay nagset po ng simpleng salo salo para kay Manong sa December 26 2PM na gaganapin rin po sa paaralan. Potluck po ito para tayo ay may pagkaen na pagsasaluhan pero kung wala man po ang presensya niyo ay siguradong ikasisiya niya. Iniimbitahan ko po kayo na magpunta kung may pagkakataon sa araw na iyan.
Upang magkaroon ng pasimula si Manong sa panibagong buhay at panibagong taon, lubos po niya na ikagagalak ang kahit na magkanung cash donation para sa kanya. Maaari niyo itong iabot sa kanya sa araw na nabanggit(12/26/23) or isend sa akin at makakasigurado po kayo na makakarating ito sa palad niya. Send me a message po.
Kung may iba pa po kayong katanungan, magcomment lang po kayo sa post na ito. Maraming Salamat po.
