WVSU Balay Antiqueño

Directions

WVSU Balay Antiqueño Kruuhay! Amu dya ang page kang WVSU Balay Antiqueño, organisasyon kang mga Antiqueño sa WVSU

“𝐈𝐧𝐝𝐢 𝐥𝐚𝐧𝐠 𝐬𝐚𝐧𝐝𝐚 𝐦𝐠𝐚 𝐧𝐠𝐚𝐫𝐚𝐧 𝐬𝐚 𝐚𝐭𝐨𝐧 𝐤𝐚𝐬𝐚𝐲𝐬𝐚𝐲𝐚𝐧—𝐦𝐠𝐚 𝐤𝐚𝐛𝐮𝐡𝐢 𝐬𝐚𝐧𝐝𝐚 𝐧𝐠𝐚 𝐧𝐚𝐠𝐡𝐚𝐥𝐚𝐝 𝐩𝐚𝐫𝐚 𝐬𝐚 𝐚𝐭𝐨𝐧 𝐤𝐚𝐡𝐢𝐥𝐰𝐚𝐲𝐚𝐧.”Sa pagsaulog naton...
31/08/2026

“𝐈𝐧𝐝𝐢 𝐥𝐚𝐧𝐠 𝐬𝐚𝐧𝐝𝐚 𝐦𝐠𝐚 𝐧𝐠𝐚𝐫𝐚𝐧 𝐬𝐚 𝐚𝐭𝐨𝐧 𝐤𝐚𝐬𝐚𝐲𝐬𝐚𝐲𝐚𝐧—𝐦𝐠𝐚 𝐤𝐚𝐛𝐮𝐡𝐢 𝐬𝐚𝐧𝐝𝐚 𝐧𝐠𝐚 𝐧𝐚𝐠𝐡𝐚𝐥𝐚𝐝 𝐩𝐚𝐫𝐚 𝐬𝐚 𝐚𝐭𝐨𝐧 𝐤𝐚𝐡𝐢𝐥𝐰𝐚𝐲𝐚𝐧.”

Sa pagsaulog naton kang National Heroes Day, aton gid ginadumdum kag ginapasidunggan ang tanan nga mga Pilipino nga nagpakigbato, nagpanikasug, nag-antus, kag naghalad kang anda kabuhi para sa kahilwayan, katungdanan, kag dignidad kang aton pungsod.

Bilang mga Antiqueño, aton man ginadumdum ang aton mga katigulangan nga nangin kabahin kang pagpakigbato para sa kahilwayan. Sa mga nagligad nga henerasyon, duro nga mga Karay-a ang wara hadlok nga nagtugro kang anda kusog, kaisog, kag kabuhi para sa aton kalupaan kag para sa paraabuton kang mga masunod nga henerasyon.

Ang espiritu kang pagkabagani indi lamang makita sa mga nagpakigbato sa tyempo kang kagamo. Makita man dya sa mga ordinaryo nga Pilipino nga nagaserbisyo, nagabulig sa isigkatawo, nagaprotektar sa aton komunidad, kag nagahimo kang mayad para sa iban. Sa kada henerasyon, may mga tawo nga nagapili nga magserbisyo kag maghalad para sa kaaraydan kang tanan.

𝓚𝓻𝓾𝓱𝓪𝔂 𝓶𝓰𝓪 𝓑𝓪𝓰𝓪𝓷𝓲 𝓷𝓰𝓪 𝓚𝓪𝓻𝓪𝔂-𝓪!
𝓚𝓻𝓾𝓱𝓪𝔂 𝓶𝓰𝓪 𝓑𝓪𝓰𝓪𝓷𝓲 𝓴𝓪𝓷𝓰 𝓟𝓲𝓵𝓲𝓹𝓲𝓷𝓪𝓼!

𝐖𝐕𝐒𝐔 𝐁𝐚𝐥𝐚𝐲 𝐀𝐧𝐭𝐢𝐪𝐮𝐞ñ𝐨 𝐍𝐚𝐤𝐢𝐠𝐛𝐚𝐡𝐢𝐧 𝐬𝐚 𝐒𝐭𝐮𝐝𝐞𝐧𝐭 𝐋𝐞𝐚𝐝𝐞𝐫𝐬𝐡𝐢𝐩 𝐃𝐞𝐯𝐞𝐥𝐨𝐩𝐦𝐞𝐧𝐭 𝐏𝐫𝐨𝐠𝐫𝐚𝐦 𝟐𝟎𝟐𝟔Kang Agosto 27–29, 2026, nagpatigayon ang ...
30/08/2026

𝐖𝐕𝐒𝐔 𝐁𝐚𝐥𝐚𝐲 𝐀𝐧𝐭𝐢𝐪𝐮𝐞ñ𝐨 𝐍𝐚𝐤𝐢𝐠𝐛𝐚𝐡𝐢𝐧 𝐬𝐚 𝐒𝐭𝐮𝐝𝐞𝐧𝐭 𝐋𝐞𝐚𝐝𝐞𝐫𝐬𝐡𝐢𝐩 𝐃𝐞𝐯𝐞𝐥𝐨𝐩𝐦𝐞𝐧𝐭 𝐏𝐫𝐨𝐠𝐫𝐚𝐦 𝟐𝟎𝟐𝟔

Kang Agosto 27–29, 2026, nagpatigayon ang University Student Council kang Student Leadership Development Program (SLDP) 2026 nga may tema nga “Resilience: The Strength to Continue, The Vision to Advance.” Ang programa nagkuha inspirasyon sa Renaissance, tyempo nga nagasimbolo kang pagbag-o, pag-uswag, kag pagpatubas kang bag-o nga mga ideya.

Aktibo nga nagkig-imaw ang mga representante sang WVSU Balay Antiqueño sa amo nga programa, kun sa diin nagpartisipar sanda sa nagkalain-lain nga mga aktibidad kag diskusyon nga nagatuytoy sa pagpauswag kang anda mga ihibalo, abilidad, kag panan-aw bilang mga estudyante nga lider.

Ang SLDP 2026 nangin isara ka manami kag mapag-un nga kahigayunan para sa mga Taga-West nga mapabaskog ang anda liderato, makamaan halin sa mga eksperyensya kang iban, kag mas mangin preparado sa pag-atubang kang mga pagtiraw kag kabudlay sa sulod kag guwa kang unibersidad.

Paagi sa dya nga programa, ginpahanumdom sa aton nga ang matuod nga lider indi lamang amo ang nagapanguna, kundi amo man ang may kusog nga magpadayon, panan-aw nga mag-uswag, kag tagipusuon nga magserbisyo.

𝙋𝙖𝙙𝙖𝙮𝙤𝙣, 𝙏𝙖𝙜𝙖-𝙒𝙚𝙨𝙩! 𝙋𝙖𝙙𝙖𝙮𝙤𝙣, 𝙢𝙜𝙖 𝙡𝙞𝙙𝙚𝙧 𝙣𝙜𝙖 𝘼𝙣𝙩𝙞𝙦𝙪𝙚ñ𝙤!

𝙎𝙖 𝙩𝙪𝙣𝙜𝙖 𝙠𝙖𝙣𝙜 𝙢𝙜𝙖 𝙡𝙞𝙢𝙪𝙜 𝙠𝙖𝙜 𝙥𝙖𝙣𝙜𝙖𝙗𝙖𝙮, 𝙢𝙖𝙮 𝙧𝙪𝙜𝙮𝙖𝙣 𝙜𝙞𝙙 𝙣𝙜𝙖 𝙥𝙖𝙜𝙡𝙖𝙪𝙢 𝙣𝙜𝙖 𝙢𝙖𝙗𝙖𝙩𝙞𝙖𝙣 𝙖𝙣𝙜 𝙩𝙖𝙜𝙨𝙖 𝙠𝙖 𝙚𝙨𝙩𝙪𝙙𝙮𝙖𝙣𝙩𝙚.Ang WVSU Balay Ant...
22/08/2026

𝙎𝙖 𝙩𝙪𝙣𝙜𝙖 𝙠𝙖𝙣𝙜 𝙢𝙜𝙖 𝙡𝙞𝙢𝙪𝙜 𝙠𝙖𝙜 𝙥𝙖𝙣𝙜𝙖𝙗𝙖𝙮, 𝙢𝙖𝙮 𝙧𝙪𝙜𝙮𝙖𝙣 𝙜𝙞𝙙 𝙣𝙜𝙖 𝙥𝙖𝙜𝙡𝙖𝙪𝙢 𝙣𝙜𝙖 𝙢𝙖𝙗𝙖𝙩𝙞𝙖𝙣 𝙖𝙣𝙜 𝙩𝙖𝙜𝙨𝙖 𝙠𝙖 𝙚𝙨𝙩𝙪𝙙𝙮𝙖𝙣𝙩𝙚.

Ang WVSU Balay Antiueno aktibo nga nagtambong kag nakigbahin sa KAATHAGAN 2026, nga may tema nga “From Conversations to Shared Resonance”, nga ginpatigayon kag organisar kang University Student Council kahapon, Agosto 20.

Isa dya ka lugar kag tion sa paghinun-anay, pagpamati, kag pagpaambit kang mga kabalaka kag pangabay kang mga estudyante parte sa aton pag-eskwela, pasilidad, kag iban pa nga mga pagsulundan nga aton ginaatubang sa unibersidad.

Indi lamang dya basta pagtiriripon, isa dya ka higayon nga ang limug kang estudyante mabatian, mangin kabahin kang paghinun-anay, kag mangin dalan padulong sa pagbag-o. Kay kun ang mga tinaga ginapamati-an kag ang mga pangabay ginahatagan kang lugar, mas mangin mabaskog ang aton paghi-usa para sa mas manami kag produktibo nga West Visayas State University.

𝙇𝙞𝙢𝙪𝙜 𝙩𝙖. 𝙋𝙖𝙣𝙜𝙖𝙗𝙖𝙮 𝙩𝙖. 𝙆𝙖𝙖𝙩𝙝𝙖𝙜𝙖𝙣 𝙩𝙖.
𝙋𝙖𝙧𝙖 𝙨𝙖 𝙩𝙖𝙜𝙨𝙖 𝙠𝙖 𝙚𝙨𝙩𝙪𝙙𝙮𝙖𝙣𝙩𝙚, 𝙥𝙖𝙧𝙖 𝙨𝙖 𝙖𝙩𝙤𝙣 𝙩𝙖𝙣𝙖𝙣.



𝑺𝒂 𝑾𝑬𝑺𝑻𝒊𝒗𝒂𝒍 2026, 𝒏𝒂𝒈 𝒖𝒓𝒖𝒑𝒐𝒅 𝒌𝒊𝒕𝒂!Isa gid ka matahum kag indi malipatan nga eksperyensya ang pagkigbahin kang WVSU Balay...
11/08/2026

𝑺𝒂 𝑾𝑬𝑺𝑻𝒊𝒗𝒂𝒍 2026, 𝒏𝒂𝒈 𝒖𝒓𝒖𝒑𝒐𝒅 𝒌𝒊𝒕𝒂!

Isa gid ka matahum kag indi malipatan nga eksperyensya ang pagkigbahin kang WVSU Balay Antiqueño sa WESTival 2026!

Indi lang dya parte kang pagpakita kang aton kultura kag pagka-Antiqueño, kundi isa man dya ka bahul nga kahigayunan nga makilala, makaistorya, kag makig-imaw sa aton mga kasimanwa nga Taga-West.

Sa tagsa ka bisita, istorya, yuhom, kag pagtiriripon sa aton booth, mas nabatyagan naton nga bisan diin kita halin sa Antique, may rugya gid kita kang isa ka lugar nga matawag naton nga balay sa WVSU.

𝑷𝒂𝒅𝒂𝒚𝒐𝒏, 𝒎𝒈𝒂 𝒌𝒂𝒔𝒊𝒎𝒂𝒏𝒘𝒂!

Ang iban naton nga produkto kag mga butang nga ginfeature sa aton booth halin sa Dear Objects Art Studio bilang aton partner exhibitor. Duro gid nga salamat!

𝑩𝒂𝒏𝒈𝒐𝒏 𝒓𝒖𝒏 𝒌𝒂𝒈 𝒎𝒂𝒈-𝒆𝒔𝒌𝒘𝒆𝒍𝒂, 𝒖𝒏𝒂 𝒏𝒈𝒂 𝒂𝒅𝒍𝒂𝒘 𝒌𝒂𝒏𝒈 𝒔𝒄𝒉𝒐𝒐𝒍 𝒚𝒆𝒂𝒓 '𝟔–𝟕'!Ang bag-o nga tuig pang-eskwela nagadara kang bag-o nga...
02/08/2026

𝑩𝒂𝒏𝒈𝒐𝒏 𝒓𝒖𝒏 𝒌𝒂𝒈 𝒎𝒂𝒈-𝒆𝒔𝒌𝒘𝒆𝒍𝒂, 𝒖𝒏𝒂 𝒏𝒈𝒂 𝒂𝒅𝒍𝒂𝒘 𝒌𝒂𝒏𝒈 𝒔𝒄𝒉𝒐𝒐𝒍 𝒚𝒆𝒂𝒓 '𝟔–𝟕'!

Ang bag-o nga tuig pang-eskwela nagadara kang bag-o nga mga oportunidad, bag-o nga mga eksperyensya, kag bag-o nga mga handum nga pagatinguhaan lab-uton. Samtang nagasugod kita sa panibag-o naman tuig, kabay pa nga padayon natun nga dal-on ang kabakod kang buot, determinasyon, kag bugal nga nagapaila sa kada Antiqueño.

Sa kada leksyon nga atun matun-an, sa kada buluhaton nga atun pagatumanon, kag sa kada pagtiraw nga atun maatubang, kabay pa nga padayon kita nga magpangabudlay, magtiniripon, kag magtinguha agud maabot ang atun mga handum. Kabay pa ini mangin tuig kang pagpakita kang atun mga abilidad kag pagserbisyo sa atun komunidad.

Bisan diin kita dal-on kang ini nga semestre, kabay pa nga padayon kita nga magbinuligay, magsuportahay, kag halungan ang atun pinanubli nga kultura, samtang ginahimo natun ang Balay Antiqueño nga isa ka puluy-an sa rayu kang atun probinsya.

Para sa bag-o nga sugod kag isa ka tuig nga buta kang paglambo, serbisyo, kag kadalag-an.

𝑴𝒂𝒔𝒂𝒓𝒂𝒏𝒈𝒂𝒏 𝒎𝒐, 𝒑𝒂𝒅𝒂𝒚𝒐𝒏 𝒍𝒂𝒏𝒈, 𝑨𝒏𝒕𝒊𝒒𝒖𝒆ñ𝒐!

🖼️ Althea Marie Esmalde
✍🏻 Justin Elgaran


𝟏,𝟐,𝟑... 𝑩𝒂𝒍𝒊𝒌 𝒏𝒂 𝒔𝒂 𝑺𝒚𝒖𝒅𝒂𝒅 𝒌𝒂𝒏𝒈 𝑰𝒍𝒐𝒊𝒍𝒐!Nakabalik run bala ang atun mga Antiqueño nga taga-West? Isa na lamang ka adlaw ...
02/08/2026

𝟏,𝟐,𝟑... 𝑩𝒂𝒍𝒊𝒌 𝒏𝒂 𝒔𝒂 𝑺𝒚𝒖𝒅𝒂𝒅 𝒌𝒂𝒏𝒈 𝑰𝒍𝒐𝒊𝒍𝒐!

Nakabalik run bala ang atun mga Antiqueño nga taga-West? Isa na lamang ka adlaw antes mag-abri ang bag-o nga tuig pang-eskwela. Ini naman nga kahigayunan agud magtuon, maglambo, kag magtubo pa bilang mga estudyante kag mga lider.

Sa pagsugod kang bag-o nga panid kang atun pagtuon, kabay pa nga mangin buta ini kang bag-o nga mga tinun-an, madinalag-on nga mga tinutuyo, kag mga makahuluganon nga eksperyensya. Padayon nga magtinabangay, magbinuligay, kag magpangabudlay agud malab-ot ang atun mga handum.

Maayo nga pag-abot sa syudad, kag kabay pa nga mangin mabinungahon kag madinalag-on ang bug-os nga tuig pang-eskwela 2026-2027.

𝑷𝒂𝒅𝒂𝒚𝒐𝒏, 𝑩𝒂𝒍𝒂𝒚 𝑨𝒏𝒕𝒊𝒒𝒖𝒆ñ𝒐!

🖼️ Althea Marie Esmalde
✍🏻 Justin Elgaran


𝑷𝒂𝒈𝒍𝒂𝒎𝒃𝒐 𝒌𝒂𝒏𝒈 𝒎𝒈𝒂 𝑲𝒐𝒎𝒊𝒕𝒆 𝑷𝒂𝒅𝒖𝒍𝒐𝒏𝒈 𝒔𝒂 𝑴𝒂𝒔 𝑴𝒂𝒃𝒂𝒔𝒌𝒐𝒈 𝒏𝒈𝒂 𝑩𝒂𝒍𝒂𝒚 𝑨𝒏𝒕𝒊𝒒𝒖𝒆ñ𝒐Sang nagligad nga Hulyo 23, nakibahin ang WVSU Bala...
01/08/2026

𝑷𝒂𝒈𝒍𝒂𝒎𝒃𝒐 𝒌𝒂𝒏𝒈 𝒎𝒈𝒂 𝑲𝒐𝒎𝒊𝒕𝒆 𝑷𝒂𝒅𝒖𝒍𝒐𝒏𝒈 𝒔𝒂 𝑴𝒂𝒔 𝑴𝒂𝒃𝒂𝒔𝒌𝒐𝒈 𝒏𝒈𝒂 𝑩𝒂𝒍𝒂𝒚 𝑨𝒏𝒕𝒊𝒒𝒖𝒆ñ𝒐

Sang nagligad nga Hulyo 23, nakibahin ang WVSU Balay Antiqueño sa Project CORE: Committee Optimization for Resource Enhancement nga ginpatigayon kang University Student Council.

Nasentro ang proyekto sa pagpalig-on kang mga komite, kaangay kang Komite kang Tiglikum kag Komite kang Disenyo kag Publisidad, lakip man ang pag-asikaso kag pagproseso kang mga permit, agud mapabakod ang andang mga operasyon kag mapauswag ang pagtuman kang andang mga katungdanan.

Nangin isa ini ka bahul nga kahigayunan para sa Balay Antiqueño nga mapalambo ang kapasidad kang mga lider kag mga miyembro, mapabakod ang pagbinuligay, kag mapatuman ang bisyon kang organisasyon padulong sa mas mabaskog, mas episyente, kag mas progresibo nga Balay Antiqueño.

𝑷𝒂𝒅𝒂𝒚𝒐𝒏 𝒏𝒈𝒂 𝒎𝒂𝒈𝒃𝒊𝒏𝒖𝒍𝒊𝒈𝒂𝒚, 𝒎𝒂𝒈𝒕𝒊𝒏𝒊𝒓𝒊𝒑𝒐𝒏, 𝒌𝒂𝒈 𝒑𝒂𝒃𝒂𝒔𝒌𝒖𝒈𝒐𝒏 𝒂𝒏𝒈 𝒂𝒕𝒖𝒏 𝑩𝒂𝒍𝒂𝒚!

🖼️ Daniella Dayrit
✍🏻 Justin Elgaran


𝐁𝐀𝐋𝐀𝐘 𝐊𝐀𝐍𝐆 𝐏𝐀𝐆𝐋𝐀𝐔𝐌: 𝐈𝐊𝐀𝐓𝐀𝐓𝐋𝐎 𝐊𝐀 𝐓𝐔𝐈𝐆 𝐍𝐆𝐀 𝐏𝐀𝐆𝐏𝐔𝐑𝐒𝐈𝐆𝐈 𝐊𝐀𝐆 𝐏𝐀𝐆𝐓𝐈𝐍𝐆𝐔𝐇𝐀Dungan kang paraabuton nga pagbukas kang klase sa ika-...
24/07/2026

𝐁𝐀𝐋𝐀𝐘 𝐊𝐀𝐍𝐆 𝐏𝐀𝐆𝐋𝐀𝐔𝐌: 𝐈𝐊𝐀𝐓𝐀𝐓𝐋𝐎 𝐊𝐀 𝐓𝐔𝐈𝐆 𝐍𝐆𝐀 𝐏𝐀𝐆𝐏𝐔𝐑𝐒𝐈𝐆𝐈 𝐊𝐀𝐆 𝐏𝐀𝐆𝐓𝐈𝐍𝐆𝐔𝐇𝐀

Dungan kang paraabuton nga pagbukas kang klase sa ika-3 kang Agosto, aton man panginbulahan ang ikatatlo nga tuig kang WVSU Balay Antiqueño!

Imaw na kadya, ang samo ka mga daan kag bag-o nga tsura nga magaserbisyo para sa mga estudyante nga Antiqueño sa unibersidad. Tanda ang mapadayon kag magapauswag sa mga naumpisahan run, para sa buwas-damlag kang kada Antiqueño kag kang aton organisasyon.

𝑺𝒂 𝒈𝒊𝒉𝒂𝒑𝒐𝒏, 𝒎𝒂𝒈 𝒊𝒓𝒊𝒓𝒊𝒎𝒂𝒘 𝒌𝒂𝒈 𝒎𝒂𝒈𝒕𝒊𝒓𝒊𝒏𝒈𝒃𝒂𝒏𝒂𝒚 𝒌𝒊𝒕𝒂!

🖼️ Justin Elgaran
✍🏻 Deff Constantine Pandan


🎶𝓚𝓻𝓾𝓱𝓪𝔂 𝓚𝓪𝓽𝓪𝓱𝓾𝓶 𝓴𝓪𝓷𝓰 𝓐𝓷𝓽𝓲𝓺𝓾𝓮, 𝓚𝓻𝓾𝓱𝓪𝔂 𝓱𝓪𝓵𝓲𝓷 𝓼𝓪 𝓢𝓾𝓻 𝓱𝓪𝓼𝓽𝓪 𝓝𝓸𝓻𝓽𝓮.🎶Ikaw bala 𝐭𝐚𝐠𝐚-𝐀𝐧𝐭𝐢𝐪𝐮𝐞 nga gusto makilala imo mga kasiman...
20/07/2026

🎶𝓚𝓻𝓾𝓱𝓪𝔂 𝓚𝓪𝓽𝓪𝓱𝓾𝓶 𝓴𝓪𝓷𝓰 𝓐𝓷𝓽𝓲𝓺𝓾𝓮, 𝓚𝓻𝓾𝓱𝓪𝔂 𝓱𝓪𝓵𝓲𝓷 𝓼𝓪 𝓢𝓾𝓻 𝓱𝓪𝓼𝓽𝓪 𝓝𝓸𝓻𝓽𝓮.🎶

Ikaw bala 𝐭𝐚𝐠𝐚-𝐀𝐧𝐭𝐢𝐪𝐮𝐞 nga gusto makilala imo mga kasimanwa sa sulod kang 𝗪𝗲𝘀𝘁 𝗩𝗶𝘀𝗮𝘆𝗮𝘀 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆?

Dali kag mag intra sa atun organisasyon, ang 🌾𝐖𝐕𝐒𝐔 𝐁𝐚𝐥𝐚𝐲 𝐀𝐧𝐭𝐢𝐪𝐮𝐞ñ𝐨🌾. Kabahin kaw kang organisasyon nga nagapadayon kang aton kultura, tradisyon, kag pagbinuligau.

Halin man ikaw sa pinakauna nga baranggay sa Sur hasta sa pinaka punta nga purok sa Norte, iririmaw kita kag mag buruyluganay sa aton balay.

Bukas na ang Membership form para sa mga gusto maging opisyal nga miyembro kang Balay. Atun gid dya!

I-scan ang qr code ukon i-click ang link sa idalum:

https://forms.gle/pysiG7K2QPa9M87XA
https://forms.gle/pysiG7K2QPa9M87XA
https://forms.gle/pysiG7K2QPa9M87XA

Kruhay Kasimanwa! Kitaay kita sa 𝐖𝐕𝐒𝐔 𝐁𝐚𝐥𝐚𝐲 𝐀𝐧𝐭𝐢𝐪𝐮𝐞ñ𝐨!✨

🖼️ Genise Nixen Salazar
✍🏻 Khia Rosety Mae Rangas



𝟒𝟎 𝐤𝐚 𝐓𝐮𝐢𝐠 𝐤𝐚𝐧𝐠 𝐊𝐚𝐢𝐬𝐮𝐠Kadya nga adlaw, Pebrero 11, ginadumdom natun ang kaisug kag 'selfless' service ni Governor Evelio...
11/02/2026

𝟒𝟎 𝐤𝐚 𝐓𝐮𝐢𝐠 𝐤𝐚𝐧𝐠 𝐊𝐚𝐢𝐬𝐮𝐠

Kadya nga adlaw, Pebrero 11, ginadumdom natun ang kaisug kag 'selfless' service ni Governor Evelio 'Beloy' Javier. Nahibaluan naton nga ang tion kang Martial Law sa tiempo ni Marcos Sr. Isara ka madulom nga panahon hindi lamang sa mga Antiqueño, kundi sa tagsa-tagsa ka mga Pilipino. Gani ang pagpanikusug kag pagbato ni Beloy batok sa mapinaguson nga administrasyon-militar nangin mitsa kang kasanag para ma-angkon naton ang katarungan kag kahilwayan nga ginpamana kanaton kang mga bagani kang aton pungsod.

Bilang mga Taga-West sa WVSU Balay Antiqueño, aton dumdumon ang sangka lider nga wara nag-isol sa pagpangapin sa demokrasya. Ang anang mabinungahon nga kabuhi nagapabilin nga sulngan natun sa pag-alagad nga matarong, may integridad, kag paghigugma sa bug-os nga Pilipinas. Bisan pa sa tunga kang mga hitabo nga nagapalibot sa aton pungsod, mangin kaangay kita ni Beloy, nga hasta sa urihi, wara guid naduraan ka paglaum nga makita ang probinsya, ilabi ron guid ang Pilipinas, nga makita ang bug-os nga kapawa kang adlaw.

Indi gid malipat! Indi gid magpabaya! Sa ika-40 nga tuig kang anang pagkamartir, padayon natun nga igakabuhi ang anang handum bilang katapo kang isara ka demokratiko nga katilingban.


Address

Iloilo City
5000

Website

Alerts

Be the first to know and let us send you an email when WVSU Balay Antiqueño posts news and promotions. Your email address will not be used for any other purpose, and you can unsubscribe at any time.

Shortcuts

Share

Category