19/06/2026
πππππ πππππππππππ: ππππππ ππππππππ ππ ππππππ
Para sa madamo nga estudyante, ang kolehiyo isa ka dalan nga puno sang pangarap, pero puno man sang mga pagsakripisyo.
Para kay Maria Lorien S. Tondag sang Brgy. Sta. Filomena, Arevalo, ang pagtuon para mangin isa ka Licensed Professional Teacher wala gid nangin madali. Sa tunga sang mga gastuhanon kag mga responsibilidad, isa ka butang ang naghatag sa iya sang kusog nga magpadayon: ang USWAG Scholarship Program.
βAng USWAG Scholarship Program nangin dako gid nga sandigan sa akon pag-eskwela kag nagbawas sang dako nga palas-anon sa akon iloy,β she shared.
Pero para kay Lorien, ang USWAG indi lang scholarship.
Paagi sa mga seminars, trainings, kag learning sessions nga ginahatag sang programa, mas nagdako ang iya confidence, leadership skills, kag sense of responsibility. Natun-an niya kon paano mangin epektibo nga lider, mag-manage sang responsibilidad, kag magplano para sa iya palaabuton.
Sa kada seminar nga iya gin-attendan kag sa kada oportunidad nga iya nabaton, mas nagbakod ang iya pagtuo nga ang edukasyon indi lang para sa kaugalingon, kundi para man sa pagserbisyo sa iban.
Subong, padayon siya nga nagapangandam para sa iya handum nga mangin isa ka maestra nga magahatag inspirasyon sa sunod nga henerasyon sang mga kabataan.
Ang iya istorya isa ka pamatuod nga kon may suporta kag oportunidad, mas nagalapit ang mga handum nga daw imposible sang una.
Sa padayon nga pagpalapnag sang kahigayunan pinaagi sa USWAG Scholarship Program, mas madamo pa nga kabataan ang ginahatagan sang tsansa nga mag-eskwela, magtuon, kag maghanda para sa mas maayong buwas.
Padayon lang, Lorien. Ang taytay nga imo ginatabok subong padulong sa isa ka palaabuton nga puno sang paglaum kag serbisyo.
