15/09/2025
๐๐๐ฅ๐๐ ๐๐๐ข๐๐๐ข ๐ก๐๐๐๐๐ง๐๐ ๐ฌ๐จ๐๐ข๐ ๐๐๐ ๐ฃ๐๐-๐จ๐๐๐๐๐ ๐ฆ๐ ๐ ๐๐ ๐ฆ๐๐ก๐๐ข๐ฅ ๐๐๐ง๐๐ญ๐๐ก ๐ฆ๐ ๐ฆ๐ง๐. ๐๐๐ฅ๐๐๐ฅ๐
Hindi matakos ang kalipay sang mga katigulangan sang Barangay Tagsing kag Buyo sa banwa sang Sta. Barbara, Iloilo sang ila nabaton ang nanarisari nga mga regalo halin sa nagkalain-lain nga mga organisasyon sang ginhiwat nga Pag-Balikid: A Special Gift for Our Seniors sang nagligad nga Setyembre 14,2025 sa Brgy. Buyo Covered Gym.
Ang DAR Employees' Association sang Iloilo nagpaambit sang masobra sa 200 ka mga grocery packs sa mga senior citizens sang nasambit nga mga barangay.
Magluwas sa grocery, nakabaton man ang mga partisipante sang mga bayo, toiletries, antipara kag bugas.
Kaupod man sa amo nga aktibidad ang Council of Empowered Ladies International (CELI), World Peace Committee (WPC), Global Academy for Human Excellence (GAHE), World Peace Union Organization (WPUO), Philippine Coast Guard, Catholic Women's League, YWCA Iloilo, MHEL Air Condition Refrigeration Supply and Services, Direk Rajs Gange, kag Student Council sang St. Therese- MTC Colleges.
Nangin masadya ang amo nga programa tungod sa ginpreparar nga pahampang sang mga miyembro sang organisasyon kag nagpakita man sang ila abilidad sa pagkanta ang mga tumalambong.
Ang amo nga aktibidad naghatag oportunidad sa aton mga senior citizens nga magsinadya kag magtipon-tipon kaupod ang ila mga kaabyanan. Ini nagapakita man sang padayon nga pagulikid sa mga katigulangan kag pag-apresyar sang ila nahimuan sa komunidad.
