13/06/2026
Congratz Po Mayor
https://www.facebook.com/share/p/1Fpodfmeft/?mibextid=wwXIfr
Dako ug kinasingkasing nga pag Congratulate kang Mayor Manuel “Linlin” R. Villahermosa sa pagkasulod isip Top 3 Performing Mayor sa Leyte sa 2025 Governance and Participation Index (GPI) Year-End Report, nga adunay marka nga 91.80%, sumala sa pagtimbang ug pagtuon nga gihimo sa Visayas Social Pulse ug Transparency Good Governance and Accountability.
Kini nga dungog usa ka mahinungdanong pagpamatuod sa epektibo nga liderato, maayong pangagamhanan, ug sa padayon nga pagpalig-on sa partisipasyon sa katawhan sa mga programa ug kalihokan sa lokal nga pangagamhanan. Nagpakita usab kini nga ang tingog sa mga lumulupyo sa Hilongos adunay dakong papel sa pagtukod sa usa ka mas lig-on, transparent, ug responsableng serbisyo publiko.
Ubos sa liderato ni Mayor Linlin Villahermosa ug sa bug-os nga suporta sa Bise Mayor Albert R. Villahermosa, sa Sangguniang Bayan, mga barangay officials, department heads, kawani sa munisipyo, mga organisasyon, ug sa matag Hilongosnon, nagpadayon ang Hilongos sa pag-angkon og mga kalampusan nga nagdala og dungog sa tibuok lungsod.
Kining pagkaila dili lamang usa ka personal nga kalampusan sa usa ka lider, kondili usa ka kolektibong kadaugan sa tanang sektor nga nagtinabangay alang sa kaayohan sa komunidad. Magpadayon kita sa paghiusa ug pagpaningkamot aron mas mapalambo pa ang kalidad sa serbisyo ug kinabuhi sa matag Hilongosnon.
Congratulations, Mayor Manuel “Linlin” R. Villahermosa! Ang imong dedikasyon ug matinud-anong pag-alagad nagpadayon nga inspirasyon ug garbo sa katawhan sa Hilongos.
Source and Photo Credit: Transparency Good Governance and Accountability Advocate
