https://www.facebook.com/107010804440119/

SPNHS Samahan ng Mag-aaral sa Filipino - JHS at SHS, Hagonoy (2026)

06/10/2025

Maligayang Araw ng mga G**o, Gng. Ruth Anne G. Solis! 🌷

Isang taos-pusong pagpupugay sa butihing tagapayo ng Samahan ng mga Mag-Aaral sa Filipino. Isang huwarang g**o na patuloy na gumagabay, nagtuturo, at nagbibigay-inspirasyon sa kaniyang mga mag-aaral. Tunay po kayong ehemplo ng dedikasyon, malasakit, at pagmamahal sa wikang Filipino. 🇵🇭

Maraming salamat po sa inyong walang sawang paggabay at pagtitiwala. Nawa’y patuloy kayong biyayaan ng kalakasan, karunungan, at sigla sa inyong dakilang tungkulin. Muli, isang pagbati ng Maligayang Araw ng mga G**o! 👩‍🏫✨

29/09/2025

✨ 𝙋𝙖𝙜𝙜𝙪𝙣𝙞𝙩𝙖. 𝙋𝙖𝙜𝙥𝙖𝙥𝙖𝙝𝙖𝙡𝙖𝙜𝙖. 𝙋𝙖𝙜𝙙𝙞𝙧𝙞𝙬𝙖𝙣𝙜. ✨

𝗗𝗮𝗹𝗮𝘄𝗮𝗺𝗽𝘂’𝘁 𝘄𝗮𝗹𝗼𝗻𝗴 𝘁𝗮𝗼𝗻 ng pagtuturo, paghubog, at pag-asa— ito ang pamana ng San Pedro National High School. Sa loob ng mga taong ito, nananatiling matatag ang haligi ng kaalaman dahil sa walang sawang paglilingkod ng mga g**o, pinuno, at kawani na patuloy na naghahandog ng kanilang talino at puso sa paaralan.

Mula noon hanggang ngayon, ang kanilang serbisyo ang nagsilbing ilaw at gabay ng bawat mag-aaral— mula sa unang henerasyon hanggang sa kasalukuyan. Sa kanilang pamumuno at dedikasyon, patuloy na naihahatid ang kaalaman at mga aral na nagbibigay direksyon at pumapanday sa kabataan.

Habang ating ginugunita ang ika-28 anibersaryo ng pagtatag, nawa’y manatili tayong tapat sa adhikain ng edukasyon— ang magbigay ng ilaw, direksyon, at pag-asa para sa mas maliwanag na bukas.

𝘔𝘢𝘣𝘶𝘩𝘢𝘺 𝘢𝘯𝘨 𝙎𝙖𝙣 𝙋𝙚𝙙𝙧𝙤 𝙉𝙖𝙩𝙞𝙤𝙣𝙖𝙡 𝙃𝙞𝙜𝙝 𝙎𝙘𝙝𝙤𝙤𝙡 𝘢𝘵 𝘢𝘯𝘨 𝘭𝘢𝘩𝘢𝘵 𝘯𝘨 𝘯𝘢𝘨𝘪𝘯𝘨 𝘬𝘢𝘵𝘶𝘸𝘢𝘯𝘨 𝘴𝘢 𝘥𝘢𝘭𝘢𝘸𝘢𝘮𝘱𝘶’𝘵 𝘸𝘢𝘭𝘰𝘯𝘨 𝘵𝘢𝘰𝘯𝘨 𝘱𝘢𝘨𝘭𝘪𝘭𝘪𝘯𝘨𝘬𝘰𝘥 𝘢𝘵 𝘬𝘢𝘩𝘶𝘴𝘢𝘺𝘢𝘯! 🎉

28/09/2025

KAKANIN FESTIVAL
PARA KINA MA'AM AT SIR!

__

Mula sa puso ng SSLG,
School Clubs, mga sponsors, at
Moral Recovery Program Church
tungo sa ating mga minamahal na g**o!

Bukas, mula 11:00 ng umaga ay maglulunsad ang Supreme Secondary Learner Government ng booth na magtatampok ng iba't ibang uri ng kakanin sa ating mga g**ong walang sawang nagbibigay dunong sa atin!

Sa pamamagitan ng ating Kakanin Festival at pamatid uhaw, hatid po namin ang parangal at pagpapahalaga sa inyong sakripisyo at pag-aalay ng buhay para sa mga kabataan.

Ma'am at Sir, para po sa inyo ito!

📅 : Setyembre 29, 2025
🕜 : 11:00 ng umaga, onwards
📍 : School Covered Court

Isapuso, isaisip, isadiwa;
Sa puso ng mga G**o, Una ang San Pedro,
Sa puso ng San Pedro, Una ang mga G**o!

__

✍️ & 🖼️ : Christian Dale Jacob, SSLG President

21/09/2025

WAKASAN ANG KORAPSYON, SUPILIN ANG KATIWALIAN!

Kasama ng sambayanan, mariing nakikiisa ang Samahan ng mga Mag-aaral sa Filipino sa panawagan laban sa korapsyon at katiwalian na patuloy at walang habas na nagpapahirap sa ating mga mamamayan.

Ang ating wika ay sumasalamin sa ating dangal, pagkatao, at pagkakakilanlan bilang isang bayan. Ngunit paano natin maipagmamalaki ang ating pinagmulan kung patuloy na binabahiran ng kasakiman at pandaraya ang ating lipunan?

Hindi na tayo bulag, at ngayo'y lalong hindi tayo pipikit. Bilang kabataan, tungkulin nating tumindig at patunayang may boses tayo sa pagbabago. Makiisa, makibaka, at magkaisa para sa isang lipunang malaya sa kasakiman at pang-aabuso.

Patunayan natin na ang mga Pilipino ay hindi yuyuko sa katiwalian, bagkus ay lalaban para sa katarungan at itataguyod ang ikabubuti ng bayan.

16/09/2025

✨ Taos-Pusong Pagbati sa mga Bagong Opisyal ng SaMaFil! ✨👏

Ngayong Setyembre 16, 2025, matagumpay na idinaos ang sabayang pagtatalaga ng mga opisyal ng bawat club sa San Pedro National High School. Isa itong makabuluhang hakbang upang sila’y manumpa sa tungkuling iniatang sa kanila hindi lamang para sa organisasyong kanilang kinabibilangan, kundi para rin sa ikabubuti ng buong paaralan bilang mga student leader.

Lubos naming ipinababatid ang aming pagbati at paghanga sa mga bagong halal na opisyal ng bawat organisasyon. Nawa’y buong puso at sipag ninyong magampanan ang mga tungkuling nakaatang sa inyo at magsilbi kayong inspirasyon at mabuting halimbawa sa lahat ng mag-aaral na Pederonians. Ang inyong dedikasyon at pamumuno ay mahalagang puhunan upang maisulong ang mga adhikain ng organisasyon at maipakita ang tunay na diwa ng paglilingkod.

Muli, malugod na pagbati sa lahat ng opisyal ng SaMaFil! Nawa’y ang inyong pamumuno ay magsilbing gabay tungo sa patuloy na pag-usbong ng organisasyon, pagbibigay-buhay sa dangal ng paaralan, at paghubog sa mga susunod pang lider ng ating paaralan. 🌟👏

"Leadership is not about being in charge. It is about taking care of those in your charge." – Simon Sinek ✍

✍️ : Cheska Jane Paulite, Ingat-Yaman

09/09/2025

Isang maalab at taos-pusong pagbati sa lahat ng opisyal ng SAMAFIL na nagtamo ng karangalan para sa unang markahan! 🎉 Tunay na nakapupuno ng galak at pagmamalaki ang inyong tagumpay, sapagkat hindi lamang ito bunga ng talino at kasipagan, kundi patunay rin ng inyong matibay na disiplina at kahanga-hangang kakayahang pagsabayin ang paglilingkod bilang opisyal at ang pagsusumikap bilang mag-aaral. Sa kabila ng inyong pagiging officer, nagawa ninyong makamit ang karangalang ito.

Lubos ang aming pagmamalaki sa inyo sapagkat ang inyong nakamit ay hindi lamang personal na tagumpay, kundi tagumpay rin ng buong samahan. 💙 Nawa’y magsilbing huwaran at inspirasyon ang inyong dedikasyon sa lahat ng kasapi at kapwa mag-aaral—na kapag may pusong naglilingkod at determinasyong magtagumpay, walang hadlang na hindi kayang lampasan. Mabuhay ang mga opisyal ng SAMAFIL na may dangal, sipag, at karangalan—tunay na maipagmamalaki ng ating kapatiran! ✨

📖 "Ang karunungan ay higit pa sa ginto, at ang pang-unawa ay higit pa sa pilak." — Kawikaan 16:16

💡 "Ang tunay na tagumpay ay hindi lamang nasusukat sa parangal, kundi sa inspirasyong naibabahagi mo sa iba."

✍️ : Ash Gabriel Del Rosario, Pangalawang Pangulo
🖼️ : Karla Cyrisse Baligod, Baitang 7 - Tagapagbalita

05/09/2025

👩‍🏫𝐁𝐮𝐰𝐚𝐧 𝐧𝐠 𝐦𝐠𝐚 𝐆𝐮𝐫𝐨!🧑‍🏫

Maligayang araw ng mga G**o 👩‍🏫👨‍🏫 sa lahat ng ating mga bayaning nagtuturo, nag-aalaga, nagmamahal nang walang sawa, at nag-aalay ng kanilang oras upang tayo ay matuto! ❤️📚 Hindi lang ngayon, kundi sa bawat araw, kayo ang nagsisilbing ilaw, inspirasyon💡 at gabay namin bilang mga mag-aaral.
Salamat po sa inyong walang kapantay na dedikasyon at pasensya 🙏—ang bawat sakripisyo ninyo ay biyaya na nagtuturo ng pag-asa para sa kinabukasan naming mga mag-aaral🌟.
Hindi rito nagtatapos ang pagdiriwang ng inyong kabayanihan at pagmamahal bilang mga g**o! 🎉 Simula ngayon, atin ding ipinagdiriwang ang Buwan ng mga G**o 📅 na patuloy na magpaaalala at magpapakita ng iyong pagkabayani at ng aming pasasalamat at pagkilala sa inyong kabutihan at serbisyo sa aming mga mag-aaral at sa inang bayan. Sama-sama nating ipagdiwang ang buong buwan para sa mga g**ong tunay na bayani ng bayan! 🇵🇭

Mula sa Samahan ng mga Mag-Aaral sa Filipino, kami po ay bumabati ng isang Maligayang Araw ng mga G**o! ❤️🍎📖

✍️ : Elmer Suico, Tagasuri
🖼️ : Karla Cyrisse Baligod, Baitang 7 - Tagapagbalita

**o2025
**oNgBayan
**ongPilipinoParasaBatangPilipino

03/09/2025

✨🇵🇭 Pagmamahal sa Wika, Pagkakaisa ng Bayan 🇵🇭✨

Bilang pagtatapos ng ating pagdiriwang ng Buwan ng Wika 2025 na may temang “Paglinang sa Filipino at Katutubong Wika: Makasaysayan sa Pagkakaisa ng Bansa”, matagumpay nating isinagawa nitong Setyembre 2, 2025 ang programa ng pagkilala sa mga nagwagi 🏆 at pagpapakita ng talento ng ating mga mag-aaral mula Baitang 7 hanggang Senior High School.

Ipinamalas ng bawat kalahok ang kanilang husay, galing, at pagmamahal sa wikang Filipino. Kasama nito, ating ipinaaabot ang pagbati sa lahat ng mga nagwagi at ang taos-pusong pasasalamat sa lahat ng nakilahok at sumuporta. 👏👏

Pagbati sa mga nagwagi sa sumusunod na kategorya:

BAITANG 7 — PAGGAWA NG ISLOGAN:
• ‎Ikatlong Puwesto: Marcus Coronel – Baitang 7 - Aquino
‎
• ‎Ikalawang Puwesto: Kirvy Fiona Angeles – Special Program in Journalism o SPJ
‎
• ‎Unang Puwesto: Mark Kenzy S. Faustino – Baitang 7 - Rizal

BAITANG 8 — MASINING NA PAGKUKWENTO:
• Ikatlong Puwesto – Ellerie Nedor G. De Guzman (Baitang 8 - Purity)

• Ikalawang Puwesto – Jhon Raybelle A. Maubol (Baitang 8 - Honesty) at Ashley Faith E. Dela Cruz (Baitang 8 - Purity).

• Unang Puwesto – Yuan Vash D. Santos (Baitang 8 - Purity)

BAITANG 9 — PAGGAWA NG POSTER:
• ‎Ikatlong Puwesto: Mary Chloe Daisha P. Ignacio – Baitang 9 Sampaguita
‎
• ‎Ikalawang Puwesto: Marian Lae T. Pascual – Baitang 9 Marigold
‎
• ‎Unang Puwesto: Precious Chloe S. Lualhati – Baitang 9 Sampaguita

BAITANG 10 — BIDYOKASIYA:
• Ikatlong Puwesto – Jenny Rose M. Buenaventura (Baitang 10 - Jade)

• Ikalawang Puwesto – Mark Wilson R. Miras (Baitang 10 - Jade)

• Unang Puwesto – Cyriez Jean A. Dela Cruz (Baitang 10 - Diamond)

BAITANG 11 — INFOGRAPHICS:
• ‎Ikatlong Puwesto: HUMSS 11-B – Kean Josh Lorzano, Dyan DS. Latorre, Jane Clariesse Perez
‎
• ‎Ikalawang Puwesto: ABM 11-A – Iza Cajida Lintag, Maria Sophia Ianna Alexa O. Javier, Samantha C. Mutuc
‎
• ‎Unang Puwesto: HUMSS 11-C – Ash Gabriel S. Del Rosario, Anna Janel G. Capili, Cheska Jane M. Paulite

BAITANG 12 — TALUMPATING DI-HANDA:
• Ikatlong Puwesto – Jedidiah Isaac C. Galvez (TVL 12 - HE-E)

• Ikalawang Puwesto – Aeriel Jacov C. Santos (HUMSS 12 - C)

• Unang Puwesto – Joshua S. Bondoc (STEM 12 - B )

🌺 Mula sa Samahan ng mga Mag-aaral sa Filipino, lubos kaming nagpapasalamat kina Gng. Felipa DL. Santiago (Punong-G**o IV), Gng. Gemma A. Mata (Ulong G**o I sa Filipino), Gng. Ruth Anne G. Solis (G**ong Tagapayo), at sa lahat ng mga g**o ng Departamento sa Filipino na naging kaagapay sa matagumpay na selebrasyong ito. 🌺

Higit sa lahat, tandaan natin na hindi natatapos sa iisang buwan ang ating pagmamahal sa wika. Araw-araw, patuloy natin itong pagyamanin, gamitin, at ipagmalaki sapagkat dito nakaugat ang ating pagkakakilanlan at pagkakaisa bilang mga Pilipino. 🇵🇭💖

Mabuhay ang Wikang Filipino! Mabuhay ang kabataang Pilipino! ✨🇵🇭

✍️ : Jairah Jumaquio, Pangulo
📸 : Elmer Suico, Tagasuri
🖼️ : Jairah Jumaquio, Pangulo

23/08/2025

Pagbati! 🎉

Isang mainit na pagbati sa ating mga kinatawan na muling nagbigay ng karangalan sa ating paaralan sa idinaos na Buwan ng Wika 2025 - Eddis Level.

🏆 Ikatlong Puwesto – Talumpating Di-Handa
👤 Joshua S. Bondoc
👨‍🏫 G**ong Tagapagsanay: G. Aries Miguel I. Perez

🏆 Ikatlong Puwesto – BidyoKasiya (Teacher’s Category)
👤 G. Alberto B. Cruz Jr.

Ang kanilang tagumpay ay hindi lamang parangal, kundi patunay ng sipag, husay, at dedikasyon sa pagtataguyod ng ating wika at panitikan. Nawa’y magsilbi itong paalala na ang mga parangal na ating natatamo ay hakbang din tungo sa higit pang pagpapahalaga sa ating wika, kultura, at identidad bilang Pilipino. 🇵🇭

Muli, isang masigabong pagbati sa mga nagwagi! 🏆✨

✍️ : Jairah Jumaquio, Pangulo
🖼️ : Jairah Jumaquio, Pangulo

23/08/2025

Maligayang kaarawan po, Mme. Felipa DL. Santiago! 🎉

Isang makabuluhang araw ang ating ipinagdiriwang para sa ating mahal na Ina ng Paaralan, Mme. Fely. Lubos po kaming nagpapasalamat sa inyong walang sawang dedikasyon, pamumuno, at inspirasyon. Sa bawat hakbang ng aming paglalakbay, nariyan kayo upang gumabay at sa amin ay magsilbing huwaran.

Kayo ay tunay na siyang nagbibigay ng lakas, pagkalinga, at patuloy na pagsuporta sa bawat g**o, mag-aaral, at kawani ng paaralan. Maraming salamat po sa inyong malasakit at sa hindi matatawarang halimbawa ng tapat na paglilingkod.

Nawa’y patuloy kayong pagpalain ng Diyos ng kalusugan, kagalakan, at biyaya upang maipagpatuloy ang inyong makabuluhang misyon.

Mula sa Samahan ng mga Mag-Aaral sa Filipino, maligayang kaarawan po! 🌸🎂

✍️ : Louise Jean Sarmiento, Baitang 10 - Tagapagbalita
🖼️ : Jairah Jumaquio, Pangulo

20/08/2025

🇵🇭 BUWAN NG WIKA 2025 🇵🇭
🎨 Paggawa ng Infographics – Baitang 11 🎨

Sa temang "Paglinang sa Filipino at Katutubong Wika: Makasaysayan sa Pagkakaisa ng Bansa" 🌟, ipinamalas ng mga mag-aaral ng Baitang 11 ang kanilang husay at malikhaing paggamit ng sining at teknolohiya sa paggawa ng mga infographics nitong Agosto 19, 2025 📊🖌️.

Mula sa makukulay na disenyo hanggang sa malinaw na pagpapahayag ng ideya, ipinakita nila na ang ating wika ay hindi lamang nakapaloob sa tradisyon, kundi maaari ring umangkop at umusbong sa makabagong panahon 🌐🇵🇭.

📸 Narito ang ilang larawan mula sa patimpalak.

⏳ Sino kaya ang tatanghaling kampyon? Abangan ang araw ng pagtatanghal ng mga nagwagi! 🏆🎉

✍️ : Jairah Jumaquio, Pangulo
🖼️ : Jairah Jumaquio, Pangulo

17/08/2025

📖✨ BUWAN NG WIKA 2025 ✨📖
🎙️ Masining na Pagkukuwento – Baitang 8 🎙️

Sa bawat tinig at imahinasiyon ng ating mga mag-aaral, muling nabubuhay ang diwa ng mga kuwentong Pilipino 🌟. Nitong Agosto 14, 2025, ang mga kalahok mula sa Baitang 8 ay nagpakita ng husay sa pagbibigay-buhay sa mga tauhan, aral, at damdaming nakapaloob sa ating panitikan 💬❤️.

🌟 Kaya naman sa temang "Paglinang sa Filipino at Katutubong Wika: Makasaysayan sa Pagkakaisa ng Bansa,” ipinamalas nila na ang pagkukuwento ay hindi lamang salita, kundi isang sining na nag-uugnay sa atin bilang iisang lahi at ang nagbubuklod sa ating mga karanasan 🫂🇵🇭.

📸 Narito ang ilang larawan mula sa makulay at makabuluhang patimpalak na ito!

⏳ Sino kaya ang kikilalaning kampyon? Abangan ang araw ng pagtatanghal sa mga nagwagi! 🏆🎉

✍️ : Jairah Jumaquio, Pangulo
🖼️ : Jairah Jumaquio, Pangulo

SPNHS Samahan ng Mag-aaral sa Filipino - JHS at SHS

06/10/2025

29/09/2025

28/09/2025

21/09/2025

16/09/2025

09/09/2025

05/09/2025

03/09/2025

23/08/2025

23/08/2025

20/08/2025

17/08/2025

Address

Website

Alerts

Contact The Organization

Shortcuts

Share

Category