https://www.facebook.com/107010804440119/

SPNHS Samahan ng Mag-aaral sa Filipino - JHS at SHS

Home
Philippines
Hagonoy
SPNHS Samahan ng Mag-aaral sa Filipino - JHS at SHS

Mabuhay! Sama-sama nating itaguyod ang wikang Filipino— ang wika ng puso at ang wika ng ating bayan! 🇵🇭 Padayon!
-SamaSaSaMaFil

31/07/2026

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔 🇵🇭

Sa pagbubukas ng Agosto, muling ipinagdiriwang ang 𝘽𝙪𝙬𝙖𝙣 𝙣𝙜 𝙒𝙞𝙠𝙖𝙣𝙜 𝙋𝙖𝙢𝙗𝙖𝙣𝙨𝙖— isang pagdiriwang na layong gisingin ang diwang makabayan at muling pagningasin ang pag-ibig sa wikang pagkakakilanlan ng bawat Pilipino. Ang wikang hindi lamang letra o salita, bagkus ay ugat ng kasaysayan, hibla ng salinlahing pinanday sa karangalan, at kaluluwa ng kulturang ipinamana't ngayon ay ating higit pang malilinang.

Sa taong ito, tampok ang temang "𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤 𝙖𝙩 𝘼𝙄: 𝙆𝙖𝙨𝙖𝙣𝙜𝙠𝙖𝙥𝙖𝙣 𝙨𝙖 𝙋𝙖𝙣𝙖𝙣𝙖𝙡𝙞𝙠𝙨𝙞𝙠 𝙖𝙩 𝙏𝙪𝙡𝙖𝙮 𝙨𝙖 𝙔𝙖𝙢𝙖𝙣 𝙣𝙜 𝙄𝙢𝙥𝙤𝙧𝙢𝙖𝙨𝙮𝙤𝙣". Sa panahong ang kaalaman ay nasa dulo na lamang ng ating mga daliri at ang teknolohiya ay patuloy na hinuhubog ang paraan ng ating pagkatuto, ipinaaalala ng temang ito na maaaring maging kaagapay ang 'paraang makabago' sa diwa ng Wikang Filipino.

Sa pananaliksik, umaalalay ang AI o 𝘈𝘳𝘵𝘪𝘧𝘪𝘤𝘪𝘢𝘭 𝘐𝘯𝘵𝘦𝘭𝘭𝘪𝘨𝘦𝘯𝘤𝘦 sa higit na pagpapabilis ng pangangalap at pagsusuri ng impormasyon, gayundin, nakatutulong ito sa pagtunton sa angkop na datos, ideya, at mga sanggunian. Subalit, ating tandaan na ang teknolohiya ay hindi papantay sa ating wika, bagkus ay kasangkapan lamang upang mapagyaman ang kaalamang produkto ng ating isipan.

Nawa'y sa pagdiriwang ng Buwan ng Wikang Pambansa ay tumimo sa atin na ang tunay na pag-unlad ay hindi masusukat sa mga "teknolohiyang" nagsisilabasan, kundi sa kung paano nito nahahasa ang ating kakayahan at nakaaalinsabay sa pagpapahalaga’t pangangalaga sa ating sariling wika.

Sapagkat sa nagbabagong mundo, hindi maiiwan ang Wikang Filipino. 𝘈𝘳𝘵𝘪𝘧𝘪𝘤𝘪𝘢𝘭 𝘐𝘯𝘵𝘦𝘭𝘭𝘪𝘨𝘦𝘯𝘤𝘦 ay 𝙠𝙖𝙩𝙪𝙬𝙖𝙣𝙜, hindi utak na papalit sa Pilipinong may pusong umiibig sa wikang ipinipintig ng kaniyang puso. 🇵🇭❤️‍🔥

✍🏻 : Elmer Suico & Jairah Jumaquio

14/02/2026

Lollipop booth, naisakatuparan ng SAMAFIL

Matagumpay na nakiisa nitong Biyernes, Pebrero 13 ang Samahan ng mga Mag-aaral sa Filipino - JHS at SHS (SAMAFIL) bilang bahagi ng pagdiriwang ng Valentine’s Day sa San Pedro National High School (SPNHS) na may temang “Business Fair: Love is in the Air.”

Sa pamamagitan ng aming booth na “Lollilab,” napuno ng tamis at saya ang paaralan—hindi lang sa lollipop kundi pati sa diwa ng pagmamahal at pagkakaisa. 🍭❤️

Naging posible ang proyektong ito sa tulong ng mga masisipag na SAMAFIL Officers at sa gabay ng aming Adviser na si Mme. Ruth Ann G. Solis at Head Teacher Mme. Gemma A. Mata.

Ipinakita ng Lollilab na kapag pinagsama ang sipag, creativity, at puso, siguradong nagiging matagumpay ang isang gawain. Maraming salamat sa lahat ng sumuporta—tunay na matamis ang Valentine’s Day kasama ang SAMAFIL! ✨

✍🏻 : Michelle Adriano, Kalihim

12/02/2026

Single ka man, taken, o “it’s complicated,” may paraan ang SAMAFIL para gawing sweet ang Valentine’s Day mo! 💌

Sa pag-celebrate ng Valentine’s Day, ang 𝐒𝐚𝐦𝐚𝐡𝐚𝐧 𝐧𝐠 𝐦𝐠𝐚 𝐌𝐚𝐠-𝐚𝐚𝐫𝐚𝐥 𝐬𝐚 𝐅𝐢𝐥𝐢𝐩𝐢𝐧𝐨 (SAMAFIL) ay may handog na 𝐋𝐞𝐭𝐭𝐞𝐫 and 𝐋𝐨𝐥𝐥𝐢𝐩𝐨𝐩 𝐁𝐨𝐨𝐭𝐡 para gawing extra special ang pagpaparamdam mo ng pagmamahal ❤️ 🍭

Sa bawat purchase, may kasama nang:
🍭 𝑪𝒖𝒕𝒆 𝑫𝒆𝒔𝒊𝒈𝒏𝒆𝒅 𝑳𝒐𝒍𝒍𝒊𝒑𝒐𝒑
💌 𝑳𝒆𝒕𝒕𝒆𝒓 𝒐𝒓 𝑵𝒐𝒕𝒆𝒔
🚚 𝑭𝑹𝑬𝑬 𝒅𝒆𝒍𝒊𝒗𝒆𝒓𝒚 mula sa ating masisipag na officers diretso sa napiling tatanggap—hindi mo na kailangang mahiya, kami na ang bahala!

At kung nais ninyo itong gawing “official,” maaari rin naming i-post sa aming FB page ang receiver bilang patunay na natanggap ang lollipop ( with consent, syempre 😉).

Kaya huwag nang magpaka-torpe—ipadala mo na ‘yan! Sa SAMAFIL, 𝗸𝘂𝗻𝗴 𝗸𝗶𝗻𝗮𝗸𝗮𝗯𝗮𝗵𝗮𝗻 𝗸𝗮𝗻𝗴 𝘂𝗺𝗮𝗺𝗶𝗻, 𝗸𝗮𝗺𝗶 𝗻𝗮 𝗮𝗻𝗴 𝗯𝗮𝗵𝗮𝗹𝗮𝗻𝗴 𝗺𝗮𝗴𝗱𝗮𝗹𝗮 𝗻𝗴 𝗶𝘆𝗼𝗻𝗴 𝗱𝗮𝗺𝗱𝗮𝗺𝗶𝗻. ❤️

31/12/2025

𝐌𝐚𝐥𝐢𝐠𝐚𝐲𝐚𝐧𝐠 𝐁𝐚𝐠𝐨𝐧𝐠 𝐓𝐚𝐨𝐧 𝐦𝐮𝐥𝐚 𝐬𝐚 𝐒𝐚𝐌𝐚𝐅𝐢𝐥! 🎉

Nawa'y ang 2026 ay maging taon ng biyaya, tagumpay, at masayang alaala para sa ating lahat! Sama-sama nating salubungin ang mga hamon at ipagdiwang ang bawat tagumpay ngayong taon ✨. Gawin nating makabuluhan ang bawat araw, bawat proyekto, at bawat pagkakataon sa pamamagitan ng pagtutulungan at pagmamahalan 💖. Patuloy tayong magbigay-inspirasyon, magmotivate, at mag-suporta sa isa’t isa upang maabot ang ating mga pangarap at adhikain 🌟. Gaya ng sabi nila, "Ang pagkakaisa ay kapangyarihan"—kaya’t sama-sama nating gawin ang 2026 na isang taon ng pag-asa, pag-unlad, at pagmamahal.

Maraming salamat sa inyong dedikasyon at pagmamahal sa SaMaFil 🙏. Nawa'y magdala ang bagong taon ng mas maraming oportunidad, tagumpay, at alaala na hindi natin malilimutan. Sama-sama nating tahakin ang mga bagong landas, harapin ang mga hamon, at ipagdiwang ang mga tagumpay 💪.

Gawin nating ang 2026 na isang taon ng pagliliwanag, pag-asa, at pagmamahal para sa ating SaMaFil family 🌈. Nawa'y matupad ang ating mga pangarap at adhikain, at patuloy na umunlad at lumakas ang ating samahan.

Maligayang Bagong Taon muli, SaMaFil! 🎊 Nawa'y maging taon ang 2026 na puno ng saya, tagumpay, at pagmamahal para sa ating lahat!

✍🏻 : Kristof Nabong, Lakandiwa
🖼️ : Karla Cyrisse Baligod, Baitang 7 - Tagapagbalita

24/12/2025

Sa pagsapit ng kapaskuhan, taos-puso kaming nagpaparating ng mainit na pagbati para sa isang mapayapa at makabuluhang pagdiriwang 🎁🤍. Nawa’y maging daan ang panahong ito upang higit nating maunawaan ang tunay na diwa ng galak, pagkakaisa, at pagmamahalan 🤝✨.

Ang galak ay isang masidhing damdamin ng kasiyahan na karaniwang nagmumula sa magagandang pangyayari, karanasan, o mga sandaling nagbibigay ng liwanag at pag-asa. Ito ay ang wagas na damdaming nagmumula sa puso bunga ng pag-ibig, pag-unawa, at pag-asa 💫💖.

Tayo ay nagagalak tuwing Pasko sapagkat ito ay nagpaaalala sa atin ng kahalagahan ng pamilya, pagmamalasakit sa kapwa, at diwa ng pagbibigayan 👨‍👩‍👧‍👦🎄. Sa panahong ito, mas pinahahalagahan natin ang mga ugnayang nagbibigay saysay sa ating buhay 🤍.

Kaya naman, mula sa Samahan ng mga Mag-Aaral sa Filipino, nawa’y mapuspos ng kapayapaan, pag-ibig, at tunay na kagalakan ang inyong mga puso ✨🎁.

🎄 Maligayang Pasko sa lahat! 🎄🎉

✍🏻 : Louisse Antoinette Lopez, Baitang 12 - Tagapagbalita
🖼️ : Karla Cyrisse Baligod, Baitang 7 - Tagapagbalita

05/12/2025

Bilang suporta sa 𝗕𝗨𝗟𝗔𝗖𝗔𝗡𝗟𝗨𝗡𝗚𝗔𝗡: 𝗣𝗿𝗼𝗺𝗼𝘁𝗶𝗻𝗴 𝗪𝗲𝗹𝗹𝗻𝗲𝘀𝘀 𝗔𝗺𝗼𝗻𝗴 𝗕𝘂𝗹𝗮𝗸𝗲𝗻𝘆𝗼𝘀, nakiisa ang Samahan ng mga Mag-Aaral sa Filipino (SaMaFil) sa pamamagitan ng pagdidikit ng isang makabuluhang poster. Layunin nitong hikayatin ang bawat mag-aaral na kilalanin ang kahalagahan ng mental wellness bilang bahagi ng pang-araw-araw na buhay at pagkatuto.

Nawa’y magsilbing paalala ang naturang poster sa importansya ng pangangalaga sa sarili tungo sa mas mapayapa, masigla, at produktibong lalawigan. Maisasagawa natin ito sa pamamagitan ng sama-samang pagsulong sa kapakanan at ikabubuti ng bawat isa.

📌 Laging tandaan: magpahinga kapag kailangan, huminga kung nahihirapan. 𝗪𝗲’𝘃𝗲 𝗴𝗼𝘁 𝗲𝗮𝗰𝗵 𝗼𝘁𝗵𝗲𝗿’𝘀 𝗯𝗮𝗰𝗸, 𝗸𝗮𝗯𝗮𝘁𝗮𝗮𝗻 𝗻𝗴 𝗕𝘂𝗹𝗮𝗰𝗮𝗻! 🫂

✍🏻 : Jairah Jumaquio, Pangulo
📷 : Kristine De Leon, Miyembro

30/11/2025

𝑩𝒂𝒈𝒐𝒏𝒈 𝑷𝒂𝒈-𝒂𝒔𝒂, 𝑷𝒂𝒓𝒂 𝒔𝒂 𝑲𝒂𝒃𝒂𝒕𝒂𝒂𝒏

Narito ang ilang mga libro na nalikom ng Samahan ng mga Mag-aaral sa Filipino nitong nakaraang linggo para sa Share A Book Drive, na siyang gagamitin upang maging daan sa pagbabasa ng mga kabataan. Ang SaMaFil ay taus-pusong nagpapasalamat sa mga nag donate ng mga librong ito, sa mga mag-aaral na nakiisa, maging sa mga g**o na siyang ipinakita ang isang daang porsyento suporta. Maraming salamat po sa inyo.

-AsaNgKabataan

✍🏻 : Elmer Suico, Tagasuri

29/11/2025

‎📚✨IKALABING-TATLONG ARAW NG PAGBABASA ✨📚
‎
‎
‎📗𝙿𝙰𝙼𝙰𝙶𝙰𝚃: Tata Selo (1963)
‎📜𝙸𝚂𝙸𝙽𝚄𝙻𝙰𝚃 𝙽𝙸: Rogelio Sikat
‎
‎
‎Ang Tata Selo ay tungkol sa isang magsasakang sapilitang pinaaalis sa lupang matagal na niyang sinasaka. Sa kanyang pagmamakaawa, nagkaroon sila ng alitan ng may-ari ng lupa hanggang sa nauwi ito sa pagkamatay ng haciendero. Sa presinto, pilit na ipinapaliwanag ni Tata Selo na siya’y nagtatanggol lamang ng sarili, na nagpapakita ng kawalan ng hustisya at pang-aabuso sa maliliit na magsasaka.
‎
‎✍🏻: Kristof Nabong, Lakandiwa
‎🖼️: Jairah Jumaquio, Pangulo | Ash Gabriel Del Rosario, Pangalawang Pangulo

28/11/2025

‎📚✨IKALABING-DALAWANG ARAW NG PAGBABASA ✨📚
‎
‎
‎📗𝙿𝙰𝙼𝙰𝙶𝙰𝚃: Banaag at Sikat (1906)
‎📜𝙸𝚂𝙸𝙽𝚄𝙻𝙰𝚃 𝙽𝙸: Lope K. Santos
‎
‎
‎
‎Ang “Banaag at Sikat” ay isang nobelang Tagalog na umiikot sa buhay nina Delfin at Felipe dalawang magkaibigang may magkakaibang pananaw sa lipunan.
‎Si Delfin ay isang mahirap na peryodista at nag-aaral pa ng batas, na naniniwala sa layuning mapabuti ang kalagayan ng mga manggagawa at maralita sa pamamagitan ng sosyalismo at mapayapang pagbabago.
‎Si Felipe ay anak naman ng mayayamang may-ari, ngunit nauwi ang kanyang pananaw sa anarkismo nais niyang wasakin ang umiiral na sistema at gawing pantay-pantay ang katayuan para sa lahat.
‎Sa gitna ng kanilang ideolohiyang tunggalian, may pag-ibig din: halimbawa, si Delfin ay umiibig sa anak ng mayamang landlord na si Meni, na nagpapakita rin ng agwat sa uri at ang pagnanais ng pagbabago sa lipunan.
‎Kasabay nito ay ang paglalarawan ng mga isyung sosyal gaya ng paggawa, kapitalismo, unyonismo, at kolonyalismong Amerikano na tumatawag sa kamalayan ng mambabasa tungkol sa kalagayan ng lipunang Pilipino noong panahong iyon.
‎
‎✍🏻: Lian Aleamor Santos, Lakambini
‎🖼️: Jairah Jumaquio, Pangulo | Ash Gabriel Del Rosario, Pangalawang Pangulo
‎

27/11/2025

‎📚✨IKALABING-ISANG ARAW NG PAGBABASA ✨📚
‎
‎📗𝙿𝙰𝙼𝙰𝙶𝙰𝚃: Katapusang Hibik ng Pilipinas (1897)
‎📜𝙸𝚂𝙸𝙽𝚄𝙻𝙰𝚃 𝙽𝙸: Andrés Bonifacio
‎
‎
‎Ang dokumento ay isang tula na naglalarawan ng paghihirap ng mga Pilipino sa ilalim ng kolonyalismo ng Espanya. Tinawag ng may-akda ang Pilipinas bilang "Ina" at Espanya bilang "Inang Espanya" at ipinahiwatig ang pagkawalang-galang at pang-aapi ng Espanya sa mga Pilipino. Pinahiwatig din nito ang paghihirap at kamatayan ng maraming Pilipino dahil sa mga pag-uusig at pagsasamantala ng Espanya.
‎
‎✍🏻: Louise Antonette Lopez, Baitang 12 - Tagapagbalita
‎🖼️: Jairah Jumaquio, Pangulo | Ash Gabriel Del Rosario, Pangalawang Pangulo

Address

Hagonoy
3002

Website

facebook.com

Alerts

Be the first to know and let us send you an email when SPNHS Samahan ng Mag-aaral sa Filipino - JHS at SHS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to SPNHS Samahan ng Mag-aaral sa Filipino - JHS at SHS:

Want your organization to be the top-listed non profit organization in Hagonoy?