05/08/2026
OPINYON 01 | SELF-PHONE
Sa kasalukuyang taong panuruan, ang paggamit ng gadyet at cellphone ng mga mag-aaral ay pinagbabawal sa oras ng mga klase malibang emergency at kung gagamitin sa gawain.
Nakasaad sa Gumaca National High School Student Handbook, Isang minor offense ang paggamit ng cellphone sa oras ng klase maliban kung pinahintulutan ito ng g**o. Matagal ng nakasulat sa handbook subalit ngayon lamang binigyang-aksyon o tinutukan.
Ngayon lamang ito binigyang pansin dahil sa memorandum na inilabas ng Department of Education (DepEd) na implementasyon ng DepEd Order No. 006, s. 2026, o ang Guidelines on Ensuring a Safe and Motivating Learning Environment (ESMLE).
Sa kabila nito, may mga mag-aaral pa ring sumusuway rito. Selpon pagtalikod ng g**o, sa ilalim ng kanilang lamesa o di kaya naman ay magkukunwaring may kukunin sa bag.
Matatandaang nagpagawa si Senator Sherwin Gatchalian ng survey sa Pulse Asia Research nitong 2024 na pag-alis ng cellphone sa mga silid-aralan. 76% na Adult Pilipino sa mga ito ang pumabor.
Patunay ito na noon pa suliranin ang gadyet na humihila sa pagkatuto ng isang kabataan. Hinigpitan ang panukala pero marami pa rin ang nakakawala at sumusuway rito. Huwag na sanang dumating pa sa punto na tuluyang itong alisin dahil sa pang-aabuso ng teknolohiya.
Magkaroon ng pagpipigil at limitasyon sa sarili, disiplina ay pairalin. Sumunod sa patakaran, hindi sa pansariling kagustuhan. Ginawa ang gadyet upang mapadali ang trabaho pero kung ito ay sobra, baka ito pa ang magiging dahilan ng kakulangan ng kaalaman.
Kontrolin ang paggamit sa cellphone, hindi ang cellphone ang gagamit ng buhay mo.
ISINULAT NI SA MADLA NAG MULA
IGINUHIT NI RENOAH VIRREY AT SHIVA NAIREL
