Anyang banuang 1995 mabuu ya ing Parish Youth Ministry ning Betis, (bayu maganap ing World Youth Day (WYD) keti Pilipinas). Y Msgr. Greg Canlas ing Kura Paroko ning Betis kanita.
Pipilan la kabilangan ding member ning Youth Ministry anyang panaun a ita. Sabi da deta mu kanung mika-agyung pamilya.
Buu nala naman ding miyayaliwang Religious Youth Organization anyang banuang aita.
Pero anjang atin nang miyayaliwang grupung kayanacan kanita, ela makanta mararamdam boses ding anac uling ala lang ayawus a specific leader kanita at focus lamu ding anac nung nukarin la grupu makayabe.
Uli ning concern a ini, pinulung dala ding egana-ganang kayanacan ning Pisamban ampo ding Sangguniang Kabataan (SK) ning Betis at mika eleksyon para mamuntukan king Youth Ministry.
DING PRESIDENTI NING YOUTH MINISTRY NING BETIS
Ketang meganap a botuhan. I Kuya Jobert Timog ning San Agustin Betis ing linto lagyu ban mamuntukan king Youth Ministry, metung yang SK.
Lagpas 1 year ne ring telanan Kuya Jobert ing Youth Ministry.
Kaybat ning term ng Kuya Jobert, Y Kuya Jayson Gozum.
Ing katlung meging Presidenti ning Youth apin y Kuya Alan Mendoza ning San Juan Nepo. Betis. King administrasyun ng Kuya Alan anyang pamilit dang malyari lang maging server king altar ding anac a babae, kanita ya mabuu ing KLOA.
Y Kuya Russel Lapira a tau munaman San Juan Nepo ing pangapat a meging presidenti ning Youth Ministry.
Ing ikalimang presidenti ning Ministry yapin y Kuya Van Vincent Serrano ning San Miguel Betis.
Tau ne naman San Juan Nepo ing kekatang ika-anam a presidenti, iyapin y Kuya Francis Salonga.
Makatadhana ata ing kayanacan la SJN ding mamuntukan king Youth Ministry uling tao yapa murin SJN ing meging pang-pitu tamung presidenti.
Panahun ng Kuya Edwin “Daks” Mañalac anyang belakan dalang italakad ding Youth balang Barangay. Kanita la mebuu ding Barangay Youth Ministry.
Y Kuya Gelo Layug ning Sitio V.D.R. ing meging pang-walung presidenti ning Youth.
Ing pang-siyam at pekamakabang terminu as presidenti ning Youth Ministry yapin y Kuya J.L Macalintal ning SJN.
Banuang 2005-2006 kanita mebuu la ngan at mitalakad ding 8 Barangay Youth Ministry ning Betis.
First-time sanang maging babae ya ing presidenti ning Youth anyang mipasa ya kang Ate Hannania ing katungkulan, Oneng ene atalakaran anya me-apoint yang pang-apulung president y Kuya Darwin Nicolas ning Sta. Ines Betis, pero pauli ning migkapalit palit a pari king Betis, eya migluwat ing pamanungkulan ng Kuya Darwin, meka three months yapa anyang binalik neng Among Emil (ing pinalit a Pari) y Kuya J.L.
Mika panibayung Three years ne naman menungkulan Y Kuya J.L. (2006-2009)
Second Term na anyang i-organized ne ning Youth ing mumunang DUKIT FESTIVAL keni Betis (2008).
Year 2010 mibotu yang pang-twelve president Y Kuya Niño Jomar Chipe ning SJN, after one year king kayang administrasyun mideklara yang gawan Parish Commission on Youth Ministry ing PYM.
Ing pang-thirteen a President apin y Kuya Jess Anthony Salalila ning Santa Ursula, abuu na la naman Kuya Jess ding 8 Chapel Youth Ministry king Betis, king kayang pamanungkulan, mikamisyun ya ing PCYM a, “Kayanakan ning Betis a Malugud king Dios, mayap a panga-hubog, masipag manimuna at makipag-ugnayan king panyulung ning kasalpantayanan, makamal king kultura, lilingap king kapaligiran king kapamilatan ning organisadung pamanimuna”.
Ing kasalukuyan Parish Youth Coordinator ning PCYM apin y Ate Frances Ocampo ning San Miguel at Parish Youth Leader naman y Kuya Alvin Calo ning San Juan Nepo.
