https://www.facebook.com/441753562345130/

DavOr Miscellanews, Tibanban, Governor Generoso (2026)

07/03/2025

Sobra na ba ang pagminus-minus sa mga pobre?
Sa matag kalihukan sa gobyerno, kinsa man ang angay untang pinakauna nga matabangan? Ang mga pobre, ang mga nagkinahanglan, ang mga nabiktima sa kalamidad. Apan sa Davao Oriental, usa na pud ka dako nga pangutana: ngano nga ang bugas nga gihatag sa nasud Taiwan para sa mga biktima sa baha niadtong milabay pa nga tuig, wala nakaabot sa ilang mga plato? Kinsa ang nakaangkon niini?

Kadaghanan kanato wala nasayod nga nadayon gyud diay og pag-donar og sako-sakong bugas ang Taiwan isip tubag sa trahedya nga nahiaguman sa mga taga-Davao Oriental. Kini nga donasyon usa ka tinuod nga panagpakita sa ilang pakigduyog dili lang sa mga Oriental Dabawenyos, apan sa ubang mga apektadong residente usab sa Davao Region nga nakasinati sa pagbaha.

Atong balikan ang nahitabo. Wala nadayon ang pag-donar sa maong mga bugas kaniadto tungod sa WALA PAGTUGOT SA SANGGUNIANG PANLALAWIGAN kang Governor Niño Sotero Uy nga dawaton ang maong donasyon. Ubos sa balaod man gud, gikinahanglan ang authorization sa SP aron ang local chief executive musulod og kontrata, lakip na ang pagdawat ang mga donasyon. Mao lang kini ang gipangayo sa Taiwan aron mahimong muhatag kini sa maong donasyon sa probinsyal nga panggamhanan nga maoy magapod-apod ngadto sa mga biktima sa pakig-alayon sa mga apektadong municipal governments.

Sa kadaghang rekisitos nga gipangayo sa SP DavOr nga daghan pa kaysa sa simpleng gipangayo lang sa Taiwan, naabtan na lang og deadline nga wala nakapasa ang SP og usa ka resolusyon para madawat sa probinsya ang maong bugas. Pagka-sayang!
Bisan asa nato nato tan-awon, klaro nga politikanhong interes. Dili sila gusto nga ang gobernador ang mohatod sa hinabang. Mao ng klaro.

Apan sa ilang pagbabag, dili man ang gobernador ang nahimong alaot kundili ang mga pobre nga nanghiyawat nga makadawat sa maong donasyong bugas gikan sa Taiwan.

Kining Disyembre lang, atong nahibaw-an nga gipadayon gihapon sa Taiwan ang pag-donar og bugas. Ang kalahian karon, gi-donar kini diretso ngadto sa Department of Social Welfare and Development kon DSWD.

Wala kitay nakita nga problema nga ang DSWD midesisyon nga dili direkta ihatag sa provincial or municipal government ang mga donasyong bugas para sa Davao Oriental. Katungod ni nila kung asa nila i-entrego aron maoy mag-apod-apod sa bugas ngadto sa mga biktima sa kalamidad.

Sa kaso sa Davao Oriental, gi-entrego kini sa atong duha ka Congressman — si Cong. Nelson Dayanghirang ug Cong. Cheeno Almario.
Ang pangutana karon: nahimo bang sakto ang pag-apod-apod sa bugas ngadto sa TINUUD NGA BIKTIMA SA PAGBAHA SA DAVAO ORIENTAL?

Ug karon, usa ka video ang nibutho—nagpakita sa usa ka kandidato nga nagpasigarbo nga ilang giputos ug gipang-apod-apod ang bugas. Kinsa ilang gitagaan? Dili ang mga biktima sa baha, dili ang mga pamilya nga nagpaabot sa tabang. Matud pa sa sa maong kandidato, ang pag-repack sa bugas ipod-apod NGADTO SA ILANG POLITICAL LEADERS sa matag purok.

Kini klaro nga pagsupak sa rason sa maong donasyon gikan Taiwan. Kini nga mga bugas dapat paingon ngadto sa mga biktima sa pagbaha, ug dili dapat sa mga political leaders.

ANG PANGUTANA KARON: NGANONG GITUGOT KINI NI CONG. NELSON DAYANGHIRANG UG CONG. CHEENO ALMARIO? NGANONG GIGAMIT ANG MAONG DONASYON ALANG SA ILANG POLITIKAL NGA INTERES?

Kini ba ang hustisya? Asa ang mga biktima? Asa ang mga gipanggutman nga naglaum nga makadawat sa ilang angayng madawat?

Tungod niini, wala lang ta nakabaton og utang kabubut-on gikan sa Taiwan—nakautang pud ta og dakong kaulaw. Giilad ta sa atong kaugalingong mga opisyales tungod lang sa ilang pang-sarili ug politikal nga interes.

Angay ba nato tugotan nga kini mahitabo pag-usab? Dili kini usa ka sayop nga pwede lang kalimtan. Kini usa ka pagsulay sa atong konsensya ug sa atong kapasidad sa pagpili og mga lider nga matinud-anon sa ilang serbisyo.

Ang pangutana karon: MAGPAKAHILOM BA TA? O panalipdan nato ang tinuod nga mga biktima ug ipabati nga dili ni nato tugotan nga ang mga pobre maoy kanunay nga biktima sa pagpanglimbong ug pagpanikas?

Davao Oriental, KAMO ANG MAGHUKOM!

05/03/2025

DOUBLE STANDARD?

TRENDING KARON sa social media ang sobre nga daw gikaltasan. Sumala sa opisyal nga statement sa Provincial Social Welfare and Development Office, “ang matag barangay beneficiary sa Governor Generoso nakadawat sa tibuok ₱7,000 nga subsidy alang sa pag-celebrar sa Women's Month nga mahimong gamiton sa women's organization sa matag barangay aron ipalit og costume o di ba kaha para sa ilang gasto sa transportasyon.”

Aron klaro, matod pa sa maong pagpasabot sa PSWDO, “₱6,000 isip regular nga subsidy gikan sa Provincial Social Welfare and Development Office (PSWDO) ug isa pa ka sobre nga adunay ₱1,000 nga gipadungag ni Governor Niño Uy.”

Grabe ng sya-ok sa mga mibatikos sa probinsyal nga panggamhanan ug mismong kang Governor Niño Uy sa maong matod pa “korapsyon.” Pero adunay pagpasabot ang PSWDO:
“Sa pagtuo nga ang tibuok kantidad isulod sa usa ka sobre, gi-printahan daan kini sa atong staff og P7,000. Apan, aron mas klaro ug transparent, gipili sa PSWDO Head nga ipanghatag ang kantidad sa duha ka bulag nga sobre—₱6,000 sa usa ug ₱1,000 sa lain.”

Tin-aw pas kalimutaw sa mga mibatikos ang maong pagpasabot. Hangtod karon, naghulat kita og reklamo nga kulang ang ilang nadawat aron mutabang pud ta og saway sa Kapitolyo ug sa PSWDO. Apan wala. Hangtod karon, ang labing nagpabiling isyu mao ang pag-tamper nga klaro man nga gipasabot sa PSWDO. Atong klarohon: hangtod karon, walay reklamo nga kulang ang ilang nadawat nga 7,000.

Walay kurapsyon. Transparent. Walay gikahadlukan kay walay gitago. Kudos sa PSWDO ug kang Governor Uy.

Sa tinuud lang, nindot gyud kaayo nga adunay free space alang sa kritisismo kay kini nagpamatuod sa kaligdong sa atong demokrasya sa probinsya. Apan maayo nga kini pagabuhaton kung naka-base sa kamatuoran.

Nahagbong nga double standard ang pagka-sabaan sa pipila, labi na sa mga trolls ug mga die-hard supporters. Kay kung kontra gyud sila sa korapsyon, dapat susama ang ilang pagsaba-saba sa mga musunod:

🙄 Ang massive nga pagkaltas sa mga ayuda nga iya sa katawhan nga gikuha sa mga mapahimuslanon nga nahubog sa gahum;

🙄 Ang paglista og pagkuha og IDs sa mga kabus nga gisaaran og ayuda nga hangtod karon wala pa matilawi ang saad nga ayuda sa ilaha sa laing pundok;

🙄 Ang pagpirma sa mga blangko nga forms aron makakuha kuno og ayuda gikan sa gobyerno;
Ug daghang pang uban nga anomalya kabahin sa ayuda.

Kinahanglan hinuklugan ang maong mas bug-at nga mga kontrobersya. Apan karon, padayon nga hilom ang mga giakusahan. Miski bisan isa ka opisyal nga pamahayag, walay gipagula. Kini timailhan sa kawalay respeto nila sa katawhan.

Sa umaabot nga Mayo, duha ang atong pilian isip mga musunod nga mudala sa renda sa panggobyerno.

Una, ang abtik mu-isplikar aron patin-awon ang mga aligutgot sa katawhan.

Ug ang ikaduha, ang padayon nga nagpakahilom tungod wala nay nawong ikatubang sa pagpangawat sa ayuda nga iya sa katawhan.

Tawo ang maghukom kung asa sa duha ang pilion: ang limpyo o ang nagbinuang.

Labing klaro ang atong kapilian. Morality is on the ballot this 2025.

So, asa ta?

Amping, Oriental Dabawenyos!

17/02/2025

Mibuhat og kasaysayan (bisan murag nahagbong nga kataw-anan) ang Davao Oriental karong adlawa human adunay ikaduhang hugna sa usa ka seremonya aron sa pagsugod sa konstruksyon sa Mati Airport. Lahi pa kini sa groundbreaking ceremony sa milabay nga semana. Repleksyon kini sa kung unsa ka-init ang natad sa pulitika sa probinsya karong mga panahona, hilabi na nga hapit na ang eleksyon.

Ang labing dakong pangutana: ngano kinahanglan og laing groundbreaking ceremony? Ang tinuod, kining nahitabong seremonya karong adlawa usa ka klarong pamolitika nga pakitang-gilas—usa ka panghitabo nga gipasiugdahan aron ipakita sa katawhan nga murag ilang kaugalingong kwarta ang gigamit sa maong proyekto. Gihimo kining usa ka pasundayag aron ipakita nga sila ang nagdala ug nagpatuman sa maong kalambuan, bisan tuod nga kini usa ka proyekto nga gipundohan sa buhis sa katawhan.

Pinasubay sa iyang welcome address sa maong okasyon, gibatbat ni kanhing Congressman Mayo Almario na ang maong okasyon nga ang maong seremonya maoy tama nga lakang aron makompleto ang maong proyekto. Sigun niya: “What we did was not to compete, but to complete the picture. As we always say, ‘a journey of a thousand miles begin with a single step’ Let that single step be the right foot forward. Starting right, doing it right, and completing it right. Kay ang Mati para sa tanan. Ang Davao Oriental para sa tanan.”

There’s no question about it. Angay natong pasalamatan ang mga Almario sa ilang dakong kontribusyon aron maplastar ning tanan. Lakip na dinha ang uban pud nga mga political leaders nga naningkamot aron kini mamahimong dakong realidad.
In the first place, kinsa ba gud ang nangangkon sa maong proyekto? Sa tinuud lang, swerte lang gyud si Governor Niño Uy ug si Mayor Michelle Rabat nga sa ilang mga administrasyon natunong ang maong big-ticket project. Pero wala nila kini gibuhat nga political poster, apan gibuhat lang ang ilang obligasyon isip kasamtangang lider sa probinsya ug sa syudad sa pag-inagurar sa proyekto nga una sa tanan, gipondohan sa buwis sa katawhan. Wala giangkon, apan giplastar aron sa hinanaling panahon, masugdan na ang dugay ng pangandoy sa tanan.

Bad optics lang kung tawagon nga ang nag-welcome address kaganiha usa ka private citizen. A private citizen inaugurating a government project funded by the taxpayers. Sa mata sa katawhan, usa kini ka klarong paningkamot sa pagpahiluna sa kaugalingon nga dungog ibabaw sa proyekto nga wala man unta sila’y personal nga kaparte sa pagpondo ug pagpatuman.

Nahimo na nuon kataw-anan ang ikaduhang groundbreaking, or as what they call it, foundation-laying. Pero klaro kaayo: it’s a retribution for stealing their thunder.

Aduna usab mikatag nga bakak sa maong seremonya nga kuno, adunay ikaduhang sermonya tungod sila wala naimbita. Lisod katoohan kini kay sumala pa sa kasamtangang liderato, tanan naimbita man sa unang groundbreaking.

Garbo lang ba kini o senyales nga dili gyud nila madawat nga ang kasamtangang naghupot sa posisyon sa City Hall ug sa Kapitolyo dili nila kaalyado? Lisod na lang ba gyud kaayo ang mutambong aron pagpakita sa kahiusahan hilabi na atol sa milestone event sa probinsya?

Dili mabasol ang katawhan kung kini makapanlingo o makangisi sa kataw-anan nga seremonya nga nahitabo karong adlawa tungod lamang sa pulitika.

Maglibog pud mi ninyo, mga honorables.

23/01/2025

𝗕𝗔𝗕𝗔𝗚 𝗦𝗔 𝗞𝗔𝗟𝗔𝗠𝗕𝗨𝗔𝗡

Makasubo pamalandungon ang budget impasse nga nasinati karon sa Probinsya sa Davao Oriental. Hugot ang among pagtuo nga sa ulahi, ang katawhang Oriental Dabawenyos ang naalaot niini.

Kung atong huna-hunaon, nasurvive sa probinsya ang tuig 2024 ubos sa reenacted budget. Kung giunsa pag-survive ni Governor Niño Uy ug sa Kapitolyo ang milabay nga tuig luyo sa hagit sa panudlanan, kailangan gyud natong pasidunggan.

But 2025 is different as the challenges are insurmountable. Dili kayanon sa probinsya nga musagubang sa mga problema niini gamit ang budget nga wala nakonsidera ang kasamtangang hagit są panahon.

Binata ang pagpahid kang Gobernador Uy nga daw nag-alingasa lang kini tungod kay natapyasan ang confidential fund ubos sa iyang buhatan. Pero ang tuig 2024 nagpamatuod nga bisan pa man wala kini nahatag kaniya sa Sangguniang Panlalawigan, nahimong innovative ang probinsya sa iyang mga programa, hilabi na sa pagmintinar sa kalınaw ug kahapsay sa atong probinsya.

The province survived despite the legislative bullying hurled against the Chief Executive of the province. But just imagine kung kini nahatag. Daghan pa unta nga mga Oriental Dabawenyos ang makabenepisyo sa programa sa Kapitolyo.

Og kung unsa man ang rason sa SP, ilaha na to. Pero ang ordinaryong Oriental Dabawenyos dili malikayan ang pagpangutana: 𝐍𝐆𝐀𝐍𝐎𝐍𝐆 𝐁𝐀𝐁𝐀𝐆 𝐒𝐈𝐋𝐀 𝐒𝐀 𝐊𝐀𝐋𝐀𝐌𝐁𝐔𝐀𝐍 𝐒𝐀 𝐃𝐀𝐕𝐀𝐎 𝐎𝐑𝐈𝐄𝐍𝐓𝐀𝐋?

Karong 2025 na lang, pipila ka mga development-oriented projects ang ilang gitapyasan. Atong isa-isahon ug kung nganong apektado kita niini. Pipila lang kini nga sa atong tan-aw dehado ang tibuok probinsya.

𝐔𝐍𝐀, gitapyasan sa SP ang budget sa pipila ka items ubos sa 20% Development Fund. Naglangkob kini sa Local Economic Project ug Environmental Management to the tune of 8,792,000.00 ug 2,400,000.00 nga pagadumalaan sa Provincial Tourism Office.

Abi ba nato og naka-angkla ang atong development isip probinsya diha sa turismo? Pagpanimalos ba kini tungod gipasidunggan sa milabay nga tuig ang probinsya isig Best Tourism-Oriented LGU sa tibuok Pilipinas? Unsaon na lang ang sektor sa turismo nga nagsalig sa infrastructure projects aron daghang mga turista ang mubisita ug mubalik-balik sa atong probinsya?

𝐈𝐊𝐀𝐃𝐔𝐇𝐀, ang flagship infrastructure project sa probinsya nga mao ang Oplan Karsada gitapyasan pud og budget sa SP. Sa ilang proposal, natapyasan kini og 29,700,000.00 nga gamit unta sa construction, rehabilitation ug pagpa-improve sa mga karsada ug uban pang istruktura.

Kung kamo nagpungot-pungot są kapangit są estado sa inyong mga karsada diha sa barangay, angay ba ning ikalipay?

𝐈𝐊𝐀𝐓𝐔𝐋𝐎, gitapyasan usab og 140 Million Pesos ang Confidential Expenses sa Probinsya sanglit, matud nila, ang nabilin nga appropriation para niini kay nasulod pa gihapon sa limitation nga gitagana sa balaod.

Ang Confidential Expenses mao ang gasto nga may kalabotan sa mga surveillance activities sa mga civilian government agencies nga gituyo aron mosuporta sa mandato o operasyon sa ahensya. Sa atong perspektibo, gamit kini kaayo sa pagmintinar sa kalınaw sa atong probinsya, hilabi na nga insurgency-free ang atong probinsya.

Pipila lang kini sa importanteng items sa budget nga gikaltasan sa Sangguniang Panlalawigan sa Davao Oriental. 𝗔𝗻𝗴 𝗺𝗮𝗸𝗮𝘀𝘂𝗯𝗼, í𝘁 𝗵𝗶𝘁𝘀 𝘁𝗼 𝘁𝗵𝗲 𝗰𝗼𝗿𝗲 𝗼𝗳 𝗼𝘂𝗿 𝗱𝗲𝘃𝗲𝗹𝗼𝗽𝗺𝗲𝗻𝘁 𝗮𝗴𝗲𝗻𝗱𝗮: 𝘁𝗼𝘂𝗿𝗶𝘀𝗺, 𝗶𝗻𝗳𝗿𝗮𝘀𝘁𝗿𝘂𝗰𝘁𝘂𝗿𝗲 𝗮𝗻𝗱 𝗽𝗲𝗮𝗰𝗲 𝗮𝗻𝗱 𝗼𝗿𝗱𝗲𝗿.

𝗦𝗮 𝗶𝗹𝗮𝗻𝗴 𝗽𝗮𝗴𝘁𝗮𝗽𝘆𝗮𝘀 𝘀𝗮 𝗺𝗮𝗼𝗻𝗴 𝗺𝗴𝗮 𝗽𝗿𝗶𝗼𝗿𝗶𝘁𝘆 𝗮𝗴𝗲𝗻𝗱𝗮 𝘀𝗮 𝗗𝗮𝘃𝗮𝗼 𝗢𝗿𝗶𝗲𝗻𝘁𝗮𝗹, 𝗴𝗶𝘀𝗲𝗺𝗲𝗻𝘁𝗼 𝘀𝗮 𝗺𝗮𝘆𝗼𝗿𝘆𝗮 𝘀𝗮 𝗦𝗮𝗻𝗴𝗴𝘂𝗻𝗶𝗮𝗻𝗴 𝗣𝗮𝗻𝗹𝗮𝗹𝗮𝘄𝗶𝗴𝗮𝗻 𝘀𝗮 𝗽𝗿𝗼𝗯𝗶𝗻𝘀𝘆𝗮 𝗮𝗻𝗴 𝗶𝗹𝗮𝗻𝗴 𝗿𝗲𝗽𝘂𝘁𝗮𝘀𝘆𝗼𝗻 𝗶𝘀𝗶𝗽 𝗺𝗴𝗮 𝗯𝗮𝗯𝗮𝗴 𝘀𝗮 𝗸𝗮𝗹𝗮𝗺𝗯𝘂𝗮𝗻 𝘀𝗮 𝗽𝗿𝗼𝗯𝗶𝗻𝘀𝘆𝗮.We deserve better.

22/01/2025

𝐌𝐀𝐘𝐎𝐑𝐘𝐀 𝐒𝐀 𝐒𝐀𝐍𝐆𝐆𝐔𝐍𝐈𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍 𝐒𝐀 𝐃𝐀𝐕𝐀𝐎 𝐎𝐑𝐈𝐄𝐍𝐓𝐀𝐋, 𝐖𝐀𝐋𝐀𝐘 𝐒𝐄𝐍𝐒𝐄 𝐎𝐅 𝐔𝐑𝐆𝐄𝐍𝐂𝐘! 🐥🐥🐥

Hait ang deklarasyon ni Mati City Mayor Michelle Rabat kabahin sa budget sa probinsyal nga panggamhanan: “Until now, there’s no new budget because some people are playing politics. They are prioritizing their agendas over the welfare of the people.”

Dili man gyud ikalimod ang gipamulong sa mayora. Sa pagkadelatar sa budget sa probinsya, walay laing biktima niini kundili ang katawhang Oriental Dabawenyos. Dili man siguro bulok ang mga Oriental Dabawenyos nga ang tinubdan niining tanan ang maot nga pulitika sa uban.

Maong dili nato malikayan ang pagpangutana: unsa gyud ba ka-busy ang atong mga honorable nga Board Members ug ang Bise Gobernador nga kailangan pa man muabot og siyam-siyam ang pag-apruba nila sa 2025 Budget sa probinsya?

Proud nga gibalita ni Board Member Rotchie Ravelo, nga mao pud ang chairperson sa Committee on Appropriations sa Sangguniang Panlalawigan, nga December 23, 2024 pa man daw napasa sa plenaryo ang resolusyon nga nagtagana sa 2025 Budget sa probinsya.

Nasayod man sila sa kaimportante sa budget. Pero ang pangutana karon, nganong wala napadala dayon sa Executive Department ang maong resolusyon og ang detalyadong line items sa 2025 budget nga gipasa sa SP DavOr?

𝙎𝙪𝙢𝙖𝙡𝙖 𝙨𝙖 𝙖𝙩𝙤𝙣𝙜 𝙢𝙜𝙖 𝙨𝙤𝙪𝙧𝙘𝙚𝙨 𝙨𝙖 𝙎𝙖𝙣𝙜𝙜𝙪𝙣𝙞𝙖𝙣𝙜 𝙋𝙖𝙣𝙡𝙖𝙡𝙖𝙬𝙞𝙜𝙖𝙣 𝙣𝙜𝙖 𝙬𝙖𝙡𝙖 𝙣𝙖𝙥𝙪𝙙 𝙠𝙖𝙨𝙖𝙗𝙤𝙩 𝙨𝙖 𝙢𝙜𝙖 𝙥𝙖𝙣𝙜𝙝𝙞𝙩𝙖𝙗𝙤 𝙨𝙖 𝙥𝙖𝙣𝙜𝙜𝙞𝙜𝙞𝙥𝙞𝙩 𝙨𝙖 𝙞𝙡𝙖𝙣𝙜 𝙙𝙚𝙥𝙖𝙧𝙩𝙖𝙢𝙚𝙣𝙩𝙤 𝙨𝙖 𝙚𝙭𝙚𝙘𝙪𝙩𝙞𝙫𝙚 𝙙𝙚𝙥𝙖𝙧𝙩𝙢𝙚𝙣𝙩, 𝙅𝙖𝙣𝙪𝙖𝙧𝙮 9, 2025 𝙡𝙖𝙣𝙜 𝙣𝙖𝙙𝙖𝙬𝙖𝙩 𝙨𝙖 𝙋𝙧𝙤𝙫𝙞𝙣𝙘𝙞𝙖𝙡 𝙂𝙤𝙫𝙚𝙧𝙣𝙤𝙧’𝙨 𝙊𝙛𝙛𝙞𝙘𝙚 𝙖𝙣𝙜 𝙢𝙖𝙤𝙣𝙜 𝙙𝙤𝙠𝙪𝙢𝙚𝙣𝙩𝙤 𝙖𝙧𝙤𝙣 𝙢𝙖𝙧𝙚𝙫𝙞𝙚𝙬 𝙪𝙜 𝙝𝙞𝙣𝙜𝙥𝙞𝙩 𝙣𝙜𝙖 𝙢𝙖𝙥𝙞𝙧𝙢𝙖𝙝𝙖𝙣.

𝙆𝙪𝙣𝙜 𝙖𝙩𝙤𝙣𝙜 𝙞𝙝𝙖𝙥𝙤𝙣, 17 𝙠𝙖 𝙖𝙙𝙡𝙖𝙬 𝙖𝙣𝙜 𝙢𝙞𝙡𝙖𝙗𝙖𝙮 𝙝𝙪𝙢𝙖𝙣 𝙜𝙞-𝙩𝙧𝙖𝙣𝙨𝙢𝙞𝙩 𝙨𝙖 𝙎𝙋 𝘿𝙖𝙫𝙊𝙧 𝙖𝙣𝙜 𝙢𝙖𝙤𝙣𝙜 𝙙𝙤𝙠𝙪𝙢𝙚𝙣𝙩𝙤. 𝙆𝙪𝙣𝙜 𝙣𝙖𝙨𝙖𝙮𝙤𝙙 𝙨𝙞𝙡𝙖 𝙨𝙖 𝙞𝙢𝙥𝙤𝙧𝙩𝙖𝙣𝙨𝙮𝙖 𝙨𝙖 𝙗𝙪𝙙𝙜𝙚𝙩, 𝙙𝙖𝙥𝙖𝙩 𝙣𝙖𝙥𝙖𝙨𝙖 𝙙𝙖𝙮𝙤𝙣 𝙠𝙞𝙣𝙞 𝙨𝙖 𝙚𝙭𝙚𝙘𝙪𝙩𝙞𝙫𝙚 𝙙𝙚𝙥𝙖𝙧𝙩𝙢𝙚𝙣𝙩 𝙖𝙧𝙤𝙣 𝙝𝙞𝙣𝙜𝙥𝙞𝙩 𝙣𝙖 𝙣𝙜𝙖 𝙢𝙖𝙖𝙥𝙧𝙤𝙗𝙖𝙝𝙖𝙣 𝙖𝙣𝙜 𝙗𝙪𝙙𝙜𝙚𝙩 𝙨𝙖 𝙥𝙧𝙤𝙗𝙞𝙣𝙨𝙮𝙖.

Nasayod kita nga ang pagpirma niini dili mamahimong sayon. Nasayod kita sa kametikuluso sa atong gobernador busa dapat lang na reviewhon kini og tarong. Aduna bayay mga items sa gipasa nga ordinansa sa SP nga mao unta tong 2024 Budget nga gi-flag sa Department of Budget and Management tungod wala misunod sa kung unsa ang gitakda sa balaod. Makapangutana na lang ta kung kabalo ba gayud ang mga hari-hari sa SP sa ilang trabaho? Okay ra unta og sila lang ang maangin pero lakip baya tibuok probinsya.

Nagpakita lang kini sa lack of urgency sa mayorya sa atong Sangguniang Panlalawigan. Kung atong balikan, dugay nila pud natuki pud ang pag-apruba sa Annual Investment Program nga maoy basehan sa budget matag tuig.

Kung inyong kahinumduman, mas daghan pa sila og oras sa pag-imbestiga “in aid of legislation” kuno atong oil smuggling daw sa probinsya. Unsa kaha ang ordinansa nga nahimugso atong pipila ka semana nga sila nag-hearing kabahin niini? Importante ba kini kung ikumpara sa budget sa probinsya?

𝙆𝙖𝙗𝙖𝙡𝙤 𝙣𝙖 𝙢𝙖𝙣 𝙩𝙖 𝙩𝙖𝙣𝙖𝙣 𝙠𝙪𝙣𝙜 𝙣𝙜𝙖𝙣𝙤𝙣𝙜 𝙞𝙣-𝙖𝙣𝙞 𝙖𝙣𝙜 𝙙𝙖𝙜𝙖𝙣 𝙙𝙞𝙝𝙖 𝙨𝙖 𝙎𝙋. 𝙎𝙪𝙢𝙖𝙡𝙖 𝙥𝙖 𝙣𝙞 𝙈𝙖𝙮𝙤𝙧 𝙍𝙖𝙗𝙖𝙩, 𝙥𝙪𝙡𝙞𝙩𝙞𝙠𝙖 𝙧𝙖 𝙣𝙞 𝙩𝙖𝙣𝙖𝙣. 𝙆𝙖𝙩𝙖𝙬-𝙖𝙣𝙖𝙣 𝙡𝙖𝙣𝙜 𝙠𝙖𝙮 𝙜𝙞𝙣𝙖-𝙙𝙚𝙣𝙮 𝙠𝙞𝙣𝙞 𝙨𝙖 𝙞𝙡𝙖𝙣𝙜 𝙠𝙖𝙢𝙥𝙤 𝙠𝙖𝙮 𝙨𝙪𝙢𝙖𝙡𝙖 𝙥𝙖 𝙣𝙞𝙡𝙖, 𝙝𝙪𝙢𝙖𝙣𝙖 𝙣𝙖 𝙨𝙞𝙡𝙖 𝙨𝙖 𝙞𝙡𝙖𝙣𝙜 𝙩𝙧𝙖𝙗𝙖𝙝𝙤.

Let’s give it to them. Pero sa kadagko sa ilang sweldo og sa kadaghan sa ilang oras, intawon, wala gyud silay sense of urgency. Nganong miabot man nga December 23 na nila napasa ang budget ordinance sa probinsya?

Ngano kaha? Your guess is as good as Mayor Rabat’s: DIRTY POLITICS…to the prejudice of the people.

𝗔𝗻𝗴 𝗽𝗮𝗻𝗴𝘂𝘁𝗮𝗻𝗮 𝗸𝗮𝗿𝗼𝗻: 𝗱𝗲𝘀𝗲𝗿𝘃𝗲 𝗯𝗮 𝗻𝗮𝘁𝗼 𝗻𝗶𝗻𝗴 𝗶𝗻-𝗶𝗻𝗶 𝗻𝗴𝗮 𝗺𝗴𝗮 𝗹𝗶𝗱𝗲𝗿𝗲𝘀?

𝗔𝘁𝗼𝗻𝗴 𝗶𝗽𝗮𝗹𝗮𝗻𝗼𝗴 𝗮𝗻𝗴 𝗮𝘁𝗼𝗻𝗴 𝘁𝘂𝗯𝗮𝗴 𝗽𝗶𝗻𝗮𝗮𝗴𝗶 𝘀𝗮 𝗯𝗮𝗹𝗼𝘁𝗮 𝗸𝗮𝗿𝗼𝗻𝗴 𝗠𝗮𝘆𝗼 𝟭𝟮 𝗯𝗲𝗰𝗮𝘂𝘀𝗲 𝘂𝗻𝗱𝗲𝗻𝗶𝗮𝗯𝗹𝘆, 𝗗𝗔𝗩𝗔𝗢 𝗢𝗥𝗜𝗘𝗡𝗧𝗔𝗟 𝗗𝗘𝗦𝗘𝗥𝗩𝗘𝗦 𝗕𝗘𝗧𝗧𝗘𝗥, 𝗻𝗼𝘁 𝘁𝗵𝗲 𝗯𝗮𝗿𝗲 𝗺𝗶𝗻𝗶𝗺𝘂𝗺.

21/01/2025

𝗚𝗢𝗩𝗘𝗥𝗡𝗢𝗥 𝗡𝗜Ñ𝗢 𝗨𝗬: 𝗕𝗜𝗞𝗧𝗜𝗠𝗔 𝗦𝗔 𝗟𝗘𝗚𝗜𝗦𝗟𝗔𝗧𝗜𝗩𝗘 𝗕𝗨𝗟𝗟𝗬𝗜𝗡𝗚
𝘼 𝙋𝙊𝙇𝙄𝙏𝙄𝘾𝘼𝙇 𝙊𝘽𝙎𝙀𝙍𝙑𝘼𝙏𝙄𝙊𝙉

Nag-alingasa karon ang social media ang isyu kabahin sa budget sa tibuok probinsya. Kini tungod kay hangtod karon, dili pa pirmado ang Appropriation Ordinance nga nagtagana sa budget sa Davao Oriental para sa tuig 2025.

Kini na ang ikaduhang tuig nga reenacted ang budget sa probinsya kung dili gyud hingpit nga mapirmahan ang maong ordinansa. Daghan ang naka-obserba sa pattern nga daw murag pagdaog-daog sa mayorya sa Sangguniang Panlalawigan kang Governor Niño Uy sukad paglingkod niini isip gobernador sa probinsya.

Ang mga kritiko, o diba kaha ang mga binayran aron daoton ang administrasyon ni GNU, nag-ingon nga the governor has no one to blame but himself. Sigun nila, huyang kuno ang pagkatao sa gobernador tungod wala niini nahatagan og kasulbaran ang maong problema sa ikaduhang tuig. Gamit ang pinulungan sa mga kabatan-onan, weak kuno si GNU.

Kataw-anan ang maong mga kritisismo kung sumahon. Kay sa mga panghitabo karon sa probinsya diin daw nagsumpaki ang executive ug legislative branch, nahagbong nga ang mga kontra-partido sa gobernador na man hinuon ang angay nga tawagon og weak.

Weak ba ang tawag sa leader nga gipatawag sa usa ka meeting ang mga Board Members aron han-ayon ang budget sumala sa kung unsa ang yangungo sa mga Board Members alang sa ilang mga personal nga mga interes?

Weak ba ang tawag sa leader nga human ang gentlemen’s agreement human ang maong pulong daw murag itoy nga gipaasa sa mga Board Members sa hangyo ni GNU nga pasaron ang budget nga dili alanganin sa panahon?

Weak ba ang leader nga ginaseguro nga kada sentimo sa budget dapat busision aron masiguro lang nga ang kwarta sa katawhan magamit sa sakto ug dili mausik-usikan?

Kung sa bagay, ampay gyud sa mga feeling powerful nga i-target ang mga weak sa ilang panan-aw. GNU is an easy target for them, they suppose. But they are mistaken.

Sa milabay nga katuigan diin nahimong Gobernador sa probinsya si GNU, atong napamatud-an nga dili sya usa ka weak leader. He may be devoid of theatrics, and even more so of guns, goons, and gold, but it is undeniable that GNU delivered for the province he dearly loved.

If that is the definition for weakness, what a crazy world we are in. Kay bisan pa man gipilayan siya pinaagi sa paghikaw kaniya sa iyang hangyo nga sakto nga budget alang sa probinsya, wala kini nahimong babag sa iyang administrasyon nga padayon nga mualagad sa mga Oriental Dabawenyos.

Luyo sa pagdaog-daog sa mga daw gamhanan diha sa hawanan sa SP DavOr, tataw ang mga nabuhat ni GNU: pagpaduol sa gobyerno sa katawhan, pagpanghatag og ayuda nga walay pagpangilkil ug walay pili, pagpakusog sa lokal nga ekonomiya ug turismo, pagpalapad sa impastraktura, ug pag-hatag bili sa social services.

Partida mga higala, reenacted budget pa gani na. Kung nakig-uyon lang unta ang tanan, hayahay unta ang paminsar sa mga labing nanginahanglang Oriental Dabawenyos.

Pero unsaon ta man, the powerful cannot stomach being led by what they perceived as weak. Ang wala nila naamgo, it is not really Governor Uy that suffered tungod ani ilang political grandstanding. Kita nga mga Oriental Dabawenyos ang tinuud nga biktima.

This leads to the quintessential question: Kinsa man gyud ang gipaboran sa tatlong bibe, este, sa mayorya sa SP DavOr?

Nagatuo kita sa sistema sa checks and balances sa gobyerno. Importante kana para sa atong demokrasya. Pero diri sa Davao Oriental, what our honorables are doing isn’t one within the purview of checks and balances. It’s purely legislative bullying.

Sadly, GNU is not the victim alone. Kita tanan biktima niini.

11/10/2024

𝗨𝗻𝘀𝗮 𝗮𝗻𝗴 𝗴𝗶𝗻𝗮𝗯𝘂𝗵𝗮𝘁 𝘀𝗮 𝗮𝘁𝗼𝗻𝗴 𝗵𝗮𝗹𝗮𝗻𝗴𝗱𝗼𝗻𝗴 𝗞𝗼𝗻𝗴𝗿𝗲𝘀𝗶𝘀𝘁𝗮 𝘀𝗮 𝗗𝗶𝘀𝘁𝗿𝗶𝘁𝗼 𝗨𝗻𝗼 𝗻𝗴𝗮 𝘀𝗶 𝗛𝗼𝗻. 𝗡𝗲𝗹𝘀𝗼𝗻 𝗗𝗮𝘆𝗮𝗻𝗴𝗵𝗶𝗿𝗮𝗻𝗴 𝗻𝗴𝗮 𝗻𝗮𝗻𝗴𝗮𝗺𝗼𝘁𝗲 𝗺𝗮𝗻 𝗸𝗶𝗻𝗶 𝘀𝗮 𝗽𝗲𝗿𝗳𝗼𝗿𝗺𝗮𝗻𝗰𝗲 𝗸𝘂𝗻𝗴 𝗶𝗸𝘂𝗺𝗽𝗮𝗿𝗮 𝘀𝗮 𝗶𝘆𝗮𝗻𝗴 𝗺𝗴𝗮 𝗸𝗮𝘂𝗯𝗮𝗻𝗮𝗻 𝗻𝗴𝗮 𝗸𝗼𝗻𝗴𝗿𝗲𝘀𝗶𝘀𝘁𝗮 𝘀𝗮 𝗗𝗮𝘃𝗮𝗼 𝗥𝗲𝗴𝗶𝗼𝗻?

Sa gipagula nga resulta sa Boses ng Bayan job performance assessment sa RPMD Foundation, bagsak ang nahimong grado ni Congressman Dayanghirang nga nakakuha lang og 72.9%. Kung sa eskwelahan pa kini, ATSA o FAILING GRADE ang grado sa atong kongresista. Wala man lang naka-tungtong sa passing grade nga 75% ang iyang grado. Ang kinatibuk-ang probinsya dili mamahimong proud nga musyagit og “KANATO INI!” kay bagsak ang atong kongresista sa Davao Region, labaw na sa tibuok Pilipinas.

Kahibulungan nga murag wala ginaseryoso sa kongresista ang iyang trabaho isip magbabalaod. Nagpamatuod lang kini sa lebel sa dedikasyon sa atong kongresista nga kung unta gigamit lang niya ang panahon og sakto isip kongresista, daghan untang mga balaodnon ang iyang naduso sa Kongreso nga makabenepisyo ang mga Oriental Dabawenyos.

Sa pagpetiks-petiks ni Congressman Dayanghirang, nahimong biktima dili lang ang iyahang distrito apan ang tibuok Davao Oriental. Usa niini ang resolusyon nga gi-file sa Kongresista kabahin sa pag-imbestiga sa problema sa brownout sa probinsya nga hangtod karon natulog lang gihapon sa Committee on Energy sa Kongreso.

Sa pikas bahin, layo ra kaayo ang performance rating nga nakuha ni Governor Niño Uy sa susamang Boses ng Bayan report sa RPMD alang sa mga gobernador. Si Governor Niño Uy consistent nga usa sa Top Perfoming Governors sa TIBUOK PILIPINAS sa duha na ka mga magkasunod nga tuig.

Diri pa lang, makita na nato ang daw langit-lupa nga diperensya sa dedikasyon sa duha ka mga lideres sa atong probinsya.

Sa 11 ka kongresista sa Davao Region pa lang, kulelat na si Cong. Dayanghirang. Unsa na lang kaha ang ranggo niini sa tibuok Pilipinas?

Sa 82 ka gobernador sa tibuok Pilipinas, Top 7 si Governor Niño Uy. Kuyaw!

Sa ulahi, ang katawhang Oriental Dabawenyo ang maghukom kung kinsa ang gusto niini nga maghupot sa gahum sa probinsya.

Didto ba ta sa nangamote, o sa hilom lang nga nagatrabaho apan giila isip usa sa mga top-performing governors sa Pilipinas?

07/10/2024

BREAKING: Kanhing Presidente Rodrigo Duterte, mifile na sa iyang Certificate of Candidacy isip Mayor sa Syudad sa Davao

07/10/2024

TAN-AWA: Kanhi presidente Rodrigo Duterte miabot sa Comelec Davao District Office sa hapon karong Lunes, Oktubre 7, 2024.

Gipahibalo ni Duterte niadtong weekend nga plano niyang modagan pag-usab isip mayor sa Davao City.

02/10/2024

TAN-AWA: Pamilya Duterte, pinanguluhan ni kanhing Presidente Digong Duterte, nag-bonding. Unsa kaha ang ilang gihisgutan?

DavOr Miscellanews

07/03/2025

05/03/2025

17/02/2025

23/01/2025

22/01/2025

21/01/2025

11/10/2024

07/10/2024

07/10/2024

02/10/2024

Address

Website

Alerts

Shortcuts

Share

Category

Listing takedown request