14/01/2026
Kapag pumasok ka sa TBS o sa anumang samahan lagi mong bitbit ang pangalan nito saan ka man magpunta. yan ang isa sa mga unang paalala na ibinibigay namin sa mga gustong pumasok sa TBS. Dahil ang pangalan na dala mo ay hindi lang sa’yo dahil nakakabit na rito ang pangalan ng samahan na pinasok mo
at hindi rin naman porket kasalanan ng isa ay kasalanan na ng lahat. walang tinuturong mali ang kapatiran lahat kami rito ang tanging hangad ay pag angat ng lahat at pag tulong sa kapwa.
Hindi maiiwasan na may mga taong taliwas ang pag iisip mga miyembrong hindi nasunod sa mga alituntunin at batas na itinakda ng samahan. Dahil dito, nadadamay at napapasama ang pangalan ng marami.
hindi ba’t ganito rin sa ibang aspeto ng buhay? marami ang palaging nagsisimba, ngunit hindi rin lahat ay perpekto may ilan pang mas masama ang asal kaysa sa mga taong walang aral ng salita ng diyos
Ganoon din sa loob ng kapatiran. May mga taong hindi na aktibo at ginagawang yabang nalang ang pagiging miyembro, at lumilihis sa tamang landas. ngunit hindi ibig sabihin nito na ang lahat ng TBS ay ganon na, o puro kasamaan na ang tinuturo sa kanila ng samahan.
hindi nag kokonsinte ng mali ang samahan meron kami ritong Disciplinary action na ginagawa, upang maituwid ang mali at kung hindi na kaya mag bago pa ay may jump out inaalis na sa samahan upang mawalan ng anay na sisira dito.
Oo, maaaring marami kayong nakikitang mali sa amin. ngunit mas marami pa rin sa amin ang taimtim na naghahangad ng kaayusan, kapayapaan, at tunay na serbisyo sa kapwa at sa lugar na aming nasasakupan.
Magkakaiba ang bawat tao. Magkakaiba ang bawat hood, kahit iisa ang pangalan na dala. Kaya sana, huwag natin lahatin. Huwag nating husgahan ang buong samahan batay sa pagkakamali ng iilan.
Saludo sa lahat ng TBS na ang tunay na hangad ay kapayapaan, pagkakaisa, at mabuting gawain para sa bayan 🤎
