Kensington 17 Homeowners Association

16/08/2026

25/06/2026

𝗔𝗻𝗼 𝗮𝗻𝗴 𝗹𝗮𝗺𝗮𝗻 𝗻𝗴 𝗶𝘆𝗼𝗻𝗴 𝗩𝗼𝘁𝗲𝗿’𝘀 𝗖𝗲𝗿𝘁𝗶𝗳𝗶𝗰𝗮𝘁𝗶𝗼𝗻? 🤔

Kung kumuha ka o nagbabalak kumuha ng Voter’s Certification, ito ang anim (6) na mahahalagang impormasyong opisyal na nakatala sa iyong record:

📄 Precinct Number (o Polling Place kung saan ka boboto).

📄 Buong Pangalan – para sa opisyal mong pagkakakilanlan bilang botante.

📄 Kasalukuyang Tirahan – ang address na rehistrado sa COMELEC.

📄 Petsa ng Kapanganakan – patunay ng iyong edad at legal na kwalipikasyon.

📄 Katayuan – ang kumpirmasyon kung ikaw ay isang "Active Voter."

💡 Paalala: Ang dokumentong ito ay maaari ding gamitin bilang valid ID sa iba't ibang transaksyon!

23/06/2026

📢 𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬

Mahigpit na ipatutupad ang 𝗟𝗜𝗤𝗨𝗢𝗥 𝗕𝗔𝗡 sa buong 𝗟𝘂𝗻𝗴𝘀𝗼𝗱 𝗻𝗴 𝗚𝗲𝗻𝗲𝗿𝗮𝗹 𝗧𝗿𝗶𝗮𝘀 simula 𝟭𝟮:𝟬𝟬 𝗻𝗴 𝗵𝗮𝘁𝗶𝗻𝗴𝗴𝗮𝗯𝗶 (𝗝𝘂𝗻𝗲 𝟮𝟰) hanggang 𝟭𝟮:𝟬𝟬 𝗻𝗴 𝘁𝗮𝗻𝗴𝗵𝗮𝗹𝗶 (𝗝𝘂𝗻𝗲 𝟮𝟰, 𝟮𝟬𝟮𝟲) bilang bahagi ng pagdiriwang ng 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗝𝘂𝗮𝗻.

Bawal ang pagdadala, pagbebenta, at pag-inom ng alak sa nasabing oras.

Makikiisa po tayo para sa ligtas at maayos na pagdiriwang.

19/06/2026

‎📢 𝐑𝐄𝐆𝐔𝐋𝐀𝐓𝐄𝐃 𝐁𝐀𝐒𝐀𝐀𝐍 𝐒𝐀 𝐆𝐄𝐍𝐓𝐑𝐈
‎City Ordinance No. 26-54 (Special)
‎
‎Bilang bahagi ng pagdiriwang ng 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐉𝐮𝐚𝐧, ipinatutupad ng City Government of General Trias ang Regulated Basaan Ordinance upang matiyak na ang tradisyunal na basaan ay maisagawa nang ligtas, maayos, at may paggalang sa bawat isa.
‎
‎Alinsunod sa ordinansa, pinapayagan lamang ang basaan 𝐦𝐮𝐥𝐚 𝟖:𝟎𝟎 𝐀𝐌 𝐡𝐚𝐧𝐠𝐠𝐚𝐧𝐠 𝟏𝟏:𝟑𝟎 𝐀𝐌 bilang bahagi ng Karakol ni San Juan, at tanging mga kalahok ng Karakol lamang ang maaaring makilahok sa basaan.
‎
Sa pagdiriwang ng Kapistahan ni San Juan, sama-sama nating panatilihing masaya at ligtas ang tradisyon ng basaan. Maging maingat, igalang ang kapwa, at makiisa sa pagpapanatili ng kaayusan upang maging ligtas at masaya ang selebrasyon sa Lungsod ng General Trias. 💚

Tingnan ang mga alituntunin sa ibaba at maging gabay sa pagdiriwang ngayong darating na June 24.

19/06/2026

ℹ️ 𝗠𝗮𝗴𝗸𝗮𝗶𝗯𝗮 𝗮𝗻𝗴 𝗘𝘀𝘁𝗮𝘁𝗲 𝗧𝗮𝘅 𝗮𝘁 𝗥𝗲𝗮𝗹 𝗣𝗿𝗼𝗽𝗲𝗿𝘁𝘆 𝗧𝗮𝘅 (𝗔𝗺𝗶𝗹𝘆𝗮𝗿)

Madalas nating nakikitang pinagkakamalan ng mga tao na iisa lang ang dalawang buwis na ito. Pero ang totoo, magkaiba sila.

🏡 𝗔𝗻𝗼 𝗮𝗻𝗴 𝗥𝗲𝗮𝗹 𝗣𝗿𝗼𝗽𝗲𝗿𝘁𝘆 𝗧𝗮𝘅 (𝗔𝗺𝗶𝗹𝘆𝗮𝗿)?

Ang 𝘢𝘮𝘪𝘭𝘺𝘢𝘳 ay buwis na kinokolekta ng iyong lungsod o munisipalidad bawat taon dahil lamang may pagmamay-ari kang real property. Sa ilalim ng Local Government Code, ang rate nito ay 1% ng assessed value sa mga probinsya at 2% naman sa Metro Manila.

Ang pagbabayad nito ay nagpapanatili ng maayos mong rekord sa iyong LGU.

💀 𝗔𝗻𝗼 𝗮𝗻𝗴 𝗘𝘀𝘁𝗮𝘁𝗲 𝗧𝗮𝘅?

Ang estate tax ay ibang klase ng buwis. Isa itong 𝘯𝘢𝘵𝘪𝘰𝘯𝘢𝘭 tax na pinangangasiwaan ng 𝘉𝘐𝘙, hindi ng iyong LGU. Sa ilalim ng TRAIN Law, may nakapirming 6% na buwis sa 𝘯𝘦𝘵 estate (kabuuang halaga ng mga ari-arian bawas ang mga pinapayagang deductions) ng isang taong namatay.

Hindi tulad ng amilyar, ang estate tax ay 𝘩𝘪𝘯𝘥𝘪 taunang binabayaran. Isa lamang itong obligasyon na kailangang bayaran kapag namatay ang may-ari ng ari-arian. At saklaw nito ang 𝘭𝘢𝘩𝘢𝘵 ng uri ng ari-arian — real estate, bank accounts, sasakyan, at mga investment.

⚠️ 𝗔𝗻𝗴 𝗞𝗮𝗹𝗶𝘁𝘂𝗵𝗮𝗻 𝗡𝗮 𝗡𝗮𝗴𝗽𝗮𝗽𝗮𝗵𝗶𝗿𝗮𝗽 𝗦𝗮 𝗣𝗮𝗴𝗹𝗶𝗽𝗮𝘁 𝗡𝗴 𝗧𝗶𝘁𝘂𝗹𝗼

Maraming pamilya ang nag-aakalang dahil matagal na silang nagbabayad ng amilyar, ayos na ang lahat ng buwis na may kinalaman sa ari-arian. Hindi iyon totoo.

Magkahiwalay na 𝘭𝘦𝘨𝘢𝘭 obligations ang estate tax at amilyar. Ang isa ay kinokolekta ng LGU; ang isa naman ay kinokolekta ng BIR. Ang pagbabayad ng isa ay hindi nangangahulugang hindi mo na kailangang bayaran ang isa pa.

🔑 𝗔𝗻𝗼 𝗮𝗻𝗴 𝗠𝗮𝗻𝗴𝘆𝗮𝘆𝗮𝗿𝗶 𝗞𝗮𝗽𝗮𝗴 𝗛𝗶𝗻𝗱𝗶 𝗡𝗮𝗯𝗮𝘆𝗮𝗿𝗮𝗻 𝗮𝗻𝗴 𝗘𝘀𝘁𝗮𝘁𝗲 𝗧𝗮𝘅?

Mananatili ang titulo sa pangalan ng namatay nang 𝘸𝘢𝘭𝘢𝘯𝘨 takdang panahon. Para mailipat ito, kailangan munang bayaran ng mga tagapagmana ang estate tax sa BIR at kumuha ng 𝘦𝘊𝘈𝘙 (electronic Certificate Authorizing Registration). Kapag walang eCAR, walang paglilipat ng titulo.

At kung huli nang maisasaayos ang estate settlement, mabigat ang mga multa: may 25% surcharge para sa late filing, dagdag pa ang 12% taunang interes — bukod pa sa mismong buwis na dapat bayaran.

Dalawang buwis. Dalawang magkaibang ahensya. Dalawang ganap na magkaibang layunin. Huwag hayaang ang pagkalito sa mga ito ang maging dahilan para mahirapan ang iyong mga tagapagmana na makuha ang kanilang mana.

📋 𝗥𝗲𝗳𝗲𝗿𝗲𝗻𝗰𝗲𝘀
• National Internal Revenue Code (NIRC), as amended by RA 10963 (TRAIN Law), Sections 84–86
• Republic Act 7160, Local Government Code of 1991, Sections 199 and 232

👉 Follow Phil. Property Expert for more discussions like this.

21/05/2026

Pag-IBIG Fund is hiring!

Explore career opportunities in Pag-IBIG Fund. Baka ito na ang Pag-IBIG para sa 'yo! ❤️